Kañaam 21
21
Naşih alilandër mnhina mi Yawe Nawat Kabuka
1Kayeeh ki pñaamarën Naşibaţi ki kapënna ţi ulibra wi najukan iyeeh. Kayeeh ki Dayiţ.
2 Yawe Nawat Kabuka, naşih aji lilandër mnhina mi nu,
aji lilan maakan woli ibi pbuurana.
3Iwula uko wi uhaaş wi nul uŋaluŋ,
iimpok pwula uko wi añehanuŋ na mntumul.
Pnaţ ntiinku
4Iji kbi ţi kadunul na bnuura bweek,
kaţu ţi bkowul bŧepi bi naşih bi wuuru unuura.
5Añehanu ubida kë iwula wa te mnţo
ido ŋnuur ŋi nul kë ŋawo ŋi mnţo.
6Mbuur mi ibuuranuluŋ manţu kë adëm maakan,
idola kë ayuk maakan abot awula mndëm mi nu.
7Iwula bnuura te mnţo,
idola kë awo ţi mnlilan mnweek wi ijaaŋ kñoga.
8Naşih ahaţ ţi Nawat Kabuka,
Uŋal unwooŋ uunkba wi Naşibaţi Andëmuŋ Maakan ubuurana phubta.
9Kañen ki nu kaluŋ kakob başooradu,
kañen kadeenu ki nu kaluŋ kamob banşooriiŋ.
10Iluŋ kado baka bakak bdoo bweek ţi unuur wi ikwinaniiŋ,
Iwi, Nawat Kabuka, udeeb wi nu uluŋ kaba na baka, bdoo batër baka.
11Iba na babuk baka ţi mboş,
iba na pntaali pi baka ţi pŧoof pi bañaaŋ bajën.
12Başalule buţaan ado na pţaawanu,
baankhinan nin uko uloŋ.
13Aa, ido baka badek kafeţ
işë itap baka işuuri.
14Iwi Yawe Nawat Kabuka, yuujan mnhina mi nu, naţiin !
Ŋdo kayeeh mnhina mi nu, kañaamarënu.
Zvasarudzwa nguva ino
Kañaam 21: knf
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2014, Wycliffe Bible Translators, Inc. in cooperation with Le Groupe CIM-TBM, Senegal