Забур 146

146

Тарихдани тӀебиатда Аллагьдин зурбавал

1Тариф ая Реббидин!

Вуч хъсан я манидалди

тариф авун чи Аллагьдин,

вуч хъсан я ширин ва кутугай тариф авунин.

2Ярусалим эхцигзава Реббиди,

кӀватӀ хъийизва Исраилдин суьргуьнар.

3Ада дири хъийизва рикӀер ханвайбур,

абурун хирер кутӀунзава,

4гьисаб ийизва гъетерин кьадар,

тӀварар гузва абуруз вирибуруз.

5Чи Агъа чӀехи я ва къудрат авайди я,

Адан акьулдиз чидач сергьятар.

6Умундаз куьмек гузва Реббиди,

небгет гьалчзава чилел.

7Шукур авуналди мани лагь Реббидиз,

кинур ягъ чи Аллагьдиз.

8Ада цав кӀевзава циферив,

чил патал марф гьазурзава,

дагъларал векьив экъечӀиз тазва,

9недайди гузва гьайванриз

ва гьарайзавай шарагриз кӀвагъран.

10Ам балкӀандин къуватдал туш шад жезвайди,

я аскеррин кӀвачеринни зирингвилел,

11майилзава Реббиди кичӀебуруз Вичикай,

умуд кутазвайбуруз Вичин регьимдик.

Zvasarudzwa nguva ino

Забур 146: ЛезПК

Sarudza vhesi

Pakurirana nevamwe

Sarudza zvinyorwa izvi

Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda

Mavhesi emuBhaibheri Ane Mukurumbira kubva kuna
Забур 146