Sam 113
113
Sam Kratrtqki-esz'-nzpnu-esz'-nrade-tq (113)
Naglqlzku Yawe Mz Nzarmyalz-krgu Drtqde
1 Naglqlzku Yawe!
Nigu kxnzawz nedeng na-armyalzku drtqde.
2Nayzuo mzli ka nzrglqpxngr drtqde
Tqvzpe, tqvzpe.
3Mz zbq kang kqlu nigu leplz mz nrlc tulvzo
Na-awi-ngrbzku bade nqmq krde.
4Murde aclve-atwrnr-ngrde lr mrkzbleng amrlx.
X nzetukr zmatq ngrde krlzlzbzle bongavz.
5Trpnzngr kx apule Yawe kc tqngi Gct rgu,
Mz nzwxbutxlz-krde mz tron nyzde Heven.
6Sc tqobqlvztile bongavz x drtc',
Mz nzaclve-angidr-krdeleng.
7Murde naokatrle leplz kx trnzrngiscung,
Mz nzkapx-krmle nidr mz nzkxpu-krdr.
8X armyalzle nidr murde nanginidr nradrtq kxnzetung
Kcng tzmailzlr leplz nedeng.
9Ngi-batrpzle mz olvz kxvz-nrbalq nzrngine-krde doa kxnztopwzng,
Murde na-abrtz-ngrde doa nede lcng.
Naglqlzku Yawe!
Zvasarudzwa nguva ino
Sam 113: ntu
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2008, Wycliffe Bible Translators, Inc. All rights reserved.