ทิน เต่ย โต้ว 13
13
อับลาม เหธา โล้ด ปุน ฆอย
1อับลาม ต้อ เจี๊ยน นิ่น เญย เอ๊า เหธา นิ่น ม่าย เญย หญู่งๆ กะน้าย ธ้วด อียิบ เต่ย-ปูง มี่ง เถา เนเกบ. โล้ด หย่า เหธา เจี๊ยน นิ่น มี่ง. 2อับลาม ปุ๊ด ฒ่อย ไห่, ม่าย แซง-คู้, ม่าย เจียม, ม่าย ญ่าน ธั้ม ไห่.
3นิ่น เยียม เนเกบ, เหยียด คัง ซุ้ย เจี๋ย เหยียด คัง, มี่ง เถา เบดเอน ฒี่ง, แอ๋ง หฑวน เถา เบดเอน เหธา ไอ ฒี่ง บุด๋ง, 4ต้ง ฒิ่น ด่าง ธอง ด๊บ-ลิ่ว หย่า เหธย เจี์ย เหฒี่ย-ต้อง วั้ว นอม ต๋อง. อับลาม แอ๋ง เยียม วั้ว ก๊อง ธ้วด เฒี้ยว เญย บั๋ว หฒั่ง เฒี้ยว.
5โล้ด กัน เจี๊ยน อับลาม มี่ง. นิ่น หย่า ม่าย ปะกี ยู่ง ม่าย ยู่ง กวั้น, ม่าย ง่ง กวั้น, ม่าย นิ่น กั้น เญย ฮมวั้ง ต่อย เหธา โปว.#13:5 ฮิบลู หว่า ก๊อง ม่าย ด๊บ-ลิ่ว. เอ๋ย เล์ย เซ “ม่าย นิ่น กั้น เญย เมี่ยน ธั้ม”. 6เยียม วั้ว นอม ต๋อง เญย เดา ไม้ จั๊ง, ไม้ เก๋า นิ่น บัว อี เต้า เยียม. อี เต้า ฒู้ง ม่าย แซง-คู้ ธั้ม ไห่. จวั่ง เจี๊ยน เยียม ไม้ เหฌี่ย. 7อับลาม เญย โก๋ว แซง-คู้ โปว เหธา โล้ด เญย โก๋ว แซง-คู้ โปว ฯฒฯ ตะเฮ้า อ๊ะ. (วั้ว หฒั่น คานาอัน เมี่ยน เหธา เปลิดซี เมี่ยน หธ่อ เยียม เจี๊ยน วั้ว นอม เต่ย-ปูง.)
8อับลาม ฯฒฯ ก๊อง บั๋ว โล้ด, “บัว ไม้ ตู๋ง ตะเฮ้า. บัว เญย โก๋ว แซง-คู้ โปว หย่า ไม้ ตู๋ง ตะเฮ้า เหว่ย หฒุ บัว เซ เธียน เญย. 9เดา เหยียด ฒู้ง เยียม เม่ย วั้ว ด่าง แหมง. บัว อ๋อย หฒุ ปุน ฆอย ต่อย เยียม. สี ก๊อง เม่ย มี่ง หฒาย ปูง, เยีย ฯฒฯ มี่ง บย่าว ปูง. สี ก๊อง เม่ย มี่ง บย่าว ปูง, เยีย ฯฒฯ มี่ง หฒาย ปูง.”
10โล้ด เธา เฮมียน สัม หมั่ง, ปวัด จอแดน ห่อง เญย เดา-แป้ง, ธ้วด โสอา ฒี่ง วั้ว ปูง, ม่าย ววม-ซุ้ย หลง ฮนั้ง เฒี้ยว เญย หฮวีง#13:10 เฒี้ยว เญย หฮวีง ก๊อง หฒุ เอเดน หฮวีง.#ทิน เต่ย โต้ว 2:8,10 หย่า ฮนั้ง อียิบ เต่ย-ปูง นอ. (วั้ว หฒั่น เฒี้ยว ไม้ แก้ง เหมียด โสโดม เหธา โกโมลา ฒี่ง.) 11โล้ด ฯฒฯ กิ๊น จอแดน ห่อง เญย เดา-แป้ง เหยียด ฒู้ง เป๋น นิ่น เญย ป่วน, ฯฒฯ ธ้วด เจ๊า ยั่ง ตง ปูง มี่ง. นิ่น บัว อี แป๊ะ-ฟุน ฯฒฯ ปุน ฆอย ต่อย หมี่ อ๊ะ. 12อับลาม หธ่อ เยียม คานาอัน เต่ย-ปูง. โล้ด แอ๊ะ, เยียม จอแดน ห่อง เญย เดา-แป้ง เญย ฒี่ง หย่า ธอง นิ่น เญย ด๊บ-ลิ่ว นิด โสโดม. 13โสโดม เมี่ยน หว่าย ไห่, ป์าม ฒุ์ย ต่อง เฒี้ยว ธั้ม.
อับลาม ซุ้ย มี่ง เยียม เฮโบโลน
14โล้ด เหธา อับลาม ปุน ฆอย ต่อย ลิ์ว, เฒี้ยว บั๋ว อับลาม, “เธา เฮมียน หมั่ง ก๋า ตง น่าม ไฟ ป๊ะ, ตะฟ่าน เม่ย เยียม น้าย หมั่ง ปวัด เญย ต๋อง. 15เยีย ปุน เหฑ่ง เม่ย เหธา เม่ย เญย เฒ้ย-ฟุน เหยียด ลิ์ว เยียม.#กง-โฒ่ 7:5; กาลาเทีย 3:16 16เยีย อ๋อย ปุน เม่ย เญย เฒ้ย-ฟุน หฮยาง ต้าย ฮนั้ง เนีย-บูง นอ ธั้ม. หาย เต้า ไฮ่ ซ้าว ตุ๊ เหฑ่ง เนีย-บูง หธีง ต้าย ไฮ่ ซ้าว ตุ๊ เหฑ่ง เม่ย เญย เฒ้ย-ฟุน. 17เม่ย มี่ง อ๊ะ. มี่ง โย่ว เฒว่ย ด๊าว เฒว่ย จั๊ง หมั่ง ก๋อม เหฑ่ง น้าย นอม เต่ย-ปูง เหว่ย หฒุ เยีย อ๋อย จิว ปุน เม่ย.”
18อับลาม ฯฒฯ ซุ้ย นิ่น เญย ด๊บ-ลิ่ว มี่ง ธอง เจี๊ยน เยียม เฮโบโลน ห่อง นิด มัมเล เญย ต้ม บะอง เฒวย เดี๋ยง-หล่ม. เยียม วั้ว นิ่น แอ๋ง เหธย นอม เหฒี่ย-ต้อง หฒั่ง เฒี้ยว.
Zvasarudzwa nguva ino
ทิน เต่ย โต้ว 13: IuMiTH
Sarudza vhesi
Pakurirana nevamwe
Yenzanisa
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Mien Bible (Thai Script) © Thailand Bible Society, 2007