Matiu 22
22
1Yeezu yaa ŋman magsi wamagsini a sak nuru boanni ayen, 2<<Wen naamu a nye se ka naab waai nidoabinni ale faari nipok ate wa yaa gomsi ayen wa wi nuruba ate ba jam wa yenni a dɛ ŋandiinta la. 3Wa yaa tom wa tomteerɔma ayen ba nyiem a wi nuruba ate ba jam, alege ba an jam a yaali ayen ba jam.
4<<Wa yaa ŋman wi wa tomteerɔma gela a weeni ba ayen, <Ni cheŋ ga weeni nuruma ayen, ti nyɔnɔwa ŋandiin kpientaŋa a gomsi nueri kama. Wa luk wa naakpiemaŋa ale pakpiemaŋa a ko a dik ayen wa te ni. Dila nyiŋ ni pii nyiŋ a jam.> Wa yaa tom ba ate ba cheŋ. 5Alege nuru baai ate naawa a wi ayen ba jam la, niŋ a jam ka ale dii ate wa ta la. M wa jam cheŋ ka wa talim. M wa mɛ a cheŋ geruŋ. 6Baai ale jam tali la, yaa yik naawa tomteerɔma a nak ko. 7Naawa ale wom dii ate ba nye wa nuruma la, wa sui yaa jam a puuri nna yegayega ate wa yaa tom wa tugurik tɔŋdɔma ate ba cheŋ nuruma tɛŋka. Ba le ga paari dula jigini la, ba yaa yik nuru baai ale ko naawa tomteerɔma la a ko ale ju ba tɛŋka meena ale bolim a kaasi. 8Tugurik tɔŋdɔma ale jam bo suiku po a cheŋ la, naawa yaa ŋman wi tomteerɔ paalisa ate ba jam wa jigi ate wa yaa weeni ba ayen, <Ŋandiin kpien tii ate mi a basi ate ba digi la a magsi dɛka kama, alege nuru baai ate mi wi la, an magsi ti dɛka. 9Ni nyini cheŋ suik kpientaŋa po a wi waai meena ate nama a nya dula jigini la a ta jam ate ba dɛ ŋandiintaŋa.> 10Wa tomteerɔma yaa nyini a cheŋ suik kpientaŋa po a wi waai meena ate ba nya dula la. Nuru maŋsa ale nuru baata yaa jam tigsi chaab a sueri naawa yenni.
11<<Naawa yaa jo juijui ate ba boro la ayen wa nya ba. Wa yaa nya nuru wanyi ale wa an jo garuk maŋsa. 12Naawa yaa weeni wa ayen, <M doa, ka boa ale soa ate fi jo kala dɔkku de po alege fi an jo garuk maŋsa?> Wa le bek wa dila la, nuruwa yaa jam kala a ka wari a tulisi. 13Naawa yaa cheem weeni wa tomteerɔma ayen, <Ni yik nuruwa de a bobi wa naŋsaŋa ale wa nisaŋa a ta wa nyini a yuk basi legini po. Dula jigini wa le kum nna yegayega abe wa a ŋɔbi wa nyinaŋa.> 14Wen a wi nuruba yegayega ayen ba jam wa jigi, alege wa lueri ka ba maga la.>>
15Farisiima yaa basi wa ale nyini. Ba yaa zɔk ayen ba choa wa nɔi a nya ase wa le weeni wari a kaasi ya, ate ba nya suik a ko wa. 16Ba yaa tom ba ŋaaŋviirɔma ale Ayerod nuruma po gela wa jigi. Ba yaa weeni wa ayen, <<Ti sagrɔ, ti seba ayen fi ka wensie nyɔnɔ ale a sak Wen suiku ale wensie. Fi niŋ a ka dii meena ate nuruba a biisi fi wie la po. Fi kan chali yɔgsum ale waai meena ale nuru kpienta mɛ nimbie po. 17Ti dan tuni ti lampoowa a te ti naab kpioŋku Siiza, kula a nala yaa ku an nala? Ti tuni yaa ti kan tuni?>> 18Yeezu poom seba ayen ba a yaali kama ayen ba choa wa nɔi a wom, ate wa yaa weeni ba ayen, <<Nama ka sakpaŋ zula nyam. Ka boa ale soa ate ni a paasi mu? 19Ni te mu ligra ŋaai ate ni pai a tuni lampoowa la ate m nya.>> Ba yaa ta dinyi a jam te wa. 20Yeezu yaa bek ba ayen, <<Ka wana zuk ale wa yuei ale dua ligni nyiŋŋa?>> 21Ba yaa weeni wa ayen, <<Ka Siiza zuk ale wa yuei ale dua di zuk.>> Yeezu yaa weeni ba ayen, <<Ni pai ŋan baai ate Siiza a soa la a te wa, abe ni pai ŋan baai mɛ ate Wen a soa la a te Wen.>> 22Ba ale wom dila la, ku yaa cha ba, ate ba yaa basi wa ale ge cheŋ.
23Dai dila danni dek Sajusiiba yaa jam Yeezu jigi. Bala a jam ka siaka ayen nuruba a dan kpi, ba ale ŋman yiti kum po. 24Ba yaa weeni wa ayen, <<Ti sagrɔ, Moosis a sak ti Wen gbaŋka po ayen, <Nuru waai a dan faari nipok ate ba an biak ale chaaba alege ate wa chorɔwa a kpi, tama a basi kama ate wa suok a faari nipowa a biak bisa a te wa ate wa yuenni kan bɛ.>#22:24 Teerika 25:5 25Nuruba bayopɔi ale jam boro, ate ba meena yaa chim ma yeŋ ale ko yeŋ bisa. Kpagni yaa faari nipok. Wa le wa powa an jam biak ale chaab a nyaya, ale ge ate nidoawa a kpi. Waai ale ŋman pai saŋ la yaa faari wa mɔwa powa ale ge ba mɛ an jam biak nyaya ale ge ate wa mɛ a kpi. 26Ba meena bayopɔiwa a faari nipok wala kama a taam tu. 27Nidoama bayopɔiwa meena ale kpi la, ku an jam beniya ate nipowa mɛ yaa kpi. 28Yɔgyɔgla, da dii dai ate nuruba meena ayen ba yiti kum po la, nuruba bayopɔiwa de meena ale faari nipowa de a nya la, ka ba wana ale wa soa wa?>>
29Yeezu yaa weeni ba ayen, <<Ni zɛ Wen gbaŋka po wieŋa nalimnyiini. Ka dila ale soa ate ni bɛ ni suiku ale diem zɛ Wen pagrimu mɛ la. 30Da dii danni ate nuru meena a yiti kum po la, nipooba faarika a kan boro. Ba meena ale jam a nye ase ka Wen maarɔma baai ale bo wenŋmazuk la. 31Nama a dan kan ta siaka ayen nuruba ale yiti kum po, ku a sak kama ayen nama an karim Wen gbaŋka po wieŋa a miŋ ku kiri juijui ate Wen a weeni ayen, 32<Mi ka Abrayam Wenni ale Aizik Wenni ale Jekob Wenni la.> (Nyinika 3:6) Wa daa kpieba Wen ya, alege wa ka ŋanvuta Wen.>> 33Nuru boanni ale wom dii ate wa boro a sak ba la, ku yaa cha ba nna yegayega.
34Farisiima ale wom ayen Yeezu biika a masa gaam Sajusiima biika la, ba yaa tigsi chaab jam Yeezu jigi. 35Ba wanyi, waai ale jam seba Moosis Sinsaŋŋa nalimnyiini la, yaa jam ayen wa choa Yeezu nɔi a nya ale bega. 36Wa yaa bek wa ayen, <<M sagrɔ, ka Moosis Sinsaŋŋa po di dina ale gaam ŋa meena?>> 37Yeezu yaa weeni wa ayen, <<Yaali Naawen fi Wenni ale fi suinum meena ale fi chiik meena ale fi popola meena. (Teerika 6:5) 38Sinsaŋŋa de ale gaam ŋa meena. 39Sinsak ŋaai ale ŋman pai saŋ la ale nna, Yaali fi vaanchoa ase fi ale a yaali fidek diila. (Kaabka 19:18) 40Sinsak ŋaai meena ate Wen weeni Moosis la ale Wen Biisiteerɔma meena sinsaŋŋa a nyini ka sinsaŋŋa de ŋayewa po.>>
41Farisiima yaa ale ŋman tigsi chaab, Yeezu yaa bek ba ayen, 42<<Nama a poli ayen Kirisitawa, ka wana? Ka wana nidoabili yaa?>> Ba yaa weeni wa ayen, <<Wa ka Deevid nidoabili.>>
43Yeezu yaa ŋman bek ba ayen, <<Ku dan ka dila, ka boa ale soa ate Wen Chiika a basi Deevid ayen wa a wi Kirisitawa ayen wa Naawen? Ba ŋmarisi Wen gbaŋka po ayen Deevid weeni ayen, 44Naawen a weeni mi Nyɔnɔwa ayen, <Kali m juga nisa geŋ a ta cheena diipo ate m le basi ate fi nya pagrim fi dachaasaŋa zuk.> (Yiila 110:1) 45Ase Deevid dek a dan wi Kirisitawa ayen, <Nyɔnɔ>, wa nye ka sɛ a ŋman baga a chim Deevid nidoabili?>> 46Nuru waai jam karo a baga a tulisi Yeezu. A nyini da dila danni a ta a cheŋ, nuru waai an ŋman jam bek Yeezu bega.
Zvasarudzwa nguva ino
Matiu 22: BWU
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2023, Ghana Institute of Linguistics, Literacy and Bible Translation
Matiu 22
22
1Yeezu yaa ŋman magsi wamagsini a sak nuru boanni ayen, 2<<Wen naamu a nye se ka naab waai nidoabinni ale faari nipok ate wa yaa gomsi ayen wa wi nuruba ate ba jam wa yenni a dɛ ŋandiinta la. 3Wa yaa tom wa tomteerɔma ayen ba nyiem a wi nuruba ate ba jam, alege ba an jam a yaali ayen ba jam.
4<<Wa yaa ŋman wi wa tomteerɔma gela a weeni ba ayen, <Ni cheŋ ga weeni nuruma ayen, ti nyɔnɔwa ŋandiin kpientaŋa a gomsi nueri kama. Wa luk wa naakpiemaŋa ale pakpiemaŋa a ko a dik ayen wa te ni. Dila nyiŋ ni pii nyiŋ a jam.> Wa yaa tom ba ate ba cheŋ. 5Alege nuru baai ate naawa a wi ayen ba jam la, niŋ a jam ka ale dii ate wa ta la. M wa jam cheŋ ka wa talim. M wa mɛ a cheŋ geruŋ. 6Baai ale jam tali la, yaa yik naawa tomteerɔma a nak ko. 7Naawa ale wom dii ate ba nye wa nuruma la, wa sui yaa jam a puuri nna yegayega ate wa yaa tom wa tugurik tɔŋdɔma ate ba cheŋ nuruma tɛŋka. Ba le ga paari dula jigini la, ba yaa yik nuru baai ale ko naawa tomteerɔma la a ko ale ju ba tɛŋka meena ale bolim a kaasi. 8Tugurik tɔŋdɔma ale jam bo suiku po a cheŋ la, naawa yaa ŋman wi tomteerɔ paalisa ate ba jam wa jigi ate wa yaa weeni ba ayen, <Ŋandiin kpien tii ate mi a basi ate ba digi la a magsi dɛka kama, alege nuru baai ate mi wi la, an magsi ti dɛka. 9Ni nyini cheŋ suik kpientaŋa po a wi waai meena ate nama a nya dula jigini la a ta jam ate ba dɛ ŋandiintaŋa.> 10Wa tomteerɔma yaa nyini a cheŋ suik kpientaŋa po a wi waai meena ate ba nya dula la. Nuru maŋsa ale nuru baata yaa jam tigsi chaab a sueri naawa yenni.
11<<Naawa yaa jo juijui ate ba boro la ayen wa nya ba. Wa yaa nya nuru wanyi ale wa an jo garuk maŋsa. 12Naawa yaa weeni wa ayen, <M doa, ka boa ale soa ate fi jo kala dɔkku de po alege fi an jo garuk maŋsa?> Wa le bek wa dila la, nuruwa yaa jam kala a ka wari a tulisi. 13Naawa yaa cheem weeni wa tomteerɔma ayen, <Ni yik nuruwa de a bobi wa naŋsaŋa ale wa nisaŋa a ta wa nyini a yuk basi legini po. Dula jigini wa le kum nna yegayega abe wa a ŋɔbi wa nyinaŋa.> 14Wen a wi nuruba yegayega ayen ba jam wa jigi, alege wa lueri ka ba maga la.>>
15Farisiima yaa basi wa ale nyini. Ba yaa zɔk ayen ba choa wa nɔi a nya ase wa le weeni wari a kaasi ya, ate ba nya suik a ko wa. 16Ba yaa tom ba ŋaaŋviirɔma ale Ayerod nuruma po gela wa jigi. Ba yaa weeni wa ayen, <<Ti sagrɔ, ti seba ayen fi ka wensie nyɔnɔ ale a sak Wen suiku ale wensie. Fi niŋ a ka dii meena ate nuruba a biisi fi wie la po. Fi kan chali yɔgsum ale waai meena ale nuru kpienta mɛ nimbie po. 17Ti dan tuni ti lampoowa a te ti naab kpioŋku Siiza, kula a nala yaa ku an nala? Ti tuni yaa ti kan tuni?>> 18Yeezu poom seba ayen ba a yaali kama ayen ba choa wa nɔi a wom, ate wa yaa weeni ba ayen, <<Nama ka sakpaŋ zula nyam. Ka boa ale soa ate ni a paasi mu? 19Ni te mu ligra ŋaai ate ni pai a tuni lampoowa la ate m nya.>> Ba yaa ta dinyi a jam te wa. 20Yeezu yaa bek ba ayen, <<Ka wana zuk ale wa yuei ale dua ligni nyiŋŋa?>> 21Ba yaa weeni wa ayen, <<Ka Siiza zuk ale wa yuei ale dua di zuk.>> Yeezu yaa weeni ba ayen, <<Ni pai ŋan baai ate Siiza a soa la a te wa, abe ni pai ŋan baai mɛ ate Wen a soa la a te Wen.>> 22Ba ale wom dila la, ku yaa cha ba, ate ba yaa basi wa ale ge cheŋ.
23Dai dila danni dek Sajusiiba yaa jam Yeezu jigi. Bala a jam ka siaka ayen nuruba a dan kpi, ba ale ŋman yiti kum po. 24Ba yaa weeni wa ayen, <<Ti sagrɔ, Moosis a sak ti Wen gbaŋka po ayen, <Nuru waai a dan faari nipok ate ba an biak ale chaaba alege ate wa chorɔwa a kpi, tama a basi kama ate wa suok a faari nipowa a biak bisa a te wa ate wa yuenni kan bɛ.>#22:24 Teerika 25:5 25Nuruba bayopɔi ale jam boro, ate ba meena yaa chim ma yeŋ ale ko yeŋ bisa. Kpagni yaa faari nipok. Wa le wa powa an jam biak ale chaab a nyaya, ale ge ate nidoawa a kpi. Waai ale ŋman pai saŋ la yaa faari wa mɔwa powa ale ge ba mɛ an jam biak nyaya ale ge ate wa mɛ a kpi. 26Ba meena bayopɔiwa a faari nipok wala kama a taam tu. 27Nidoama bayopɔiwa meena ale kpi la, ku an jam beniya ate nipowa mɛ yaa kpi. 28Yɔgyɔgla, da dii dai ate nuruba meena ayen ba yiti kum po la, nuruba bayopɔiwa de meena ale faari nipowa de a nya la, ka ba wana ale wa soa wa?>>
29Yeezu yaa weeni ba ayen, <<Ni zɛ Wen gbaŋka po wieŋa nalimnyiini. Ka dila ale soa ate ni bɛ ni suiku ale diem zɛ Wen pagrimu mɛ la. 30Da dii danni ate nuru meena a yiti kum po la, nipooba faarika a kan boro. Ba meena ale jam a nye ase ka Wen maarɔma baai ale bo wenŋmazuk la. 31Nama a dan kan ta siaka ayen nuruba ale yiti kum po, ku a sak kama ayen nama an karim Wen gbaŋka po wieŋa a miŋ ku kiri juijui ate Wen a weeni ayen, 32<Mi ka Abrayam Wenni ale Aizik Wenni ale Jekob Wenni la.> (Nyinika 3:6) Wa daa kpieba Wen ya, alege wa ka ŋanvuta Wen.>> 33Nuru boanni ale wom dii ate wa boro a sak ba la, ku yaa cha ba nna yegayega.
34Farisiima ale wom ayen Yeezu biika a masa gaam Sajusiima biika la, ba yaa tigsi chaab jam Yeezu jigi. 35Ba wanyi, waai ale jam seba Moosis Sinsaŋŋa nalimnyiini la, yaa jam ayen wa choa Yeezu nɔi a nya ale bega. 36Wa yaa bek wa ayen, <<M sagrɔ, ka Moosis Sinsaŋŋa po di dina ale gaam ŋa meena?>> 37Yeezu yaa weeni wa ayen, <<Yaali Naawen fi Wenni ale fi suinum meena ale fi chiik meena ale fi popola meena. (Teerika 6:5) 38Sinsaŋŋa de ale gaam ŋa meena. 39Sinsak ŋaai ale ŋman pai saŋ la ale nna, Yaali fi vaanchoa ase fi ale a yaali fidek diila. (Kaabka 19:18) 40Sinsak ŋaai meena ate Wen weeni Moosis la ale Wen Biisiteerɔma meena sinsaŋŋa a nyini ka sinsaŋŋa de ŋayewa po.>>
41Farisiima yaa ale ŋman tigsi chaab, Yeezu yaa bek ba ayen, 42<<Nama a poli ayen Kirisitawa, ka wana? Ka wana nidoabili yaa?>> Ba yaa weeni wa ayen, <<Wa ka Deevid nidoabili.>>
43Yeezu yaa ŋman bek ba ayen, <<Ku dan ka dila, ka boa ale soa ate Wen Chiika a basi Deevid ayen wa a wi Kirisitawa ayen wa Naawen? Ba ŋmarisi Wen gbaŋka po ayen Deevid weeni ayen, 44Naawen a weeni mi Nyɔnɔwa ayen, <Kali m juga nisa geŋ a ta cheena diipo ate m le basi ate fi nya pagrim fi dachaasaŋa zuk.> (Yiila 110:1) 45Ase Deevid dek a dan wi Kirisitawa ayen, <Nyɔnɔ>, wa nye ka sɛ a ŋman baga a chim Deevid nidoabili?>> 46Nuru waai jam karo a baga a tulisi Yeezu. A nyini da dila danni a ta a cheŋ, nuru waai an ŋman jam bek Yeezu bega.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2023, Ghana Institute of Linguistics, Literacy and Bible Translation