Dtiicanĩ cĩg ꞌThooyyiahu 16
16
Idticattõõ Timotteeo hĩ Paaulo hĩ ꞌThĩĩla
1Ma ho, iita oboddioothĩ Paaulo hĩ ꞌThĩĩla ꞌtaaũnnioohĩ cĩg ꞌDerbe hĩ Liꞌthira, ngaatĩ baa aayyi nuyyioohiti umwaa ꞌcĩ haĩ Timotteeo. Baa ĩĩn aattĩ Timotteeo buúk nuyyioohit ꞌcĩ ĩĩn ꞌJudeeinit nẽ ĩĩ maaꞌnyia ꞌGiriheenit. 2Baa athithan nuyyiooha cĩg Makayyiooktak ꞌtaaũnnioohĩĩ cĩg Liꞌthira hĩ Ikonium thõõth ꞌcĩ abũnnayyĩ Timotteeo gẽrrẽẽt. 3Nẽ baa adiim Paaulo õõkõr hĩ Timotteeo hẽẽrõna. Nĩngĩtĩ nõõ ẽttẽẽdĩ#16:3 Ẽttẽẽd Paaulo ẽlẽ cĩ Timotteeo: Baa ẽttẽẽd Paaulo Timotteeo ẽlẽ cĩ eet ꞌcĩ maacĩ, hĩnĩngĩtĩ baa ĩĩn ngaannia ꞌJudeeinit nẽ ĩĩ maaꞌnyia ꞌGiriheenit. Aitiõõ eeta cĩg ꞌGirihi hõllõngaa ẽttẽẽd eleeti cĩg lõhõlĩ cĩggĩĩng ꞌcĩg maacĩg. Nẽẽthĩ, má ĩĩn eet umwa ngaannia ꞌJudeeinit, ẽlẽmĩ eeta cĩg ꞌJudeei ĩnõõnnõ hĩ ẽẽtĩ cĩnĩĩng. Ĩnõõ ꞌcĩ ẽttẽẽdĩ Paaulo Timotteeo, hátĩ helemit eeta cĩg ꞌJudeei ĩnõõnnõ ho. Paaulo ẽlẽ cĩ Timotteeo, hĩnĩngĩtĩ eet cĩg ꞌJudeei ꞌcĩg arũmĩ hĩ ĩnõõnnõ ngaatĩ hõdẽẽthõng. Baa aga eeta cĩg ꞌJudeei cieeg ngaatĩ ĩĩnnĩ maaꞌnyĩ Timotteeo ꞌGiriheenit. 4Ma baa oyoyyorit Paaulo hĩ ꞌgõõnõgĩ ũgĩ ꞌtaaũnnioohĩ, õõt uduktaak nẽẽg nuyyiook thooꞌthiok ꞌcĩg baag atuhan ꞌthooyyiaha hĩ makayyiook ꞌJeruꞌthalẽma. Nĩngĩtĩ irrioonĩkĩ ĩhõõggõ hũnnẽẽcõ tilooinit icci.#16:4 Tilooinit icci: Tigiil thõõth cĩ tilooinit icci ꞌBuuhaa cĩ Dtiicanĩ cĩg ꞌThooyyiahu 15:23-29. 5Ma ho, iita ittiranit lothippiꞌnya cĩg lemmioohu lemiittaa cĩnĩĩng nẽ ittoorri waathinniook vẽlẽk.
Ohonoothĩk Paaulo eet cĩg looc cĩ Maccedoonia
6Baa õvvõ Paaulo hĩ ꞌgõõnõgĩ looc cĩ Virigia hĩ ꞌGalaaꞌthia hũtũrũũr. Nẽẽthĩ, baa hõllõngaa ẽlẽmaakĩ Lorii ꞌcĩ Ẽllẽẽmĩth ĩhõõggõ hillimattõõ looccaa cĩ Aaꞌthia. 7Ma baa ma õdõlan nẽẽg lõkõõrĩ cĩ looc cĩ Miꞌthia ho, iita idiimito nẽẽg edeccieek ĩcĩ looc cĩ Bithinia. Baa hinnia hõllõngaa ẽlẽmaakĩ Lorii cĩ Yeesu ĩhõõggõ hõõt. 8Nĩngĩtĩ ĩꞌngaannĩ Paaulo hĩ ꞌgõõnõgĩ hẽꞌngẽrkẽẽthanit Miꞌthia, hõõt hõdõlanit ꞌtaaũn cĩ Tõrõa. 9Ma baa baal, ũũk ohonoothĩk Paaulo eet umwa cĩ Maccedoonia ꞌcĩ aku abĩlĩ nẽ ala ĩnõõnnõ ĩĩnnĩk, “Ijjia baaĩ nuun eleet ngagĩĩt looccaa cĩ Maccedoonia.” 10Ma baa õhõnõõthĩ Paaulo ẽlẽk, hĩtĩngaayyia hataman#16:10 Hĩtĩngaayyia hataman: Õthõõth ꞌLuuka aĩ, “Hĩtĩngaayyia hataman,” hĩnĩngĩtĩ ikia ũmmũdeek nẽẽ Paaulo nẽ ĩcĩn thooꞌthiok vẽlẽk baag adticanni dhooriꞌnyaannĩĩ baag nga idiongan ꞌBuuhaa cĩ Dtiicanĩ cĩg ꞌThooyyiahu. hoottia Maccedoonia. Hĩnĩngĩtĩ hagayyiootha ngaatĩ aũũyyeet ngagĩĩt Nyekuci hoottia hillimatta nyeemuut ꞌcĩ abũnnaa ĩĩca.
Ĩĩ Liidia nuyyioohit cĩ Makayyiookto
11Ma Tõrõa, hedeccieeha ĩĩcĩ bũlũcõ, nĩngĩtĩ hõõ hõtõdda haahũl ꞌcĩ abaaki õkõ looccaa ꞌcĩ aaĩ bũlũca hõrggẽẽna. Haĩ looc tĩho Thamotharace nẽ hoottia hõdõlatta baa kõr ꞌcĩ ꞌrĩĩng, ꞌtaaũn ꞌcĩ haĩ Neapoli. 12Ma nĩngaata, hĩtĩngaayyia hoottia Pilippi, ꞌtaaũnaa cobbi ĩĩcĩ baa aggam makayyiooha cĩg ꞌRooma dhoortaa cĩ Maccedoonia. Nĩngĩtĩ hõõ haattiyya nĩĩca waathinniook ꞌcĩg mẽẽlĩg.
13Ma baa Kõr cĩ ꞌYiommaanõ, hĩtĩngaayyia huduhutta hattũũg cobbi cĩ ꞌtaaũnõõ, hoottia ĩĩcĩ hidioo ꞌcĩ baa hadiimmoꞌtha nĩngĩtĩ laiitto. Ma ho, haauttia loota nẽ hothoothĩha ngaaĩ ũgĩ ꞌcĩg baag alũtĩ nĩngaata. 14Ngaaĩnĩĩ ꞌcĩg hothoothonna ho, baa aaĩ ngaa umwaa ꞌcĩ haĩ Liidia ꞌcĩ aku ꞌtaaũnaa cobbi ĩĩcĩ Thiatira, ꞌcĩ baa ũũtẽnĩ ceremwa ꞌcĩg õkõmĩ ꞌcĩg ꞌrẽggẽẽg. Baa ala nẽẽ Nyekuc gẽrrẽẽt, nĩngĩtĩ abbuuhi Makayyioohiti Yeesu ꞌthĩnĩt cĩnnĩ hĩthĩk nyeemuut cĩ Paaulo. 15Ma baa urutaa ꞌcĩ aggamtĩ Liidia hĩ halang cĩnnĩ baattithimo, ikia ũtũvveet nẽẽ ngagĩĩt õlõõ cĩnnĩ. Baa anneekeet nẽẽ ngagĩĩt, “Má elemmu ngaatĩ hĩĩnnĩ naa lemmioohit cĩ Makayyiookto dĩdĩ, iita thĩ haauto õlõõ caannĩ.” Nĩngĩtĩ mĩĩ hẽlẽmma ngaatĩ hõõkõrra.
Arrihoothĩk Paaulo hĩ ꞌThĩĩla baabuuth
16Ma kõr umwa ꞌgõõlaa ꞌcĩ baa hooyyia laiitta, hiita hommottiooa hĩ bũhẽẽc umwa ꞌcĩ ĩĩn appahaca. Baa aꞌnyak nẽẽ lori ꞌcĩ abathĩ ẽllaa cĩnnĩ, ꞌcĩ aaꞌnyĩk ĩnõõnnõ ꞌtirrian ꞌcĩ aduhaanĩ thõõth ꞌcĩ hatĩ nga aku horumwa. Baa aꞌnyahaak nẽẽ dtiicaa cĩnnĩ ho makayyiook cĩgĩnnĩg ꞌrabbẽẽt ꞌcĩg mẽẽlĩg gẽrrẽẽt. 17Baa anũyyeet bũhẽẽcĩ ciee ngagĩĩt hĩ Paaulo nẽ awacak ĩĩ, “Ĩĩn eeta cieeg dticcianniook cĩg Nyekuc ꞌcĩ ĩllõõan vẽlẽk! Aduhaakuung nẽẽg ngagiit ꞌgõõl ꞌcĩ eelliannu ꞌthẽccanẽẽtĩ.” 18Ara õthõõth bũhẽẽcĩ ciee thooꞌthiok iccig hõdõõkõthĩ waathinniook ꞌcĩg mẽẽlĩg. Ma ho, ikia ĩlĩĩlĩ Paaulo gẽrrẽẽt, nĩngĩtĩ abbuudẽnĩ nẽ ĩĩnnĩk lori ꞌcĩ abathĩ ho, “ꞌThaarĩĩ cĩg Yeesu Krĩstõ, haduhaaki hanneeki, tũngeek bũhẽẽc icci ẽmmẽn!” Ma ꞌthẽk nĩngaata noho, ũtũngeek lorii ꞌcĩ abathĩ ho bũhẽẽc tĩho.
19Ma baa iiyyela makayyiooha cĩg bũhẽẽcak ngaatĩ iittiõõĩ ꞌgõõl aa gõõng ammũdaanĩ nẽẽg ꞌrabbẽẽt tõõ ho, iita aggamit Paaulo hĩ ꞌThĩĩla nẽ utugurit ꞌgõõlaa cĩ ꞌcuuho ootti lokihooa. 20Ma ho, uduktaak eeta makayyiook cĩg lokihooak ĩĩttĩk, “Ĩĩn eeta cieeg ꞌJudeei nẽ au ngaati, hiita hĩkooꞌthiak ꞌtaaũn cĩnaac jore. 21Allimaneekeet eeta cieeg ngagĩĩt nyepiteeꞌnya ꞌcĩg hõllõngaa ẽlẽmĩ nyattalĩ cĩnaac cĩ eet cĩg ꞌRooma ngaatĩ occa hadĩmanĩ.”
22Nĩngĩtĩ aꞌngaꞌngarõõthĩkĩ lothippiti Paaulo hĩ ꞌThĩĩla. Ma ho, errecito makayyiooha ceremwa cĩg Paaulo hĩ cĩg ꞌThĩĩla nẽ aanytĩk ĩhõõggõ hudtwalattĩ halliẽẽnĩ. 23Ma baa uukti nẽẽg gẽrrẽẽt, iita aarrihoothĩk baabuuth nẽ udukiaak ꞌgaalac cĩ baabuutho hũꞌthũũtĩ ĩhõõggõ jurrung. 24Nĩngĩtĩ mĩĩ adĩmanĩ ꞌgaalacĩ hĩcĩ adukiaak ĩnõõnnõ ho. Baa aarĩk nẽẽ Paaulo hĩ ꞌThĩĩla baabuuthatõõ ĩttõõ ꞌrĩng nẽ ecebeek ꞌthoo cĩggĩĩng iggoolĩnĩĩ ꞌcĩg obbitig gẽrrẽẽt.
25Ma baa baal hõrggẽẽna, iita alayyio Paaulo hĩ ꞌThĩĩla nẽ ebetteek Nyekuc tegellwa. Nẽ baa athĩhĩ baabuuthnya ũgẽẽgĩ buúk ꞌcĩg baag arũmĩ hĩ ĩhõõggõ nĩngaata ngaatĩ ebeniini. 26Ma hĩdĩĩkoothong, uluba hirihidtihi umwaa ꞌcĩ attiran gẽrrẽẽt hõtõmõõĩ ꞌcieeth cĩ baabuutho ĩꞌthõng ꞌgoolliok cĩg adayyiaanĩ ꞌcieeth buúk. Ma ho, ubbuukti hattũũgẽta vẽlẽk noho valahaꞌnyak, hetteedi nyerikona ꞌcĩg ecebiini baabuuthnya vẽlẽk noho dtum. 27Ma baa ĩꞌngaathĩ ꞌgaalacĩ cĩ baabuutho nẽ udtuuha ngaatĩ abbuuhẽnĩ hattũũgẽta ho, ammuk hinnia nẽẽ aĩ ukulit eeta ꞌcĩg ecebbi ĩttõõ ho thõng. Nĩngĩtĩ avvũũcanĩ nyetuboot hũraraawatõõ nẽ aĩ huruk ẽlẽ cĩnnĩ. 28Tõjõhõ heggerenyeek Paaulo ꞌgaalac cĩ baabuutho ho hĩĩnnĩk, “Ẽlẽ ma haruhi ẽlẽ cunni haaga! Aitiõõ ẽẽtĩ ꞌcĩ avvir ngaati thõng tõõ.”
29Ma ho, ũtũvva ꞌgaalacĩ eet huttuhulliaak ĩnõõnnõ ꞌgwoo huduhuni baabuuthatõõ. Baa abarrit nẽẽ gẽrrẽẽt, nĩngĩtĩ akannĩ huruꞌnyia muumaa cĩ Paaulo hĩ ꞌThĩĩla. 30Nĩngĩtĩ aꞌnyahaanĩ nẽẽ Paaulo hĩ ꞌThĩĩla battaala nẽ ijin ĩĩnnĩk, “Makayyiook cĩgannĩg, hogooni occa naa hutuno hatĩ hẽẽla ẽlẽ caannĩ?”
31Ẽdẽcĩ Paaulo hĩ ꞌThĩĩla anneek, “Ẽlẽ, lẽẽm Makayyioohit Yeesu, hátĩ eellia nii hĩ halang cunni vẽlẽk.” 32Nĩngĩtĩ allimanẽẽkĩ Paaulo hĩ ꞌThĩĩla ĩnõõnnõ hĩ halang cĩnnĩ thõõth cĩ Makayyioohit Yeesu. 33Ma baalin tĩho noho, ũũhĩ ꞌgaalacĩ ĩhõõggõ ngaatĩ baa õkõ ũũnyĩ carrahulit cĩggĩĩng. Nĩngĩtĩ aggamĩ nẽẽ hĩ eet cĩg halang cĩnnĩ vẽlẽk baattithimo nĩĩcĩ noho. 34Ma nĩngaata, ikia aꞌnyaha ꞌgaalacĩ Paaulo hĩ ꞌThĩĩla õlõõ cĩnnĩ nẽ aaꞌnyĩk ꞌgẽẽn. Baa atalĩ nẽẽ gẽrrẽẽt, hĩnĩngĩtĩ ikia ẽlẽm nẽẽ hĩ eet cĩg halang cĩnnĩ vẽlẽk Nyekuc.
35Ma loohoth cĩnnĩ, ĩꞌthooyyia makayyiooha boliith ũgĩ hiita huduktaak ꞌgaalac cĩ baabuutho hõõga Paaulo hĩ ꞌThĩĩla hõõt. 36Nĩngĩtĩ aduhaakĩ ꞌgaalacĩ Paaulo annẽẽkĩ, “Uduktaaha nganĩĩt makayyiooha hõgauung ngagiita. Nẽẽthĩ ꞌyioko, õõt nuun lõꞌngõõc.”
37Baa hinnia anneek Paaulo bolitheenit, “Hĩĩgĩnna naag eet cĩg ꞌRooma#16:37 Eet cĩg ꞌRooma: Korrioohĩĩ baag Yeesu, baa aggam habuui cobbi cĩ ꞌRooma eet cĩg loonyin ꞌcĩg mẽẽlĩg. Nẽẽthĩ hinnianĩ, baa eet ꞌcĩg abadtẽc haaga ꞌcĩg ĩĩn eet cĩg ꞌRooma ꞌcĩg baag arrĩcana habuui cobbi ho gẽrrẽẽt, hĩnĩngĩtĩ baa ĩĩn nẽẽg eet cĩgĩnnĩg dẽẽdẽ. nẽ makayyiooha cĩg ꞌRooma, uukteet ngagĩĩt lothippita haaga nga hijitteet buúk. Ma ho, aarriheet baabuutha. Nẽ ꞌyioko ammuk nẽẽg occa ĩgorꞌtheekeet ngagĩĩt ꞌgõõl thõng? Aitiõõ hõllõngaa aĩ noho! Aꞌnyĩĩk ꞌthẽk ĩhõõggõ hiita hõõgtaeet ngagĩĩt nẽẽgĩ.”
38Ma baa õõ aduhaak boliithi makayyiook ngaatĩ ĩĩnnĩ Paaulo hĩ ꞌThĩĩla eet cĩg ꞌRooma ho, iita abarritit gẽrrẽẽt. 39Nĩngĩtĩ au annẽẽkĩ ĩhõõggõ, hõlõ, baa horotoothikuung thõng. Nĩngĩtĩ õõganĩ nẽẽg Paaulo hĩ ꞌThĩĩla nẽ uduktaak ĩhõõggõ hũtũngteek ꞌtaaũn. 40Ma nĩngaata, edeccieek Paaulo hĩ ꞌThĩĩla õõt õlõõ cĩ Liidia, ngaatĩ baa õõ õmmõtõõnĩ hĩ nuyyiook cĩg Makayyiooktak nẽ ũkũtatteek ĩhõõggõ dtiic. Ma ho, ĩtĩngaacõ õõta.
Zvasarudzwa nguva ino
Dtiicanĩ cĩg ꞌThooyyiahu 16: did
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2017, Wycliffe Bible Translators, Inc., All rights reserved.
Dtiicanĩ cĩg ꞌThooyyiahu 16
16
Idticattõõ Timotteeo hĩ Paaulo hĩ ꞌThĩĩla
1Ma ho, iita oboddioothĩ Paaulo hĩ ꞌThĩĩla ꞌtaaũnnioohĩ cĩg ꞌDerbe hĩ Liꞌthira, ngaatĩ baa aayyi nuyyioohiti umwaa ꞌcĩ haĩ Timotteeo. Baa ĩĩn aattĩ Timotteeo buúk nuyyioohit ꞌcĩ ĩĩn ꞌJudeeinit nẽ ĩĩ maaꞌnyia ꞌGiriheenit. 2Baa athithan nuyyiooha cĩg Makayyiooktak ꞌtaaũnnioohĩĩ cĩg Liꞌthira hĩ Ikonium thõõth ꞌcĩ abũnnayyĩ Timotteeo gẽrrẽẽt. 3Nẽ baa adiim Paaulo õõkõr hĩ Timotteeo hẽẽrõna. Nĩngĩtĩ nõõ ẽttẽẽdĩ#16:3 Ẽttẽẽd Paaulo ẽlẽ cĩ Timotteeo: Baa ẽttẽẽd Paaulo Timotteeo ẽlẽ cĩ eet ꞌcĩ maacĩ, hĩnĩngĩtĩ baa ĩĩn ngaannia ꞌJudeeinit nẽ ĩĩ maaꞌnyia ꞌGiriheenit. Aitiõõ eeta cĩg ꞌGirihi hõllõngaa ẽttẽẽd eleeti cĩg lõhõlĩ cĩggĩĩng ꞌcĩg maacĩg. Nẽẽthĩ, má ĩĩn eet umwa ngaannia ꞌJudeeinit, ẽlẽmĩ eeta cĩg ꞌJudeei ĩnõõnnõ hĩ ẽẽtĩ cĩnĩĩng. Ĩnõõ ꞌcĩ ẽttẽẽdĩ Paaulo Timotteeo, hátĩ helemit eeta cĩg ꞌJudeei ĩnõõnnõ ho. Paaulo ẽlẽ cĩ Timotteeo, hĩnĩngĩtĩ eet cĩg ꞌJudeei ꞌcĩg arũmĩ hĩ ĩnõõnnõ ngaatĩ hõdẽẽthõng. Baa aga eeta cĩg ꞌJudeei cieeg ngaatĩ ĩĩnnĩ maaꞌnyĩ Timotteeo ꞌGiriheenit. 4Ma baa oyoyyorit Paaulo hĩ ꞌgõõnõgĩ ũgĩ ꞌtaaũnnioohĩ, õõt uduktaak nẽẽg nuyyiook thooꞌthiok ꞌcĩg baag atuhan ꞌthooyyiaha hĩ makayyiook ꞌJeruꞌthalẽma. Nĩngĩtĩ irrioonĩkĩ ĩhõõggõ hũnnẽẽcõ tilooinit icci.#16:4 Tilooinit icci: Tigiil thõõth cĩ tilooinit icci ꞌBuuhaa cĩ Dtiicanĩ cĩg ꞌThooyyiahu 15:23-29. 5Ma ho, iita ittiranit lothippiꞌnya cĩg lemmioohu lemiittaa cĩnĩĩng nẽ ittoorri waathinniook vẽlẽk.
Ohonoothĩk Paaulo eet cĩg looc cĩ Maccedoonia
6Baa õvvõ Paaulo hĩ ꞌgõõnõgĩ looc cĩ Virigia hĩ ꞌGalaaꞌthia hũtũrũũr. Nẽẽthĩ, baa hõllõngaa ẽlẽmaakĩ Lorii ꞌcĩ Ẽllẽẽmĩth ĩhõõggõ hillimattõõ looccaa cĩ Aaꞌthia. 7Ma baa ma õdõlan nẽẽg lõkõõrĩ cĩ looc cĩ Miꞌthia ho, iita idiimito nẽẽg edeccieek ĩcĩ looc cĩ Bithinia. Baa hinnia hõllõngaa ẽlẽmaakĩ Lorii cĩ Yeesu ĩhõõggõ hõõt. 8Nĩngĩtĩ ĩꞌngaannĩ Paaulo hĩ ꞌgõõnõgĩ hẽꞌngẽrkẽẽthanit Miꞌthia, hõõt hõdõlanit ꞌtaaũn cĩ Tõrõa. 9Ma baa baal, ũũk ohonoothĩk Paaulo eet umwa cĩ Maccedoonia ꞌcĩ aku abĩlĩ nẽ ala ĩnõõnnõ ĩĩnnĩk, “Ijjia baaĩ nuun eleet ngagĩĩt looccaa cĩ Maccedoonia.” 10Ma baa õhõnõõthĩ Paaulo ẽlẽk, hĩtĩngaayyia hataman#16:10 Hĩtĩngaayyia hataman: Õthõõth ꞌLuuka aĩ, “Hĩtĩngaayyia hataman,” hĩnĩngĩtĩ ikia ũmmũdeek nẽẽ Paaulo nẽ ĩcĩn thooꞌthiok vẽlẽk baag adticanni dhooriꞌnyaannĩĩ baag nga idiongan ꞌBuuhaa cĩ Dtiicanĩ cĩg ꞌThooyyiahu. hoottia Maccedoonia. Hĩnĩngĩtĩ hagayyiootha ngaatĩ aũũyyeet ngagĩĩt Nyekuci hoottia hillimatta nyeemuut ꞌcĩ abũnnaa ĩĩca.
Ĩĩ Liidia nuyyioohit cĩ Makayyiookto
11Ma Tõrõa, hedeccieeha ĩĩcĩ bũlũcõ, nĩngĩtĩ hõõ hõtõdda haahũl ꞌcĩ abaaki õkõ looccaa ꞌcĩ aaĩ bũlũca hõrggẽẽna. Haĩ looc tĩho Thamotharace nẽ hoottia hõdõlatta baa kõr ꞌcĩ ꞌrĩĩng, ꞌtaaũn ꞌcĩ haĩ Neapoli. 12Ma nĩngaata, hĩtĩngaayyia hoottia Pilippi, ꞌtaaũnaa cobbi ĩĩcĩ baa aggam makayyiooha cĩg ꞌRooma dhoortaa cĩ Maccedoonia. Nĩngĩtĩ hõõ haattiyya nĩĩca waathinniook ꞌcĩg mẽẽlĩg.
13Ma baa Kõr cĩ ꞌYiommaanõ, hĩtĩngaayyia huduhutta hattũũg cobbi cĩ ꞌtaaũnõõ, hoottia ĩĩcĩ hidioo ꞌcĩ baa hadiimmoꞌtha nĩngĩtĩ laiitto. Ma ho, haauttia loota nẽ hothoothĩha ngaaĩ ũgĩ ꞌcĩg baag alũtĩ nĩngaata. 14Ngaaĩnĩĩ ꞌcĩg hothoothonna ho, baa aaĩ ngaa umwaa ꞌcĩ haĩ Liidia ꞌcĩ aku ꞌtaaũnaa cobbi ĩĩcĩ Thiatira, ꞌcĩ baa ũũtẽnĩ ceremwa ꞌcĩg õkõmĩ ꞌcĩg ꞌrẽggẽẽg. Baa ala nẽẽ Nyekuc gẽrrẽẽt, nĩngĩtĩ abbuuhi Makayyioohiti Yeesu ꞌthĩnĩt cĩnnĩ hĩthĩk nyeemuut cĩ Paaulo. 15Ma baa urutaa ꞌcĩ aggamtĩ Liidia hĩ halang cĩnnĩ baattithimo, ikia ũtũvveet nẽẽ ngagĩĩt õlõõ cĩnnĩ. Baa anneekeet nẽẽ ngagĩĩt, “Má elemmu ngaatĩ hĩĩnnĩ naa lemmioohit cĩ Makayyiookto dĩdĩ, iita thĩ haauto õlõõ caannĩ.” Nĩngĩtĩ mĩĩ hẽlẽmma ngaatĩ hõõkõrra.
Arrihoothĩk Paaulo hĩ ꞌThĩĩla baabuuth
16Ma kõr umwa ꞌgõõlaa ꞌcĩ baa hooyyia laiitta, hiita hommottiooa hĩ bũhẽẽc umwa ꞌcĩ ĩĩn appahaca. Baa aꞌnyak nẽẽ lori ꞌcĩ abathĩ ẽllaa cĩnnĩ, ꞌcĩ aaꞌnyĩk ĩnõõnnõ ꞌtirrian ꞌcĩ aduhaanĩ thõõth ꞌcĩ hatĩ nga aku horumwa. Baa aꞌnyahaak nẽẽ dtiicaa cĩnnĩ ho makayyiook cĩgĩnnĩg ꞌrabbẽẽt ꞌcĩg mẽẽlĩg gẽrrẽẽt. 17Baa anũyyeet bũhẽẽcĩ ciee ngagĩĩt hĩ Paaulo nẽ awacak ĩĩ, “Ĩĩn eeta cieeg dticcianniook cĩg Nyekuc ꞌcĩ ĩllõõan vẽlẽk! Aduhaakuung nẽẽg ngagiit ꞌgõõl ꞌcĩ eelliannu ꞌthẽccanẽẽtĩ.” 18Ara õthõõth bũhẽẽcĩ ciee thooꞌthiok iccig hõdõõkõthĩ waathinniook ꞌcĩg mẽẽlĩg. Ma ho, ikia ĩlĩĩlĩ Paaulo gẽrrẽẽt, nĩngĩtĩ abbuudẽnĩ nẽ ĩĩnnĩk lori ꞌcĩ abathĩ ho, “ꞌThaarĩĩ cĩg Yeesu Krĩstõ, haduhaaki hanneeki, tũngeek bũhẽẽc icci ẽmmẽn!” Ma ꞌthẽk nĩngaata noho, ũtũngeek lorii ꞌcĩ abathĩ ho bũhẽẽc tĩho.
19Ma baa iiyyela makayyiooha cĩg bũhẽẽcak ngaatĩ iittiõõĩ ꞌgõõl aa gõõng ammũdaanĩ nẽẽg ꞌrabbẽẽt tõõ ho, iita aggamit Paaulo hĩ ꞌThĩĩla nẽ utugurit ꞌgõõlaa cĩ ꞌcuuho ootti lokihooa. 20Ma ho, uduktaak eeta makayyiook cĩg lokihooak ĩĩttĩk, “Ĩĩn eeta cieeg ꞌJudeei nẽ au ngaati, hiita hĩkooꞌthiak ꞌtaaũn cĩnaac jore. 21Allimaneekeet eeta cieeg ngagĩĩt nyepiteeꞌnya ꞌcĩg hõllõngaa ẽlẽmĩ nyattalĩ cĩnaac cĩ eet cĩg ꞌRooma ngaatĩ occa hadĩmanĩ.”
22Nĩngĩtĩ aꞌngaꞌngarõõthĩkĩ lothippiti Paaulo hĩ ꞌThĩĩla. Ma ho, errecito makayyiooha ceremwa cĩg Paaulo hĩ cĩg ꞌThĩĩla nẽ aanytĩk ĩhõõggõ hudtwalattĩ halliẽẽnĩ. 23Ma baa uukti nẽẽg gẽrrẽẽt, iita aarrihoothĩk baabuuth nẽ udukiaak ꞌgaalac cĩ baabuutho hũꞌthũũtĩ ĩhõõggõ jurrung. 24Nĩngĩtĩ mĩĩ adĩmanĩ ꞌgaalacĩ hĩcĩ adukiaak ĩnõõnnõ ho. Baa aarĩk nẽẽ Paaulo hĩ ꞌThĩĩla baabuuthatõõ ĩttõõ ꞌrĩng nẽ ecebeek ꞌthoo cĩggĩĩng iggoolĩnĩĩ ꞌcĩg obbitig gẽrrẽẽt.
25Ma baa baal hõrggẽẽna, iita alayyio Paaulo hĩ ꞌThĩĩla nẽ ebetteek Nyekuc tegellwa. Nẽ baa athĩhĩ baabuuthnya ũgẽẽgĩ buúk ꞌcĩg baag arũmĩ hĩ ĩhõõggõ nĩngaata ngaatĩ ebeniini. 26Ma hĩdĩĩkoothong, uluba hirihidtihi umwaa ꞌcĩ attiran gẽrrẽẽt hõtõmõõĩ ꞌcieeth cĩ baabuutho ĩꞌthõng ꞌgoolliok cĩg adayyiaanĩ ꞌcieeth buúk. Ma ho, ubbuukti hattũũgẽta vẽlẽk noho valahaꞌnyak, hetteedi nyerikona ꞌcĩg ecebiini baabuuthnya vẽlẽk noho dtum. 27Ma baa ĩꞌngaathĩ ꞌgaalacĩ cĩ baabuutho nẽ udtuuha ngaatĩ abbuuhẽnĩ hattũũgẽta ho, ammuk hinnia nẽẽ aĩ ukulit eeta ꞌcĩg ecebbi ĩttõõ ho thõng. Nĩngĩtĩ avvũũcanĩ nyetuboot hũraraawatõõ nẽ aĩ huruk ẽlẽ cĩnnĩ. 28Tõjõhõ heggerenyeek Paaulo ꞌgaalac cĩ baabuutho ho hĩĩnnĩk, “Ẽlẽ ma haruhi ẽlẽ cunni haaga! Aitiõõ ẽẽtĩ ꞌcĩ avvir ngaati thõng tõõ.”
29Ma ho, ũtũvva ꞌgaalacĩ eet huttuhulliaak ĩnõõnnõ ꞌgwoo huduhuni baabuuthatõõ. Baa abarrit nẽẽ gẽrrẽẽt, nĩngĩtĩ akannĩ huruꞌnyia muumaa cĩ Paaulo hĩ ꞌThĩĩla. 30Nĩngĩtĩ aꞌnyahaanĩ nẽẽ Paaulo hĩ ꞌThĩĩla battaala nẽ ijin ĩĩnnĩk, “Makayyiook cĩgannĩg, hogooni occa naa hutuno hatĩ hẽẽla ẽlẽ caannĩ?”
31Ẽdẽcĩ Paaulo hĩ ꞌThĩĩla anneek, “Ẽlẽ, lẽẽm Makayyioohit Yeesu, hátĩ eellia nii hĩ halang cunni vẽlẽk.” 32Nĩngĩtĩ allimanẽẽkĩ Paaulo hĩ ꞌThĩĩla ĩnõõnnõ hĩ halang cĩnnĩ thõõth cĩ Makayyioohit Yeesu. 33Ma baalin tĩho noho, ũũhĩ ꞌgaalacĩ ĩhõõggõ ngaatĩ baa õkõ ũũnyĩ carrahulit cĩggĩĩng. Nĩngĩtĩ aggamĩ nẽẽ hĩ eet cĩg halang cĩnnĩ vẽlẽk baattithimo nĩĩcĩ noho. 34Ma nĩngaata, ikia aꞌnyaha ꞌgaalacĩ Paaulo hĩ ꞌThĩĩla õlõõ cĩnnĩ nẽ aaꞌnyĩk ꞌgẽẽn. Baa atalĩ nẽẽ gẽrrẽẽt, hĩnĩngĩtĩ ikia ẽlẽm nẽẽ hĩ eet cĩg halang cĩnnĩ vẽlẽk Nyekuc.
35Ma loohoth cĩnnĩ, ĩꞌthooyyia makayyiooha boliith ũgĩ hiita huduktaak ꞌgaalac cĩ baabuutho hõõga Paaulo hĩ ꞌThĩĩla hõõt. 36Nĩngĩtĩ aduhaakĩ ꞌgaalacĩ Paaulo annẽẽkĩ, “Uduktaaha nganĩĩt makayyiooha hõgauung ngagiita. Nẽẽthĩ ꞌyioko, õõt nuun lõꞌngõõc.”
37Baa hinnia anneek Paaulo bolitheenit, “Hĩĩgĩnna naag eet cĩg ꞌRooma#16:37 Eet cĩg ꞌRooma: Korrioohĩĩ baag Yeesu, baa aggam habuui cobbi cĩ ꞌRooma eet cĩg loonyin ꞌcĩg mẽẽlĩg. Nẽẽthĩ hinnianĩ, baa eet ꞌcĩg abadtẽc haaga ꞌcĩg ĩĩn eet cĩg ꞌRooma ꞌcĩg baag arrĩcana habuui cobbi ho gẽrrẽẽt, hĩnĩngĩtĩ baa ĩĩn nẽẽg eet cĩgĩnnĩg dẽẽdẽ. nẽ makayyiooha cĩg ꞌRooma, uukteet ngagĩĩt lothippita haaga nga hijitteet buúk. Ma ho, aarriheet baabuutha. Nẽ ꞌyioko ammuk nẽẽg occa ĩgorꞌtheekeet ngagĩĩt ꞌgõõl thõng? Aitiõõ hõllõngaa aĩ noho! Aꞌnyĩĩk ꞌthẽk ĩhõõggõ hiita hõõgtaeet ngagĩĩt nẽẽgĩ.”
38Ma baa õõ aduhaak boliithi makayyiook ngaatĩ ĩĩnnĩ Paaulo hĩ ꞌThĩĩla eet cĩg ꞌRooma ho, iita abarritit gẽrrẽẽt. 39Nĩngĩtĩ au annẽẽkĩ ĩhõõggõ, hõlõ, baa horotoothikuung thõng. Nĩngĩtĩ õõganĩ nẽẽg Paaulo hĩ ꞌThĩĩla nẽ uduktaak ĩhõõggõ hũtũngteek ꞌtaaũn. 40Ma nĩngaata, edeccieek Paaulo hĩ ꞌThĩĩla õõt õlõõ cĩ Liidia, ngaatĩ baa õõ õmmõtõõnĩ hĩ nuyyiook cĩg Makayyiooktak nẽ ũkũtatteek ĩhõõggõ dtiic. Ma ho, ĩtĩngaacõ õõta.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2017, Wycliffe Bible Translators, Inc., All rights reserved.