Dtiicanĩ cĩg ꞌThooyyiahu 2
2
Ikia Lorii ꞌcĩ Ẽllẽẽmĩthĩ
1Ma kõr cĩ Karrama cĩ Waathinniook Hẽẽn ꞌTur,#2:1 Karrama cĩ Waathinniook Hẽẽn ꞌTur: Baa aku Karrama ciee urutaa cĩ Waathinniook Hẽẽn ꞌTur cĩg Kõr cĩ Haangittõõ. Karramaawaa cĩ, baa gõõng aꞌnyak eeta cĩg ꞌJudeei ꞌgẽẽn cĩ manẽẽn cĩggĩĩng ꞌcĩ oou õõ aaꞌnyĩk Nyekuc hĩĩ ꞌbaaninit ꞌCieethaa cĩnnĩ ꞌJeruꞌthalẽma. Baa kõr ꞌcĩ alluuccianĩ Lorii ꞌcĩ Ẽllẽẽmĩth ootinii cĩg nuyyioohu cieeni. Tigiil ꞌBuuk cĩ Tigiilẽttõõ 28:26-31; ꞌBuuk cĩ Dtiicanĩ cĩg ꞌThooyyiahu 2:1-4. baa aattĩg nuyyiooha vẽlẽk ngaatĩ hõdẽẽthõng. 2Ma hĩdĩĩkoothong, ikia mõlõõhĩ ꞌcĩ aku hẽẽtahujjieen ꞌcĩ ẽggẽrẽny aaĩ hĩ uuro, hikia hĩbbĩt ꞌcieetõõ ꞌcĩ aattiyyi nẽẽg ko. 3Ma ho, udtuukta ꞌgwoyyiẽẽn ũgĩ ꞌcĩg alanyta cũũmõ cũũmõ hiita huttuhullioo ootinii cĩggĩĩng. 4Ma nĩngaata, ikia Lorii ꞌcĩ Ẽllẽẽmĩth hĩ ĩhõõggõ vẽlẽk, nĩngĩtĩ õthõõthĩ nẽẽg thooꞌthiohĩ cũũmõ cũũmõ, hĩcĩ aaꞌnyĩk Lorii ꞌcĩ Ẽllẽmĩth ĩhõõggõ.
5Baa ammũdeek aattĩg eeta cĩg ꞌJudeei ꞌcĩg itieelli Nyekuc ꞌcĩg allũnganniaa loonyini vẽlẽk ꞌJeruꞌthalẽma. 6Ma baa athĩhĩ nẽẽg molook icci ho, ikia uluttia lothippiti ngaatĩ hõdẽẽthõng. Nẽẽthĩ, baa akuleek nẽẽg ꞌjieen, hĩnĩngĩtĩ baa athĩhĩ õthõõth nuyyiooha thooꞌthiohĩĩ cĩggĩĩng cũũmõ cũũmõ. 7Nĩngĩtĩ abulanĩ thõõth ciee ĩhõõggõ haccamattoothĩk hĩĩtõ, “Hõllõngaa nooyyia eet gõõng õthõõth ꞌGalileeyyi cieegi? 8Nẽ gõõng hĩthĩhĩt naag vẽlẽk cĩg hau loonyinii ꞌcĩg ꞌrĩĩng, thõõth ꞌcĩ õthõõth eeta niccieeg ko inni? 9Hĩĩgĩn nõõ naag ũgẽẽgĩ cĩg looc cĩ Parthia nẽ au ũgẽẽgĩ looccaa cĩ Media hĩ ꞌcĩg au Ẽlama nẽ ĩĩtõ eeta ũgẽẽgĩ cĩg looc cĩ Methopotamia hĩ ꞌJudeea hĩ Kapadooccia. Nẽ tarĩ, iita eeta ũgẽẽgĩ looccaa cĩ Pontu hĩ Aaꞌthia, 10au eeta ũgẽẽgĩ Virigia hĩ Pamvilia hĩ Ijjiba hĩ looccaa cĩ Libia, ngaatĩ õbõhõõ hĩ Cireene hĩ ꞌRooma, 11eet cĩg Kerete hĩ cĩg Arabia. Baa harrittiaa naag eeta ũgẽẽgĩ hĩĩgĩn eet cĩg ꞌJudeei nẽ baa eberria eeta ũgẽẽgĩ hĩĩtõ eet cĩg ꞌJudeei. Nẽẽthĩ ꞌyioko, hĩthĩhĩt ĩhõõggõ ngaatĩ aduhaanĩ thooꞌthiok ꞌcĩg abulanneet, ꞌcĩg adtican Nyekuci thooꞌthiohĩĩ cĩggaac cũũmõ cũũmõ!” 12Baa atalmaanyan eet vẽlẽk thõõth ciee hidhirriaangtĩ hijitto ẽmmẽn hĩĩtõ, “Aĩ occa thõõth nicciee ne?”
13Nẽ baa hinnia arannĩ eeta ũgẽẽgĩ nuyyiook cĩg Makayyioohit Yeesu aĩ, “Ayyia, ũhũdĩt hatĩ eeta cieeg mẽrtĩ cĩ viinoo cobbi gẽrrẽẽt.”
Irrioonĩk Pẽẽtũrũ lothippit
14Ma ho, ĩtĩnga Pẽẽtũrũ hĩ ꞌthooyyiak ꞌcĩg ĩĩn õmmõtõ hĩ hõdẽĩ ho nẽ irrioon moloohaa cobbi ĩĩ, “Niig ꞌgoonoga eeta cĩg ꞌJudeei hĩ ngagiit vẽlẽk ꞌcĩg aattiyyu ꞌJeruꞌthalẽma, aanytaangu huduhaahuung thõõth icci. Ĩthĩhĩt thõõth ꞌcĩ haduha naa ho jurrung. 15Aitiõõ eeta cieeg hõllõngaa adũũtĩ hĩcĩ ammuhuneeku niig ko. Iyyia aku thõõth ciee aa ꞌthaa tũrkũwwec ngerrenita. 16Nẽẽthĩ, ĩĩn ciee thõõth baa aduha põrõvẽtaacĩ#2:16 Põrõvẽtaac: Ĩĩn põrõvẽtaacĩ eet ꞌcĩ athĩkna nyeemuut hĩ Nyekuc nẽ ikia uduhaak eeta. ꞌJõõẽlĩ aĩ,
17“ ‘Kõr ꞌcĩ decciaanĩt cĩ lootu aĩ Nyekuci,
haaꞌnyihi hatĩ naa Lori caannĩ eet vẽlẽk.
Irrioon hatĩ lohollia cugguung vẽlẽk thõõth caannĩ.
Nẽ acĩn hatĩ nyahaappanĩta cugguung hẽlẽggĩ ꞌcĩg occa hõllõngaa agayyu niiga
nẽ aꞌnyak hatĩ eeta cugguung ꞌcĩg atahaanyito honooꞌthiak ꞌcĩg mẽẽlĩg.
18Waathinnioohĩĩ tĩko, haaꞌnyihi hatĩ naa Lori caannĩ dticcianniook cĩgannĩg
ꞌcĩg maacĩg hĩ ꞌcĩg ngayyig
nẽ illimatteek eet thõõth caannĩ.
19Hadĩmani hatĩ hẽlẽggĩ ꞌcĩg ĩnaat eeta lokora hẽẽtahujjieen
hĩ loota nẽ aattĩg hatĩ biyyieeta hĩ ꞌgwoo hĩccĩnĩt bũrrẽt.
20Adaahĩ hatĩ kõrra hĩĩ lõõcĩ muguur
nẽ ũtũhũĩ nyĩlõhĩ hĩĩ biyyi,
õõa ꞌcĩ nga hikiaaĩ bulẽẽnĩtĩ cĩ kõr cĩ Makayyiookto.
21Nẽ ẽẽtĩ ꞌcĩ atab eliinit hĩ Makayyioohit,
eelliaa hatĩnĩ.’#Tigiil ꞌBuuk cĩ ꞌJõõẽlĩ 2:28-32
22“Ĩthĩhĩt thooꞌthiok iccig, niig eeta cĩg Ĩꞌthĩraẽlĩ. Baa ĩĩn Yeesu cĩ Naaꞌtharẽtĩ eet ꞌcĩ aku makaaꞌthĩtaa cĩ Nyekuci nẽ aaꞌnyĩk Nyekuci ĩnõõnnõ hidtican thooꞌthiok ꞌcĩg ĩnaat eeta. Nẽ agayyu ꞌthẽk niig vẽlẽk thõõth icci, hĩnĩngĩtĩ baa adtican Yeesu thooꞌthiok iccig hõrggẽẽnaa cunuung. 23Baa aga Nyekuci muhẽẽnĩt ꞌcĩ aaꞌnyuung ngagiit Yeesu. Nẽ tarĩ, au hinnia aaꞌnyiku niig ꞌthẽccanniook hõtõddõõcõ ĩnõõnnõ hurucceea. 24Nẽ baa ũrũgũtha Nyekuci ĩnõõnnõ ꞌloohatõõ, ikia iittiõõ daahĩthĩ ꞌcĩ aggam ĩnõõnnõ tarĩ tõõ. 25Aduha habuui Daavide thõõth ꞌcĩ Yeesu aĩ,
“ ‘Hacini naa Makayyioohit hõdõõkõthĩ muumaa caannĩ.
Hĩnĩngĩtĩ aaĩ nẽẽ attiaa caannĩ ĩcobbi,
nẽ aitiõõ hatĩ ꞌgii ꞌcĩ hiteelli tõõ.
26Hĩ ꞌyioko ho, õõr nganĩĩt ꞌthĩnĩt gẽrrẽẽt.
Aaĩ hatĩ ẽlẽ caannĩ muhẽẽttaa ꞌcĩ abũnnaa,
27hĩnĩngĩtĩ hõllõngaa hatĩ ũũnnĩkaa ꞌloohatõõ,
hode uunnihi Dticciannioohit cunni ꞌcĩ Ẽllẽẽmĩth hõtõngõl.
28Baa eteretheehaa nii nganĩĩt ꞌgõõl cĩ rũgẽtõ,
nẽ aaꞌnya rũmẽẽnĩtĩ cunni hĩ nganĩĩt taliinit ꞌcĩ maka.’#Tigiil ꞌBuuk cĩ Tegellwaanu 16:8-11
29“ꞌGotoonoga hĩ ngoonoga, haduhaakuung cũrũmũũm thõõth cĩ baangeet cĩnaac Daavide. Baa adaahĩ hadaĩ nẽ ꞌyioko, aattĩg biyyiẽẽna cĩgĩnnĩg ngaati hĩĩ noho. 30Nẽẽthĩ, baa ĩĩn Daavide põrõvẽtaac nẽ aga ngaatĩ aduhaakĩ Nyekuci ĩnõõnnõ ngaatĩ hatĩ aarĩkĩ loholeec umwa cĩ hattũũg cĩnnĩ, hikia haavvi dtaaba cĩnnĩ hĩĩ habu. 31Baa acinoothi Daavide thõõth ꞌcĩ nga aayyiaa ĩĩcĩ oou, nĩngĩtĩ aduhaanĩ rũgaanĩt cĩ Yeesu Krĩstõ,#2:31 Yeesu Krĩstõ: ꞌThaara ꞌcĩg haĩ Yeesu ho, aĩ ẽẽlanneet Nyekuci. ꞌThaara ꞌcĩg haĩ Krĩstõ ho, aĩ ẽbẽra Nyekuci eet hĩĩ Habu. ngaatĩ hõllõngaa ũũnnõthõõthĩkĩ Yeesu ꞌloohatõõ hode hõtõngõl ẽlẽ cĩnnẽẽnĩ.
32“Ũrũgũtha Nyekuci Yeesu icci daahĩtha nẽ ꞌyioko, hĩĩgĩn naag vẽlẽk hẽbẽrĩ cĩg thõõth ꞌcĩ ĩĩn dĩdĩ. 33Õdõngĩ Yeesu hẽẽtahujjieen hũũk haau attiaa cobbi ĩĩcĩ Nyekuci nẽ aaꞌnyĩk Baangẽẽtĩ ĩnõõnnõ Lori ꞌcĩ Ẽllẽẽmĩth hĩ baa aduha Nyekuci. Ĩĩn Yeesu buúk eet ꞌcĩ aaꞌnyeet ngagĩĩt Lori ꞌcĩ Ẽllẽẽmĩthĩ, ĩnõõ ꞌyioko thõõth ꞌcĩ acinnu ngaatĩ õthõõthĩ nuyyiooha thooꞌthiohĩ cũũmõ cũũmõ ho. 34Baa hõllõngaa õtõd Daavide hẽẽtahujjieen nẽ hõllõngaa õthõõth ẽlẽ cĩnnĩ baa aĩ,
“Aduhaak Makayyioohiti Makayyioohit caannĩ#2:34 Makayyioohit caannĩ: Avvĩ Makayyioohiti Nyekuci Yeesu anneek, Makayyioohit caannĩ. anneek,
‘ꞌCioloongan ngaati attiaa caannĩ ĩcobbi,
35ĩꞌthõng haggam mĩrõk cugunnig.’ ”#Tigiil ꞌBuuk cĩ Tegellwaanu 110:1
36“Nẽẽthĩ, aanytĩk hagaacõ eeta cĩg Ĩꞌthĩraẽlĩ vẽlẽk ngaatĩ aaꞌnyĩkĩ Nyekuci Yeesu baa odooddiku niig hurucceea, hĩĩ Makayyioohit nẽ ĩĩ Krĩstõ.”
37Ma baa athĩhĩ eeta thõõth icci ho, ommoꞌthi gẽrrẽẽt nẽ ĩĩttĩk Pẽẽtũrũ hĩ ꞌthooyyiak ũgĩ, “ꞌGotoonoga, hĩdĩmatta ꞌyioko hutuno?”
38Ẽdẽcĩ Pẽẽtũrũ anneek, “Ũtũngteek niig vẽlẽk hõdẽĩ hõdẽĩ ꞌthẽccanẽẽt cugguung nẽ aggamtu baattithimo ꞌthaarĩĩ cĩg Yeesu Krĩstõ, hátĩ hũtũngtoothĩk ꞌthẽccanẽẽta cugguung. Nẽẽthĩ hatĩ aaꞌnyĩhoothĩhuung ꞌbaaniniti cĩ Lori ꞌcĩ Ẽllẽẽmĩthĩ. 39Ĩĩn thõõth ciee adukiaa ho cunuung hĩ lõhõlĩ cugguung. Nẽ ĩĩn thõõth cĩ eet vẽlẽk ꞌcĩg hatĩ ẽbẽra Makayyioohiti Nyekuci cĩnaac, ꞌgoolliohĩ vẽlẽk ĩĩcĩg aattiyyi nẽẽgĩ.”
40Ma nĩngaata, uduhaak Pẽẽtũrũ ĩhõõggõ thooꞌthiok ũgĩ ꞌcĩg mẽẽlĩg gẽrrẽẽt. Nĩngĩtĩ ĩlalẽẽkĩ nẽ irrioonĩk ĩĩnnĩk, “Eellia eleeti cugguung, hĩnĩngĩtĩ ĩĩn eeta cĩg irkiꞌnyia iccig ꞌthẽccanniook.” 41Baa ĩĩn eeta ꞌcĩg elemit nyeemuut icci nẽ aggamit baattithimo aalibꞌnya iyyio nẽ ittoorriothoothĩk hĩ ꞌgõõnõgĩ cĩg kõr niccia. 42Nẽ baa alliman ꞌthooyyiaha ĩhõõggõ nẽ ũrũmtĩ hõdẽĩ, hĩ eeta cĩg halang hõdẽẽthõng. Aggatan ũbũnĩ buúk nẽ alayyio hõdẽĩ.
Rũmẽẽnĩt cĩ nuyyioohu
43Baa abulan eet cĩg ꞌJeruꞌthalẽmĩ vẽlẽk thooꞌthioha ꞌcĩg ĩnaat eeta ꞌcĩg adtican ꞌthooyyiaha. 44Nẽ baa arũmĩ lemmiooha nẽ otholit ꞌgẽẽn hĩ ijjio ꞌcĩg aꞌnyak nẽẽg vẽlẽk hõdẽĩ. 45Ũũtẽnĩ nẽẽg ijjio cĩggĩĩng nẽ otholit hẽlẽggĩ vẽlẽk ꞌcĩg aꞌnyak nẽẽgĩ. 46Waathinniook vẽlẽk, õmmõtõõ nẽẽg halaangatõõ cĩ ꞌCieeth cĩ Nyekuci.#2:46 ꞌCieeth cĩ Nyekuci: Baa ĩĩn ꞌCieeth cĩ Nyekuci hõdẽẽthõng ꞌJeruꞌthalẽma, aꞌnyak ꞌcieeth ciee nĩngĩtĩ hõdẽẽthõng ꞌcĩ ĩbbõõrĩkĩ paadĩrꞌnya Nyekuc ꞌgaarrieenit. Baa aaĩ Nyekuci bulẽẽtta ꞌCieethaa cĩnnĩ Ngaatĩ Aꞌngirannii nẽ Ẽllẽẽm Gẽrrẽẽt ko. Paadĩr cobbi dioo ꞌcĩ aduhun Nĩngĩtĩ Aꞌngirannii ho, õkõõĩ biyyi cĩg ꞌgaarrieettak, hátĩ hũũk hũtũngeek Nyekuci ꞌthẽccanẽẽt cĩg eetuk. Tigiil thõõth icci ꞌBuuhaa cĩ Levitiko 16; Ebereei 9. Aggatan ũbũnĩ olooyyiohĩ nẽ udukto hõdẽĩ ꞌthinneetinii cĩg õõrĩg, 47adĩhĩth Nyekuc nẽ accamattoothĩk, hĩnĩngĩtĩ bũnnai ꞌcĩ arũmẽẽnĩ eeta vẽlẽk hõdẽĩ. Baa atalĩ eeta vẽlẽk ĩhõõggõ nẽ waathĩn hõdẽẽthõng, ĩttõõr Makayyioohiti lothippit cĩnĩĩng eetinii ꞌcĩg eelliaa.
Zvasarudzwa nguva ino
Dtiicanĩ cĩg ꞌThooyyiahu 2: did
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2017, Wycliffe Bible Translators, Inc., All rights reserved.
Dtiicanĩ cĩg ꞌThooyyiahu 2
2
Ikia Lorii ꞌcĩ Ẽllẽẽmĩthĩ
1Ma kõr cĩ Karrama cĩ Waathinniook Hẽẽn ꞌTur,#2:1 Karrama cĩ Waathinniook Hẽẽn ꞌTur: Baa aku Karrama ciee urutaa cĩ Waathinniook Hẽẽn ꞌTur cĩg Kõr cĩ Haangittõõ. Karramaawaa cĩ, baa gõõng aꞌnyak eeta cĩg ꞌJudeei ꞌgẽẽn cĩ manẽẽn cĩggĩĩng ꞌcĩ oou õõ aaꞌnyĩk Nyekuc hĩĩ ꞌbaaninit ꞌCieethaa cĩnnĩ ꞌJeruꞌthalẽma. Baa kõr ꞌcĩ alluuccianĩ Lorii ꞌcĩ Ẽllẽẽmĩth ootinii cĩg nuyyioohu cieeni. Tigiil ꞌBuuk cĩ Tigiilẽttõõ 28:26-31; ꞌBuuk cĩ Dtiicanĩ cĩg ꞌThooyyiahu 2:1-4. baa aattĩg nuyyiooha vẽlẽk ngaatĩ hõdẽẽthõng. 2Ma hĩdĩĩkoothong, ikia mõlõõhĩ ꞌcĩ aku hẽẽtahujjieen ꞌcĩ ẽggẽrẽny aaĩ hĩ uuro, hikia hĩbbĩt ꞌcieetõõ ꞌcĩ aattiyyi nẽẽg ko. 3Ma ho, udtuukta ꞌgwoyyiẽẽn ũgĩ ꞌcĩg alanyta cũũmõ cũũmõ hiita huttuhullioo ootinii cĩggĩĩng. 4Ma nĩngaata, ikia Lorii ꞌcĩ Ẽllẽẽmĩth hĩ ĩhõõggõ vẽlẽk, nĩngĩtĩ õthõõthĩ nẽẽg thooꞌthiohĩ cũũmõ cũũmõ, hĩcĩ aaꞌnyĩk Lorii ꞌcĩ Ẽllẽmĩth ĩhõõggõ.
5Baa ammũdeek aattĩg eeta cĩg ꞌJudeei ꞌcĩg itieelli Nyekuc ꞌcĩg allũnganniaa loonyini vẽlẽk ꞌJeruꞌthalẽma. 6Ma baa athĩhĩ nẽẽg molook icci ho, ikia uluttia lothippiti ngaatĩ hõdẽẽthõng. Nẽẽthĩ, baa akuleek nẽẽg ꞌjieen, hĩnĩngĩtĩ baa athĩhĩ õthõõth nuyyiooha thooꞌthiohĩĩ cĩggĩĩng cũũmõ cũũmõ. 7Nĩngĩtĩ abulanĩ thõõth ciee ĩhõõggõ haccamattoothĩk hĩĩtõ, “Hõllõngaa nooyyia eet gõõng õthõõth ꞌGalileeyyi cieegi? 8Nẽ gõõng hĩthĩhĩt naag vẽlẽk cĩg hau loonyinii ꞌcĩg ꞌrĩĩng, thõõth ꞌcĩ õthõõth eeta niccieeg ko inni? 9Hĩĩgĩn nõõ naag ũgẽẽgĩ cĩg looc cĩ Parthia nẽ au ũgẽẽgĩ looccaa cĩ Media hĩ ꞌcĩg au Ẽlama nẽ ĩĩtõ eeta ũgẽẽgĩ cĩg looc cĩ Methopotamia hĩ ꞌJudeea hĩ Kapadooccia. Nẽ tarĩ, iita eeta ũgẽẽgĩ looccaa cĩ Pontu hĩ Aaꞌthia, 10au eeta ũgẽẽgĩ Virigia hĩ Pamvilia hĩ Ijjiba hĩ looccaa cĩ Libia, ngaatĩ õbõhõõ hĩ Cireene hĩ ꞌRooma, 11eet cĩg Kerete hĩ cĩg Arabia. Baa harrittiaa naag eeta ũgẽẽgĩ hĩĩgĩn eet cĩg ꞌJudeei nẽ baa eberria eeta ũgẽẽgĩ hĩĩtõ eet cĩg ꞌJudeei. Nẽẽthĩ ꞌyioko, hĩthĩhĩt ĩhõõggõ ngaatĩ aduhaanĩ thooꞌthiok ꞌcĩg abulanneet, ꞌcĩg adtican Nyekuci thooꞌthiohĩĩ cĩggaac cũũmõ cũũmõ!” 12Baa atalmaanyan eet vẽlẽk thõõth ciee hidhirriaangtĩ hijitto ẽmmẽn hĩĩtõ, “Aĩ occa thõõth nicciee ne?”
13Nẽ baa hinnia arannĩ eeta ũgẽẽgĩ nuyyiook cĩg Makayyioohit Yeesu aĩ, “Ayyia, ũhũdĩt hatĩ eeta cieeg mẽrtĩ cĩ viinoo cobbi gẽrrẽẽt.”
Irrioonĩk Pẽẽtũrũ lothippit
14Ma ho, ĩtĩnga Pẽẽtũrũ hĩ ꞌthooyyiak ꞌcĩg ĩĩn õmmõtõ hĩ hõdẽĩ ho nẽ irrioon moloohaa cobbi ĩĩ, “Niig ꞌgoonoga eeta cĩg ꞌJudeei hĩ ngagiit vẽlẽk ꞌcĩg aattiyyu ꞌJeruꞌthalẽma, aanytaangu huduhaahuung thõõth icci. Ĩthĩhĩt thõõth ꞌcĩ haduha naa ho jurrung. 15Aitiõõ eeta cieeg hõllõngaa adũũtĩ hĩcĩ ammuhuneeku niig ko. Iyyia aku thõõth ciee aa ꞌthaa tũrkũwwec ngerrenita. 16Nẽẽthĩ, ĩĩn ciee thõõth baa aduha põrõvẽtaacĩ#2:16 Põrõvẽtaac: Ĩĩn põrõvẽtaacĩ eet ꞌcĩ athĩkna nyeemuut hĩ Nyekuc nẽ ikia uduhaak eeta. ꞌJõõẽlĩ aĩ,
17“ ‘Kõr ꞌcĩ decciaanĩt cĩ lootu aĩ Nyekuci,
haaꞌnyihi hatĩ naa Lori caannĩ eet vẽlẽk.
Irrioon hatĩ lohollia cugguung vẽlẽk thõõth caannĩ.
Nẽ acĩn hatĩ nyahaappanĩta cugguung hẽlẽggĩ ꞌcĩg occa hõllõngaa agayyu niiga
nẽ aꞌnyak hatĩ eeta cugguung ꞌcĩg atahaanyito honooꞌthiak ꞌcĩg mẽẽlĩg.
18Waathinnioohĩĩ tĩko, haaꞌnyihi hatĩ naa Lori caannĩ dticcianniook cĩgannĩg
ꞌcĩg maacĩg hĩ ꞌcĩg ngayyig
nẽ illimatteek eet thõõth caannĩ.
19Hadĩmani hatĩ hẽlẽggĩ ꞌcĩg ĩnaat eeta lokora hẽẽtahujjieen
hĩ loota nẽ aattĩg hatĩ biyyieeta hĩ ꞌgwoo hĩccĩnĩt bũrrẽt.
20Adaahĩ hatĩ kõrra hĩĩ lõõcĩ muguur
nẽ ũtũhũĩ nyĩlõhĩ hĩĩ biyyi,
õõa ꞌcĩ nga hikiaaĩ bulẽẽnĩtĩ cĩ kõr cĩ Makayyiookto.
21Nẽ ẽẽtĩ ꞌcĩ atab eliinit hĩ Makayyioohit,
eelliaa hatĩnĩ.’#Tigiil ꞌBuuk cĩ ꞌJõõẽlĩ 2:28-32
22“Ĩthĩhĩt thooꞌthiok iccig, niig eeta cĩg Ĩꞌthĩraẽlĩ. Baa ĩĩn Yeesu cĩ Naaꞌtharẽtĩ eet ꞌcĩ aku makaaꞌthĩtaa cĩ Nyekuci nẽ aaꞌnyĩk Nyekuci ĩnõõnnõ hidtican thooꞌthiok ꞌcĩg ĩnaat eeta. Nẽ agayyu ꞌthẽk niig vẽlẽk thõõth icci, hĩnĩngĩtĩ baa adtican Yeesu thooꞌthiok iccig hõrggẽẽnaa cunuung. 23Baa aga Nyekuci muhẽẽnĩt ꞌcĩ aaꞌnyuung ngagiit Yeesu. Nẽ tarĩ, au hinnia aaꞌnyiku niig ꞌthẽccanniook hõtõddõõcõ ĩnõõnnõ hurucceea. 24Nẽ baa ũrũgũtha Nyekuci ĩnõõnnõ ꞌloohatõõ, ikia iittiõõ daahĩthĩ ꞌcĩ aggam ĩnõõnnõ tarĩ tõõ. 25Aduha habuui Daavide thõõth ꞌcĩ Yeesu aĩ,
“ ‘Hacini naa Makayyioohit hõdõõkõthĩ muumaa caannĩ.
Hĩnĩngĩtĩ aaĩ nẽẽ attiaa caannĩ ĩcobbi,
nẽ aitiõõ hatĩ ꞌgii ꞌcĩ hiteelli tõõ.
26Hĩ ꞌyioko ho, õõr nganĩĩt ꞌthĩnĩt gẽrrẽẽt.
Aaĩ hatĩ ẽlẽ caannĩ muhẽẽttaa ꞌcĩ abũnnaa,
27hĩnĩngĩtĩ hõllõngaa hatĩ ũũnnĩkaa ꞌloohatõõ,
hode uunnihi Dticciannioohit cunni ꞌcĩ Ẽllẽẽmĩth hõtõngõl.
28Baa eteretheehaa nii nganĩĩt ꞌgõõl cĩ rũgẽtõ,
nẽ aaꞌnya rũmẽẽnĩtĩ cunni hĩ nganĩĩt taliinit ꞌcĩ maka.’#Tigiil ꞌBuuk cĩ Tegellwaanu 16:8-11
29“ꞌGotoonoga hĩ ngoonoga, haduhaakuung cũrũmũũm thõõth cĩ baangeet cĩnaac Daavide. Baa adaahĩ hadaĩ nẽ ꞌyioko, aattĩg biyyiẽẽna cĩgĩnnĩg ngaati hĩĩ noho. 30Nẽẽthĩ, baa ĩĩn Daavide põrõvẽtaac nẽ aga ngaatĩ aduhaakĩ Nyekuci ĩnõõnnõ ngaatĩ hatĩ aarĩkĩ loholeec umwa cĩ hattũũg cĩnnĩ, hikia haavvi dtaaba cĩnnĩ hĩĩ habu. 31Baa acinoothi Daavide thõõth ꞌcĩ nga aayyiaa ĩĩcĩ oou, nĩngĩtĩ aduhaanĩ rũgaanĩt cĩ Yeesu Krĩstõ,#2:31 Yeesu Krĩstõ: ꞌThaara ꞌcĩg haĩ Yeesu ho, aĩ ẽẽlanneet Nyekuci. ꞌThaara ꞌcĩg haĩ Krĩstõ ho, aĩ ẽbẽra Nyekuci eet hĩĩ Habu. ngaatĩ hõllõngaa ũũnnõthõõthĩkĩ Yeesu ꞌloohatõõ hode hõtõngõl ẽlẽ cĩnnẽẽnĩ.
32“Ũrũgũtha Nyekuci Yeesu icci daahĩtha nẽ ꞌyioko, hĩĩgĩn naag vẽlẽk hẽbẽrĩ cĩg thõõth ꞌcĩ ĩĩn dĩdĩ. 33Õdõngĩ Yeesu hẽẽtahujjieen hũũk haau attiaa cobbi ĩĩcĩ Nyekuci nẽ aaꞌnyĩk Baangẽẽtĩ ĩnõõnnõ Lori ꞌcĩ Ẽllẽẽmĩth hĩ baa aduha Nyekuci. Ĩĩn Yeesu buúk eet ꞌcĩ aaꞌnyeet ngagĩĩt Lori ꞌcĩ Ẽllẽẽmĩthĩ, ĩnõõ ꞌyioko thõõth ꞌcĩ acinnu ngaatĩ õthõõthĩ nuyyiooha thooꞌthiohĩ cũũmõ cũũmõ ho. 34Baa hõllõngaa õtõd Daavide hẽẽtahujjieen nẽ hõllõngaa õthõõth ẽlẽ cĩnnĩ baa aĩ,
“Aduhaak Makayyioohiti Makayyioohit caannĩ#2:34 Makayyioohit caannĩ: Avvĩ Makayyioohiti Nyekuci Yeesu anneek, Makayyioohit caannĩ. anneek,
‘ꞌCioloongan ngaati attiaa caannĩ ĩcobbi,
35ĩꞌthõng haggam mĩrõk cugunnig.’ ”#Tigiil ꞌBuuk cĩ Tegellwaanu 110:1
36“Nẽẽthĩ, aanytĩk hagaacõ eeta cĩg Ĩꞌthĩraẽlĩ vẽlẽk ngaatĩ aaꞌnyĩkĩ Nyekuci Yeesu baa odooddiku niig hurucceea, hĩĩ Makayyioohit nẽ ĩĩ Krĩstõ.”
37Ma baa athĩhĩ eeta thõõth icci ho, ommoꞌthi gẽrrẽẽt nẽ ĩĩttĩk Pẽẽtũrũ hĩ ꞌthooyyiak ũgĩ, “ꞌGotoonoga, hĩdĩmatta ꞌyioko hutuno?”
38Ẽdẽcĩ Pẽẽtũrũ anneek, “Ũtũngteek niig vẽlẽk hõdẽĩ hõdẽĩ ꞌthẽccanẽẽt cugguung nẽ aggamtu baattithimo ꞌthaarĩĩ cĩg Yeesu Krĩstõ, hátĩ hũtũngtoothĩk ꞌthẽccanẽẽta cugguung. Nẽẽthĩ hatĩ aaꞌnyĩhoothĩhuung ꞌbaaniniti cĩ Lori ꞌcĩ Ẽllẽẽmĩthĩ. 39Ĩĩn thõõth ciee adukiaa ho cunuung hĩ lõhõlĩ cugguung. Nẽ ĩĩn thõõth cĩ eet vẽlẽk ꞌcĩg hatĩ ẽbẽra Makayyioohiti Nyekuci cĩnaac, ꞌgoolliohĩ vẽlẽk ĩĩcĩg aattiyyi nẽẽgĩ.”
40Ma nĩngaata, uduhaak Pẽẽtũrũ ĩhõõggõ thooꞌthiok ũgĩ ꞌcĩg mẽẽlĩg gẽrrẽẽt. Nĩngĩtĩ ĩlalẽẽkĩ nẽ irrioonĩk ĩĩnnĩk, “Eellia eleeti cugguung, hĩnĩngĩtĩ ĩĩn eeta cĩg irkiꞌnyia iccig ꞌthẽccanniook.” 41Baa ĩĩn eeta ꞌcĩg elemit nyeemuut icci nẽ aggamit baattithimo aalibꞌnya iyyio nẽ ittoorriothoothĩk hĩ ꞌgõõnõgĩ cĩg kõr niccia. 42Nẽ baa alliman ꞌthooyyiaha ĩhõõggõ nẽ ũrũmtĩ hõdẽĩ, hĩ eeta cĩg halang hõdẽẽthõng. Aggatan ũbũnĩ buúk nẽ alayyio hõdẽĩ.
Rũmẽẽnĩt cĩ nuyyioohu
43Baa abulan eet cĩg ꞌJeruꞌthalẽmĩ vẽlẽk thooꞌthioha ꞌcĩg ĩnaat eeta ꞌcĩg adtican ꞌthooyyiaha. 44Nẽ baa arũmĩ lemmiooha nẽ otholit ꞌgẽẽn hĩ ijjio ꞌcĩg aꞌnyak nẽẽg vẽlẽk hõdẽĩ. 45Ũũtẽnĩ nẽẽg ijjio cĩggĩĩng nẽ otholit hẽlẽggĩ vẽlẽk ꞌcĩg aꞌnyak nẽẽgĩ. 46Waathinniook vẽlẽk, õmmõtõõ nẽẽg halaangatõõ cĩ ꞌCieeth cĩ Nyekuci.#2:46 ꞌCieeth cĩ Nyekuci: Baa ĩĩn ꞌCieeth cĩ Nyekuci hõdẽẽthõng ꞌJeruꞌthalẽma, aꞌnyak ꞌcieeth ciee nĩngĩtĩ hõdẽẽthõng ꞌcĩ ĩbbõõrĩkĩ paadĩrꞌnya Nyekuc ꞌgaarrieenit. Baa aaĩ Nyekuci bulẽẽtta ꞌCieethaa cĩnnĩ Ngaatĩ Aꞌngirannii nẽ Ẽllẽẽm Gẽrrẽẽt ko. Paadĩr cobbi dioo ꞌcĩ aduhun Nĩngĩtĩ Aꞌngirannii ho, õkõõĩ biyyi cĩg ꞌgaarrieettak, hátĩ hũũk hũtũngeek Nyekuci ꞌthẽccanẽẽt cĩg eetuk. Tigiil thõõth icci ꞌBuuhaa cĩ Levitiko 16; Ebereei 9. Aggatan ũbũnĩ olooyyiohĩ nẽ udukto hõdẽĩ ꞌthinneetinii cĩg õõrĩg, 47adĩhĩth Nyekuc nẽ accamattoothĩk, hĩnĩngĩtĩ bũnnai ꞌcĩ arũmẽẽnĩ eeta vẽlẽk hõdẽĩ. Baa atalĩ eeta vẽlẽk ĩhõõggõ nẽ waathĩn hõdẽẽthõng, ĩttõõr Makayyioohiti lothippit cĩnĩĩng eetinii ꞌcĩg eelliaa.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2017, Wycliffe Bible Translators, Inc., All rights reserved.