ᒫᕒᒃ 9
9
1ᔑᑾ ᑕᔥ ᑮᐊᓂ ᐃᑭᑐ ᐊ ᒋᓴᔅ: ᓂᑌᐺ ᐁᑲᓅᓂᓇᑰᒃ᙮ ᐋᓂᓐᑦ ᑮᓇᐙ ᐅᐅᒫ ᑳᐊᔮᔦᒃ ᑳᐐᓐ ᑕᓂᐳᓰᐗᒃ, ᐹᓂᒫ ᐙᐸᑕᒧᐙᒡ ᐃᐃ ᑭᔐᒪᓂᑑ ᐅᑎᐯᒋᑫᐎᓂᓂ ᐱᓈᑾᓂᓂᒃ, ᑭᑭᒪᔥᑲᐎᓰᐎᓐ ᒋᐅᑭᒫᐎᓂᒡ, ᐅᑮᐃᓈᐞ᙮
ᐸᑳᓐ ᐁᑮᐃᔑᓈᑯᓯᒡ ᐊᐊᐌ ᒋᓴᔅ ᐗᑭᑕᑎᓐ ᐁᑮᐊᔮᒡ
(Matthew 17.1-13; Luke 9.28-36)
2 # 2 Pet 1.17-18. ᐹᓂᒫ ᑕᔥ ᓀᑯᑣᓱᑯᓇᑳᓂᒃ, ᒋᓴᔅ ᐅᑮᐐᒌᐙᐞ ᐲᑕᕒᐊᓐ Peter, ᒌᒥᓴᓐ James, ᒞᓇᓐ John, ᐌᑎ ᑳᐃᔑ ᑭᒋᐱᑾᑎᓈᓂᒃ ᐁᑮᐃᔑᐎᓈᒡ, ᐐᓀᑕᐙ ᐁᑮᐊᓂ ᐋᒪᒋᐌᐙᒡ᙮ ᒦᑕᔥ ᒣᒀ ᐁᑲᓇᐙᐸᒥᑯᒡ, ᐸᑳᓐ ᑮᐃᔑᓈᑯᓯ ᐊᐊᐌ ᒋᓴᔅ᙮ 3ᐗᐐᑫ ᑮᐙᓯᑯᓇᔦᓱ ᐁᐊᐲᒋ ᐙᐱᔥᑳᓂᑭᓐ ᐅᑭᑭᔥᑭᑲᓇᓐ᙮ ᑳᐐᓐ ᐊᐎᔭ ᐅᐅᒫ ᐊᑮᕽ ᐃᐃ ᑖᐊᐲᒋᐙᐱᔥᑭᐲᑭᓂᑫᓰ ᐃᐌ ᑳᐃᔑ ᐙᐱᔥᑳᓂᑭᓐ ᒋᓴᔅ ᐅᑭᑭᔥᑭᑲᓇᓐ᙮ 4ᐅᑮᐙᐸᒫᐞ ᐃᑕᔥ ᐁᓈᑯᓯᓂᒡ ᐃᓬᐋᐃᒐᐗᓐ Elijah ᑲᔦ ᒨᓯᓲᓐ Moses ᐁᑲᓅᓈᓂᒡ ᐃᓂ ᒋᓴᓲᓐ᙮ 5ᐲᑕᕒ ᐃᑕᔥ ᐅᑮ ᑲᓅᓈᓐ ᒋᓴᓲᓐ: ᐅᑭᑭᓄᐊᒫᑫ, ᐅᓂᔑᔑᓐ ᐅᐅᒫ ᐁᐊᔮᔭᕽ᙮ ᑕᑲ ᓂᑲ ᐊᑲᐙᑌᐃᑫᒥᓐ᙮ ᓂᓯᓐ 3 ᓂᑲ ᐅᔑᑑᒥᓐ, ᐯᔑᒃ ᑮᓐ, ᑲᔦ ᒨᓯᔅ ᐯᔑᒃ, ᑲᔦ ᐯᔑᒃ ᐃᓬᐋᐃᒐ᙮ 6ᐋᓃᔥ ᑮᑸᓇᐎ ᐃᑭᑐ, ᐁᑮ ᓭᑭᓯᐙᒡ᙮
7 # Mat 3.17; Mark 1.11; Luke 3.22. ᒦᑕᔥ ᑮᐱ ᐃᔑᓈᑾᓂᓂ ᐗᑶ, ᐁᑮᐱᔮᑲᐎᔥᑳᑯᐙᒡ᙮ ᒦᑕᔥ ᐃᐃᒫ ᑳᑮᐅᒋ ᓅᑕᐎᒥᓐᒡ ᐊᐎᔭᓐ ᐁᑮᑭᑐᓂᒡ: ᒦ ᐗᐊ ᓂᑯᓯᔅ᙮ ᓂᓵᑭᐋ᙮ ᒦ ᐊᐌ ᐱᓯᑕᐎᒃ! ᑮᐃᓈᐗᒃ᙮ 8ᓭᓴᑰᒡ ᐃᑕᔥ ᑮᐊᔨᓈᐱᐗᒃ᙮ ᑳᐐᓐ ᑫᔮᐱ ᐊᐎᔭᓐ ᐅᑮᐙᐸᒫᓯᐙᐙᓐ, ᒦ ᐁᑕ ᒋᓴᓲᓐ ᑳᐐᒌᐎᑯᐙᒡ᙮
9ᐹᓂᒫ ᑕᔥ ᒣᒀ ᐁᓃᓴᒋᐌᐙᒡ, ᐌᐌᓂ ᐅᑮᐋᔩᓱᒫᐞ ᒋᓴᔅ ᐃᐃ ᓂᓯᓐ ᐅᑭᑭᓄᐊᒪᐙᑲᓇᐞ: ᑫᑯ ᐊᐎᔭ ᐐᑕᒪᐙᑫᒃ ᐃᐃ ᑳᐙᐸᑕᒣᒃ, ᐹᓂᒫ ᑮᑮᐌᐱᒫᑎᓯᔮᓐ, ᓃᓐ ᐃᓂᓂ ᐅᑯᓯᓴᓐ ᐁᐋᐎᔮᓐ, ᑮᐃᑭᑐ᙮
10ᒦᑕᔥ ᐅᑮᓇᓇᐃᑕᐙᐙᓐ ᐃᐃᐌ ᑳᐃᑯᐙᒡ, ᐐᓇᐙ ᑕᔥ ᐃᑯ ᐅᑮ ᑕᔑᑖᓈᐙ, ᐌᑯᓀᓐ ᐃᑕᔥ ᐅᐅᐌ ᑳᐃᑕᒥᓂᒡ ᒋᓴᓲᓐ, ᓂᑲ ᑮᐌᐱᒫᑎᔅ, ᐁᐃᑭᑐᓂᒡ᙮ 11#Mal 3.23; Mat 11.14. ᐅᑮ ᑲᑴᒋᒫᐙᓐ ᐃᑕᔥ: ᐃᑭ ᑳᑭᑭᓄᐊᒫᑫᐙᒡ ᐃᐃ ᒎᐗᐞ ᐅᑑᓇᔓᐌᐎᓂᓂ ᐃᑭᑐᐗᒃ ᐅᐅ: ᐊᑲᐌ ᓂᑕᒻ ᑕᐱ ᑕᑯᔑᓐ ᐊᐊ ᐃᓬᐋᐃᒐ᙮ ᐋᓃᔛᓐ ᐅᑯ ᐌᒋ ᐃᑭᑐᐙᒡ? ᐅᑮᐃᓈᐙᓐ᙮
12ᐅᑮᓇᑴᑕᐙᐞ ᐃᑕᔥ ᒋᓴᔅ: ᑌᐺ ᑮᐃᓇᑌᓂ ᐊᐌ ᐃᓬᐋᐃᒐ ᓂᑕᒻ ᒋᑕᑯᔑᕽ ᒋᐙᐌᓇᑑᒡ ᑲᑭᓇ ᑫᑰᓐ᙮ ᐋᓃᓐ ᑕᔥ ᐁᓀᑕᒣᒃ ᐃᐃᐌ ᓃᓐ ᐁᐃᔑᐲᐃᑳᓱᔮᓐ, ᐃᓂᓂ ᐅᑯᓯᓴᓐ ᒋᐐ ᑲᒀᑕᑭᐃᒥᓐᒡ ᒋᐋᓇᐌᓂᒥᒥᓐᒡ ᐁᐃᑭᑑᒪᑲᒃ? 13ᑭᐐᑕᒪᐎᓂᓂᒻ ᐃᑕᔥ, ᐋᔕ ᑌᐺ ᑮᐱᑕᑯᔑᓐ ᐊᐊ ᐃᓬᐋᐃᒐ᙮ ᐌᑯᓀᓐ ᐃᑯ ᑳᐃᓀᓂᒥᓐᒡ ᑮᑑᑕᐙ᙮ ᒦᐃᐌ ᒪᔮ ᑳᐃᔑᐲᐃᑳᑌᓂᒃ ᐁᑮ ᑕᔑᒥᓐᒡ, ᐅᑮᐃᓈᐞ᙮
ᐁᑮ ᐱᒫᒋᐋᒡ ᒋᓴᔅ ᐯᔑᒃ ᑸᐎᓭᓴᓐ ᑳᑭᑭᔥᑲᐙᓂᒡ ᒪᒋᐊᒑᑾᓐ
(Matthew 17.14-21; Luke 9.37-43a)
14ᐊᐲ ᑕᔥ ᑳᐱ ᐅᑎᓵᐙᒡ ᐃᐃ ᑯᑕᒃ ᑭᑭᓄᐊᒪᐙᑲᓇᐞ, ᐅᑮᐙᐸᒫᐙᐞ ᐁᑮᐙᑳᔥᑳᑯᓂᒡ ᑭᒋᓃᐱᐗᐞ ᑳᒫᒪᐌᓄᓂᒡ, ᐃᐃ ᑲᔦ ᑳᑭᑭᓄᐊᒫᑫᓂᒡ ᒎᐗᐞ ᐅᑑᓇᔓᐌᐎᓂᓂ ᐁᑮ ᑲᑴ ᔖᑰᓱᒥᑯᓂᒡ᙮ 15ᐊᐲ ᑕᔥ ᐁᐙᐸᒥᑯᒡ ᒋᓴᔅ ᐃᐃ ᑳᒫᒪᐌᓄᓂᒡ, ᑮᒌᑫᑕᒧᓭᐗᐞ, ᑮᐊᐸᐃᑎᐗᐞ ᑲᑭᓇ, ᐁᑮᐱ ᐴᔔᐃᑯᒡ᙮ 16ᒋᓴᔅ ᐃᑕᔥ ᐅᑮ ᑲᑴᒋᒫᐞ ᐅᑭᑭᓄᐊᒪᐙᑲᓇᐞ: ᐌᑯᓀᓐ ᐃᐃ ᑳᐃᔑ ᑲᓅᓀᒀ? ᐅᑮᐃᓈᐞ᙮
17ᐯᔑᒃ ᐃᑕᔥ ᐃᐃ ᑳᐅᑴᓄᓂᒡ ᐅᑮᓇᑴᑖᑰᓐ: ᐅᑭᑭᓄᐊᒫᑫ ᑭᑖᓇᐐ ᐲᑕᒪᐎᓐ ᓂᑯᓯᔅ ᐁᑭᑭᔥᑲᐙᒡ ᒪᒋᐊᒑᑾᓐ ᑎᓄ ᑳᓂᑖ ᐌᔥᑳᑯᓯᒃ᙮ 18ᐱᑯ ᐋᑎ ᐁᐅᑎᓯᑯᒡ, ᐅᐸᑭᔑᒥᑰᓐ᙮ ᐲᑌᐎᑑᓀ ᑲᔦ ᒪᒫᑗᔮᐱᑌᔥᑳ ᐁᐅᒋᐱᓂᑯᔥᑳᑯᒡ᙮ ᓂᑖᓇᑮ ᑲᑴᒋᒫᒃ ᐃᑭ ᑭᑭᑭᓄᐊᒪᐙᑲᓇᒃ ᒋᓵᑭᒋᓂᔕᐊᒪᐙᐙᒡ ᐃᓂ ᒪᒋᐊᒑᑾᓐ᙮ ᐅᑮ ᑆᓇᐎᐋᐙᓐ ᐃᑕᔥ, ᐅᑎᑰᓐ᙮ 19ᐅᑮ ᑲᓅᓈᐞ ᐃᑕᔥ ᒋᓴᔅ: ᐅᐅᒫ ᑲᑭᓇ ᐁᔮᔦᒃ! ᐁᑕᑕᐌ ᑳᐐᓐ ᑭᓂᑖ ᑌᐺᔦᑕᓰᒻ! ᑳᓇᑲ ᓈ ᒥᓂᒃ ᑫᐐᒌᐎᓇᑰᑭᐸᓐ ᒋᑆ ᒫᒌ ᑌᐺᔦᑕᒣᒃ? ᑳᓇᑲ ᓈ ᒥᓂᒃ ᑫᔕᔒᐯᓂᒥᓇᑰᒃ? ᑕᑲ ᐲᑕᒪᐎᔑᒃ ᐊᐊ ᑸᐎᓭᔅ, ᐅᑮᐃᓈᐞ᙮ 20ᒦᑕᔥ ᑳᐃᔑ ᐲᓈᐙᒡ ᐃᓂ ᑸᐎᓭᓴᓐ᙮
ᐊᐲᔥ ᐎᔮᐸᒫᒡ ᐊᐊ ᒪᒋᐊᒑᒃ ᐃᓂ ᒋᓴᓲᓐ, ᔐᒫᒃ ᐅᑮᐅᒋᐱᓂᑯᔥᑲᐙᓐ ᐃᓂ ᑸᐎᓭᓴᓐ᙮ ᒦᑕᔥ ᑳᐃᔑ ᑲᐎᓭᓂᒡ ᐁᑮ ᑎᑎᑎᐱᐸᓂᐅᓂᒡ ᐁᑮ ᐲᑌᐎᑑᓀᓂᒡ᙮ 21ᒦᑕᔥ ᒋᓴᔅ ᐅᑮ ᑲᑴᒋᒫᓐ ᐃᓂ ᐌᓃᒑᓂᓯᓂᒡ: ᐋᓇᐲ ᐃ ᐌᒋ ᐃᔑᐊᔮᒡ? ᐅᑮᐃᓈᓐ᙮
ᒦᑕᔥ ᑳᐃᑯᒡ: ᐊᐸᓀ ᑯ ᐌᒋ ᐊᐱᓅᒌᔑᐎᒡ᙮ 22ᓃᐱᐗᐋᕽ ᐅᑮᐊᐸᑭᓂᑰᓐ ᐃᐃᒫ ᐃᔥᑯᑌᕽ ᑲᔦ ᐃᐃᒫ ᓂᐲᕽ ᐁᐐ ᓂᓯᑯᒡ᙮ ᑮᔥᐱᓐ ᐃᑕᔥ ᑮᓐ ᑫᑰᓐ ᑲᔥᑭᑑᔭᓐ, ᑭᑎᒫᑫᓂᒥᔑᓈᒻ, ᐐᒋᐃᔑᓈᒻ! ᐃᑭᑐᐗᓐ ᐃᓂ ᐃᓂᓂᐗᓐ᙮
23ᒋᓴᔅ ᐃᑕᔥ ᐅᑮᐃᓈᓐ: ᑮᔥᐱᓐ ᑮᓐ ᑲᔥᑭᑑᔭᓐ ᑭᑎᓂᓐ! ᐊᐎᔭ ᑌᐺᔦᓂᒫᒡ ᑭᔐᒪᓂᑑᓐ, ᑲᑭᓇ ᑫᑰᓐ ᑕᑲᔥᑭᒋᑳᑌᓂ, ᑮᐃᑭᑐ᙮
24ᔐᒫᒃ ᑮᑭᔒᐌ ᐊᐊ ᐌᑯᓯᓯᒡ ᐁᐃᑭᑐᒡ: ᓂᑌᐺᔦᓂᒫ! ᐐᒋᐃᔑᓐ ᐅᓵᒻ ᐸᑮ ᐁᑌᐺᔦᓂᒪᒃ! ᑮᐃᑭᑐ᙮
25ᒦᑕᔥ ᐁᐙᐸᒫᒡ ᒋᓴᔅ ᒫᒪᐤ ᐁᐲᒋᐸᐃᑎᓂᒡ ᐃᐃ ᐯᒫᑎᓯᓂᒡ, ᐅᑮ ᑭᒋᑲᓅᓈᓐ ᐃᓂ ᒪᒋᐊᒑᑾᓐ: ᑮᓐ ᓀᑖᐌᐃᐌᓯᐗᓐ ᑲᔦ ᑫᑮ ᐱᑌᐃᐌᔭᓐ ᒪᒋᐊᒑᒃ! ᐅᒋᓇᑲᔥ ᐊᐊ ᑸᐎᓭᔅ ᑭᑎᓂᓐ! ᑫᑯ ᒦᓇᐙ ᐐᑳ ᐱᑭᑭᔥᑲᐙᑫᓐ! ᐅᑮᐃᓈᓐ᙮
26ᒦᑕᔥ ᑮᑭᔒᐌ ᐊᐊ ᒪᒋᐊᒑᒃ, ᐁᑮᐊᐲᒋ ᐊᔪᒋᐱᓂᑯᔥᑲᐙᒡ ᐃᓂ ᑸᐎᓭᓴᓐ᙮ ᐅᑮᓇᑲᓈᓐ ᐃᑕᔥ᙮ ᑖᐱᔥᑰ ᑕᔥ ᐁᑮᓂᐳᒡ ᑮᐃᔑᓈᑯᓯ ᐊᐊ ᑸᐎᓭᔅ᙮ ᒦᑕᔥ ᑳᐃᑭᑐᐙᒡ ᓃᐱᐗᐞ: ᐋᔕ ᓂᐳ, ᑮᐃᑭᑐᐗᒃ᙮ 27ᒋᓴᔅ ᐃᑕᔥ ᐅᑮ ᓴᑭᓂᑫᓈᓐ ᐁᑮ ᐸᓯᑸᐋᒡ ᐃᓂ ᑸᐎᓭᓴᓐ᙮ ᒦᑕᔥ ᑳᐃᔑ ᓃᐸᐎᓂᒡ᙮
28ᐊᐲ ᑕᔥ ᑳᐲᑎᑫᒡ ᒋᓴᔅ ᐃᐃᒫ ᐙᑳᐃᑲᓂᕽ, ᓂᔑᑫ ᐅᑮ ᑲᓅᓂᑰᐞ ᐅᑭᑭᓄᐊᒪᐙᑲᓇᐞ: ᐋᓃᔥ ᓃᓇᐎᓐᑦ ᑳᐅᒋ ᑲᔥᑭᑑᓯᐙᕽ ᒋᓵᑭᒋᓂᔕᐊᒪᐗᑭᒡ ᐊᐊ ᑸᐎᓭᔅ ᐃᓂ ᒪᒋᐊᒑᑾᓐ? ᐅᑮᐃᑰᐞ᙮
29ᒦᑕᔥ ᐅᑮᐃᓈᐞ: ᐅᓄ ᑎᓄ ᒪᒋᐊᒑᑾᓐ ᑳᐐᓐ ᐊᐎᔭ ᐅᑖ ᑲᔥᑭᐋᓰᓐ ᒋᓵᑭᒋᓂᔕᐙᒡ; ᒦ ᐁᑕ ᐊᓇᒥᐁᑕᐙᒡ ᑭᔐᒪᓂᑑᓐ ᑫᑮᐅᒋ ᓵᑭᒋᓂᔕᐙᒡ ᐊᐎᔭ ᐃᓂ ᒪᒋᐊᒑᑾᓐ, ᑮᐃᑭᑐ᙮
ᒦᓇᐙ ᐁᑮᐐᑕᕽ ᑫᐃᔑ ᓂᐳᒡ ᐊᐌ ᒋᓴᔅ
(Matthew 17.22-23; Luke 9.43b-45)
30ᒦᑕᔥ ᐃᐃᒫ ᑳᐊᓂᐅᒋ ᒫᒑᐙᒡ ᐁᑮᐊᓂ ᔖᐳᔥᑳᐙᒡ ᑳᓬᐊᓬᐄᐎ ᐊᑮᕽ Galilee᙮ ᑳᐐᓐ ᐃᑕᔥ ᑮᐃᓀᑕᓰ ᐊᐎᔭ ᒋᑭᑫᑕᒥᓂᒡ᙮ 31ᐋᓃᔥ ᐅᑮ ᑭᑭᓄᐊᒪᐙᐞ ᐃᐃ ᐅᑭᑭᓄᐊᒪᐙᑲᓇᐞ ᐁᐃᓈᒡ: ᓃᓐ ᐃᓂᓂ ᐅᑯᓯᓴᓐ ᓂᑲᐃᔑ ᐸᑭᑎᓂᑰᐎᔅ ᒋᑕᑯᓂᐙᒡ ᐃᓂᓂᐗᒃ, ᑲᔦ ᓂᑲ ᓂᓯᑰᒃ᙮ ᒦᑕᔥ ᑮᓂᓱᑮᔑᑾᑳᒃ ᒦᓇᐙ ᓂᑲ ᑮᐌᐱᒫᑎᔅ, ᐅᑮᐃᓈᐞ᙮
32ᐐᓇᐙᔥ ᐐᓐ ᑳᐐᓐ ᑮᓂᓯᑐᑕᓰᐗᒃ ᐃᐃ ᑳᑮᐃᑕᕽ᙮ ᑮᔖᑴᓂᒧᐗᒃ ᐃᑕᔥ ᐁᑮᐅᒋ ᒪᓈᓱᒫᐙᒡ᙮
ᐁᑮᐐᑕᒪᐙᒡ ᐅᑭᑭᓄᐊᒪᐙᑲᓇᐞ ᐊᐌᓀᓐ ᓇᐗᒡ ᑫᓃᑳᓀᑖᑯᓯᒡ
(Matthew 18.1-5; Luke 9.46-48)
33ᐌᑎ ᑕᔥ ᑮᐱᑕᑯᔑᓅᒃ ᐆᑌᓇᐌᓯᕽ, ᑲᐸᕒᓂᔭᒻ Capernaum ᐁᐃᔑᓂᑳᑌᓂᒃ᙮ ᒦᑕᔥ ᐁᑮ ᐲᑎᑫᐙᒡ ᐃᐃᒫ ᐙᑳᐃᑲᓂᕽ, ᐅᑮ ᑲᑴᒋᒫᐞ ᒋᓴᔅ ᐃᐃ ᐅᑭᑭᓄᐊᒪᐙᑲᓇᐞ: ᐌᑯᓀᔥ ᑳᐱ ᑕᔑᑕᒣᒃ ᑮᐱ ᐱᒧᓭᔭᕽ? ᐅᑮᐃᓈᐞ᙮
34 # Luke 22.24. ᑳᐐᓐ ᑕᔥ ᐃᑯᑕᓄ ᑮᐃᑭᑐᓰᐗᒃ᙮ ᒦ ᐋᓃᔥ ᐃᐃ ᑳᑮ ᑕᔑᑕᒧᐙᒡ, ᐊᐌᓀᓐ ᓇᐗᒡ ᐊᐊ ᑫᓃᑳᓂᓯᒡ, ᐁᑮ ᑲᑴᔖᑰᓱᑎᐙᒡ᙮ 35#Mat 20.26-27; 23.11; Mark 10.43-44; Luke 22.26. ᒦᑕᔥ ᑳᐃᔑ ᐅᓇᐱᒡ, ᐁᑮᐊᑐᒫᒡ ᒋᓴᔅ ᐃᐃ ᑳᒥᑖᔑᓃᔑᓂᒡ᙮ ᒦᑕᔥ ᑳᐃᓈᒡ: ᐊᐎᔭ ᐐᓃᑳᓀᑖᑯᓯᒡ, ᒫᒪᐤ ᐅᑖᓈᕽ ᑕᐃᓀᓂᑎᓱ, ᑲᑭᓇ ᐊᐎᔭᐞ ᐅᑲ ᐊᓄᑮᑕᐙᐞ, ᐅᑮᐃᓈᐞ᙮ 36ᒦᑕᔥ ᑳᐃᔑ ᓴᑭᓂᑫᓈᒡ ᐊᐱᓅᒌᔕᓐ, ᐁᐃᓈᒡ ᐃᑕᔥ ᐃᐃ ᐅᑭᑭᓄᐊᒪᐙᑲᓇᐞ: 37#Mat 10.40; Luke 10.16; John 13.20. ᐊᐌᓀᓐ ᐃᑯ ᑫᐐᒋᐋᒡ ᐯᔑᒃ ᐅᐅ ᐊᐱᓅᒌᔕᐞ, ᓃᓐ ᐅᒋ ᐁᐅᒋ ᐃᔑᒋᑫᒡ, ᒦ ᐯᔑᑾᓐ ᑫᓃᓐ ᐁᐃᔑ ᐐᒋᐃᒡ᙮ ᐊᐌᓀᓐ ᐃᓴ ᐙᒋᐃᑴᓐ, ᑳᐐᓐ ᓃᓐ ᐁᑕ ᓂᐐᒋᐃᑯᓰ, ᐃᓂᐌᓂᐗᓐ ᐃᓴ ᐅᐐᒋᐋᓐ ᑭᔐᒪᓂᑑᓐ, ᒦᐗᓐ ᐃᓂ ᑳᐱ ᐃᔑᓂᔕᐅᓂᒡ, ᐅᑮᐃᓈᐞ᙮
ᐊᐊᐌ ᐁᑳ ᑳᑲᑴ ᑭᐱᑎᓂᓯᓄᐗᕽ ᑭᐐᒋᐃᑯᓈᓐ ᐁᐃᑭᑐᒡ
(Luke 9.49-50)
38ᒦᑕᔥ ᑳᐃᔑ ᑲᓅᓂᑯᒡ ᐃᓂ ᒞᓇᓐ John: ᐅᑭᑭᓄᐊᒫᑫ, ᓂᑮᐙᐸᒫᓈᓐ ᐯᔑᒃ ᐃᓂᓂ ᐁᓵᑭᒋᓂᔕᐊᒪᐙᒡ ᒪᒋᐊᒑᑾᐞ ᐊᐎᔭᐞ, ᑮᓐ ᐁᐊᐱᒧᒡ ᑭᑎᔑᓂᑳᓱᐎᓐ᙮ ᐃᑕᐙᔥ ᓂᑮᐅᒋᐋᓈᓐ, ᐋᓃᔥ ᑳᐐᓐ ᑭᐸᐹᐐᒌᐎᑯᓰᓈᓐ, ᐅᑮᐃᑰᓐ᙮
39ᒋᓴᔅ ᐃᑕᔥ ᐅᐅᐌ ᐅᑮᐃᓈᓐ: ᑫᑯ ᐅᒋᐋᑫᒃ᙮ ᐊᐎᔭ ᑳᑮᐃᔑ ᒫᒪᑳᒋᒋᑫᒡ ᓃᓐ ᐁᐊᐱᒧᒡ ᓂᑎᔑᓂᑳᓱᐎᓐ, ᑳᐐᓐ ᐐᐸ ᓂᑲ ᒪᒋᑕᔑᒥᑯᓰ᙮ 40#Mat 12.30; Luke 11.23. ᐊᐊᐌ ᓴ ᐐᓐ ᐊᐎᔭ ᐁᑳ ᑳᑲᑴᑭᐱᑎᓂᓯᓄᐗᕽ, ᑭᐐᒋᐃᑯᓈᓐ᙮ 41#Mat 10.42. ᑌᐺ ᑭᑎᓂᓂᓂᒻ, ᐊᐌᓀᓐ ᐃᑯ ᑫᒥᓇᐃᓄᐌᑴᓐ ᐯᔑᑯᒥᓂᒀᑲᓐ ᓂᐱ, ᐁᑭᑫᓂᒥᓀᒃ ᓃᓐ ᑭᔐᒪᓂᑑ ᐅᐱᒫᒋᐃᐌᐎᓂᓃᒪᓐ ᑳᐱᒥᓂᔕᐅᔦᒃ, ᐁᐅᒋ ᐃᔑᒋᑫᒡ, ᑕᑎᐸᐊᒪᐙ ᑫᒋᓈᒡ᙮
ᑲᑴᒋᐃᑰᐎᓐ ᐁᑕᔑᑕᕽ ᐊᐊᐌ ᒋᓴᔅ
(Matthew 18.6-9; Luke 17.1-2)
42ᔑᑾ ᑮᔥᐱᓐ ᐊᐎᔭ ᒪᒋᑑᑕᒧᐋᒡ ᐯᔑᒃ ᐅᓄᐌᓂᐗᐞ ᑳᐊᑳᔒᔑᓂᒡ ᑳᑌᐺᑕᐎᓂᒡ, ᓇᐗᒡ ᑖᐅᓂᔑᔑᓐ ᑳᒥᒑᐱᑭᓯᓂᒡ ᐊᓯᓃᓐ ᒋᑕᑯᐱᒋᑲᓂᐎᓂᐸᓐ ᐅᑴᑲᓂᕽ ᒋᐸᑯᐲᐌᐱᓂᑲᓂᐎᐸᓐ ᑭᒋᑲᒦᕽ, ᐊᐲᒡ ᐐᓐ ᒋᒪᒋᑑᑕᒧᐋᒡ ᐊᐱᓅᒌᔕᓐ᙮ 43#Mat 5.30. ᑮᔥᐱᓐ ᐌᒋ ᒪᒋᑑᑕᒧᐃᑯᐗᓀᓐ ᐃᐌ ᑳᐃᓈᐸᒋᑑᔭᓐ ᑭᓂᓐᒡ, ᑮᔥᑲᑕᐊᓐ! ᓇᐗᒡ ᑖᐅᓂᔑᔑᓐ ᓇᐸᓀᓂᒌᔭᐸᓐ ᒋᐅᑎᑕᒪᓐ ᐱᒫᑎᓯᐎᓐ ᑫᐴᓂ ᐊᔮᓯᓄᒃ, ᐊᐲᒡ ᐐᓐ ᓃᔓᓂᒌᔭᓐ ᒋᐃᔖᔭᐸᓐ ᒪᒋ ᐃᔥᑯᑌᕽ, ᐃᐃᐌ ᐁᑳ ᐐᑳ ᐃᔮᑕᐌᓯᓄᒃ᙮#9.43,45 ᐋᓂᑕ ᓴ ᑫᑌᐅᔑᐲᐃᑲᓂᕽ 44 ᐅᔑᐲᐃᑲᓀᔅ, 46 ᑲᔦ ᑮᑕᑯᐲᐃᑳᑌᐗᓐ: ᒦᓴ ᐃᐃᒫ ᐐᑳ ᐁᔑ ᓂᐳᓯᓂᒃ ᐃᐃ ᐆᑴᐞ ᑳᐸᓈᒋᐃᑯᒡ ᐊᐎᔭ, ᑲᔦ ᐐᑳ ᑳᐃᔑ ᐋᑕᐌᓯᓄᒃ ᐃᔥᑯᑌ ᑳᒑᑭᓱᑯᒡ᙮ 45ᑮᔥᐱᓐ ᑲᔦ ᐌᒋ ᒪᒋᑑᑕᒧᐃᑯᐗᓀᓐ ᑭᓯᑦ ᑳᐃᓈᐸᒋᑑᔭᓐ, ᑮᔥᑭᔕᓐ! ᓇᐗᒡ ᑖᐅᓂᔑᔑᓐ ᒋᒫᑭᓭᔭᓐ, ᒋᐅᑎᑕᒪᓐ ᐃᐃ ᐱᒫᑎᓯᐎᓐ ᐐᑳ ᑫᐴᓂ ᐊᔮᓯᓄᒃ, ᐊᐲᒡ ᐐᓐ ᒥᒋᓃᔥ ᒋᐊᔮᔭᐸᓐ ᑭᓯᑕᓐ ᒋᐊᐸᑭᓂᑰᔭᓐ ᐃᐃᒫ ᒪᒋ ᐃᔥᑯᑌᕽ᙮#9.43,45 ᐋᓂᑕ ᓴ ᑫᑌᐅᔑᐲᐃᑲᓂᕽ 44 ᐅᔑᐲᐃᑲᓀᔅ, 46 ᑲᔦ ᑮᑕᑯᐲᐃᑳᑌᐗᓐ: ᒦᓴ ᐃᐃᒫ ᐐᑳ ᐁᔑ ᓂᐳᓯᓂᒃ ᐃᐃ ᐆᑴᐞ ᑳᐸᓈᒋᐃᑯᒡ ᐊᐎᔭ, ᑲᔦ ᐐᑳ ᑳᐃᔑ ᐋᑕᐌᓯᓄᒃ ᐃᔥᑯᑌ ᑳᒑᑭᓱᑯᒡ᙮ 47#Mat 5.29. ᑮᔥᐱᓐ ᑲᔦ ᐌᒋ ᒪᒋᑑᑕᒧᐃᑯᐗᓀᓐ ᑭᔥᑮᔑᒃ ᑳᐃᓈᐸᒋᑑᔭᓐ, ᑭᒑᐱᐌᐸᐅᑎᓱᓐ! ᓇᐗᒡ ᑖᐅᓂᔑᔑᓐ ᐯᔑᑾᒃ ᐁᑕ ᑭᔥᑮᔑᒃ, ᒋᐅᑎᑕᒪᓐ ᑭᔐᒪᓂᑑ ᐁᑕᔑ ᐅᑭᒫᐎᒡ, ᐊᐲᒡ ᐃᑕᔥ ᐐᓐ ᓃᔓᔥᑮᔑᑴᔭᓐ ᒋᐊᐸᑭᓂᑰᔭᐸᓐ ᐃᐃᒫ ᒪᒋ ᐃᔥᑯᑌᕽ, 48#Isa 66.24. ᐃᐃᒫ ᐐᑳ ᐁᔑ ᓂᐳᓯᓂᒃ ᐃᐃ ᐆᑴᐞ ᑳᐸᓈᒋᐃᑯᒡ ᐊᐎᔭ, ᑲᔦ ᐐᑳ ᑳᐃᔑ ᐋᑕᐌᓯᓄᒃ ᐃᔥᑯᑌ ᑳᒑᑭᓱᑯᒡ, ᑮᐃᑭᑐ᙮
49ᔑᑾ ᑮᐃᑭᑐ: ᑲᑭᓇ ᐸᑭᑎᓈᓱᐎᓇᓐ ᔒᐎᑖᑲᓇᐃᑳᑌᐗᓐ ᑫᐅᒋ ᐯᑲᑭᓐ ᑫᐅᒋ ᐅᑖᐱᓂᑳᑌᑭᓐ᙮ ᒦᑕᔥ ᐯᔑᑾᓐ ᑲᑭᓇ ᐊᐎᔭ ᐁᔑᓈᑾᓂᓂᒃ ᑲᒀᑕᑭᑑᐎᓐ ᒋᐅᑎᓵᐸᑕᕽ ᑖᐱᔥᑰ ᐃᔥᑯᑌᓂ ᐁᐯᑭᐃᑯᒡ᙮
50 # Mat 5.13; Luke 14.34-35. ᐅᓂᔑᔑᓐ ᐃᐃ ᔒᐎᑖᑲᓐ᙮ ᑮᔥᐱᓐ ᐃᑕᔥ ᐐᐋᓂᓯᐳᑾᒃ ᐃᐃ ᔒᐎᑖᑲᓐ, ᐋᓃᔥ ᑫᑑᑕᒪᐸᓐ ᒦᓇᐙ ᒋᔒᐎᑖᑲᓂᐳᑾᑭᐸᓐ? ᑖᐱᔥᑰ ᑳᔑ ᒥᓄᐳᑾᒃ ᐃᐃ ᒦᒋᒻ ᐁᔒᐎᑖᑲᓂᐳᑾᒃ, ᒦᐃ ᐃᔑ ᒥᓄᐐᒌᑎᒃ ᐁᑕᓱᐯᔑᑯᔦᒃ, ᒋᒥᓄᓭᔦᒃ, ᑮᐃᑭᑐ᙮
Zvasarudzwa nguva ino
ᒫᕒᒃ 9: OJBS
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ojibwe Shorter Bible (Syllabic Script) © 2008 Canadian Bible Society
ᒫᕒᒃ 9
9
1ᔑᑾ ᑕᔥ ᑮᐊᓂ ᐃᑭᑐ ᐊ ᒋᓴᔅ: ᓂᑌᐺ ᐁᑲᓅᓂᓇᑰᒃ᙮ ᐋᓂᓐᑦ ᑮᓇᐙ ᐅᐅᒫ ᑳᐊᔮᔦᒃ ᑳᐐᓐ ᑕᓂᐳᓰᐗᒃ, ᐹᓂᒫ ᐙᐸᑕᒧᐙᒡ ᐃᐃ ᑭᔐᒪᓂᑑ ᐅᑎᐯᒋᑫᐎᓂᓂ ᐱᓈᑾᓂᓂᒃ, ᑭᑭᒪᔥᑲᐎᓰᐎᓐ ᒋᐅᑭᒫᐎᓂᒡ, ᐅᑮᐃᓈᐞ᙮
ᐸᑳᓐ ᐁᑮᐃᔑᓈᑯᓯᒡ ᐊᐊᐌ ᒋᓴᔅ ᐗᑭᑕᑎᓐ ᐁᑮᐊᔮᒡ
(Matthew 17.1-13; Luke 9.28-36)
2 # 2 Pet 1.17-18. ᐹᓂᒫ ᑕᔥ ᓀᑯᑣᓱᑯᓇᑳᓂᒃ, ᒋᓴᔅ ᐅᑮᐐᒌᐙᐞ ᐲᑕᕒᐊᓐ Peter, ᒌᒥᓴᓐ James, ᒞᓇᓐ John, ᐌᑎ ᑳᐃᔑ ᑭᒋᐱᑾᑎᓈᓂᒃ ᐁᑮᐃᔑᐎᓈᒡ, ᐐᓀᑕᐙ ᐁᑮᐊᓂ ᐋᒪᒋᐌᐙᒡ᙮ ᒦᑕᔥ ᒣᒀ ᐁᑲᓇᐙᐸᒥᑯᒡ, ᐸᑳᓐ ᑮᐃᔑᓈᑯᓯ ᐊᐊᐌ ᒋᓴᔅ᙮ 3ᐗᐐᑫ ᑮᐙᓯᑯᓇᔦᓱ ᐁᐊᐲᒋ ᐙᐱᔥᑳᓂᑭᓐ ᐅᑭᑭᔥᑭᑲᓇᓐ᙮ ᑳᐐᓐ ᐊᐎᔭ ᐅᐅᒫ ᐊᑮᕽ ᐃᐃ ᑖᐊᐲᒋᐙᐱᔥᑭᐲᑭᓂᑫᓰ ᐃᐌ ᑳᐃᔑ ᐙᐱᔥᑳᓂᑭᓐ ᒋᓴᔅ ᐅᑭᑭᔥᑭᑲᓇᓐ᙮ 4ᐅᑮᐙᐸᒫᐞ ᐃᑕᔥ ᐁᓈᑯᓯᓂᒡ ᐃᓬᐋᐃᒐᐗᓐ Elijah ᑲᔦ ᒨᓯᓲᓐ Moses ᐁᑲᓅᓈᓂᒡ ᐃᓂ ᒋᓴᓲᓐ᙮ 5ᐲᑕᕒ ᐃᑕᔥ ᐅᑮ ᑲᓅᓈᓐ ᒋᓴᓲᓐ: ᐅᑭᑭᓄᐊᒫᑫ, ᐅᓂᔑᔑᓐ ᐅᐅᒫ ᐁᐊᔮᔭᕽ᙮ ᑕᑲ ᓂᑲ ᐊᑲᐙᑌᐃᑫᒥᓐ᙮ ᓂᓯᓐ 3 ᓂᑲ ᐅᔑᑑᒥᓐ, ᐯᔑᒃ ᑮᓐ, ᑲᔦ ᒨᓯᔅ ᐯᔑᒃ, ᑲᔦ ᐯᔑᒃ ᐃᓬᐋᐃᒐ᙮ 6ᐋᓃᔥ ᑮᑸᓇᐎ ᐃᑭᑐ, ᐁᑮ ᓭᑭᓯᐙᒡ᙮
7 # Mat 3.17; Mark 1.11; Luke 3.22. ᒦᑕᔥ ᑮᐱ ᐃᔑᓈᑾᓂᓂ ᐗᑶ, ᐁᑮᐱᔮᑲᐎᔥᑳᑯᐙᒡ᙮ ᒦᑕᔥ ᐃᐃᒫ ᑳᑮᐅᒋ ᓅᑕᐎᒥᓐᒡ ᐊᐎᔭᓐ ᐁᑮᑭᑐᓂᒡ: ᒦ ᐗᐊ ᓂᑯᓯᔅ᙮ ᓂᓵᑭᐋ᙮ ᒦ ᐊᐌ ᐱᓯᑕᐎᒃ! ᑮᐃᓈᐗᒃ᙮ 8ᓭᓴᑰᒡ ᐃᑕᔥ ᑮᐊᔨᓈᐱᐗᒃ᙮ ᑳᐐᓐ ᑫᔮᐱ ᐊᐎᔭᓐ ᐅᑮᐙᐸᒫᓯᐙᐙᓐ, ᒦ ᐁᑕ ᒋᓴᓲᓐ ᑳᐐᒌᐎᑯᐙᒡ᙮
9ᐹᓂᒫ ᑕᔥ ᒣᒀ ᐁᓃᓴᒋᐌᐙᒡ, ᐌᐌᓂ ᐅᑮᐋᔩᓱᒫᐞ ᒋᓴᔅ ᐃᐃ ᓂᓯᓐ ᐅᑭᑭᓄᐊᒪᐙᑲᓇᐞ: ᑫᑯ ᐊᐎᔭ ᐐᑕᒪᐙᑫᒃ ᐃᐃ ᑳᐙᐸᑕᒣᒃ, ᐹᓂᒫ ᑮᑮᐌᐱᒫᑎᓯᔮᓐ, ᓃᓐ ᐃᓂᓂ ᐅᑯᓯᓴᓐ ᐁᐋᐎᔮᓐ, ᑮᐃᑭᑐ᙮
10ᒦᑕᔥ ᐅᑮᓇᓇᐃᑕᐙᐙᓐ ᐃᐃᐌ ᑳᐃᑯᐙᒡ, ᐐᓇᐙ ᑕᔥ ᐃᑯ ᐅᑮ ᑕᔑᑖᓈᐙ, ᐌᑯᓀᓐ ᐃᑕᔥ ᐅᐅᐌ ᑳᐃᑕᒥᓂᒡ ᒋᓴᓲᓐ, ᓂᑲ ᑮᐌᐱᒫᑎᔅ, ᐁᐃᑭᑐᓂᒡ᙮ 11#Mal 3.23; Mat 11.14. ᐅᑮ ᑲᑴᒋᒫᐙᓐ ᐃᑕᔥ: ᐃᑭ ᑳᑭᑭᓄᐊᒫᑫᐙᒡ ᐃᐃ ᒎᐗᐞ ᐅᑑᓇᔓᐌᐎᓂᓂ ᐃᑭᑐᐗᒃ ᐅᐅ: ᐊᑲᐌ ᓂᑕᒻ ᑕᐱ ᑕᑯᔑᓐ ᐊᐊ ᐃᓬᐋᐃᒐ᙮ ᐋᓃᔛᓐ ᐅᑯ ᐌᒋ ᐃᑭᑐᐙᒡ? ᐅᑮᐃᓈᐙᓐ᙮
12ᐅᑮᓇᑴᑕᐙᐞ ᐃᑕᔥ ᒋᓴᔅ: ᑌᐺ ᑮᐃᓇᑌᓂ ᐊᐌ ᐃᓬᐋᐃᒐ ᓂᑕᒻ ᒋᑕᑯᔑᕽ ᒋᐙᐌᓇᑑᒡ ᑲᑭᓇ ᑫᑰᓐ᙮ ᐋᓃᓐ ᑕᔥ ᐁᓀᑕᒣᒃ ᐃᐃᐌ ᓃᓐ ᐁᐃᔑᐲᐃᑳᓱᔮᓐ, ᐃᓂᓂ ᐅᑯᓯᓴᓐ ᒋᐐ ᑲᒀᑕᑭᐃᒥᓐᒡ ᒋᐋᓇᐌᓂᒥᒥᓐᒡ ᐁᐃᑭᑑᒪᑲᒃ? 13ᑭᐐᑕᒪᐎᓂᓂᒻ ᐃᑕᔥ, ᐋᔕ ᑌᐺ ᑮᐱᑕᑯᔑᓐ ᐊᐊ ᐃᓬᐋᐃᒐ᙮ ᐌᑯᓀᓐ ᐃᑯ ᑳᐃᓀᓂᒥᓐᒡ ᑮᑑᑕᐙ᙮ ᒦᐃᐌ ᒪᔮ ᑳᐃᔑᐲᐃᑳᑌᓂᒃ ᐁᑮ ᑕᔑᒥᓐᒡ, ᐅᑮᐃᓈᐞ᙮
ᐁᑮ ᐱᒫᒋᐋᒡ ᒋᓴᔅ ᐯᔑᒃ ᑸᐎᓭᓴᓐ ᑳᑭᑭᔥᑲᐙᓂᒡ ᒪᒋᐊᒑᑾᓐ
(Matthew 17.14-21; Luke 9.37-43a)
14ᐊᐲ ᑕᔥ ᑳᐱ ᐅᑎᓵᐙᒡ ᐃᐃ ᑯᑕᒃ ᑭᑭᓄᐊᒪᐙᑲᓇᐞ, ᐅᑮᐙᐸᒫᐙᐞ ᐁᑮᐙᑳᔥᑳᑯᓂᒡ ᑭᒋᓃᐱᐗᐞ ᑳᒫᒪᐌᓄᓂᒡ, ᐃᐃ ᑲᔦ ᑳᑭᑭᓄᐊᒫᑫᓂᒡ ᒎᐗᐞ ᐅᑑᓇᔓᐌᐎᓂᓂ ᐁᑮ ᑲᑴ ᔖᑰᓱᒥᑯᓂᒡ᙮ 15ᐊᐲ ᑕᔥ ᐁᐙᐸᒥᑯᒡ ᒋᓴᔅ ᐃᐃ ᑳᒫᒪᐌᓄᓂᒡ, ᑮᒌᑫᑕᒧᓭᐗᐞ, ᑮᐊᐸᐃᑎᐗᐞ ᑲᑭᓇ, ᐁᑮᐱ ᐴᔔᐃᑯᒡ᙮ 16ᒋᓴᔅ ᐃᑕᔥ ᐅᑮ ᑲᑴᒋᒫᐞ ᐅᑭᑭᓄᐊᒪᐙᑲᓇᐞ: ᐌᑯᓀᓐ ᐃᐃ ᑳᐃᔑ ᑲᓅᓀᒀ? ᐅᑮᐃᓈᐞ᙮
17ᐯᔑᒃ ᐃᑕᔥ ᐃᐃ ᑳᐅᑴᓄᓂᒡ ᐅᑮᓇᑴᑖᑰᓐ: ᐅᑭᑭᓄᐊᒫᑫ ᑭᑖᓇᐐ ᐲᑕᒪᐎᓐ ᓂᑯᓯᔅ ᐁᑭᑭᔥᑲᐙᒡ ᒪᒋᐊᒑᑾᓐ ᑎᓄ ᑳᓂᑖ ᐌᔥᑳᑯᓯᒃ᙮ 18ᐱᑯ ᐋᑎ ᐁᐅᑎᓯᑯᒡ, ᐅᐸᑭᔑᒥᑰᓐ᙮ ᐲᑌᐎᑑᓀ ᑲᔦ ᒪᒫᑗᔮᐱᑌᔥᑳ ᐁᐅᒋᐱᓂᑯᔥᑳᑯᒡ᙮ ᓂᑖᓇᑮ ᑲᑴᒋᒫᒃ ᐃᑭ ᑭᑭᑭᓄᐊᒪᐙᑲᓇᒃ ᒋᓵᑭᒋᓂᔕᐊᒪᐙᐙᒡ ᐃᓂ ᒪᒋᐊᒑᑾᓐ᙮ ᐅᑮ ᑆᓇᐎᐋᐙᓐ ᐃᑕᔥ, ᐅᑎᑰᓐ᙮ 19ᐅᑮ ᑲᓅᓈᐞ ᐃᑕᔥ ᒋᓴᔅ: ᐅᐅᒫ ᑲᑭᓇ ᐁᔮᔦᒃ! ᐁᑕᑕᐌ ᑳᐐᓐ ᑭᓂᑖ ᑌᐺᔦᑕᓰᒻ! ᑳᓇᑲ ᓈ ᒥᓂᒃ ᑫᐐᒌᐎᓇᑰᑭᐸᓐ ᒋᑆ ᒫᒌ ᑌᐺᔦᑕᒣᒃ? ᑳᓇᑲ ᓈ ᒥᓂᒃ ᑫᔕᔒᐯᓂᒥᓇᑰᒃ? ᑕᑲ ᐲᑕᒪᐎᔑᒃ ᐊᐊ ᑸᐎᓭᔅ, ᐅᑮᐃᓈᐞ᙮ 20ᒦᑕᔥ ᑳᐃᔑ ᐲᓈᐙᒡ ᐃᓂ ᑸᐎᓭᓴᓐ᙮
ᐊᐲᔥ ᐎᔮᐸᒫᒡ ᐊᐊ ᒪᒋᐊᒑᒃ ᐃᓂ ᒋᓴᓲᓐ, ᔐᒫᒃ ᐅᑮᐅᒋᐱᓂᑯᔥᑲᐙᓐ ᐃᓂ ᑸᐎᓭᓴᓐ᙮ ᒦᑕᔥ ᑳᐃᔑ ᑲᐎᓭᓂᒡ ᐁᑮ ᑎᑎᑎᐱᐸᓂᐅᓂᒡ ᐁᑮ ᐲᑌᐎᑑᓀᓂᒡ᙮ 21ᒦᑕᔥ ᒋᓴᔅ ᐅᑮ ᑲᑴᒋᒫᓐ ᐃᓂ ᐌᓃᒑᓂᓯᓂᒡ: ᐋᓇᐲ ᐃ ᐌᒋ ᐃᔑᐊᔮᒡ? ᐅᑮᐃᓈᓐ᙮
ᒦᑕᔥ ᑳᐃᑯᒡ: ᐊᐸᓀ ᑯ ᐌᒋ ᐊᐱᓅᒌᔑᐎᒡ᙮ 22ᓃᐱᐗᐋᕽ ᐅᑮᐊᐸᑭᓂᑰᓐ ᐃᐃᒫ ᐃᔥᑯᑌᕽ ᑲᔦ ᐃᐃᒫ ᓂᐲᕽ ᐁᐐ ᓂᓯᑯᒡ᙮ ᑮᔥᐱᓐ ᐃᑕᔥ ᑮᓐ ᑫᑰᓐ ᑲᔥᑭᑑᔭᓐ, ᑭᑎᒫᑫᓂᒥᔑᓈᒻ, ᐐᒋᐃᔑᓈᒻ! ᐃᑭᑐᐗᓐ ᐃᓂ ᐃᓂᓂᐗᓐ᙮
23ᒋᓴᔅ ᐃᑕᔥ ᐅᑮᐃᓈᓐ: ᑮᔥᐱᓐ ᑮᓐ ᑲᔥᑭᑑᔭᓐ ᑭᑎᓂᓐ! ᐊᐎᔭ ᑌᐺᔦᓂᒫᒡ ᑭᔐᒪᓂᑑᓐ, ᑲᑭᓇ ᑫᑰᓐ ᑕᑲᔥᑭᒋᑳᑌᓂ, ᑮᐃᑭᑐ᙮
24ᔐᒫᒃ ᑮᑭᔒᐌ ᐊᐊ ᐌᑯᓯᓯᒡ ᐁᐃᑭᑐᒡ: ᓂᑌᐺᔦᓂᒫ! ᐐᒋᐃᔑᓐ ᐅᓵᒻ ᐸᑮ ᐁᑌᐺᔦᓂᒪᒃ! ᑮᐃᑭᑐ᙮
25ᒦᑕᔥ ᐁᐙᐸᒫᒡ ᒋᓴᔅ ᒫᒪᐤ ᐁᐲᒋᐸᐃᑎᓂᒡ ᐃᐃ ᐯᒫᑎᓯᓂᒡ, ᐅᑮ ᑭᒋᑲᓅᓈᓐ ᐃᓂ ᒪᒋᐊᒑᑾᓐ: ᑮᓐ ᓀᑖᐌᐃᐌᓯᐗᓐ ᑲᔦ ᑫᑮ ᐱᑌᐃᐌᔭᓐ ᒪᒋᐊᒑᒃ! ᐅᒋᓇᑲᔥ ᐊᐊ ᑸᐎᓭᔅ ᑭᑎᓂᓐ! ᑫᑯ ᒦᓇᐙ ᐐᑳ ᐱᑭᑭᔥᑲᐙᑫᓐ! ᐅᑮᐃᓈᓐ᙮
26ᒦᑕᔥ ᑮᑭᔒᐌ ᐊᐊ ᒪᒋᐊᒑᒃ, ᐁᑮᐊᐲᒋ ᐊᔪᒋᐱᓂᑯᔥᑲᐙᒡ ᐃᓂ ᑸᐎᓭᓴᓐ᙮ ᐅᑮᓇᑲᓈᓐ ᐃᑕᔥ᙮ ᑖᐱᔥᑰ ᑕᔥ ᐁᑮᓂᐳᒡ ᑮᐃᔑᓈᑯᓯ ᐊᐊ ᑸᐎᓭᔅ᙮ ᒦᑕᔥ ᑳᐃᑭᑐᐙᒡ ᓃᐱᐗᐞ: ᐋᔕ ᓂᐳ, ᑮᐃᑭᑐᐗᒃ᙮ 27ᒋᓴᔅ ᐃᑕᔥ ᐅᑮ ᓴᑭᓂᑫᓈᓐ ᐁᑮ ᐸᓯᑸᐋᒡ ᐃᓂ ᑸᐎᓭᓴᓐ᙮ ᒦᑕᔥ ᑳᐃᔑ ᓃᐸᐎᓂᒡ᙮
28ᐊᐲ ᑕᔥ ᑳᐲᑎᑫᒡ ᒋᓴᔅ ᐃᐃᒫ ᐙᑳᐃᑲᓂᕽ, ᓂᔑᑫ ᐅᑮ ᑲᓅᓂᑰᐞ ᐅᑭᑭᓄᐊᒪᐙᑲᓇᐞ: ᐋᓃᔥ ᓃᓇᐎᓐᑦ ᑳᐅᒋ ᑲᔥᑭᑑᓯᐙᕽ ᒋᓵᑭᒋᓂᔕᐊᒪᐗᑭᒡ ᐊᐊ ᑸᐎᓭᔅ ᐃᓂ ᒪᒋᐊᒑᑾᓐ? ᐅᑮᐃᑰᐞ᙮
29ᒦᑕᔥ ᐅᑮᐃᓈᐞ: ᐅᓄ ᑎᓄ ᒪᒋᐊᒑᑾᓐ ᑳᐐᓐ ᐊᐎᔭ ᐅᑖ ᑲᔥᑭᐋᓰᓐ ᒋᓵᑭᒋᓂᔕᐙᒡ; ᒦ ᐁᑕ ᐊᓇᒥᐁᑕᐙᒡ ᑭᔐᒪᓂᑑᓐ ᑫᑮᐅᒋ ᓵᑭᒋᓂᔕᐙᒡ ᐊᐎᔭ ᐃᓂ ᒪᒋᐊᒑᑾᓐ, ᑮᐃᑭᑐ᙮
ᒦᓇᐙ ᐁᑮᐐᑕᕽ ᑫᐃᔑ ᓂᐳᒡ ᐊᐌ ᒋᓴᔅ
(Matthew 17.22-23; Luke 9.43b-45)
30ᒦᑕᔥ ᐃᐃᒫ ᑳᐊᓂᐅᒋ ᒫᒑᐙᒡ ᐁᑮᐊᓂ ᔖᐳᔥᑳᐙᒡ ᑳᓬᐊᓬᐄᐎ ᐊᑮᕽ Galilee᙮ ᑳᐐᓐ ᐃᑕᔥ ᑮᐃᓀᑕᓰ ᐊᐎᔭ ᒋᑭᑫᑕᒥᓂᒡ᙮ 31ᐋᓃᔥ ᐅᑮ ᑭᑭᓄᐊᒪᐙᐞ ᐃᐃ ᐅᑭᑭᓄᐊᒪᐙᑲᓇᐞ ᐁᐃᓈᒡ: ᓃᓐ ᐃᓂᓂ ᐅᑯᓯᓴᓐ ᓂᑲᐃᔑ ᐸᑭᑎᓂᑰᐎᔅ ᒋᑕᑯᓂᐙᒡ ᐃᓂᓂᐗᒃ, ᑲᔦ ᓂᑲ ᓂᓯᑰᒃ᙮ ᒦᑕᔥ ᑮᓂᓱᑮᔑᑾᑳᒃ ᒦᓇᐙ ᓂᑲ ᑮᐌᐱᒫᑎᔅ, ᐅᑮᐃᓈᐞ᙮
32ᐐᓇᐙᔥ ᐐᓐ ᑳᐐᓐ ᑮᓂᓯᑐᑕᓰᐗᒃ ᐃᐃ ᑳᑮᐃᑕᕽ᙮ ᑮᔖᑴᓂᒧᐗᒃ ᐃᑕᔥ ᐁᑮᐅᒋ ᒪᓈᓱᒫᐙᒡ᙮
ᐁᑮᐐᑕᒪᐙᒡ ᐅᑭᑭᓄᐊᒪᐙᑲᓇᐞ ᐊᐌᓀᓐ ᓇᐗᒡ ᑫᓃᑳᓀᑖᑯᓯᒡ
(Matthew 18.1-5; Luke 9.46-48)
33ᐌᑎ ᑕᔥ ᑮᐱᑕᑯᔑᓅᒃ ᐆᑌᓇᐌᓯᕽ, ᑲᐸᕒᓂᔭᒻ Capernaum ᐁᐃᔑᓂᑳᑌᓂᒃ᙮ ᒦᑕᔥ ᐁᑮ ᐲᑎᑫᐙᒡ ᐃᐃᒫ ᐙᑳᐃᑲᓂᕽ, ᐅᑮ ᑲᑴᒋᒫᐞ ᒋᓴᔅ ᐃᐃ ᐅᑭᑭᓄᐊᒪᐙᑲᓇᐞ: ᐌᑯᓀᔥ ᑳᐱ ᑕᔑᑕᒣᒃ ᑮᐱ ᐱᒧᓭᔭᕽ? ᐅᑮᐃᓈᐞ᙮
34 # Luke 22.24. ᑳᐐᓐ ᑕᔥ ᐃᑯᑕᓄ ᑮᐃᑭᑐᓰᐗᒃ᙮ ᒦ ᐋᓃᔥ ᐃᐃ ᑳᑮ ᑕᔑᑕᒧᐙᒡ, ᐊᐌᓀᓐ ᓇᐗᒡ ᐊᐊ ᑫᓃᑳᓂᓯᒡ, ᐁᑮ ᑲᑴᔖᑰᓱᑎᐙᒡ᙮ 35#Mat 20.26-27; 23.11; Mark 10.43-44; Luke 22.26. ᒦᑕᔥ ᑳᐃᔑ ᐅᓇᐱᒡ, ᐁᑮᐊᑐᒫᒡ ᒋᓴᔅ ᐃᐃ ᑳᒥᑖᔑᓃᔑᓂᒡ᙮ ᒦᑕᔥ ᑳᐃᓈᒡ: ᐊᐎᔭ ᐐᓃᑳᓀᑖᑯᓯᒡ, ᒫᒪᐤ ᐅᑖᓈᕽ ᑕᐃᓀᓂᑎᓱ, ᑲᑭᓇ ᐊᐎᔭᐞ ᐅᑲ ᐊᓄᑮᑕᐙᐞ, ᐅᑮᐃᓈᐞ᙮ 36ᒦᑕᔥ ᑳᐃᔑ ᓴᑭᓂᑫᓈᒡ ᐊᐱᓅᒌᔕᓐ, ᐁᐃᓈᒡ ᐃᑕᔥ ᐃᐃ ᐅᑭᑭᓄᐊᒪᐙᑲᓇᐞ: 37#Mat 10.40; Luke 10.16; John 13.20. ᐊᐌᓀᓐ ᐃᑯ ᑫᐐᒋᐋᒡ ᐯᔑᒃ ᐅᐅ ᐊᐱᓅᒌᔕᐞ, ᓃᓐ ᐅᒋ ᐁᐅᒋ ᐃᔑᒋᑫᒡ, ᒦ ᐯᔑᑾᓐ ᑫᓃᓐ ᐁᐃᔑ ᐐᒋᐃᒡ᙮ ᐊᐌᓀᓐ ᐃᓴ ᐙᒋᐃᑴᓐ, ᑳᐐᓐ ᓃᓐ ᐁᑕ ᓂᐐᒋᐃᑯᓰ, ᐃᓂᐌᓂᐗᓐ ᐃᓴ ᐅᐐᒋᐋᓐ ᑭᔐᒪᓂᑑᓐ, ᒦᐗᓐ ᐃᓂ ᑳᐱ ᐃᔑᓂᔕᐅᓂᒡ, ᐅᑮᐃᓈᐞ᙮
ᐊᐊᐌ ᐁᑳ ᑳᑲᑴ ᑭᐱᑎᓂᓯᓄᐗᕽ ᑭᐐᒋᐃᑯᓈᓐ ᐁᐃᑭᑐᒡ
(Luke 9.49-50)
38ᒦᑕᔥ ᑳᐃᔑ ᑲᓅᓂᑯᒡ ᐃᓂ ᒞᓇᓐ John: ᐅᑭᑭᓄᐊᒫᑫ, ᓂᑮᐙᐸᒫᓈᓐ ᐯᔑᒃ ᐃᓂᓂ ᐁᓵᑭᒋᓂᔕᐊᒪᐙᒡ ᒪᒋᐊᒑᑾᐞ ᐊᐎᔭᐞ, ᑮᓐ ᐁᐊᐱᒧᒡ ᑭᑎᔑᓂᑳᓱᐎᓐ᙮ ᐃᑕᐙᔥ ᓂᑮᐅᒋᐋᓈᓐ, ᐋᓃᔥ ᑳᐐᓐ ᑭᐸᐹᐐᒌᐎᑯᓰᓈᓐ, ᐅᑮᐃᑰᓐ᙮
39ᒋᓴᔅ ᐃᑕᔥ ᐅᐅᐌ ᐅᑮᐃᓈᓐ: ᑫᑯ ᐅᒋᐋᑫᒃ᙮ ᐊᐎᔭ ᑳᑮᐃᔑ ᒫᒪᑳᒋᒋᑫᒡ ᓃᓐ ᐁᐊᐱᒧᒡ ᓂᑎᔑᓂᑳᓱᐎᓐ, ᑳᐐᓐ ᐐᐸ ᓂᑲ ᒪᒋᑕᔑᒥᑯᓰ᙮ 40#Mat 12.30; Luke 11.23. ᐊᐊᐌ ᓴ ᐐᓐ ᐊᐎᔭ ᐁᑳ ᑳᑲᑴᑭᐱᑎᓂᓯᓄᐗᕽ, ᑭᐐᒋᐃᑯᓈᓐ᙮ 41#Mat 10.42. ᑌᐺ ᑭᑎᓂᓂᓂᒻ, ᐊᐌᓀᓐ ᐃᑯ ᑫᒥᓇᐃᓄᐌᑴᓐ ᐯᔑᑯᒥᓂᒀᑲᓐ ᓂᐱ, ᐁᑭᑫᓂᒥᓀᒃ ᓃᓐ ᑭᔐᒪᓂᑑ ᐅᐱᒫᒋᐃᐌᐎᓂᓃᒪᓐ ᑳᐱᒥᓂᔕᐅᔦᒃ, ᐁᐅᒋ ᐃᔑᒋᑫᒡ, ᑕᑎᐸᐊᒪᐙ ᑫᒋᓈᒡ᙮
ᑲᑴᒋᐃᑰᐎᓐ ᐁᑕᔑᑕᕽ ᐊᐊᐌ ᒋᓴᔅ
(Matthew 18.6-9; Luke 17.1-2)
42ᔑᑾ ᑮᔥᐱᓐ ᐊᐎᔭ ᒪᒋᑑᑕᒧᐋᒡ ᐯᔑᒃ ᐅᓄᐌᓂᐗᐞ ᑳᐊᑳᔒᔑᓂᒡ ᑳᑌᐺᑕᐎᓂᒡ, ᓇᐗᒡ ᑖᐅᓂᔑᔑᓐ ᑳᒥᒑᐱᑭᓯᓂᒡ ᐊᓯᓃᓐ ᒋᑕᑯᐱᒋᑲᓂᐎᓂᐸᓐ ᐅᑴᑲᓂᕽ ᒋᐸᑯᐲᐌᐱᓂᑲᓂᐎᐸᓐ ᑭᒋᑲᒦᕽ, ᐊᐲᒡ ᐐᓐ ᒋᒪᒋᑑᑕᒧᐋᒡ ᐊᐱᓅᒌᔕᓐ᙮ 43#Mat 5.30. ᑮᔥᐱᓐ ᐌᒋ ᒪᒋᑑᑕᒧᐃᑯᐗᓀᓐ ᐃᐌ ᑳᐃᓈᐸᒋᑑᔭᓐ ᑭᓂᓐᒡ, ᑮᔥᑲᑕᐊᓐ! ᓇᐗᒡ ᑖᐅᓂᔑᔑᓐ ᓇᐸᓀᓂᒌᔭᐸᓐ ᒋᐅᑎᑕᒪᓐ ᐱᒫᑎᓯᐎᓐ ᑫᐴᓂ ᐊᔮᓯᓄᒃ, ᐊᐲᒡ ᐐᓐ ᓃᔓᓂᒌᔭᓐ ᒋᐃᔖᔭᐸᓐ ᒪᒋ ᐃᔥᑯᑌᕽ, ᐃᐃᐌ ᐁᑳ ᐐᑳ ᐃᔮᑕᐌᓯᓄᒃ᙮#9.43,45 ᐋᓂᑕ ᓴ ᑫᑌᐅᔑᐲᐃᑲᓂᕽ 44 ᐅᔑᐲᐃᑲᓀᔅ, 46 ᑲᔦ ᑮᑕᑯᐲᐃᑳᑌᐗᓐ: ᒦᓴ ᐃᐃᒫ ᐐᑳ ᐁᔑ ᓂᐳᓯᓂᒃ ᐃᐃ ᐆᑴᐞ ᑳᐸᓈᒋᐃᑯᒡ ᐊᐎᔭ, ᑲᔦ ᐐᑳ ᑳᐃᔑ ᐋᑕᐌᓯᓄᒃ ᐃᔥᑯᑌ ᑳᒑᑭᓱᑯᒡ᙮ 45ᑮᔥᐱᓐ ᑲᔦ ᐌᒋ ᒪᒋᑑᑕᒧᐃᑯᐗᓀᓐ ᑭᓯᑦ ᑳᐃᓈᐸᒋᑑᔭᓐ, ᑮᔥᑭᔕᓐ! ᓇᐗᒡ ᑖᐅᓂᔑᔑᓐ ᒋᒫᑭᓭᔭᓐ, ᒋᐅᑎᑕᒪᓐ ᐃᐃ ᐱᒫᑎᓯᐎᓐ ᐐᑳ ᑫᐴᓂ ᐊᔮᓯᓄᒃ, ᐊᐲᒡ ᐐᓐ ᒥᒋᓃᔥ ᒋᐊᔮᔭᐸᓐ ᑭᓯᑕᓐ ᒋᐊᐸᑭᓂᑰᔭᓐ ᐃᐃᒫ ᒪᒋ ᐃᔥᑯᑌᕽ᙮#9.43,45 ᐋᓂᑕ ᓴ ᑫᑌᐅᔑᐲᐃᑲᓂᕽ 44 ᐅᔑᐲᐃᑲᓀᔅ, 46 ᑲᔦ ᑮᑕᑯᐲᐃᑳᑌᐗᓐ: ᒦᓴ ᐃᐃᒫ ᐐᑳ ᐁᔑ ᓂᐳᓯᓂᒃ ᐃᐃ ᐆᑴᐞ ᑳᐸᓈᒋᐃᑯᒡ ᐊᐎᔭ, ᑲᔦ ᐐᑳ ᑳᐃᔑ ᐋᑕᐌᓯᓄᒃ ᐃᔥᑯᑌ ᑳᒑᑭᓱᑯᒡ᙮ 47#Mat 5.29. ᑮᔥᐱᓐ ᑲᔦ ᐌᒋ ᒪᒋᑑᑕᒧᐃᑯᐗᓀᓐ ᑭᔥᑮᔑᒃ ᑳᐃᓈᐸᒋᑑᔭᓐ, ᑭᒑᐱᐌᐸᐅᑎᓱᓐ! ᓇᐗᒡ ᑖᐅᓂᔑᔑᓐ ᐯᔑᑾᒃ ᐁᑕ ᑭᔥᑮᔑᒃ, ᒋᐅᑎᑕᒪᓐ ᑭᔐᒪᓂᑑ ᐁᑕᔑ ᐅᑭᒫᐎᒡ, ᐊᐲᒡ ᐃᑕᔥ ᐐᓐ ᓃᔓᔥᑮᔑᑴᔭᓐ ᒋᐊᐸᑭᓂᑰᔭᐸᓐ ᐃᐃᒫ ᒪᒋ ᐃᔥᑯᑌᕽ, 48#Isa 66.24. ᐃᐃᒫ ᐐᑳ ᐁᔑ ᓂᐳᓯᓂᒃ ᐃᐃ ᐆᑴᐞ ᑳᐸᓈᒋᐃᑯᒡ ᐊᐎᔭ, ᑲᔦ ᐐᑳ ᑳᐃᔑ ᐋᑕᐌᓯᓄᒃ ᐃᔥᑯᑌ ᑳᒑᑭᓱᑯᒡ, ᑮᐃᑭᑐ᙮
49ᔑᑾ ᑮᐃᑭᑐ: ᑲᑭᓇ ᐸᑭᑎᓈᓱᐎᓇᓐ ᔒᐎᑖᑲᓇᐃᑳᑌᐗᓐ ᑫᐅᒋ ᐯᑲᑭᓐ ᑫᐅᒋ ᐅᑖᐱᓂᑳᑌᑭᓐ᙮ ᒦᑕᔥ ᐯᔑᑾᓐ ᑲᑭᓇ ᐊᐎᔭ ᐁᔑᓈᑾᓂᓂᒃ ᑲᒀᑕᑭᑑᐎᓐ ᒋᐅᑎᓵᐸᑕᕽ ᑖᐱᔥᑰ ᐃᔥᑯᑌᓂ ᐁᐯᑭᐃᑯᒡ᙮
50 # Mat 5.13; Luke 14.34-35. ᐅᓂᔑᔑᓐ ᐃᐃ ᔒᐎᑖᑲᓐ᙮ ᑮᔥᐱᓐ ᐃᑕᔥ ᐐᐋᓂᓯᐳᑾᒃ ᐃᐃ ᔒᐎᑖᑲᓐ, ᐋᓃᔥ ᑫᑑᑕᒪᐸᓐ ᒦᓇᐙ ᒋᔒᐎᑖᑲᓂᐳᑾᑭᐸᓐ? ᑖᐱᔥᑰ ᑳᔑ ᒥᓄᐳᑾᒃ ᐃᐃ ᒦᒋᒻ ᐁᔒᐎᑖᑲᓂᐳᑾᒃ, ᒦᐃ ᐃᔑ ᒥᓄᐐᒌᑎᒃ ᐁᑕᓱᐯᔑᑯᔦᒃ, ᒋᒥᓄᓭᔦᒃ, ᑮᐃᑭᑐ᙮
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ojibwe Shorter Bible (Syllabic Script) © 2008 Canadian Bible Society