ꞌRooma 16
16
Ĩꞌtha Paaulo lemmiook
1Hadiimi haduhaakuung dtiic ꞌcĩ abũnnaa ꞌcĩ baa adĩman ngõõnẽẽtĩ cĩnaac Voebe, ꞌcĩ ĩĩn dticciannioohit cĩ lothippit cĩ lemmioohu ꞌtaaũnaa cĩ Cencerea. 2Halayyuung naa ngagiit elemit ĩnõõnnõ ꞌthaarĩĩ cĩg Makayyiooktak, ꞌgõõlaa ꞌcĩ abũnnaa ĩcĩ lemmioohu nẽ aanytĩk eliinit vẽlẽk ꞌcĩ horoong adiim nẽẽ hĩ ngagiita, hĩnĩngĩtĩ gõõng ẽẽl nẽẽ eet ꞌcĩg mẽẽlĩg gẽrrẽẽt hĩ nganĩĩt buúk.
3Ĩꞌthaac Piriciilla hĩ Akwila, gõõng hadticaniinna hõdẽĩ dtiicaa cĩ Yeesu Krĩstõ. 4Baa adhuk nẽẽg rũgẽt cĩnĩĩng, hĩnĩngĩtĩ nganĩĩta. Nẽẽthĩ, hõllõngaa hĩnĩngĩtĩ nganĩĩt dioo, adhuk hĩnĩngĩtĩ lothippiꞌnya cĩg lemmiook cĩg eet ꞌcĩg hõllõngaa ĩĩn ꞌJudeei ꞌcĩg anneek ĩhõõggõ ĩlaallẽ. 5Ĩꞌthaayyihaangu lothippit cĩ lemmiook gõõng õmmõtõõ ꞌcieethaa cĩnĩĩng. Ĩꞌthaayyihaangu ꞌgõõna Epeneto baa atiman ngaatĩ ẽlẽmmĩ Krĩstõ ĩĩcĩ oou looccaa cĩ Aaꞌthia.
6Ĩꞌthaac Maria baa adticanni gẽrrẽẽt, hĩnĩngĩtĩ ngagiita.
7Ĩꞌthaac Androniko hĩ Junia, ittioonniok cĩgannĩg baag hababuuthaniinna hõdẽĩ. Ĩĩn nẽẽg eet ꞌcĩg obbitig ꞌthooyyiahĩ nẽ baa itimanit ngaatĩ ẽlẽmmĩ Krĩstõ õõa caannĩ. 8Ĩꞌthaayyihaangu Ampiliato, ꞌcĩ hammĩnani ꞌthaarĩĩ cĩg Makayyiooktak. 9Ĩꞌthaac Urbaanõ ꞌgooneet baa gõõng hadticanni hõdẽĩ, hĩnĩngĩtĩ Krĩstõ nẽ ĩꞌthaayyu Thaakith buúk ꞌgõõna cĩ ꞌthĩnĩtõ.
10Ĩꞌthaac Appeele, baa ĩttĩmanĩ nẽ ummuddia ngaatĩ ĩĩnnĩ lemmioohit ꞌcĩ õkõmĩ lemiittaa nẽ ẽlẽm Krĩstõ ĩnõõnnõ. Ĩꞌthaac eet cĩg halang cĩ Arithtobulo. 11Ĩꞌthaac Herodiõõnẽ ittioonniohit caannĩ. Ĩꞌthaac eet cĩg halang cĩ Nariciꞌthio ꞌcĩg ẽlẽmĩ Makayyioohit. 12Ĩꞌthaac ngoonogeet Tirivẽna hĩ Tirivoꞌtha, baag ĩĩn dticcianniook cĩg Makayyiooktak. Ĩꞌthaac Perthith buúk ꞌgõõna cĩ ꞌthĩnĩtõ, ngaa baa adticanni gẽrrẽẽt ꞌthaarĩĩ cĩg Makayyiooktak. 13Ĩꞌthaac ꞌRuuvo baa eberriaa ꞌthaarĩĩ cĩg Makayyiooktak hĩ aattĩnnĩ baa ĩĩn morwahit caannĩ buúk.
14Ĩꞌthaac Athinkrito, hĩ Velegonẽ hĩ Hẽẽrmẽ, hĩ Patoroba, hĩ Hẽẽrma hĩ lemmiook ꞌcĩg arũmĩ hĩ ĩhõõggõ.
15Ĩꞌthaac Vilologo, hĩ Jullia hĩ Nereo hĩ ngõõnĩ, hĩ Olimpath hĩ lemmiook vẽlẽk ꞌcĩg arũmĩ hĩ ĩhõõggõ.
16Ĩꞌthaac lothippiꞌnya cĩg lemmioohu hõrggẽẽnaa cunuung gẽrrẽẽt.
Ĩꞌthaayyuung lemmiooha vẽlẽk cĩg Krĩstõ ꞌtaaũnnioohĩĩ cĩg mẽẽlĩg ngagiita.
17Halayyuung naa ngagiit ꞌgotoonoga hĩ ngoonoga, uꞌthuutti eleeti eetinii ꞌcĩg ĩkõõtha ngẽrõõnĩt hõrggẽẽnaa cunuung nẽ õhõrrattuung ngagiit ꞌgõõlaa ꞌcĩ hõllõngaa õõkõrõõ hĩ ꞌlimman baa allimannu niiga. Ĩĩtõ ꞌrẽẽttĩg hĩ ĩhõõggõ. 18Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ. 19Baa ĩthĩhĩt eeta vẽlẽk lemiinit cunuung nẽ haccamanoothihi naa gẽrrẽẽt, hĩnĩngĩtĩ ngagiita, nẽẽthĩ, hadiimmuung naa ngagiit eggeenyit thõõthaa ꞌcĩ abũnnaa nẽ ĩmmĩrru thõõthaa ꞌcĩ abathĩ.
20Ĩllõõan hatĩ Nyekuci ꞌcĩ aaꞌnyeet ganõn ꞌThĩttaan nẽ iittiõõ makaaꞌthĩt ꞌcĩ occa ĩllõõannuung ꞌThĩttaanĩ tõõ. Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiita.
21Ĩꞌthaayyuung Timotteeo dticciannioohiti ꞌcĩ baa hadticaniinna hõdẽĩ, hĩ Luuccio hĩ ꞌJaathon hĩ Thothipater ittioonniok cĩgannĩg ꞌcĩg ĩĩn ꞌJudeei.
22Nganĩĩt ꞌTerthio teheeddiohit cĩ Paaulo ꞌcĩ heheedi waraga icci ho nẽ hĩꞌthaayyuung naa buúk ngagiit ꞌthaarĩĩ cĩg Makayyiooktak.
23Ĩꞌthaayyuung ꞌGaio ẽẽtĩ ꞌcĩ callĩ ꞌthĩnĩt ꞌcĩ aꞌthũũnna nganĩĩt hĩ lothippit cĩ lemmioohu vẽlẽk ngaati ngagiita. Nẽ ĩꞌthaayyuung Erathto ꞌcĩ itiangĩth ꞌrabbẽẽt cĩg ꞌtaaũnaak hĩ ꞌgotooneet Kwaarto buúk ngagiita. 24Aꞌnyĩĩk bũnnai cĩ Makayyioohit cĩnaac Yeesu Krĩstõ, haau hĩ ngagiit vẽlẽk. Aamẽn.
25Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng. 26Nẽẽthĩ ꞌyioko, hĩ baa aduha põrõvẽtaaꞌnya nẽ tarĩ hĩ baa aduha Nyekuci ꞌcĩ arũgĩ ũdũt, ikia agaĩ nyeemuut ciee hĩ eet ꞌcĩg hõllõngaa ĩĩn ꞌJudeei loonyini vẽlẽk, hátĩ helemit nẽẽg buúk nẽ ĩthĩhĩt ĩnõõnnõ. 27Nẽẽthĩ ꞌyioko, hĩnĩngĩtĩ Yeesu Krĩstõ, occa hadĩhĩth naag Nyekuc ꞌcĩ ĩĩn ꞌgeeꞌnyiahit dioo ooo! Aamẽn.
Zvasarudzwa nguva ino
ꞌRooma 16: did
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2017, Wycliffe Bible Translators, Inc., All rights reserved.
ꞌRooma 16
16
Ĩꞌtha Paaulo lemmiook
1Hadiimi haduhaakuung dtiic ꞌcĩ abũnnaa ꞌcĩ baa adĩman ngõõnẽẽtĩ cĩnaac Voebe, ꞌcĩ ĩĩn dticciannioohit cĩ lothippit cĩ lemmioohu ꞌtaaũnaa cĩ Cencerea. 2Halayyuung naa ngagiit elemit ĩnõõnnõ ꞌthaarĩĩ cĩg Makayyiooktak, ꞌgõõlaa ꞌcĩ abũnnaa ĩcĩ lemmioohu nẽ aanytĩk eliinit vẽlẽk ꞌcĩ horoong adiim nẽẽ hĩ ngagiita, hĩnĩngĩtĩ gõõng ẽẽl nẽẽ eet ꞌcĩg mẽẽlĩg gẽrrẽẽt hĩ nganĩĩt buúk.
3Ĩꞌthaac Piriciilla hĩ Akwila, gõõng hadticaniinna hõdẽĩ dtiicaa cĩ Yeesu Krĩstõ. 4Baa adhuk nẽẽg rũgẽt cĩnĩĩng, hĩnĩngĩtĩ nganĩĩta. Nẽẽthĩ, hõllõngaa hĩnĩngĩtĩ nganĩĩt dioo, adhuk hĩnĩngĩtĩ lothippiꞌnya cĩg lemmiook cĩg eet ꞌcĩg hõllõngaa ĩĩn ꞌJudeei ꞌcĩg anneek ĩhõõggõ ĩlaallẽ. 5Ĩꞌthaayyihaangu lothippit cĩ lemmiook gõõng õmmõtõõ ꞌcieethaa cĩnĩĩng. Ĩꞌthaayyihaangu ꞌgõõna Epeneto baa atiman ngaatĩ ẽlẽmmĩ Krĩstõ ĩĩcĩ oou looccaa cĩ Aaꞌthia.
6Ĩꞌthaac Maria baa adticanni gẽrrẽẽt, hĩnĩngĩtĩ ngagiita.
7Ĩꞌthaac Androniko hĩ Junia, ittioonniok cĩgannĩg baag hababuuthaniinna hõdẽĩ. Ĩĩn nẽẽg eet ꞌcĩg obbitig ꞌthooyyiahĩ nẽ baa itimanit ngaatĩ ẽlẽmmĩ Krĩstõ õõa caannĩ. 8Ĩꞌthaayyihaangu Ampiliato, ꞌcĩ hammĩnani ꞌthaarĩĩ cĩg Makayyiooktak. 9Ĩꞌthaac Urbaanõ ꞌgooneet baa gõõng hadticanni hõdẽĩ, hĩnĩngĩtĩ Krĩstõ nẽ ĩꞌthaayyu Thaakith buúk ꞌgõõna cĩ ꞌthĩnĩtõ.
10Ĩꞌthaac Appeele, baa ĩttĩmanĩ nẽ ummuddia ngaatĩ ĩĩnnĩ lemmioohit ꞌcĩ õkõmĩ lemiittaa nẽ ẽlẽm Krĩstõ ĩnõõnnõ. Ĩꞌthaac eet cĩg halang cĩ Arithtobulo. 11Ĩꞌthaac Herodiõõnẽ ittioonniohit caannĩ. Ĩꞌthaac eet cĩg halang cĩ Nariciꞌthio ꞌcĩg ẽlẽmĩ Makayyioohit. 12Ĩꞌthaac ngoonogeet Tirivẽna hĩ Tirivoꞌtha, baag ĩĩn dticcianniook cĩg Makayyiooktak. Ĩꞌthaac Perthith buúk ꞌgõõna cĩ ꞌthĩnĩtõ, ngaa baa adticanni gẽrrẽẽt ꞌthaarĩĩ cĩg Makayyiooktak. 13Ĩꞌthaac ꞌRuuvo baa eberriaa ꞌthaarĩĩ cĩg Makayyiooktak hĩ aattĩnnĩ baa ĩĩn morwahit caannĩ buúk.
14Ĩꞌthaac Athinkrito, hĩ Velegonẽ hĩ Hẽẽrmẽ, hĩ Patoroba, hĩ Hẽẽrma hĩ lemmiook ꞌcĩg arũmĩ hĩ ĩhõõggõ.
15Ĩꞌthaac Vilologo, hĩ Jullia hĩ Nereo hĩ ngõõnĩ, hĩ Olimpath hĩ lemmiook vẽlẽk ꞌcĩg arũmĩ hĩ ĩhõõggõ.
16Ĩꞌthaac lothippiꞌnya cĩg lemmioohu hõrggẽẽnaa cunuung gẽrrẽẽt.
Ĩꞌthaayyuung lemmiooha vẽlẽk cĩg Krĩstõ ꞌtaaũnnioohĩĩ cĩg mẽẽlĩg ngagiita.
17Halayyuung naa ngagiit ꞌgotoonoga hĩ ngoonoga, uꞌthuutti eleeti eetinii ꞌcĩg ĩkõõtha ngẽrõõnĩt hõrggẽẽnaa cunuung nẽ õhõrrattuung ngagiit ꞌgõõlaa ꞌcĩ hõllõngaa õõkõrõõ hĩ ꞌlimman baa allimannu niiga. Ĩĩtõ ꞌrẽẽttĩg hĩ ĩhõõggõ. 18Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ. 19Baa ĩthĩhĩt eeta vẽlẽk lemiinit cunuung nẽ haccamanoothihi naa gẽrrẽẽt, hĩnĩngĩtĩ ngagiita, nẽẽthĩ, hadiimmuung naa ngagiit eggeenyit thõõthaa ꞌcĩ abũnnaa nẽ ĩmmĩrru thõõthaa ꞌcĩ abathĩ.
20Ĩllõõan hatĩ Nyekuci ꞌcĩ aaꞌnyeet ganõn ꞌThĩttaan nẽ iittiõõ makaaꞌthĩt ꞌcĩ occa ĩllõõannuung ꞌThĩttaanĩ tõõ. Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiita.
21Ĩꞌthaayyuung Timotteeo dticciannioohiti ꞌcĩ baa hadticaniinna hõdẽĩ, hĩ Luuccio hĩ ꞌJaathon hĩ Thothipater ittioonniok cĩgannĩg ꞌcĩg ĩĩn ꞌJudeei.
22Nganĩĩt ꞌTerthio teheeddiohit cĩ Paaulo ꞌcĩ heheedi waraga icci ho nẽ hĩꞌthaayyuung naa buúk ngagiit ꞌthaarĩĩ cĩg Makayyiooktak.
23Ĩꞌthaayyuung ꞌGaio ẽẽtĩ ꞌcĩ callĩ ꞌthĩnĩt ꞌcĩ aꞌthũũnna nganĩĩt hĩ lothippit cĩ lemmioohu vẽlẽk ngaati ngagiita. Nẽ ĩꞌthaayyuung Erathto ꞌcĩ itiangĩth ꞌrabbẽẽt cĩg ꞌtaaũnaak hĩ ꞌgotooneet Kwaarto buúk ngagiita. 24Aꞌnyĩĩk bũnnai cĩ Makayyioohit cĩnaac Yeesu Krĩstõ, haau hĩ ngagiit vẽlẽk. Aamẽn.
25Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng. 26Nẽẽthĩ ꞌyioko, hĩ baa aduha põrõvẽtaaꞌnya nẽ tarĩ hĩ baa aduha Nyekuci ꞌcĩ arũgĩ ũdũt, ikia agaĩ nyeemuut ciee hĩ eet ꞌcĩg hõllõngaa ĩĩn ꞌJudeei loonyini vẽlẽk, hátĩ helemit nẽẽg buúk nẽ ĩthĩhĩt ĩnõõnnõ. 27Nẽẽthĩ ꞌyioko, hĩnĩngĩtĩ Yeesu Krĩstõ, occa hadĩhĩth naag Nyekuc ꞌcĩ ĩĩn ꞌgeeꞌnyiahit dioo ooo! Aamẽn.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2017, Wycliffe Bible Translators, Inc., All rights reserved.