ꞌRooma 11
11
Nga hũtũbũr Nyekuci eet cĩgĩnnĩg
1Nẽẽthĩ, hajini naa thõõth ꞌcĩ haini, abũrĩ baa Nyekuci eet cĩgĩnnĩg? Aitiõõ ũdũt! Hĩĩnĩ nõõ naa eet cĩ Ĩꞌthĩraẽlĩ, ꞌcĩ hakuu hattũũgaa cĩ Abũrahamĩ, cĩ habuccieet cĩ Benyemiino. 2Baa hõllõngaa abũrĩ Nyekuci, eet cĩgĩnnĩg baag ẽbẽra nẽẽ ĩĩcĩ oou. Hõllõngaa nooyyia agayyu niig thõõth baa aduha ꞌBuuhi cĩ Nyekuci aĩ, baa ĩĩlaleek põrõvẽtaacĩ Eliijja#11:2 Eliijja: Baa ĩĩn Eliijja põrõvẽtaac cĩ Nyekuci ꞌcĩ baa õkõõĩ Nyekuci hẽẽtahujjieen rũgẽtẽẽt. Baa arittiaa nẽẽ baa ĩĩn irkiꞌnyia ꞌmiiaꞌnya tũrkũwwec baa nga hittirria Yeesu. Tigiil thõõth cĩnnĩ ꞌBuuhaa ꞌcĩ ĩĩn 1 ĩcĩ Habueetu 17-21; 2 Habuẽẽt 1-3. Nyekuc hĩnĩngĩtĩ eet cĩg Ĩꞌthĩraẽlĩ baa anneek, 3“Makayyioohit, uruhit eeta põrõvẽtaaꞌnya cugunnig nẽ ĩꞌthaanito altaarĩꞌnya ꞌcĩg ĩbboorini ꞌgaarriẽẽna cugunnẽẽgĩ, ĩĩ nganĩĩt dioo ꞌcĩ nga hidiongani nẽ idiimito urukta nganĩĩt buúk”?#Tigiil ꞌBuuk cĩ ĩĩn 1 Habueetu 19:10; 19:14 4Baa hinnia aduhaak Makayyioohiti Eliijja anneek, “Nga haꞌnyahi naa nuyyiook aalibꞌnya tũkĩramma ꞌcĩg hõllõngaa ala ꞌBaal.#11:4 ꞌBaal: Ĩĩn ꞌBaalĩ nyekuc ꞌcĩ hõllõngaa ĩĩn dĩdĩ. Tigiil thõõth cĩnnĩ ꞌBuuhaa cĩ ꞌGaadĩꞌnyaannu 6:25-32.”#Tigiil ꞌBuuk cĩ ĩĩn 1 Habueetu 19:18 5Nẽẽthĩ, aaĩ thõõth noho buúk waathinnioohĩĩ nĩĩcĩg. Nga idiongan eeta ꞌcĩg Ĩꞌthĩraẽlĩ ꞌcĩg abadtẽc ꞌcĩg nga anũ ĩnõõnnõ, hĩnĩngĩtĩ baa tarbal Nyekuci hĩ ĩhõõggõ. 6Baa aaĩ thõõth ciee hoti, hĩnĩngĩtĩ tarbalꞌthẽẽt cĩ Nyekuci ꞌcĩ hõllõngaa ũũlũ eet umwaanĩ nẽ hõllõngaa, hĩnĩngĩtĩ dtiicanĩ ũgĩ ꞌcĩg abũnnaa ꞌcĩg adĩman nẽẽgĩ. Occa baa hõllõngaa adĩmanni noho, hiittiõõ tarbalꞌthẽẽt cĩ Nyekuci tõõ.
7Aĩ thõõth ciee nẽẽ, eet cĩg Ĩꞌthĩraẽlĩ ꞌcĩg abadtẽc haaga ꞌcĩg eberriaa ꞌcĩg ummuddia thõõth ꞌcĩ baa attarraaban nẽẽg vẽlẽk ko. Nẽ aaꞌnyĩk Nyekuci ũgĩ hidiitti ooti pĩd, 8aaĩ hĩcĩ aduha ꞌBuuhi cĩ Nyekuci aĩ,
“Baa aaꞌnyĩk Nyekuci ĩhõõggõ hatagguutho,
hátĩ hĩĩtõ hõllõngaa acĩnĩ,
nẽ ĩdĩĩt ĩĩn cĩggĩĩng hiittiõõ hõllõngaa athĩknĩ.”#Tigiil ꞌBuuk cĩ Ditoronomi 29:4; Iꞌthaia 29:10
9Nĩngĩtĩ õthõõthĩ habuui Daavide aĩnnĩ,
“Edettiõõĩ ꞌgẽẽn cĩnĩĩng, haggam ĩhõõggõ,
hátĩ huukti nẽẽgĩ.
10Ũmmũtĩt hẽbẽrĩ cĩggĩĩng! Ma haaꞌnyiku hĩcĩttĩ.
Itihiicit bahucci cĩggĩĩng ijjiõõnnĩĩ cĩg adĩddĩngĩĩ ĩcĩg occa hõllõngaa odoꞌngi.”#Tigiil ꞌBuuk cĩ Tegellwaanu 69:22-23
Eelliaa hatĩ eeta ꞌcĩg hõllõngaa ĩĩn ꞌJudeei
11Haini ꞌyioko naa ũtũbũrĩt eeta cĩg Ĩꞌthĩraẽlĩ Nyekuc ũdũt? Aitiõõ ũdũt! Aaꞌnyĩk thõõth ꞌcĩ abũrrĩ nẽẽg Nyekuc, heellia eeta ꞌcĩg hõllõngaa ĩĩn ꞌJudeei nẽ aaꞌnyĩk thõõth ciee eet ꞌcĩg Ĩꞌthĩraẽlĩ hiinanit ĩhõõggõ. 12Nẽẽthĩ, má ẽẽl eet cĩg loonyin vẽlẽk ꞌthẽccanĩ ꞌcĩ abũrrĩ eeta cĩg ꞌJudeei thõõth cĩ Nyekuci, ĩĩn occa hatĩ ꞌgattanĩ cĩ Nyekuci hutuno, hatĩ oboddia nẽẽg hĩ ĩnõõnnõ tarĩ!
13Hothoothikuung naa ngagiit eet ꞌcĩg hõllõngaa iiginnu ꞌJudeei. Hõlõ, hĩcĩ hĩĩnĩ naa ꞌthooyyiahit cĩ eet ꞌcĩg hõllõngaa ĩĩn ꞌJudeei ho, haccamanoothihi hatĩ hĩnĩngĩtĩ dtiic caannĩ ho, 14haꞌnyahi muhẽẽnĩt ꞌcĩ abũnnaa hoti, haĩ haaꞌnyĩk eet cĩgannĩg ũgĩ hiinanit ngaatĩ eellianĩ. 15Baa ũtũbũrĩt eeta cĩg Ĩꞌthĩraẽlĩ Nyekuc, iita elemit eeta ꞌcĩg hõllõngaa ĩĩn ꞌJudeei ĩnõõnnõ. Nẽẽthĩ hoti ho, ma hatĩ ma ikia ẽlẽm Nyekuci eet cĩg Ĩꞌthĩraẽlĩ, aaĩ hatĩ hĩcĩ arũgtha nẽẽ daakiak. 16Má abũnnaa tũkanĩ ꞌcĩ oꞌngoꞌnyi, abũnnaa hatĩ ũbũnẽẽta vẽlẽk. Nẽ má ẽllẽẽmĩth cõrrẽẽna cĩg hẽẽtak, ẽllẽẽmĩth thĩ hatĩ tabana buúk.
17Aattiyyu niig eeta ꞌcĩg hõllõngaa ĩĩgĩnnu ꞌJudeei hĩ tabana cĩg hẽẽt cĩ oliv#11:17 Hẽẽt cĩ olivi: Ĩĩn hẽẽt cĩ Olivi hẽẽt ꞌcĩ abbiiri, ꞌcĩ aduk eeta cĩg ꞌJudeei nẽ erehit bura cĩgĩnnĩg nẽ ammacũyyia ngõõrrõ cĩ duhẽẽttõ hode ngõõrrõ ꞌcĩ attũllẽẽnĩ ꞌloomo. cĩ moru, ꞌcĩg baag adũũppanoothĩk hõdẽĩ hĩ taba ꞌcĩg oliv ꞌcĩ atiboolanni thõng. Irigiꞌthu niig nĩngĩtĩ taba baag eꞌngeddoothĩk tuu. Nẽ hĩnĩngĩtĩ thõõth icci, iita othollu niig ꞌgẽẽn ꞌcĩ abũnnaa ꞌcĩ aku cõrrẽẽnĩĩ cĩg hẽẽt cĩ oliv cĩ Nyekuci. 18Nẽẽthĩ, ma hirriannu, hĩnĩngĩtĩ taba tĩko. Má adĩmannu noho, ummuhit thõõth icci. Hõllõngaa aaꞌnyĩku niig correenit hĩtĩlĩth, correenit ꞌcĩ aaꞌnyuung ngagiit ĩtĩlĩthĩt ko. 19Horoong hatĩ ammuku niig ainnu, “Baa eꞌngeddoothĩk tabana nicciag tuu, hátĩ hirigith naa nĩngĩtĩ nĩĩng.” 20Ĩĩn nẽẽꞌthẽk thõõth niccia thõõth dĩdĩ. Nẽẽthĩ, baa eꞌngeddoothĩk nẽẽg tuu, hĩnĩngĩtĩ baa aitiõõ nẽẽg hõllõngaa ẽlẽmĩ Nyekuc nẽ aattiyyu niig ngaatĩ aattiyyu ho, hĩnĩngĩtĩ aꞌnyaku lemiinit hĩ ĩnõõnnõ. Nẽẽthĩ ma hirriannu thõng, itingolli Nyekuc. 21Má baa hetengedeek Nyekuci taba nicciag tuu, occa baa hõllõngaa adĩman noho hĩ ngagiit buúk.
22Nẽẽthĩ hoti ho, ummuhit tarbalꞌthẽẽt hĩ kõmĩĩth cĩ Nyekuci. Kõmĩĩth hĩ eet ꞌcĩg etteedito looc, nẽẽthĩ tarbalꞌthẽẽt hĩ ngagiita, hatĩ aallannu niig tarbalꞌthẽẽtaa cĩnnĩ. Má aitiõõ, occa hinnia hatĩ eꞌngeddoothiku niig buúk tuu. 23Má iꞌthiattaaĩ eeta cĩg Ĩꞌthĩraẽlĩ aꞌnyahit lemiinit, aku hatĩ ẽlẽmĩ Nyekuci ĩhõõggõ tarĩ. Aꞌnyak Nyekuci makaaꞌthĩt ꞌcĩ õbõdaanĩ ĩhõõggõ tarĩ. 24Baa iiginnu niig taba ꞌcĩg eꞌngeddoothĩk tuu hẽẽtaa ꞌcĩ ĩĩn oliv cĩ moru ho. Má baa hidiim hĩdĩman Nyekuci ꞌgiimwa ꞌcĩ gõõng nga hedeeꞌnyia hõdõõkõthĩ, ꞌgõõlaa ꞌcĩ aarĩkĩ taba hẽẽtaa cĩ oliv ꞌcĩ atiboolanni thõng ko, accamanoothĩk hatĩ nẽẽ ngaatĩ õbõdẽẽkĩ taba baag oou, hẽẽtaa baa nĩĩng.
Eelliaa hatĩ eeta cĩg Ĩꞌthĩraẽlĩ
25ꞌGotoonoga hĩ ngoonoga, hõllõngaa hadiimmuung naa ngagiit eet ꞌcĩg hõllõngaa iiginnu eet cĩg ꞌJudeei ho, irriattĩ eleeti cugguung. Hẽdtẽbanaakuung hatĩ naa thõõth ꞌcĩ ammiꞌthi baa eet cĩg Ĩꞌthĩraẽlĩ. Baa iita ĩĩtõ ũgẽẽgĩ ꞌloorriak nẽ aalla hatĩ nẽẽg noho ĩꞌthõng hũllũngattaa eeta ꞌcĩg hõllõngaa ĩĩn ꞌJudeei. 26ꞌGõõlaa ꞌcĩ aduhõõ thõng, eelliaa hatĩ eeta cĩg Ĩꞌthĩraẽlĩ vẽlẽk, hĩcĩ aduha Nyekuci ꞌBuuhaa cĩnnĩ aĩ,
“Aku hatĩ eet umwaa ꞌtaaũnaa cĩ ꞌThionĩ hikia hẽẽla eeta.
Nẽ hatĩ iittiõõ lohollia cĩg Yakobo hõllõngaa adĩman thooꞌthiok ꞌcĩg abathĩ.
27Lõhõt caannĩ ꞌcĩ hatĩ hadaka naag hĩ ĩhõõggõ cieeni,
hatĩ hittik ꞌthẽccanẽẽt cĩggĩĩng battaala.”#Tigiil ꞌBuuk cĩ Iꞌthaia 27:9; 59:20-21; ꞌJeremia 31:33-34
28Mẽẽlĩg eeta cĩg Ĩꞌthĩraẽlĩ ꞌcĩg ꞌyioko ĩĩn mĩrõk cĩg nyeemuut ꞌcĩ abũnnaa nẽ abũnnaa thõõth ciee hĩ ngagiit eet ꞌcĩg hõllõngaa iiginnu ꞌJudeei. Nẽ nga ĩĩn nẽẽg eet ꞌcĩg ammĩnan Nyekuci noho, hĩnĩngĩtĩ baa ẽbẽra nẽẽ hĩbaangĩ cĩggĩĩng Abũrahaamõ hĩ Iꞌthaako hĩ Yakobo. 29Hõllõngaa õbõdĩ Nyekuci ꞌbaaninit baa aaꞌnyĩk nẽẽ eeta nẽ nga hataarõthĩ eet baag ẽbẽra nẽẽnĩ. 30Baa gõõng aburru niig eeta ꞌcĩg hõllõngaa iiginnu ꞌJudeei Nyekuc nẽ ꞌyioko, atamaatihuung nẽẽ ngagiit hĩnĩngĩtĩ ũtũbũrĩt eeta cĩg Ĩꞌthĩraẽlĩ ĩnõõnnõ, 31nĩngĩtĩ ꞌyioko au ĩllõõrrĩ nẽẽg buúk aĩ, hátĩ hummuddiaawa nẽẽg buúk tamaati cĩ Nyekuci, haau hĩ thõõth baa ammaannikuung Nyekuci ngagiita. 32Baa ũtũbũrĩt eeta vẽlẽk thõõth cĩ Nyekuci, ĩnõõ ꞌcĩ adĩmanĩ nẽẽ ĩhõõggõ hĩ eeta ꞌcĩg ĩĩn baabuuthnya ho. Hátĩ hatamaatĩk ĩhõõggõ vẽlẽk.
Hĩdĩhĩthĩt Nyekuc
33Nganĩ ꞌcĩ occa attĩman baliinit hĩ ꞌgẽẽnyĩth cĩ Nyekuci?
Nganĩ ꞌcĩ occa aga muhẽẽnĩt cĩnnĩ
hode nganĩ ꞌcĩ occa ẽddẽẽba ꞌgii ꞌcĩ adtican nẽẽnĩ?
34“Nganĩ baa ꞌcĩ aga muhẽẽnĩt cĩ Makayyiookto?
Hode nganĩ baa ꞌcĩ ĩĩn tilooyyiohit cĩnnĩ?”#Tigiil ꞌBuuk cĩ Iꞌthaia 40:13
35“Nganĩ baa ꞌcĩ aaꞌnyĩk Nyekuc ꞌbaaninit umwa,
hátĩ hũdũman Nyekuci ĩnõõnnõ?”#Tigiil ꞌBuuk cĩ ꞌJõõbĩ 41:11
36Au hẽlẽggĩ vẽlẽk hĩ Makayyioohit. Nẽ baa ẽhẽnytaa hẽlẽggĩ vẽlẽk, hĩnĩngĩtĩ ĩnõõnnõ nẽ hatĩ obodoothi hĩ ĩnõõnnõ.
Hĩdĩhĩthĩt Makayyioohit ooo! Aamẽn.
Zvasarudzwa nguva ino
ꞌRooma 11: did
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2017, Wycliffe Bible Translators, Inc., All rights reserved.
ꞌRooma 11
11
Nga hũtũbũr Nyekuci eet cĩgĩnnĩg
1Nẽẽthĩ, hajini naa thõõth ꞌcĩ haini, abũrĩ baa Nyekuci eet cĩgĩnnĩg? Aitiõõ ũdũt! Hĩĩnĩ nõõ naa eet cĩ Ĩꞌthĩraẽlĩ, ꞌcĩ hakuu hattũũgaa cĩ Abũrahamĩ, cĩ habuccieet cĩ Benyemiino. 2Baa hõllõngaa abũrĩ Nyekuci, eet cĩgĩnnĩg baag ẽbẽra nẽẽ ĩĩcĩ oou. Hõllõngaa nooyyia agayyu niig thõõth baa aduha ꞌBuuhi cĩ Nyekuci aĩ, baa ĩĩlaleek põrõvẽtaacĩ Eliijja#11:2 Eliijja: Baa ĩĩn Eliijja põrõvẽtaac cĩ Nyekuci ꞌcĩ baa õkõõĩ Nyekuci hẽẽtahujjieen rũgẽtẽẽt. Baa arittiaa nẽẽ baa ĩĩn irkiꞌnyia ꞌmiiaꞌnya tũrkũwwec baa nga hittirria Yeesu. Tigiil thõõth cĩnnĩ ꞌBuuhaa ꞌcĩ ĩĩn 1 ĩcĩ Habueetu 17-21; 2 Habuẽẽt 1-3. Nyekuc hĩnĩngĩtĩ eet cĩg Ĩꞌthĩraẽlĩ baa anneek, 3“Makayyioohit, uruhit eeta põrõvẽtaaꞌnya cugunnig nẽ ĩꞌthaanito altaarĩꞌnya ꞌcĩg ĩbboorini ꞌgaarriẽẽna cugunnẽẽgĩ, ĩĩ nganĩĩt dioo ꞌcĩ nga hidiongani nẽ idiimito urukta nganĩĩt buúk”?#Tigiil ꞌBuuk cĩ ĩĩn 1 Habueetu 19:10; 19:14 4Baa hinnia aduhaak Makayyioohiti Eliijja anneek, “Nga haꞌnyahi naa nuyyiook aalibꞌnya tũkĩramma ꞌcĩg hõllõngaa ala ꞌBaal.#11:4 ꞌBaal: Ĩĩn ꞌBaalĩ nyekuc ꞌcĩ hõllõngaa ĩĩn dĩdĩ. Tigiil thõõth cĩnnĩ ꞌBuuhaa cĩ ꞌGaadĩꞌnyaannu 6:25-32.”#Tigiil ꞌBuuk cĩ ĩĩn 1 Habueetu 19:18 5Nẽẽthĩ, aaĩ thõõth noho buúk waathinnioohĩĩ nĩĩcĩg. Nga idiongan eeta ꞌcĩg Ĩꞌthĩraẽlĩ ꞌcĩg abadtẽc ꞌcĩg nga anũ ĩnõõnnõ, hĩnĩngĩtĩ baa tarbal Nyekuci hĩ ĩhõõggõ. 6Baa aaĩ thõõth ciee hoti, hĩnĩngĩtĩ tarbalꞌthẽẽt cĩ Nyekuci ꞌcĩ hõllõngaa ũũlũ eet umwaanĩ nẽ hõllõngaa, hĩnĩngĩtĩ dtiicanĩ ũgĩ ꞌcĩg abũnnaa ꞌcĩg adĩman nẽẽgĩ. Occa baa hõllõngaa adĩmanni noho, hiittiõõ tarbalꞌthẽẽt cĩ Nyekuci tõõ.
7Aĩ thõõth ciee nẽẽ, eet cĩg Ĩꞌthĩraẽlĩ ꞌcĩg abadtẽc haaga ꞌcĩg eberriaa ꞌcĩg ummuddia thõõth ꞌcĩ baa attarraaban nẽẽg vẽlẽk ko. Nẽ aaꞌnyĩk Nyekuci ũgĩ hidiitti ooti pĩd, 8aaĩ hĩcĩ aduha ꞌBuuhi cĩ Nyekuci aĩ,
“Baa aaꞌnyĩk Nyekuci ĩhõõggõ hatagguutho,
hátĩ hĩĩtõ hõllõngaa acĩnĩ,
nẽ ĩdĩĩt ĩĩn cĩggĩĩng hiittiõõ hõllõngaa athĩknĩ.”#Tigiil ꞌBuuk cĩ Ditoronomi 29:4; Iꞌthaia 29:10
9Nĩngĩtĩ õthõõthĩ habuui Daavide aĩnnĩ,
“Edettiõõĩ ꞌgẽẽn cĩnĩĩng, haggam ĩhõõggõ,
hátĩ huukti nẽẽgĩ.
10Ũmmũtĩt hẽbẽrĩ cĩggĩĩng! Ma haaꞌnyiku hĩcĩttĩ.
Itihiicit bahucci cĩggĩĩng ijjiõõnnĩĩ cĩg adĩddĩngĩĩ ĩcĩg occa hõllõngaa odoꞌngi.”#Tigiil ꞌBuuk cĩ Tegellwaanu 69:22-23
Eelliaa hatĩ eeta ꞌcĩg hõllõngaa ĩĩn ꞌJudeei
11Haini ꞌyioko naa ũtũbũrĩt eeta cĩg Ĩꞌthĩraẽlĩ Nyekuc ũdũt? Aitiõõ ũdũt! Aaꞌnyĩk thõõth ꞌcĩ abũrrĩ nẽẽg Nyekuc, heellia eeta ꞌcĩg hõllõngaa ĩĩn ꞌJudeei nẽ aaꞌnyĩk thõõth ciee eet ꞌcĩg Ĩꞌthĩraẽlĩ hiinanit ĩhõõggõ. 12Nẽẽthĩ, má ẽẽl eet cĩg loonyin vẽlẽk ꞌthẽccanĩ ꞌcĩ abũrrĩ eeta cĩg ꞌJudeei thõõth cĩ Nyekuci, ĩĩn occa hatĩ ꞌgattanĩ cĩ Nyekuci hutuno, hatĩ oboddia nẽẽg hĩ ĩnõõnnõ tarĩ!
13Hothoothikuung naa ngagiit eet ꞌcĩg hõllõngaa iiginnu ꞌJudeei. Hõlõ, hĩcĩ hĩĩnĩ naa ꞌthooyyiahit cĩ eet ꞌcĩg hõllõngaa ĩĩn ꞌJudeei ho, haccamanoothihi hatĩ hĩnĩngĩtĩ dtiic caannĩ ho, 14haꞌnyahi muhẽẽnĩt ꞌcĩ abũnnaa hoti, haĩ haaꞌnyĩk eet cĩgannĩg ũgĩ hiinanit ngaatĩ eellianĩ. 15Baa ũtũbũrĩt eeta cĩg Ĩꞌthĩraẽlĩ Nyekuc, iita elemit eeta ꞌcĩg hõllõngaa ĩĩn ꞌJudeei ĩnõõnnõ. Nẽẽthĩ hoti ho, ma hatĩ ma ikia ẽlẽm Nyekuci eet cĩg Ĩꞌthĩraẽlĩ, aaĩ hatĩ hĩcĩ arũgtha nẽẽ daakiak. 16Má abũnnaa tũkanĩ ꞌcĩ oꞌngoꞌnyi, abũnnaa hatĩ ũbũnẽẽta vẽlẽk. Nẽ má ẽllẽẽmĩth cõrrẽẽna cĩg hẽẽtak, ẽllẽẽmĩth thĩ hatĩ tabana buúk.
17Aattiyyu niig eeta ꞌcĩg hõllõngaa ĩĩgĩnnu ꞌJudeei hĩ tabana cĩg hẽẽt cĩ oliv#11:17 Hẽẽt cĩ olivi: Ĩĩn hẽẽt cĩ Olivi hẽẽt ꞌcĩ abbiiri, ꞌcĩ aduk eeta cĩg ꞌJudeei nẽ erehit bura cĩgĩnnĩg nẽ ammacũyyia ngõõrrõ cĩ duhẽẽttõ hode ngõõrrõ ꞌcĩ attũllẽẽnĩ ꞌloomo. cĩ moru, ꞌcĩg baag adũũppanoothĩk hõdẽĩ hĩ taba ꞌcĩg oliv ꞌcĩ atiboolanni thõng. Irigiꞌthu niig nĩngĩtĩ taba baag eꞌngeddoothĩk tuu. Nẽ hĩnĩngĩtĩ thõõth icci, iita othollu niig ꞌgẽẽn ꞌcĩ abũnnaa ꞌcĩ aku cõrrẽẽnĩĩ cĩg hẽẽt cĩ oliv cĩ Nyekuci. 18Nẽẽthĩ, ma hirriannu, hĩnĩngĩtĩ taba tĩko. Má adĩmannu noho, ummuhit thõõth icci. Hõllõngaa aaꞌnyĩku niig correenit hĩtĩlĩth, correenit ꞌcĩ aaꞌnyuung ngagiit ĩtĩlĩthĩt ko. 19Horoong hatĩ ammuku niig ainnu, “Baa eꞌngeddoothĩk tabana nicciag tuu, hátĩ hirigith naa nĩngĩtĩ nĩĩng.” 20Ĩĩn nẽẽꞌthẽk thõõth niccia thõõth dĩdĩ. Nẽẽthĩ, baa eꞌngeddoothĩk nẽẽg tuu, hĩnĩngĩtĩ baa aitiõõ nẽẽg hõllõngaa ẽlẽmĩ Nyekuc nẽ aattiyyu niig ngaatĩ aattiyyu ho, hĩnĩngĩtĩ aꞌnyaku lemiinit hĩ ĩnõõnnõ. Nẽẽthĩ ma hirriannu thõng, itingolli Nyekuc. 21Má baa hetengedeek Nyekuci taba nicciag tuu, occa baa hõllõngaa adĩman noho hĩ ngagiit buúk.
22Nẽẽthĩ hoti ho, ummuhit tarbalꞌthẽẽt hĩ kõmĩĩth cĩ Nyekuci. Kõmĩĩth hĩ eet ꞌcĩg etteedito looc, nẽẽthĩ tarbalꞌthẽẽt hĩ ngagiita, hatĩ aallannu niig tarbalꞌthẽẽtaa cĩnnĩ. Má aitiõõ, occa hinnia hatĩ eꞌngeddoothiku niig buúk tuu. 23Má iꞌthiattaaĩ eeta cĩg Ĩꞌthĩraẽlĩ aꞌnyahit lemiinit, aku hatĩ ẽlẽmĩ Nyekuci ĩhõõggõ tarĩ. Aꞌnyak Nyekuci makaaꞌthĩt ꞌcĩ õbõdaanĩ ĩhõõggõ tarĩ. 24Baa iiginnu niig taba ꞌcĩg eꞌngeddoothĩk tuu hẽẽtaa ꞌcĩ ĩĩn oliv cĩ moru ho. Má baa hidiim hĩdĩman Nyekuci ꞌgiimwa ꞌcĩ gõõng nga hedeeꞌnyia hõdõõkõthĩ, ꞌgõõlaa ꞌcĩ aarĩkĩ taba hẽẽtaa cĩ oliv ꞌcĩ atiboolanni thõng ko, accamanoothĩk hatĩ nẽẽ ngaatĩ õbõdẽẽkĩ taba baag oou, hẽẽtaa baa nĩĩng.
Eelliaa hatĩ eeta cĩg Ĩꞌthĩraẽlĩ
25ꞌGotoonoga hĩ ngoonoga, hõllõngaa hadiimmuung naa ngagiit eet ꞌcĩg hõllõngaa iiginnu eet cĩg ꞌJudeei ho, irriattĩ eleeti cugguung. Hẽdtẽbanaakuung hatĩ naa thõõth ꞌcĩ ammiꞌthi baa eet cĩg Ĩꞌthĩraẽlĩ. Baa iita ĩĩtõ ũgẽẽgĩ ꞌloorriak nẽ aalla hatĩ nẽẽg noho ĩꞌthõng hũllũngattaa eeta ꞌcĩg hõllõngaa ĩĩn ꞌJudeei. 26ꞌGõõlaa ꞌcĩ aduhõõ thõng, eelliaa hatĩ eeta cĩg Ĩꞌthĩraẽlĩ vẽlẽk, hĩcĩ aduha Nyekuci ꞌBuuhaa cĩnnĩ aĩ,
“Aku hatĩ eet umwaa ꞌtaaũnaa cĩ ꞌThionĩ hikia hẽẽla eeta.
Nẽ hatĩ iittiõõ lohollia cĩg Yakobo hõllõngaa adĩman thooꞌthiok ꞌcĩg abathĩ.
27Lõhõt caannĩ ꞌcĩ hatĩ hadaka naag hĩ ĩhõõggõ cieeni,
hatĩ hittik ꞌthẽccanẽẽt cĩggĩĩng battaala.”#Tigiil ꞌBuuk cĩ Iꞌthaia 27:9; 59:20-21; ꞌJeremia 31:33-34
28Mẽẽlĩg eeta cĩg Ĩꞌthĩraẽlĩ ꞌcĩg ꞌyioko ĩĩn mĩrõk cĩg nyeemuut ꞌcĩ abũnnaa nẽ abũnnaa thõõth ciee hĩ ngagiit eet ꞌcĩg hõllõngaa iiginnu ꞌJudeei. Nẽ nga ĩĩn nẽẽg eet ꞌcĩg ammĩnan Nyekuci noho, hĩnĩngĩtĩ baa ẽbẽra nẽẽ hĩbaangĩ cĩggĩĩng Abũrahaamõ hĩ Iꞌthaako hĩ Yakobo. 29Hõllõngaa õbõdĩ Nyekuci ꞌbaaninit baa aaꞌnyĩk nẽẽ eeta nẽ nga hataarõthĩ eet baag ẽbẽra nẽẽnĩ. 30Baa gõõng aburru niig eeta ꞌcĩg hõllõngaa iiginnu ꞌJudeei Nyekuc nẽ ꞌyioko, atamaatihuung nẽẽ ngagiit hĩnĩngĩtĩ ũtũbũrĩt eeta cĩg Ĩꞌthĩraẽlĩ ĩnõõnnõ, 31nĩngĩtĩ ꞌyioko au ĩllõõrrĩ nẽẽg buúk aĩ, hátĩ hummuddiaawa nẽẽg buúk tamaati cĩ Nyekuci, haau hĩ thõõth baa ammaannikuung Nyekuci ngagiita. 32Baa ũtũbũrĩt eeta vẽlẽk thõõth cĩ Nyekuci, ĩnõõ ꞌcĩ adĩmanĩ nẽẽ ĩhõõggõ hĩ eeta ꞌcĩg ĩĩn baabuuthnya ho. Hátĩ hatamaatĩk ĩhõõggõ vẽlẽk.
Hĩdĩhĩthĩt Nyekuc
33Nganĩ ꞌcĩ occa attĩman baliinit hĩ ꞌgẽẽnyĩth cĩ Nyekuci?
Nganĩ ꞌcĩ occa aga muhẽẽnĩt cĩnnĩ
hode nganĩ ꞌcĩ occa ẽddẽẽba ꞌgii ꞌcĩ adtican nẽẽnĩ?
34“Nganĩ baa ꞌcĩ aga muhẽẽnĩt cĩ Makayyiookto?
Hode nganĩ baa ꞌcĩ ĩĩn tilooyyiohit cĩnnĩ?”#Tigiil ꞌBuuk cĩ Iꞌthaia 40:13
35“Nganĩ baa ꞌcĩ aaꞌnyĩk Nyekuc ꞌbaaninit umwa,
hátĩ hũdũman Nyekuci ĩnõõnnõ?”#Tigiil ꞌBuuk cĩ ꞌJõõbĩ 41:11
36Au hẽlẽggĩ vẽlẽk hĩ Makayyioohit. Nẽ baa ẽhẽnytaa hẽlẽggĩ vẽlẽk, hĩnĩngĩtĩ ĩnõõnnõ nẽ hatĩ obodoothi hĩ ĩnõõnnõ.
Hĩdĩhĩthĩt Makayyioohit ooo! Aamẽn.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2017, Wycliffe Bible Translators, Inc., All rights reserved.