ಲೂಕ 21
21
ಒರ್ ವಿದವೆರ ಕಾಣಿಕೆ
(ಮಾರ್ಕ 12.41–44)
1ಯೇಸು ಚೆನ್ನ ಅಪ್ಪರ ನೋಟುವಕ, ಪಣಕಾರಂಗ ದೇವಾಲಯತ್‍ರ ಬಂಡಾರ ಪೊಟ್ಟಿಲ್ ದುಂಬ ದುಡ್ಡ್ ಇಟ್ಟದ್‍ನ ಕಂಡತ್. 2ಅದ್ಂಡ ಪಿಂಞ ಒರ್ ಗರೀಬತಿಯಾನ ವಿದವೆ ದಂಡ್ ತಾಂಬ್ರ ದುಡ್ಡ್‌ನ ಅಲ್ಲಿ ಇಟ್ಟತ್.
3ಯೇಸು ಅಲ್ಲಿ ಉಳ್ಳಯಿಂಗಕ್: ಈ ಗರೀಬತಿಯಾನ ವಿದವೆ ಬೋರೆ ಎಲ್ಲಾಗಿಂಜ ದುಂಬ ಇಟ್ಟತ್‍ೕಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ. 4ಬೋರೆಯಿಂಗೆಲ್ಲಾ ಅಯಿಂಗಡ ದುಂಬ್‍ನ ಐಶ್ವರ್ಯತ್ಂಜ ಕಾಣಿಕೆ ಕೊಡ್‍ತತ್, ಆಚೇಂಗಿ ಈ ವಿದವೆ ತಾಂಡ ಬಡತನತ್‌ಂಜ ಅವಕ್ ಬದ್‍ಕ್‍ವಕ್ ಉಳ್ಳ ಎಲ್ಲಾನ ಇಟ್ಟತ್‍ೕಂದ್ ಎಣ್ಣ್‌ಚಿ.
ಕಡೆ ಕಾಲತ್‍ರ ಎಚ್ಚರಿಕೆ
(ಮತ್ತಾಯ 24.1,2; ಮಾರ್ಕ 13.1,2)
5ಅಂವೊಂಡ ಚೆನ್ನ ಶಿಷ್ಯಂಗ, ಬೆಲೆಯುಳ್ಳ ಕಲ್ಲ್ ಪಿಂಞ ದೇವಕ್ ಅರ್ಪಿಚಿಟ್ಟ ಕಾಣಿಕೆರಗುಂಡ್ ದೇವಾಲಯತ್‍ನ ಚಾಯಿತೆ ಅಲಂಗಾರ ಮಾಡಿತುಳ್ಳದ್‍ನ ನೋಟಿತ್ ಅದ್ಂಡ ವಿಷಯತ್ ತಕ್ಕ್ ಪರ್ಂದತ್. 6ಆಚೇಂಗಿ ಯೇಸು ಅಯಿಂಗಕ್, ನಿಂಗ ಕಾಂಬ ಈ ದೇವಾಲಯತ್‍ಲ್, ಒರ್ ಕಲ್ಲ್‌ರ ಮೇಲೆ ಇಂಞೊರ್ ಕಲ್ಲ್ ಇಲ್ಲತನೆಕೆ ಇದ್‍ನೆಲ್ಲ ನಾಶ ಆಯಿಪೋಪ ಕಾಲ ಬಪ್ಪಾಂದ್ ಯೇಸು ಅಯಿಂಗಕ್ ವಿವರಿಚಿಟ್ಟತ್.
ಕಷ್ಟ ಪಿಂಞ ಹಿಂಸೆ
(ಮತ್ತಾಯ 24.3–14; ಮಾರ್ಕ 13.3–13)
7ಅದ್ಂಗ್ ಅಯಿಂಗ: ಉಪಾದ್ಯ, ಇದೆಲ್ಲಾ ಎಕ್ಕ ಆಪ? ಅನ್ನನೆ ಬಪ್ಪಕುಳ್ಳ ದಿವಸಕ್ ಗುರ್‌ತ್ ಎಂ‍ತಾಂದ್ ಕ್‍ೕಟತ್.
8ಯೇಸು ಅಯಿಂಗಕ್: ನಿಂಗಳ ದಾರೂ ವಂಚನೆ ಮಾಡತನೆಕೆ ಕಾಪಾಡಿಯೊಳಿ, ಎನ್ನಂಗೆಣ್ಣ್‌ಚೇಂಗಿ ದುಂಬ ಜನ ನಾಡ ಪೆದತ್‍ಲ್ ಬಂದಿತ್, ನಾನೇ ಕ್ರಿಸ್ತ, ಕಡೆ ಕಾಲ ಬಾತ್‍ೕಂದ್ ಎಣ್ಣುವ, ಅಯಿಂಗಡ ಬಯ್ಯ ಪೋಕತಿ. 9ಯುದ್ದತ್‍ರ ಪಿಂಞ ಕಲಹತ್‍ರ ಸುದ್ದಿನೆಲ್ಲ ಕ್‍ೕಪಂಜಿ ಬೊತ್ತತಿ, ಇದೆಲ್ಲ ಮಿಂಞಲೇ ಆಕಂಡು; ಆಚೇಂಗಿಯು ಅದ್ ಅಂತ್ಯ ಕಾಲವಾಯಿತ್‌ಪ್ಪುಲೆ. 10ಜನಕ್ ವಿರೋದವಾಯಿತ್ ಜನಳು, ರಾಜ್ಯಕ್ ವಿರೋದವಾಯಿತ್ ರಾಜ್ಯವು ಯುದ್ದ ಮಾಡ್‌ವ; 11ದುಂಬ ಜಾಗತ್‍ಲ್ ಬಲ್ಯ ಬೂಕಂಪ ಆಯಂಡಿಪ್ಪ, ಬರಗಾಲ ಬಪ್ಪ, ಪಬ್ಬ್‌ವ ಕಾಯಿಲ ಬಪ್ಪ, ಬಾನತ್ಂಜ ಬಯಂಕರವಾನ ಘಟನೆ ಪಿಂಞ ಬಲ್ಯ ಗುರ್‍ತ್‍ನ ಕಾಂಬಿರ. 12ಇದೆಲ್ಲ ಆಪಕಿಂಜ ಮಿಂಞ, ಈ ಲೋಕತ್‍ರ ಜನ ನನ್ನಗುಂಡ್ ನಿಂಗಳ ಪುಡ್‌ಚಿತ್, ನೊಂಬಲ ಮಾಡಿತ್, ಜೈಲ್‍ಲ್ ಇಟ್ಟಿತ್ ನಿಂಗಳ ತೀರ್ಪ್ ಮಾಡ್‌ವಕಾಯಿತ್ ಸಬಾಮಂದಿರಕ್ ಬಲ್‍ಚಂಡ್ ಪೋಪ. ಅದಲ್ಲತೆ ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ, ಕೊಂಡ್ ಬಂದಿತ್ ನಿಪ್ಪ್‌ಚಿಡುವ. 13ಆಚೇಂಗಿಯು, ಇದ್ ನಿಂಗ ಅಯಿಂಗಕ್ ನಾಡ ವಿಷಯ ಎಣ್ಣ್‌ವಕುಳ್ಳ ಸಮಯವಾಯಿತ್‌ಪ್ಪ. 14ಆನಗುಂಡ್, ಎಂತ ಉತ್ತರ ಕೊಡ್‍ಕಂಡೂಂದ್ ಬೇಜಾರ್ ಮಾಡತೆ ಇಪ್ಪಕ್ ನಿಂಗಡ ಮನಸ್ಸ್‌ನ ತಯಾರ್ ಮಾಡಿಯೊಳಿ. 15ನಿಂಗಕ್ ವಿರೋದ ಮಾಡ್‌ವ ಒಬ್ಬನು, ನಿಂಗಕ್ ತಿರಿತ್ ತಕ್ಕ್ ಪರಿಯುವಕು, ಎದಿಕೆ ನಿಪ್ಪಕು ಕಯ್ಯತ ತಕ್ಕ್ ಪಿಂಞ ಜ್ಞಾನತ್‍ನ ನಾನ್ ನಿಂಗಕ್ ತಪ್ಪಿ. 16ನೀಡ ಅಪ್ಪವ್ವಂಗ, ಅಣ್ಣತಮ್ಮಣಂಗ, ನಿಂಗಡ ಬೆಂದ್‌ಕ, ನಿಂಗಡ ಸ್ನೇಹಿತಂಗಳೇ ನಿಂಗಳ ನಿಂಗಕ್ ವಿರೋದವಾಯಿತ್ ಉಳ್ಳಯಿಂಗಡ ಪಕ್ಕ ಒಪ್ಪ್‌ಚಿಡುವ. ನಿಂಗಡಲ್ಲಿ ಚೆನ್ನ ಜನಳ ಸಹ ಕೊಲ್ಲ್‌ಚಿಡುವ. 17ನಾಡಗುಂಡ್ ಎಲ್ಲಾ ಜನಳು ನಿಂಗಳ ವಿರೋದ ಮಾಡ್‌ವ. 18ಆಚೇಂಗಿಯು, ನಿಂಗಡ ಮಂಡೆಲುಳ್ಳ ಒರ್ ತಲ್‌ಮಿಯು ನಾಶ ಆಪುಲೆ. 19ಆಚೇಂಗಿ, ನಿಂಗ ಸ್ತಿರವಾಯಿತ್ ನಿಪ್ಪಕ, ನಿಂಗಡ ಆತ್ಮತ್‌ನ ಕಾಪಾಡ್‍ವಿರ.
ಯೆರೂಸಲೇಮ್ ಪಾಳಾಪ ವಿಷಯತ್‍ನ ಯೇಸು ಎಣ್ಣ್‌ವದ್
(ಮತ್ತಾಯ 24.15–21; ಮಾರ್ಕ 13.14–19)
20ಯೆರೂಸಲೇಮ್ ಪಟ್ಟಣತ್‍ನ ದುಂಬ ಸೈನ್ಯ ಮೊರೆಬೂವದ್‍ನ ನಿಂಗ ಕಾಂಬಕ, ಅದ್ ಪಳಾಯಿ ಪೋಪ ಕಾಲ ಬೆರಿಯ ಬಾತ್‍ೕಂದ್ ನಿಂಗಕ್ ಗೊತ್ತಿರಡ್. 21ಅಕ್ಕ ಯೂದಾಯ ದೇಶತ್‍ಲ್ ಉಳ್ಳಯಿಂಗ ಕುಂದ್‌ರ ಕೊಡಿಕ್ ಓಡಡ್, ಯೆರೂಸಲೇಮ್ ಪಟ್ಟಣತ್‍ಲ್ ಇಪ್ಪಯಿಂಗ ಅಲ್ಲಿಂಜ ಪೊರಮೆ ಪೋಡ್, ಊರ್‌ಲ್ ಉಳ್ಳಯಿಂಗ ಪಟ್ಟಣಕ್ ಪ್ರವೇಶ ಮಾಡತೆ ಇರಡ್. 22ಎನ್ನಂಗೆಣ್ಣ್‌ಚೇಂಗಿ ದೇವಡ ವಾಕ್ಯತ್‍ಲ್ ಒಳ್‌ದಿತುಳ್ಳದೆಲ್ಲ ಪೂರ್ತಿ ಆಪಕುಳ್ಳ, ದೇವ ಶಿಕ್ಷೆ ತಪ್ಪ ಕಾಲವಾಯಿತಿಪ್ಪ. 23ಆ ದಿವಸತ್‍ಲ್ ಕೆಲಕರ್ತಿಯಂಗಕೂ, ಕುಂಞಿಕ್ ಪಾಲ್ ಕೊಡ್‍ಪ ಅವ್ವಂಗಕೂ ಅಯ್ಯೋ! ಆ ದಿವಸತ್‍ಲ್ ಈ ಲೋಕತ್‍ಲ್ ಉಳ್ಳ ಜನಕೆಲ್ಲ ಬಲ್ಯ ಕಷ್ಟವು, ಈ ಜನಕ್ ದೇವಡ ಶಿಕ್ಷೆಯು ಆಯಂಡಿಪ್ಪ. 24ಚೆನ್ನ ಜನಳ ಬಾಳ್‍ಕತ್ತಿಯಿಂಜ ಕೊಂದ್‌ರ್‌ವ. ಚೆನ್ನ ಜನಳ ಬೋರೆ ದೇಶಕ್ ಪುಡ್‍ಚಂಡ್ ಪೋಪ. ಯೆಹೂದ್ಯ ಅಲ್ಲತಯಿಂಗಡ ಕಾಲ ಕಡೆ ಅಪಕತ್ತೆನೆ, ಯೆರೂಸಲೇಮ್ ಅನ್ಯ ಜನತ್‍ರ ಅಳುವೆರಗುಂಡ್ ಪಾಳಾಯಿ ಪೋಪ.
ಮನುಷ್ಯಕುಮಾರ ಪುನಃ ಬಪ್ಪದ್
(ಮತ್ತಾಯ 24.29–31; ಮಾರ್ಕ 13.24–27)
25ಇದ್‍ಲ್ಲತೆ ಸೂರ್ಯ ಚಂದ್ರ ನಕ್ಷತ್ರತ್‌ಲ್ ವಿಚಿತ್ರ ಗುರ್‍ತ್‍ನ ಕಾಂಬಕಾಪ. ಗರ್ಜನೆ ಮಾಡಿಯಂಡ್ ಬಪ್ಪ ಸಮುದ್ರತ್‍ರ ತೆರೆ ಪಿಂಞ ಬಿರ್‌ಗಾಳಿಕ್ ಬೂಲೋಕತ್‍ಲ್ ಉಳ್ಳ ದೇಶವೆಲ್ಲ ಬೊತ್ತಿತ್ ಎಂತ ಮಾಡಂಡೂಂದ್ ಗೊತ್ತಾಪುಲೆ. 26ಬೂಲಕತ್‍ಲ್ ನಡ್ಂದಂಡುಳ್ಳ ಕಾರ್ಯತ್‍ನ ಕಂಡಿತ್ ಜನಕ್ ಪೋಡಿಯಾಯಿತ್ ಮಂಡೆ ತಿರಿತ್ ಬೂವ. ಬಾನತ್‍ರ ಪ್ರತಿಯೊರ್ ಶಕ್ತಿಯು ನಡ್‌ಗುವ. 27ಅಕ್ಕ ಮನುಷ್ಯಕುಮಾರ ಮೋಡತ್‍ರ ಮದ್ಯತ್‍ಲ್ ಬಲ್ಯ ಶಕ್ತಿಕೂಡಿಯಂಡ್ ಮಹಿಮೆಲ್ ಬಪ್ಪದ್‍ನ ಅಯಿಂಗೆಲ್ಲಾ ಕಾಂಬ.#21.27 ದಾನಿಯೇಲ 7.13 28ಇದೆಲ್ಲ ಆಪದ್‍ನ ನಿಂಗ ಕಾಂಬಕ, ಎದ್ದ್ ನಿಂದಿತ್ ಮಂಡೆನ ಕೊಡಿಕ್ ಮಾಡಿತ್ ನಿಲ್ಲಿ, ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಬುಡ್‍ಗಡೆ ದಿವಸ ಪಕ್ಕ ಬಾತ್‍ೕಂದ್ ಗೊತ್ತ್ ಮಾಡಿಯೊಳಿ.
ಅತ್ತಿ ಮರತ್‍ರ ಬೋದನೆ
(ಮತ್ತಾಯ 24.32–35; ಮಾರ್ಕ 13.28–31)
29ಇದ್‍ಲ್ಲತೆ ಯೇಸು ಅಯಿಂಗಕ್ ಒರ್ ಕಥೇರ ರೂಪತ್‍ನ ಎಣ್ಣಿ ಕೊಡ್‍ತತ್: ಅತ್ತಿಪಣ್ಣ್ ಮರತ್‍ನ ಪಿಂಞ ಬೋರೆ ಏದ್ ಮರತ್‍ನ ನೋಟಿ. 30ಆ ಮರತ್‍ರ ಎಲ್‌ಕಂಡ ಚಿಗುರುವಕಾಪಕ ಬೇನಿಕಾಲ ಬಪ್ಪಕಾಚೀಂದ್ ಎಣ್ಣುವಿರ. 31ಅನ್ನನೆ ಈ ತರತ್‍ರ ಘಟನೆಯೆಲ್ಲ ನಿಂಗ ಕಾಂಬಕಾಪಕ ದೇವಡ ರಾಜ್ಯ ಬಪ್ಪಕಾಚೀಂದ್ ನಿಂಗಕ್ ಗೊತ್ತಾಪ. 32ಈ ಘಟನೆಯೆಲ್ಲ ಆಪಕ್ ಮಿಂಞ ಈ ಸಂತಾನ ಪಾಳಾಯಿ ಪೋಪುಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ. 33ಬಾನ ಬೂಮಿ ಎಲ್ಲಾ ನಾಶ ಆಪ, ಆಚೇಂಗಿ ನಾಡ ತಕ್ಕ್ ನಾಶ ಆಪುಲೆ.
ತಯಾರಾಯಿತ್ ಇಪ್ಪಕುಳ್ಳ ಎಚ್ಚರಿಕೆ
34ನಿಂಗಡ ವಿಷಯತ್‍ಲ್ ಎಚ್ಚರತ್‍ಲ್ ಇರಿ. ನಿಂಗಡ ಸಮಯತ್‍ನೆಲ್ಲ ತಿಂಬಕಾಯಿತ್ ಕುಡಿಪಕಾಯಿತ್ ಪಿಂಞ ಬದ್‍ಕ್‍ರ ವಿಷಯಕಾಯಿತ್ ವ್ಯಸನ ಪಟ್ಟಂಡ್ ಇರತಿ. ಅನ್ನನೆ ಮಾಡಿಯಂಡಿಂಜತೇಂಗಿ, ನಿಂಗ ಗೇನ ಮಾಡತ ಸಮಯತ್‍ಲ್ ಆ ದಿವಸ ಬಂದಿತ್ ನಿಂಗಳ ಪುಡ್‌ಚಿರ್‍ವ. 35ಬೂಲೋಕತ್‍ಲ್ ಉಳ್ಳ ಎಲ್ಲಾ ಜನಡಮೇಲೆ ಇನ್ನನೆ ಬಪ್ಪ. 36ಆನಗುಂಡ್, ಇನ್ನನೆ ನಡ್‍ಪಕುಳ್ಳ ಕಾರ್ಯತ್ಂಜ ನಿಂಗಳ ಕಾಪಾಡ್‌ವಕಾಯಿತ್ ಎಕ್ಕಾಲು ತಯಾರಾಯಿತ್ ಎಲ್ಲಾ ಸಮಯತ್‍ಲ್ ಪ್ರಾರ್ಥನೆ ಮಾಡಿಯಂಡ್ ಇರಂಡು. ಅಕ್ಕ ಮನುಷ್ಯಕುಮಾರಂಡ ಮಿಂಞ ಯೋಗ್ಯತೆ ಉಳ್ಳಯಿಂಗಳಾಯಿತ್ ನಿಪ್ಪಕ್ ಕಯ್ಯು.
37ಯೇಸು ಎಕ್ಕಾಲು ದೇವಾಲಯತ್‍ಲ್ ಬೋದನೆ ಕೊಡ್‌ತಂಡ್, ಬೈಟಾಪಕ ಆಲಿವ್ ಕುಂದ್‌ಕ್ ಪೋಯಿತ್ ದಿನ ಕಯಿಪಯಿಂಜತ್. 38ಪೊಲಾಕಾಪಕಲೆ ದುಂಬ ಜನ ದೇವಾಲಯಕ್ ಪೋಯಿತ್ ಯೇಸುರ ಬೋದನೆನ ಕ್‍ೕಪಕ್ ಬಪ್ಪಯಿಂಜತ್.
Zvasarudzwa nguva ino
ಲೂಕ 21: ಕೊಡವ
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2017, New Life Literature (NLL)
ಲೂಕ 21
21
ಒರ್ ವಿದವೆರ ಕಾಣಿಕೆ
(ಮಾರ್ಕ 12.41–44)
1ಯೇಸು ಚೆನ್ನ ಅಪ್ಪರ ನೋಟುವಕ, ಪಣಕಾರಂಗ ದೇವಾಲಯತ್‍ರ ಬಂಡಾರ ಪೊಟ್ಟಿಲ್ ದುಂಬ ದುಡ್ಡ್ ಇಟ್ಟದ್‍ನ ಕಂಡತ್. 2ಅದ್ಂಡ ಪಿಂಞ ಒರ್ ಗರೀಬತಿಯಾನ ವಿದವೆ ದಂಡ್ ತಾಂಬ್ರ ದುಡ್ಡ್‌ನ ಅಲ್ಲಿ ಇಟ್ಟತ್.
3ಯೇಸು ಅಲ್ಲಿ ಉಳ್ಳಯಿಂಗಕ್: ಈ ಗರೀಬತಿಯಾನ ವಿದವೆ ಬೋರೆ ಎಲ್ಲಾಗಿಂಜ ದುಂಬ ಇಟ್ಟತ್‍ೕಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ. 4ಬೋರೆಯಿಂಗೆಲ್ಲಾ ಅಯಿಂಗಡ ದುಂಬ್‍ನ ಐಶ್ವರ್ಯತ್ಂಜ ಕಾಣಿಕೆ ಕೊಡ್‍ತತ್, ಆಚೇಂಗಿ ಈ ವಿದವೆ ತಾಂಡ ಬಡತನತ್‌ಂಜ ಅವಕ್ ಬದ್‍ಕ್‍ವಕ್ ಉಳ್ಳ ಎಲ್ಲಾನ ಇಟ್ಟತ್‍ೕಂದ್ ಎಣ್ಣ್‌ಚಿ.
ಕಡೆ ಕಾಲತ್‍ರ ಎಚ್ಚರಿಕೆ
(ಮತ್ತಾಯ 24.1,2; ಮಾರ್ಕ 13.1,2)
5ಅಂವೊಂಡ ಚೆನ್ನ ಶಿಷ್ಯಂಗ, ಬೆಲೆಯುಳ್ಳ ಕಲ್ಲ್ ಪಿಂಞ ದೇವಕ್ ಅರ್ಪಿಚಿಟ್ಟ ಕಾಣಿಕೆರಗುಂಡ್ ದೇವಾಲಯತ್‍ನ ಚಾಯಿತೆ ಅಲಂಗಾರ ಮಾಡಿತುಳ್ಳದ್‍ನ ನೋಟಿತ್ ಅದ್ಂಡ ವಿಷಯತ್ ತಕ್ಕ್ ಪರ್ಂದತ್. 6ಆಚೇಂಗಿ ಯೇಸು ಅಯಿಂಗಕ್, ನಿಂಗ ಕಾಂಬ ಈ ದೇವಾಲಯತ್‍ಲ್, ಒರ್ ಕಲ್ಲ್‌ರ ಮೇಲೆ ಇಂಞೊರ್ ಕಲ್ಲ್ ಇಲ್ಲತನೆಕೆ ಇದ್‍ನೆಲ್ಲ ನಾಶ ಆಯಿಪೋಪ ಕಾಲ ಬಪ್ಪಾಂದ್ ಯೇಸು ಅಯಿಂಗಕ್ ವಿವರಿಚಿಟ್ಟತ್.
ಕಷ್ಟ ಪಿಂಞ ಹಿಂಸೆ
(ಮತ್ತಾಯ 24.3–14; ಮಾರ್ಕ 13.3–13)
7ಅದ್ಂಗ್ ಅಯಿಂಗ: ಉಪಾದ್ಯ, ಇದೆಲ್ಲಾ ಎಕ್ಕ ಆಪ? ಅನ್ನನೆ ಬಪ್ಪಕುಳ್ಳ ದಿವಸಕ್ ಗುರ್‌ತ್ ಎಂ‍ತಾಂದ್ ಕ್‍ೕಟತ್.
8ಯೇಸು ಅಯಿಂಗಕ್: ನಿಂಗಳ ದಾರೂ ವಂಚನೆ ಮಾಡತನೆಕೆ ಕಾಪಾಡಿಯೊಳಿ, ಎನ್ನಂಗೆಣ್ಣ್‌ಚೇಂಗಿ ದುಂಬ ಜನ ನಾಡ ಪೆದತ್‍ಲ್ ಬಂದಿತ್, ನಾನೇ ಕ್ರಿಸ್ತ, ಕಡೆ ಕಾಲ ಬಾತ್‍ೕಂದ್ ಎಣ್ಣುವ, ಅಯಿಂಗಡ ಬಯ್ಯ ಪೋಕತಿ. 9ಯುದ್ದತ್‍ರ ಪಿಂಞ ಕಲಹತ್‍ರ ಸುದ್ದಿನೆಲ್ಲ ಕ್‍ೕಪಂಜಿ ಬೊತ್ತತಿ, ಇದೆಲ್ಲ ಮಿಂಞಲೇ ಆಕಂಡು; ಆಚೇಂಗಿಯು ಅದ್ ಅಂತ್ಯ ಕಾಲವಾಯಿತ್‌ಪ್ಪುಲೆ. 10ಜನಕ್ ವಿರೋದವಾಯಿತ್ ಜನಳು, ರಾಜ್ಯಕ್ ವಿರೋದವಾಯಿತ್ ರಾಜ್ಯವು ಯುದ್ದ ಮಾಡ್‌ವ; 11ದುಂಬ ಜಾಗತ್‍ಲ್ ಬಲ್ಯ ಬೂಕಂಪ ಆಯಂಡಿಪ್ಪ, ಬರಗಾಲ ಬಪ್ಪ, ಪಬ್ಬ್‌ವ ಕಾಯಿಲ ಬಪ್ಪ, ಬಾನತ್ಂಜ ಬಯಂಕರವಾನ ಘಟನೆ ಪಿಂಞ ಬಲ್ಯ ಗುರ್‍ತ್‍ನ ಕಾಂಬಿರ. 12ಇದೆಲ್ಲ ಆಪಕಿಂಜ ಮಿಂಞ, ಈ ಲೋಕತ್‍ರ ಜನ ನನ್ನಗುಂಡ್ ನಿಂಗಳ ಪುಡ್‌ಚಿತ್, ನೊಂಬಲ ಮಾಡಿತ್, ಜೈಲ್‍ಲ್ ಇಟ್ಟಿತ್ ನಿಂಗಳ ತೀರ್ಪ್ ಮಾಡ್‌ವಕಾಯಿತ್ ಸಬಾಮಂದಿರಕ್ ಬಲ್‍ಚಂಡ್ ಪೋಪ. ಅದಲ್ಲತೆ ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ, ಕೊಂಡ್ ಬಂದಿತ್ ನಿಪ್ಪ್‌ಚಿಡುವ. 13ಆಚೇಂಗಿಯು, ಇದ್ ನಿಂಗ ಅಯಿಂಗಕ್ ನಾಡ ವಿಷಯ ಎಣ್ಣ್‌ವಕುಳ್ಳ ಸಮಯವಾಯಿತ್‌ಪ್ಪ. 14ಆನಗುಂಡ್, ಎಂತ ಉತ್ತರ ಕೊಡ್‍ಕಂಡೂಂದ್ ಬೇಜಾರ್ ಮಾಡತೆ ಇಪ್ಪಕ್ ನಿಂಗಡ ಮನಸ್ಸ್‌ನ ತಯಾರ್ ಮಾಡಿಯೊಳಿ. 15ನಿಂಗಕ್ ವಿರೋದ ಮಾಡ್‌ವ ಒಬ್ಬನು, ನಿಂಗಕ್ ತಿರಿತ್ ತಕ್ಕ್ ಪರಿಯುವಕು, ಎದಿಕೆ ನಿಪ್ಪಕು ಕಯ್ಯತ ತಕ್ಕ್ ಪಿಂಞ ಜ್ಞಾನತ್‍ನ ನಾನ್ ನಿಂಗಕ್ ತಪ್ಪಿ. 16ನೀಡ ಅಪ್ಪವ್ವಂಗ, ಅಣ್ಣತಮ್ಮಣಂಗ, ನಿಂಗಡ ಬೆಂದ್‌ಕ, ನಿಂಗಡ ಸ್ನೇಹಿತಂಗಳೇ ನಿಂಗಳ ನಿಂಗಕ್ ವಿರೋದವಾಯಿತ್ ಉಳ್ಳಯಿಂಗಡ ಪಕ್ಕ ಒಪ್ಪ್‌ಚಿಡುವ. ನಿಂಗಡಲ್ಲಿ ಚೆನ್ನ ಜನಳ ಸಹ ಕೊಲ್ಲ್‌ಚಿಡುವ. 17ನಾಡಗುಂಡ್ ಎಲ್ಲಾ ಜನಳು ನಿಂಗಳ ವಿರೋದ ಮಾಡ್‌ವ. 18ಆಚೇಂಗಿಯು, ನಿಂಗಡ ಮಂಡೆಲುಳ್ಳ ಒರ್ ತಲ್‌ಮಿಯು ನಾಶ ಆಪುಲೆ. 19ಆಚೇಂಗಿ, ನಿಂಗ ಸ್ತಿರವಾಯಿತ್ ನಿಪ್ಪಕ, ನಿಂಗಡ ಆತ್ಮತ್‌ನ ಕಾಪಾಡ್‍ವಿರ.
ಯೆರೂಸಲೇಮ್ ಪಾಳಾಪ ವಿಷಯತ್‍ನ ಯೇಸು ಎಣ್ಣ್‌ವದ್
(ಮತ್ತಾಯ 24.15–21; ಮಾರ್ಕ 13.14–19)
20ಯೆರೂಸಲೇಮ್ ಪಟ್ಟಣತ್‍ನ ದುಂಬ ಸೈನ್ಯ ಮೊರೆಬೂವದ್‍ನ ನಿಂಗ ಕಾಂಬಕ, ಅದ್ ಪಳಾಯಿ ಪೋಪ ಕಾಲ ಬೆರಿಯ ಬಾತ್‍ೕಂದ್ ನಿಂಗಕ್ ಗೊತ್ತಿರಡ್. 21ಅಕ್ಕ ಯೂದಾಯ ದೇಶತ್‍ಲ್ ಉಳ್ಳಯಿಂಗ ಕುಂದ್‌ರ ಕೊಡಿಕ್ ಓಡಡ್, ಯೆರೂಸಲೇಮ್ ಪಟ್ಟಣತ್‍ಲ್ ಇಪ್ಪಯಿಂಗ ಅಲ್ಲಿಂಜ ಪೊರಮೆ ಪೋಡ್, ಊರ್‌ಲ್ ಉಳ್ಳಯಿಂಗ ಪಟ್ಟಣಕ್ ಪ್ರವೇಶ ಮಾಡತೆ ಇರಡ್. 22ಎನ್ನಂಗೆಣ್ಣ್‌ಚೇಂಗಿ ದೇವಡ ವಾಕ್ಯತ್‍ಲ್ ಒಳ್‌ದಿತುಳ್ಳದೆಲ್ಲ ಪೂರ್ತಿ ಆಪಕುಳ್ಳ, ದೇವ ಶಿಕ್ಷೆ ತಪ್ಪ ಕಾಲವಾಯಿತಿಪ್ಪ. 23ಆ ದಿವಸತ್‍ಲ್ ಕೆಲಕರ್ತಿಯಂಗಕೂ, ಕುಂಞಿಕ್ ಪಾಲ್ ಕೊಡ್‍ಪ ಅವ್ವಂಗಕೂ ಅಯ್ಯೋ! ಆ ದಿವಸತ್‍ಲ್ ಈ ಲೋಕತ್‍ಲ್ ಉಳ್ಳ ಜನಕೆಲ್ಲ ಬಲ್ಯ ಕಷ್ಟವು, ಈ ಜನಕ್ ದೇವಡ ಶಿಕ್ಷೆಯು ಆಯಂಡಿಪ್ಪ. 24ಚೆನ್ನ ಜನಳ ಬಾಳ್‍ಕತ್ತಿಯಿಂಜ ಕೊಂದ್‌ರ್‌ವ. ಚೆನ್ನ ಜನಳ ಬೋರೆ ದೇಶಕ್ ಪುಡ್‍ಚಂಡ್ ಪೋಪ. ಯೆಹೂದ್ಯ ಅಲ್ಲತಯಿಂಗಡ ಕಾಲ ಕಡೆ ಅಪಕತ್ತೆನೆ, ಯೆರೂಸಲೇಮ್ ಅನ್ಯ ಜನತ್‍ರ ಅಳುವೆರಗುಂಡ್ ಪಾಳಾಯಿ ಪೋಪ.
ಮನುಷ್ಯಕುಮಾರ ಪುನಃ ಬಪ್ಪದ್
(ಮತ್ತಾಯ 24.29–31; ಮಾರ್ಕ 13.24–27)
25ಇದ್‍ಲ್ಲತೆ ಸೂರ್ಯ ಚಂದ್ರ ನಕ್ಷತ್ರತ್‌ಲ್ ವಿಚಿತ್ರ ಗುರ್‍ತ್‍ನ ಕಾಂಬಕಾಪ. ಗರ್ಜನೆ ಮಾಡಿಯಂಡ್ ಬಪ್ಪ ಸಮುದ್ರತ್‍ರ ತೆರೆ ಪಿಂಞ ಬಿರ್‌ಗಾಳಿಕ್ ಬೂಲೋಕತ್‍ಲ್ ಉಳ್ಳ ದೇಶವೆಲ್ಲ ಬೊತ್ತಿತ್ ಎಂತ ಮಾಡಂಡೂಂದ್ ಗೊತ್ತಾಪುಲೆ. 26ಬೂಲಕತ್‍ಲ್ ನಡ್ಂದಂಡುಳ್ಳ ಕಾರ್ಯತ್‍ನ ಕಂಡಿತ್ ಜನಕ್ ಪೋಡಿಯಾಯಿತ್ ಮಂಡೆ ತಿರಿತ್ ಬೂವ. ಬಾನತ್‍ರ ಪ್ರತಿಯೊರ್ ಶಕ್ತಿಯು ನಡ್‌ಗುವ. 27ಅಕ್ಕ ಮನುಷ್ಯಕುಮಾರ ಮೋಡತ್‍ರ ಮದ್ಯತ್‍ಲ್ ಬಲ್ಯ ಶಕ್ತಿಕೂಡಿಯಂಡ್ ಮಹಿಮೆಲ್ ಬಪ್ಪದ್‍ನ ಅಯಿಂಗೆಲ್ಲಾ ಕಾಂಬ.#21.27 ದಾನಿಯೇಲ 7.13 28ಇದೆಲ್ಲ ಆಪದ್‍ನ ನಿಂಗ ಕಾಂಬಕ, ಎದ್ದ್ ನಿಂದಿತ್ ಮಂಡೆನ ಕೊಡಿಕ್ ಮಾಡಿತ್ ನಿಲ್ಲಿ, ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಬುಡ್‍ಗಡೆ ದಿವಸ ಪಕ್ಕ ಬಾತ್‍ೕಂದ್ ಗೊತ್ತ್ ಮಾಡಿಯೊಳಿ.
ಅತ್ತಿ ಮರತ್‍ರ ಬೋದನೆ
(ಮತ್ತಾಯ 24.32–35; ಮಾರ್ಕ 13.28–31)
29ಇದ್‍ಲ್ಲತೆ ಯೇಸು ಅಯಿಂಗಕ್ ಒರ್ ಕಥೇರ ರೂಪತ್‍ನ ಎಣ್ಣಿ ಕೊಡ್‍ತತ್: ಅತ್ತಿಪಣ್ಣ್ ಮರತ್‍ನ ಪಿಂಞ ಬೋರೆ ಏದ್ ಮರತ್‍ನ ನೋಟಿ. 30ಆ ಮರತ್‍ರ ಎಲ್‌ಕಂಡ ಚಿಗುರುವಕಾಪಕ ಬೇನಿಕಾಲ ಬಪ್ಪಕಾಚೀಂದ್ ಎಣ್ಣುವಿರ. 31ಅನ್ನನೆ ಈ ತರತ್‍ರ ಘಟನೆಯೆಲ್ಲ ನಿಂಗ ಕಾಂಬಕಾಪಕ ದೇವಡ ರಾಜ್ಯ ಬಪ್ಪಕಾಚೀಂದ್ ನಿಂಗಕ್ ಗೊತ್ತಾಪ. 32ಈ ಘಟನೆಯೆಲ್ಲ ಆಪಕ್ ಮಿಂಞ ಈ ಸಂತಾನ ಪಾಳಾಯಿ ಪೋಪುಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ. 33ಬಾನ ಬೂಮಿ ಎಲ್ಲಾ ನಾಶ ಆಪ, ಆಚೇಂಗಿ ನಾಡ ತಕ್ಕ್ ನಾಶ ಆಪುಲೆ.
ತಯಾರಾಯಿತ್ ಇಪ್ಪಕುಳ್ಳ ಎಚ್ಚರಿಕೆ
34ನಿಂಗಡ ವಿಷಯತ್‍ಲ್ ಎಚ್ಚರತ್‍ಲ್ ಇರಿ. ನಿಂಗಡ ಸಮಯತ್‍ನೆಲ್ಲ ತಿಂಬಕಾಯಿತ್ ಕುಡಿಪಕಾಯಿತ್ ಪಿಂಞ ಬದ್‍ಕ್‍ರ ವಿಷಯಕಾಯಿತ್ ವ್ಯಸನ ಪಟ್ಟಂಡ್ ಇರತಿ. ಅನ್ನನೆ ಮಾಡಿಯಂಡಿಂಜತೇಂಗಿ, ನಿಂಗ ಗೇನ ಮಾಡತ ಸಮಯತ್‍ಲ್ ಆ ದಿವಸ ಬಂದಿತ್ ನಿಂಗಳ ಪುಡ್‌ಚಿರ್‍ವ. 35ಬೂಲೋಕತ್‍ಲ್ ಉಳ್ಳ ಎಲ್ಲಾ ಜನಡಮೇಲೆ ಇನ್ನನೆ ಬಪ್ಪ. 36ಆನಗುಂಡ್, ಇನ್ನನೆ ನಡ್‍ಪಕುಳ್ಳ ಕಾರ್ಯತ್ಂಜ ನಿಂಗಳ ಕಾಪಾಡ್‌ವಕಾಯಿತ್ ಎಕ್ಕಾಲು ತಯಾರಾಯಿತ್ ಎಲ್ಲಾ ಸಮಯತ್‍ಲ್ ಪ್ರಾರ್ಥನೆ ಮಾಡಿಯಂಡ್ ಇರಂಡು. ಅಕ್ಕ ಮನುಷ್ಯಕುಮಾರಂಡ ಮಿಂಞ ಯೋಗ್ಯತೆ ಉಳ್ಳಯಿಂಗಳಾಯಿತ್ ನಿಪ್ಪಕ್ ಕಯ್ಯು.
37ಯೇಸು ಎಕ್ಕಾಲು ದೇವಾಲಯತ್‍ಲ್ ಬೋದನೆ ಕೊಡ್‌ತಂಡ್, ಬೈಟಾಪಕ ಆಲಿವ್ ಕುಂದ್‌ಕ್ ಪೋಯಿತ್ ದಿನ ಕಯಿಪಯಿಂಜತ್. 38ಪೊಲಾಕಾಪಕಲೆ ದುಂಬ ಜನ ದೇವಾಲಯಕ್ ಪೋಯಿತ್ ಯೇಸುರ ಬೋದನೆನ ಕ್‍ೕಪಕ್ ಬಪ್ಪಯಿಂಜತ್.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2017, New Life Literature (NLL)