Matiu 20
20
1<<Wen naamu a nye ase ka tɛŋ nyɔnɔ la. Saluik yokyokwa wa yaa yiti a gisi nuruba ayen ba kpa wa kaduk po a te wa. 2Wa yaa le nya ba la, wa yaa weeni ba ayen ba dan kpa ate wenni a siŋ, wa le tuni ba dai dila danni ligraŋa. Ba ale siak la, wa yaa ta ba a cheŋ wa kadukka po. 3Wenni ale jueli maga, wa yaa cheŋ yabaŋa po a ga nya nuruba gela ale ba za. 4Wa yaa weeni ba ayen, <Ni dan cheŋ ka mi kadukka po a ga kpa a te mi nna m ti a tuni ni ka dii ale a magsi la.> Ba yaa siak a cheŋ. 5Wenbinni ale ga jueli wenzuk suŋsuŋ la, ale ŋman gbeli la, wa yaa ŋman basi ate kpaarɔba gela a cheŋ wa kadukka po a ga gum mbala po. 6Wenbinni ale moata siŋka la, wa ŋman cheŋ yabaŋa po a ga nya nuruba ale ba za. Wa yaa bek ba ayen, <Ka boa ate nama kasim za denna danni meena?> 7Ba yaa weeni wa ayen, <Nuru karo a te ti tuini ayen ti tom.> Wa yaa ŋman weeni ba ayen, <Nama mɛ a cheŋ m kadukka po a ga kpa.>
8<<Wenbinni ale siŋ la, kadukka nyɔnɔwa yaa cheŋ wa kadukka po a ga weeni kpaarɔma kpagni ayen, <Wi kpaarɔma meena ate ba jam.> Wa yaa pai ligraŋa a te kpagni ayen wa tuni ba, ale weeni wa ayen, <Piilim a tuni baai ale wari ŋaaŋ a jam la abe fi ge a tuni baai ale liŋ a jam la ŋaaŋnyiŋ.> 9Dula jigini kpagni yaa tuni baai ale poom jam ale wenni a moata siŋka la, dai dila danni meena ligraŋa. 10Kpagni ale boro a tuni baai ale liŋ dɛ niŋ a jam la, ba yaa poli ayen ba ligraŋa ale gaam baai ale jam ŋaaŋnyiŋ la ligraŋa kama, alege kpagni a tuni ba mɛ ka dai dila danni meena ligraŋa. 11Wa ale ga tuni ba ba ligraŋa a nueri la, ba yaa ŋuuni ale tɛŋka nyɔnɔwa. 12Kpaarɔma po wanyi yaa jam weeni wa ayen, <Nuru baai ate fi basi ate ba wari ŋaaŋ a jam la, bala an kpa ate ku beniya. Tama a kpa kama ale kantueŋka ate wenni a ga siŋ, alege ate fi a tuni tama ale ba a soa ase chaab la.> 13<<Wa yaa weeni kpaarɔwa ayen, <M doa, goori a wom mi. Mi an gebi ni ligra a basiya, dii nyiŋla mi ale nama a siak kama ayen m tuni ni dai yeŋ tutuna. 14Dila nyiŋ ni ta ni ligraŋa a kuli. M dek ale a yaali ayen m tuni baai ale wari ŋaaŋ a jam la me dai yeŋ tutuna. 15M ka suik a nye m dek ale a yaali diila ale m ligraŋa? Mi ale tuni nuruma de ligraŋa a gaam dii ate ba kpa la, nyiŋ ale soa ate nama a dɛ nyunni ale ba.> 16Baai ale bo ŋaaŋ la, bala ale ba taam niŋ, alege ate baai ale dɛ niŋ la mɛ, a ŋman taam ŋaaŋ.>>#20:1-16 Nya fotowa, 1 Nalima 21:1.
17Yeezu ale wa ŋaaŋviirɔma pi ale bayewa ale jam bo suiku po a cheŋ Jerusalem tɛŋka la, wa yaa weeni ba badek ba nyiini ayen, 18<<Ni nya, ti a cheŋ ka Jerusalem tɛŋka. Ti dan paari dula jigini, nuruba ale yik Mi Saalɔbiika a ta mu a ga nyo kaabteerɔ kpaŋŋa ale Sinsak sagrɔma nisima po. Bala ale bo mi kum buusa. 19Abe ba ta mu a ga nyo baai ale kan daa Juuba la nisima po. Ba le nye mu a la, abe ba nak mu abe ba yaa ko mu, alege daa ŋata dai Wen ale basi ate m yiti kum po.>>
20Da ŋala po Zebedi powa yaa jam Yeezu jigi ale wa nidoabilisaŋa bayewa yaa kpi duna tɛŋ Yeezu niŋ a saalim wa ayen wa nye wari a te wa. 21Wa yaa bek wa ayen, <<Fi a yaali ayen m nye ka boa a te fu?>> Wa yaa weeni wa ayen, <<Fi Naamu dɛka danni a dan paari, be pɛ ale mi ayen m nidoabilisaŋa bayewa le jam a kali fi tɛŋ ate wanyi a bo fi juga abe nwala mɛ a bo fi gala.>> 22Alege Yeezu yaa tulisi ayen, <<Nama zɛ dii ate ni a bek la. Ni ale baga a nyu beerik kaai ate mi ale nyu laa yaase so kaai ate mi ale so laa?>> Wa nidoabilisaŋa yaa weeni ayen, <<Mm, ti le baga.>> 23Yeezu yaa weeni ba ayen, <<Wensie ninam buui ate mi ayen m nam la, nama mɛ ale nam, alege m juŋŋa ale m galaŋa kalika jigini, mi Kowa ale wa lueri nuru baai ale ba kali dula la. Daa mi ale magsi ayen m lueri.>>
24Wa ŋaaŋviirɔma piwa ale wom la, ba sue yaa puuri nna yegayega ale mbala bayewa. 25Yeezu yaa tigsi ba meena chaab a weeni ba ayen, <<Ni seba ku le ka dii ale baai ale kan daa Juuba la. Baai ale a wi badek ayen nalima la, ba soa ka ba tɛŋka demma ale a sak ba pagrim. Ba kpaŋŋa mɛ a sak ba pagrim kama. 26Alege ku an magsi ayen ku chim dila nama jigiya. Nuru waai a dan a yaali ayen wa chim nama kpagi, ku a fɛ ate wa chim ni meena tomteerɔ. 27Nuru waai a daa a yaali ayen wa chim nama kpagi, ku a fɛ ate wa chim nama yɔma. 28Mi Saalɔbiika an jam ayen ka nuruba a tom a te mu alege ka m tom a te nuruba. M jam ayen m tom a te ka tɛŋka meena demma abe m kpi a tuesi ba a basi.>>
29Yeezu ale wa ŋaaŋviirɔma ale a cheŋ Jeriko tɛŋka la, ate nuru boari yegayega a va wa. 30Ba ale jam a nyini tɛŋka po a nyini la, yeeba baye a yaa jam kala suiku nakpiak nyiŋ. Ba ale wom ayen Yeezu a va dula jigini a taam la, ba yaa kaari a wi wa ayen, <<Ti Nyɔnɔ, Deevid Nidoabinni, ta jiirim ale ti abe fi maari ti.>> 31Nuru boanni yaa weeni ba ayen ba goori ba wanni, alege ba zɛri ale a kaari nna yegayega a gaam ba le poom a kaari diila ale ŋman wi wa ayen, <<Ti Nyɔnɔ, Deevid Nidoabinni, ta jiirim ale ti.>> 32Yeezu yaa zaani a wi ba ate ba jam wa jigi ate wa yaa bek ba ayen, <<Nama a yaali ayen m nye ka boa a te ni?>> 33Ba yaa weeni wa ayen, <<Ti Nyɔnɔ, tama a yaali kama ayen fi nye ate ti ninaŋa a lagri a te ti ate ti baga a nya.>> 34Yeezu jiirim yaa jam bo ale ba ate wa yaa pai wa nisaŋa a tiri ba ninaŋa ate ŋa deri lagri ate ba va wa.
Zvasarudzwa nguva ino
Matiu 20: BWU
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2023, Ghana Institute of Linguistics, Literacy and Bible Translation
Matiu 20
20
1<<Wen naamu a nye ase ka tɛŋ nyɔnɔ la. Saluik yokyokwa wa yaa yiti a gisi nuruba ayen ba kpa wa kaduk po a te wa. 2Wa yaa le nya ba la, wa yaa weeni ba ayen ba dan kpa ate wenni a siŋ, wa le tuni ba dai dila danni ligraŋa. Ba ale siak la, wa yaa ta ba a cheŋ wa kadukka po. 3Wenni ale jueli maga, wa yaa cheŋ yabaŋa po a ga nya nuruba gela ale ba za. 4Wa yaa weeni ba ayen, <Ni dan cheŋ ka mi kadukka po a ga kpa a te mi nna m ti a tuni ni ka dii ale a magsi la.> Ba yaa siak a cheŋ. 5Wenbinni ale ga jueli wenzuk suŋsuŋ la, ale ŋman gbeli la, wa yaa ŋman basi ate kpaarɔba gela a cheŋ wa kadukka po a ga gum mbala po. 6Wenbinni ale moata siŋka la, wa ŋman cheŋ yabaŋa po a ga nya nuruba ale ba za. Wa yaa bek ba ayen, <Ka boa ate nama kasim za denna danni meena?> 7Ba yaa weeni wa ayen, <Nuru karo a te ti tuini ayen ti tom.> Wa yaa ŋman weeni ba ayen, <Nama mɛ a cheŋ m kadukka po a ga kpa.>
8<<Wenbinni ale siŋ la, kadukka nyɔnɔwa yaa cheŋ wa kadukka po a ga weeni kpaarɔma kpagni ayen, <Wi kpaarɔma meena ate ba jam.> Wa yaa pai ligraŋa a te kpagni ayen wa tuni ba, ale weeni wa ayen, <Piilim a tuni baai ale wari ŋaaŋ a jam la abe fi ge a tuni baai ale liŋ a jam la ŋaaŋnyiŋ.> 9Dula jigini kpagni yaa tuni baai ale poom jam ale wenni a moata siŋka la, dai dila danni meena ligraŋa. 10Kpagni ale boro a tuni baai ale liŋ dɛ niŋ a jam la, ba yaa poli ayen ba ligraŋa ale gaam baai ale jam ŋaaŋnyiŋ la ligraŋa kama, alege kpagni a tuni ba mɛ ka dai dila danni meena ligraŋa. 11Wa ale ga tuni ba ba ligraŋa a nueri la, ba yaa ŋuuni ale tɛŋka nyɔnɔwa. 12Kpaarɔma po wanyi yaa jam weeni wa ayen, <Nuru baai ate fi basi ate ba wari ŋaaŋ a jam la, bala an kpa ate ku beniya. Tama a kpa kama ale kantueŋka ate wenni a ga siŋ, alege ate fi a tuni tama ale ba a soa ase chaab la.> 13<<Wa yaa weeni kpaarɔwa ayen, <M doa, goori a wom mi. Mi an gebi ni ligra a basiya, dii nyiŋla mi ale nama a siak kama ayen m tuni ni dai yeŋ tutuna. 14Dila nyiŋ ni ta ni ligraŋa a kuli. M dek ale a yaali ayen m tuni baai ale wari ŋaaŋ a jam la me dai yeŋ tutuna. 15M ka suik a nye m dek ale a yaali diila ale m ligraŋa? Mi ale tuni nuruma de ligraŋa a gaam dii ate ba kpa la, nyiŋ ale soa ate nama a dɛ nyunni ale ba.> 16Baai ale bo ŋaaŋ la, bala ale ba taam niŋ, alege ate baai ale dɛ niŋ la mɛ, a ŋman taam ŋaaŋ.>>#20:1-16 Nya fotowa, 1 Nalima 21:1.
17Yeezu ale wa ŋaaŋviirɔma pi ale bayewa ale jam bo suiku po a cheŋ Jerusalem tɛŋka la, wa yaa weeni ba badek ba nyiini ayen, 18<<Ni nya, ti a cheŋ ka Jerusalem tɛŋka. Ti dan paari dula jigini, nuruba ale yik Mi Saalɔbiika a ta mu a ga nyo kaabteerɔ kpaŋŋa ale Sinsak sagrɔma nisima po. Bala ale bo mi kum buusa. 19Abe ba ta mu a ga nyo baai ale kan daa Juuba la nisima po. Ba le nye mu a la, abe ba nak mu abe ba yaa ko mu, alege daa ŋata dai Wen ale basi ate m yiti kum po.>>
20Da ŋala po Zebedi powa yaa jam Yeezu jigi ale wa nidoabilisaŋa bayewa yaa kpi duna tɛŋ Yeezu niŋ a saalim wa ayen wa nye wari a te wa. 21Wa yaa bek wa ayen, <<Fi a yaali ayen m nye ka boa a te fu?>> Wa yaa weeni wa ayen, <<Fi Naamu dɛka danni a dan paari, be pɛ ale mi ayen m nidoabilisaŋa bayewa le jam a kali fi tɛŋ ate wanyi a bo fi juga abe nwala mɛ a bo fi gala.>> 22Alege Yeezu yaa tulisi ayen, <<Nama zɛ dii ate ni a bek la. Ni ale baga a nyu beerik kaai ate mi ale nyu laa yaase so kaai ate mi ale so laa?>> Wa nidoabilisaŋa yaa weeni ayen, <<Mm, ti le baga.>> 23Yeezu yaa weeni ba ayen, <<Wensie ninam buui ate mi ayen m nam la, nama mɛ ale nam, alege m juŋŋa ale m galaŋa kalika jigini, mi Kowa ale wa lueri nuru baai ale ba kali dula la. Daa mi ale magsi ayen m lueri.>>
24Wa ŋaaŋviirɔma piwa ale wom la, ba sue yaa puuri nna yegayega ale mbala bayewa. 25Yeezu yaa tigsi ba meena chaab a weeni ba ayen, <<Ni seba ku le ka dii ale baai ale kan daa Juuba la. Baai ale a wi badek ayen nalima la, ba soa ka ba tɛŋka demma ale a sak ba pagrim. Ba kpaŋŋa mɛ a sak ba pagrim kama. 26Alege ku an magsi ayen ku chim dila nama jigiya. Nuru waai a dan a yaali ayen wa chim nama kpagi, ku a fɛ ate wa chim ni meena tomteerɔ. 27Nuru waai a daa a yaali ayen wa chim nama kpagi, ku a fɛ ate wa chim nama yɔma. 28Mi Saalɔbiika an jam ayen ka nuruba a tom a te mu alege ka m tom a te nuruba. M jam ayen m tom a te ka tɛŋka meena demma abe m kpi a tuesi ba a basi.>>
29Yeezu ale wa ŋaaŋviirɔma ale a cheŋ Jeriko tɛŋka la, ate nuru boari yegayega a va wa. 30Ba ale jam a nyini tɛŋka po a nyini la, yeeba baye a yaa jam kala suiku nakpiak nyiŋ. Ba ale wom ayen Yeezu a va dula jigini a taam la, ba yaa kaari a wi wa ayen, <<Ti Nyɔnɔ, Deevid Nidoabinni, ta jiirim ale ti abe fi maari ti.>> 31Nuru boanni yaa weeni ba ayen ba goori ba wanni, alege ba zɛri ale a kaari nna yegayega a gaam ba le poom a kaari diila ale ŋman wi wa ayen, <<Ti Nyɔnɔ, Deevid Nidoabinni, ta jiirim ale ti.>> 32Yeezu yaa zaani a wi ba ate ba jam wa jigi ate wa yaa bek ba ayen, <<Nama a yaali ayen m nye ka boa a te ni?>> 33Ba yaa weeni wa ayen, <<Ti Nyɔnɔ, tama a yaali kama ayen fi nye ate ti ninaŋa a lagri a te ti ate ti baga a nya.>> 34Yeezu jiirim yaa jam bo ale ba ate wa yaa pai wa nisaŋa a tiri ba ninaŋa ate ŋa deri lagri ate ba va wa.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2023, Ghana Institute of Linguistics, Literacy and Bible Translation