ᒫᕒᒃ 2
2
ᐁᑮ ᐱᒫᒋᐋᒡ ᒋᓴᔅ ᐯᔑᒃ ᑳᓂᐳᐗᐱᓀᓂᒡ
(Matthew 9.1-8; Luke 5.17-26)
1ᐹᓂᒫ ᐸᑮ ᑮᑕᓱᑰᓇᑳᓂᒃ ᒦᓇᐙ ᑮᐊᓂᐅᒋ ᑕᑯᔑᓐ ᐃᐃᒫ ᑲᐸᕒᓂᔭᒦᐎ ᐆᑌᓈᕽ Capernaum᙮ ᑮᑕᓈᒋᒫ ᑕᔥ ᐁᐊᔭᐱᒡ ᑳᔑᑖᒡ᙮ 2ᓃᐱᐗᐞ ᐃᑕᔥ ᑮᐱ ᒫᐗᒋ ᐃᔖᐗᐞ, ᐲᓂᔥ ᐐᑫ ᑮᓵᑭᑕᔥᑭᓀᐗᐞ, ᐊᐴᔥᑫ ᐊᑾᒋ ᐃᔥᒀᑌᕽ᙮ ᒋᓴᔅ ᐃᑕᔥ ᒣᒀ ᐅᑮ ᑲᑲᑲᓅᓈᐞ ᐁᑮ ᑕᔑᑕᕽ ᑭᔐᒪᓂᑑᓐ ᐅᑎᑭᑐᐎᓂᓂ᙮ 3ᑮᐲᔖᐗᒃ ᐃᑕᔥ ᐊᐎᔭᒃ ᐁᐲᓈᐙᒡ ᐯᔑᒃ ᐁᓂᐳᐙᐱᓀᓂᒡ᙮ ᑮᓃᐎᐗᒃ ᐃᑕᔥ ᐃᑭ ᑳᐱᒥᐎᓈᐙᒡ᙮ 4ᑳᐐᓐ ᐃᑕᔥ ᐅᑮ ᑲᔥᑭᑑᓰᓈᐙ ᐯᔔ ᒋᓈᓯᑲᐙᐙᒡ ᒋᓴᓲᓐ, ᑳᐊᐲᒋ ᒨᔥᑭᓀᓂᒃ ᐃᐃ ᐙᑳᐃᑲᓂᓂ᙮ ᒦᑕᔥ ᐃᐃ ᑳᐃᔑ ᐃᒀᑕᐌᐙᒡ ᐁᓇᐸᑳᓂᒃ ᐗᑮᒡ ᐙᑳᐃᑲᓐ ᐁᑮ ᐸᐸᑾᒋᐱᑑᐙᒡ ᐊᐸᒀᓐ ᑎᐱᔥᑰ ᒋᓴᓲᓐ ᑳᐃᔑ ᓃᐸᐎᓂᒡ᙮ ᒦᔥ ᐃᐃᒫ ᑳᐃᔑ ᐸᑯᓀᐱᒋᑫᐙᒡ, ᑳᐃᔑ ᐸᑭᑖᐲᑭᓈᐙᒡ ᐃᓂ ᑳᓂᐳᐙᐱᓀᓂᒡ ᐊᐱᔑᒧᓂᕽ ᑳᐱᒥᔑᓂᓂᒡ᙮ 5ᐊᐲ ᑕᔥ ᒋᓴᔅ ᐁᐙᐸᑕᕽ ᐁᐃᔑᒋᑫᓂᒡ ᐁᑌᐺᔦᓂᒥᑯᒡ ᐃᐃ ᐃᓂᓂᐗᐞ, ᒦᑕᔥ ᑳᐃᔑ ᑲᓅᓈᒡ ᐃᓂ ᑳᓂᐳᐙᐱᓀᓂᒡ: ᓃᒌ! ᐴᓀᒋᑳᑌᐗᓐ ᑭᒪᒋᑑᑕᒧᐎᓇᓐ, ᐅᑮᐃᓈᓐ᙮
6ᐋᓂᑕ ᑕᔥ ᐃᑭ ᑳᑭᑭᓄᐊᒫᑫᐙᒡ ᒎᐗᐞ ᐅᑑᓇᔓᐌᐎᓂᓂ ᐃᐃᒫ ᑮᓇᒪᑕᐱᐗᒃ, ᒦ ᐅᐌ ᐁᑮᐃᔑ ᓈᓈᑲᑕᐌᑕᒧᐙᒡ: 7ᐋᓃᔥ ᐗᐊ ᐌᒋ ᐃᔑᑮᔗᒡ? ᐅᐹᐱᓀᓂᒫᓐ ᐃᓂ ᑭᔐᒪᓂᑑᓐ! ᑮᐄᓀᑕᒨᒃ᙮ ᑳᐐᓐ ᐸᑳᓐ ᐊᐎᔭ ᐅᑖ ᑲᔥᑭᑑᓰᓐ ᒋᐴᓀᑕᒪᐙᒡ ᐊᐎᔭᓐ ᐅᒪᒋᑑᑕᒧᐎᓂᓂ; ᐐᓀᑕ ᑭᔐᒪᓂᑑ ᐅᑲᔥᑭᑑᓐ, ᑮᐃᓀᑕᒨᒃ᙮
8ᔐᒫᒃ ᐃᑕᔥ ᒋᓴᔅ ᐅᑮ ᑭᑫᓂᒫᐞ ᐅᐅᐌ ᐁᐃᔑ ᓈᓈᑲᑕᐌᑕᒥᓂᒡ᙮ ᐅᑮ ᑲᓅᓈᐞ: ᐌᑯᓀᔥ ᐌᒋ ᐃᔑᓈᓈᑲᑕᐌᑕᒣᒃ? ᐅᑮᐃᓈᐞ᙮ 9ᐋᓃᓐ ᑕᔥ ᐁᔑ ᐌᑕᑭᐸᓐ? ᒋᑮ ᐃᓇᑭᐸᓐ ᐊᐊ ᑳᓂᐳᐙᐱᓀᒡ: ᑭᐴᓀᑕᒪᐎᓐ ᑭᒪᒋᑑᑕᒧᐎᓇᓐ, ᑫᒫ ᒋᑮ ᐃᓇᑭᐸᓐ: ᐸᓯᑸᓐ, ᐅᑖᐱᓇᓐ ᑭᑕᐱᔑᒧᓐ, ᐱᒧᓭᓐ? 10ᓃᓐ ᐃᓂ ᐃᓂᓂ ᐅᑯᓯᓴᓐ; ᑭᑲ ᑭᑫᓂᒥᒻ ᐁᒦᓂᑰᔮᓐ ᑲᔥᑭᐁᐎᓯᐎᓐ ᐅᐅᒫ ᐊᑮᕽ ᐁᐊᔮᔮᓐ ᒋᐴᓀᑖᐗᒃ ᐊᐎᔭ ᐅᒪᒋᑑᑕᒧᐎᓇᓐ, ᐅᑮᐃᓈᐞ᙮ ᒦᑕᔥ ᐅᑮ ᑲᓅᓈᓐ ᐃᓂ ᑳᓂᐳᐙᐱᓀᓂᒡ: 11ᐊᐤ ᐸᓯᑸᓐ, ᑭᑎᓂᓐ! ᐅᑖᐱᓇᓐ ᐃᐃ ᑭᑕᐱᔑᒧᓐ, ᐊᓂᑮᐌᓐ! ᐅᑮᐃᓈᓐ᙮
12ᒦᑕᔥ ᑳᐃᔑ ᐸᓯᑸᒡ ᐊᐊ ᐃᓂᓂ᙮ ᔐᒫᒃ ᐅᑮᐅᒋ ᐅᑖᐱᓈᓐ ᐅᑕᐱᔑᒧᓐ ᐁᑮᐊᓂ ᓵᑲᐊᕽ, ᑲᑭᓇ ᐊᐎᔭᐞ ᐁᐙᐸᒥᑯᒡ᙮ ᑮᐅᒋ ᒫᒪᑳᑌᑕᒨᒃ ᐃᑕᔥ ᑲᑭᓇ᙮ ᑌᐺ ᒫᒪᑳᓯᓈᑾᓐ ᑭᔐᒪᓂᑑ ᑳᑑᑕᕽ! ᑮᐃᑭᑐᐗᒃ᙮ ᑳᐐᓐ ᐐᑳ ᑭᑎᔑ ᐙᐸᑕᓰᒥᓐ! ᑮᐃᑭᑐᐗᒃ᙮
ᐁᐊᑐᒫᒡ ᒋᓴᔅ ᐃᓂ ᓬᐄᐸᔭᓐ
(Matthew 9.9-13; Luke 5.27-32)
13ᒦᑕᔥ ᐃᐃ ᒦᓇᐙ ᑮᐊᓂ ᓈᓯᐲ ᑳᓬᐊᓬᐄᐎ ᓵᑲᐃᑲᓃᕽ Lake Galilee, ᐁᑮ ᐱᒫᔕᑳᒣᒡ ᐊᐊ ᒋᓴᔅ᙮ ᑮᐱ ᒫᐗᒋ ᐃᔖᐗᐞ ᐃᑕᔥ ᑲᑭᓇ ᐃᓂ ᐯᒫᑎᓯᓂᒡ, ᐁᑮᒫᒌᑭᑭᓄᐊᒪᐙᒡ᙮ 14ᒦᑕᔥ ᐃᐃ ᑳᐊᓂ ᐃᔑ ᒫᒑᒡ, ᐅᑮᐊᓂ ᐙᐸᒫᓐ ᐃᓂᓂᐗᓐ ᑳᐅᑖᐱᓇᒪᐙᓂᒡ ᑖᑭᔅ tax ᔔᓂᔮᓐ ᑭᒋᐅᑭᒫᓐ ᒋᑎᐸᐊᒪᐎᒥᓐᒡ᙮ ᓬᐄᐸᔾ Levi ᑮᐃᔑᓂᑳᓱ ᐊᐊ ᐃᓂᓂ, ᐁᐅᔫᓯᒡ ᐋᓬᐱᔭᓴᓐ Alphaeus᙮ ᒣᒀ ᑮᓇᒪᑕᐱ ᐊᐊ ᓬᐄᐸᔾ ᐃᐃᒫ ᐁᑕᔑ ᑎᐸᐊᒪᐎᓐᒡ᙮ ᐅᑮ ᑲᓅᓂᑰᓐ ᐃᑕᔥ ᐃᓂ ᒋᓴᓲᓐ: ᐱᒥᓂᔕᐅᔑᓐ, ᐅᑮᐃᑰᓐ᙮ ᒦᑕᔥ ᑳᐃᔑ ᐸᓯᑸᒡ ᐊᐊ ᓬᐄᐸᔾ, ᐁᐊᓂ ᐐᒌᐙᒡ᙮
15ᓈᓈᑫ ᑕᔥ ᑮᑕᔑᐐᓯᓂ ᐊᐊ ᒋᓴᔅ ᐃᐃᒫ ᐁᔑᑖᓂᒡ ᐃᓂ ᓬᐄᐸᔭᓐ᙮ ᓃᐱᐗᐞ ᐃᑕᔥ ᐃᐃᒫ ᑮᐊᔮᐗᒃ ᐃᑭ ᑳᒫᐗᑑᓈᐙᒡ ᑖᑭᔅ ᔔᓂᔮᓐ ᑳᑮᐋᓇᐌᑖᑯᓯᐙᒡ, ᐃᑭ ᑲᔦ ᑯᑕᒃ ᐊᐎᔭᒃ ᑳᑮᐋᓇᐌᑖᑯᓯᐙᒡ, ᐃᐃᒫ ᑮᐊᔮᐗᒃ᙮ ᐅᑮᐐᑕᐱᒫᐙᓐ ᐃᓂ ᒋᓴᓲᓐ ᑲᔦ ᐅᑭᑭᓄᐊᒪᐙᑲᓂᓂ᙮ ᐋᓃᔥ ᑮᐹᑏᓄᐗᒃ ᐅᑯ ᑎᓄ ᑳᐱᒥᓂᔕᐙᐙᒡ ᐃᓂ ᒋᓴᓲᓐ᙮ 16ᐃᑭ ᑕᔥ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ, ᒦᐗᑭᑭ ᐃᐃᒫ ᐯᕒᐊᓰᐎᓂᓂᐗ Pharisees ᑳᐅᒋ ᑎᐯᑖᑯᓯᐙᒡ, ᐅᑮᐙᐸᒫᐙᓐ ᐃᓂ ᒋᓴᓲᓐ ᐁᐐᒋᐐᓯᓃᒫᓂᒡ ᐃᐃ ᑎᓄ ᑳᔮᓇᐌᑖᑯᓯᓂᒡ, ᐃᓂ ᑲᔦ ᑳᒫᐗᑑᓈᓂᒡ ᑖᑭᔅ ᔔᓂᔮᓐ᙮ ᒦᑕᔥ ᑳᐃᔑ ᑲᓅᓈᒡ ᐃᓂ ᒋᓴᓲᓐ ᐅᑭᑭᓄᐊᒪᐙᑲᓂᓂ: ᐋᓃᔛᓐ ᐌᒋ ᐐᒋᐐᓯᓃᒫᒡ ᒋᓴᔅ ᐃᓂᐌᓂᐗᐞ ᑳᑎᐸᐃᑫᐃᐌᓂᒡ, ᐃᐃ ᑲᔦ ᑳᔮᓇᐌᑖᑯᓯᓂᒡ? ᐅᑮᐃᓈᐙᐞ᙮
17ᐅᑮᓅᑖᓐ ᐃᑕᔥ ᐊᐊ ᒋᓴᔅ᙮ ᐅᑮ ᑲᓅᓈᐞ ᐃᐃ ᑳᑭᑭᓄᐊᒫᑫᓂᒡ ᐅᓇᔓᐌᐎᓐ: ᐃᑭ ᑳᒥᓄᔭᔮᐙᒡ ᑳᐐᓐ ᐅᓇᑕᐌᓂᒫᓯᐙᐙᓐ ᐃᓂ ᒪᔥᑭᑮᐎᓂᓂᐗᓐ, ᐃᑭᐌᓂᐗᒃ ᐃᓴ ᑳᔮᑯᓯᐙᒡ᙮ ᑳᐐᓐ ᑲᔦ ᓃᓐ ᓂᑮᐅᒋ ᐲᔖᓰ ᒋᐱᐊᑐᒪᒀᐸᓐ ᐃᑭ ᑴᔭᑯᔅᐱᒫᑎᓯᐙᒡ ᑳᐃᓇᑭᒥᑣ ᒋᑴᑳᑎᓯᐙᒡ, ᐃᑭ ᓴ ᐐᓐ ᑳᔮᓇᐌᑖᑯᓯᐙᒡ, ᐅᑮᐃᓈᐞ᙮
ᐁᑲᑴᒋᒥᓐᒡ ᒋᓴᔅ ᐃᐃ ᐊᓇᒥᐁᒪᑕᐐᐃᑎᓱᐎᓐ
(Matthew 9.14-17; Luke 5.33-39)
18ᐃᐃ ᑕᔥ ᐊᐲ ᒞᓐ John ᓰᑲᐊᑖᑫᐎᓂᓂ ᐅᑭᑭᓄᐊᒪᐙᑲᓇᐞ ᑲᔦ ᐃᑭ ᐯᕒᐊᓰᐎᓂᓂᐗᒃ Pharisees ᑳᐐᓐ ᑮᐅᒋ ᐐᓯᓂᓰᐗᒃ ᐁᐃᔑᑣᐙᒡ ᒣᒀ᙮ ᐅᑮᐱ ᑲᑴᒋᒥᑰᐞ ᐃᑕᔥ ᒋᓴᔅ ᐊᐎᔭᐞ: ᐃᓂ ᒞᓐ ᐅᑭᑭᓄᐊᒪᐙᑲᓇᐞ ᑲᔦ ᐃᑭ ᐯᕒᐊᓰᐎᓂᓂᐗᒃ ᑲᑭᓇ ᑳᐐᓐ ᐅᒋ ᐐᓯᓂᓰᐗᒃ ᐁᐃᔑᑣᐙᒡ᙮ ᐋᓃᔛᓐ ᑮᓐ ᐌᒋ ᑑᑕᓯᒀ ᑭᑭᑭᓄᐊᒪᐙᑲᓇᒃ? ᐅᑮᐃᑰᐞ᙮
19ᒋᓴᔅ ᐃᑕᔥ ᐅᑮᐃᔑ ᓇᑴᑕᐙᐞ: ᐃᑭ ᑳᐐᑾᒥᑖ ᐁᑭᒋᐐᑎᑫᑎᕽ, ᑕ ᒪᑕᐐᐃᑎᓱᐗᒃ ᐃᓇ ᒣᒀ ᐁᐐᒌᐎᑯᐙᒡ ᐃᓂ ᑳᐐᑭᑑᓂᒡ ᐃᓂᓂᐗᓐ? ᑳᐐᓐ ᑲᓇᑫ! ᒥᓂᒃ ᓴ ᑯ ᑫᐐᒌᐎᑯᐙᒡ ᑳᐐᓐ ᑫᒋᓈᒡ ᑕᐃᔑᒋᑫᓰᐗᒃ᙮ 20ᐃᑯᑎᕽ ᐃᑕᔥ ᑕᒫᒌᓈ ᐊᐌ ᑳᐐᑭᑑᒡ ᐃᓂᓂ᙮ ᒦᓴ ᐊᐲ ᒋᒪᑕᐐᐃᑎᓱᐙᒡ, ᐅᑮᐃᓈᐞ᙮
21ᒦᓇᐙ ᑮᐊᓂ ᐃᑭᑐ: ᑳᐐᓐ ᐊᐎᔭ ᐅᑕᑯᑕᐊᓰᓐ ᐸᑾᐃᑲᓐ ᐁᐅᔥᑭ ᐃᔒᑭᓄᐗᕽ ᑫᑌᑭᑭᔥᑭᑲᓂᕽ, ᑮᐃᑭᑐ᙮ ᑮᔥᐱᓐ ᐅᐅ ᐃᔑᒋᑫᕽ, ᐃᐃ ᐅᔥᑭᐸᑾᐃᑲᓐ ᑕᓈᓂᑭᔥᑭᑫᒪᑲᓐ ᐃᐃᒫ ᑫᑌᐃᔒᑭᓄᕽ᙮ ᒦᑕᔥ ᐃᐃ ᓇᐗᒡ ᒋᐲᑯᔥᑳᒃ, ᑮᐃᑭᑐ᙮ 22ᑳᐐᓐ ᑲᔦ ᐊᐎᔭ ᐅᐲᓇᐊᓰᓐ ᐅᔥᑭᔔᒥᓈᐳ ᐃᐃᒫ ᑫᑌ ᐸᔥᑴᑭᓄᐊᑑᐹᓂᕽ᙮ ᑮᔥᐱᓐ ᐅᐅ ᐃᔑᒋᑫᑭᐸᓐ, ᐹᓂᒫ ᐊᓂ ᒪᔥᑲᐙᓂᒃ ᐃᐃ ᔔᒥᓈᐳ, ᑕᑖᑐᔥᑭᑫᒪᑲᓐ ᐃᓂ ᐸᔥᑴᑭᓄ ᐊᑑᐹᓇᓐ᙮ ᒦᑕᔥ ᐃᐃ ᒋᓂᔑᐗᓈᑕᑭᓐ ᐃᐃ ᔔᒥᓈᐳ ᑲᔦ ᐃᓂ ᐸᔥᑴᑭᓄᐊᑑᐹᓇᓐ᙮ ᐅᔥᑭᐸᔥᑴᑭᓄᐊᑑᐹᓂᕽ ᐁᑕ ᑕᐃᔑᐲᓇᐃᑳᑌ ᐃᐌ ᐅᔥᑭᔔᒥᓈᐳ, ᑮᐃᑭᑐ᙮
ᐁᑲᑴᒋᒥᓐᒡ ᐊᐊ ᒋᓴᔅ ᐋᓃᓐ ᑫᐃᓈᐸᑕᒃ ᐃᐃ ᐊᓉᐲᐎ ᑮᔑᑲᓐ
(Matthew 12.1-8; Luke 6.1-5)
23 # Deut 23.26. ᐋᐱᑎᕽ ᐃᑕᔥ ᐁᑮᐊᓉᐲᐎ ᑮᔑᑲᓂᓂᒃ, ᑮᐊᓂ ᐃᔖ ᒋᓴᔅ ᐃᐃᒫ ᐸᑴᔑᑲᓂᑭᑎᑫᐎᓂᕽ᙮ ᒦᑕᔥ ᐁᐊᓂ ᐐᒌᐎᑯᒡ ᐅᑭᑭᓄᐊᒪᐙᑲᓇᐞ, ᑳᐃᔑ ᒫᒌᐅᒌᔑᐱᑑᓂᒡ ᐸᑴᔑᑲᓂᒪᔥᑯᓯᐗᓐ ᐁᑮᐅᒋ ᐐᓯᓂᐙᒡ᙮ 24ᐃᐃ ᑕᔥ ᐯᕒᐊᓰᐎᓂᓂᐗᐞ Pharisees ᐅᑮᐃᑰᐞ: ᐃᓇᔥᑫ ᓴ, ᐋᓃᓐ ᐌᒋ ᐃᔑᒋᑫᐙᒡ ᐅᑯ ᑭᑭᑭᓄᐊᒪᐙᑲᓇᒃ ᐁᑳ ᒋᑮ ᐃᔑᒋᑫᓯᒀᐸᓐ ᐁᐃᓇᑌᓂᒃ ᐊᓉᐲᐎ ᑮᔑᑲᓂᓂᒃ? ᐅᑮᐃᑰᐞ᙮
25 # 1 Sam 21.1-6. ᐅᐅ ᑕᔥ ᐅᑮᐃᓈᐞ ᒋᓴᔅ: ᑳᐐᓐ ᐃᓇ ᐐᑳ ᑭᑮᐊᓇᒥᑑᓰᒻ ᐃᐃᐌ ᑳᑮᐃᔑᒋᑫᑯᐸᓀᓐ ᐊᐊᐌ ᑌᐱᑦ David ᐊᐲ ᑮᒪᓀᓯᒡ, ᐁᑮ ᑕᑯᒪᑕᐐᒡ ᑲᔦ ᑕᔥ ᐃᐃᐌᓂᐗᐞ ᑳᑮᐐᒌᐎᑯᒡ? ᑭᑮᐊᓇᒥᑑᒻ ᑫᒋᓈᒡ, 26#Lev 24.9. ᐁᑮ ᐲᑎᑫᒡ ᐃᐃᒫ ᐸᒀᓀᑲᒥᑯᕽ ᑭᔐᒪᓂᑑᓐ ᑳᔑ ᐊᓇᒥᐁᑕᐎᒥᓐᒡ,#2.26 ᐸᒀᓀᑲᒥᑯᕽ ᑭᔐᒪᓂᑑᓐ ᑳᔑ ᐊᓇᒥᐁᑕᐎᒥᓐᒡ: ᐙᐸᑕᓐ Matthew 12.4᙮ ᐃᐃ ᐊᐲ ᐁᔮᓂᑯᐸᓀᓐ ᐃᓂ ᑳᑮᓃᑳᓀᑖᑯᓯᓂᒡ ᑭᒋᐊᓇᒥᐁᐎᑭᒫᓐ ᐊᐹᔭᑕᕒ Abiathar ᐁᑮᐃᔑᓂᑳᓱᓂᒡ᙮ ᐃᐃᒫ ᑕᔥ ᑮᐊᓵᐗᐞ ᐸᑴᔑᑲᓂᑳᓇᐞ ᐁᓈᓴᒦᒡ ᐊᐊ ᑭᔐᒪᓂᑑ᙮ ᑳᐐᓐ ᑮᐃᓀᑖᑯᓯᓰ ᐊᐎᔭ ᒋᐊᒸᐸᓐ ᐅᐅ ᐸᑴᔑᑲᓂᑳᓇᐞ, ᒦ ᐁᑕ ᐊᓇᒥᐁᐎᑭᒫᒃ ᑮᐸᑭᑎᓈᐗᒃ ᒋᐊᒸᐙᒡ᙮ ᑌᐱᑦ ᐃᑕᔥ ᐅᑮᐊᒸᐞ ᐃᓂ ᐸᑴᔑᑲᓂᑳᓇᐞ ᑲᔦ ᐃᐃᐌᓂᐗᐞ ᑳᐐᒌᐙᒡ ᐅᑮ ᑕᑯᒫᑕᐆᓈᐞ ᒋᐊᒸᓂᒡ, ᑮᐃᑭᑐ᙮
27ᒦᑕᔥ ᐅᑮᐃᓈᐞ: ᐃᓇᔥᑫ ᑭᔐᒪᓂᑑ ᐅᑮᐃᓍᑖᓐ ᒋᐊᓉᐲᐎ ᑮᔑᑲᓂᓂᒃ ᒋᐐᒋᐃᑯᐙᒡ ᐃᑭ ᐯᒫᑎᓯᐙᒡ᙮ ᑳᐐᓐ ᐅᔕ ᐐᓐ ᐁᑕ ᑮᐃᓇᓵᓰᐗᒃ ᐃᑭ ᐯᒫᑎᓯᐙᒡ ᒋᒥᒋ ᐊᓉᐲᐎ ᑮᔑᑲᓄᑫᐙᒡ᙮ 28ᓃᓐ ᐃᓂ ᐃᓂᓂ ᐅᑯᓯᓴᓐ᙮ ᓂᑎᔑᐅᑭᒫᑲᑕᐙᒃ ᐃᑭ ᐯᒫᑎᓯᐙᒡ, ᐃᐴᔥᑫ ᐁᓇᒀ ᐁᐊᓉᐲᐎ ᑮᔑᑲᓂᓂᒃ ᑫᐃᔑᒋᑫᐙᒡ, ᑮᐃᑭᑐ ᒋᓴᔅ᙮
Zvasarudzwa nguva ino
ᒫᕒᒃ 2: OJBS
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ojibwe Shorter Bible (Syllabic Script) © 2008 Canadian Bible Society
ᒫᕒᒃ 2
2
ᐁᑮ ᐱᒫᒋᐋᒡ ᒋᓴᔅ ᐯᔑᒃ ᑳᓂᐳᐗᐱᓀᓂᒡ
(Matthew 9.1-8; Luke 5.17-26)
1ᐹᓂᒫ ᐸᑮ ᑮᑕᓱᑰᓇᑳᓂᒃ ᒦᓇᐙ ᑮᐊᓂᐅᒋ ᑕᑯᔑᓐ ᐃᐃᒫ ᑲᐸᕒᓂᔭᒦᐎ ᐆᑌᓈᕽ Capernaum᙮ ᑮᑕᓈᒋᒫ ᑕᔥ ᐁᐊᔭᐱᒡ ᑳᔑᑖᒡ᙮ 2ᓃᐱᐗᐞ ᐃᑕᔥ ᑮᐱ ᒫᐗᒋ ᐃᔖᐗᐞ, ᐲᓂᔥ ᐐᑫ ᑮᓵᑭᑕᔥᑭᓀᐗᐞ, ᐊᐴᔥᑫ ᐊᑾᒋ ᐃᔥᒀᑌᕽ᙮ ᒋᓴᔅ ᐃᑕᔥ ᒣᒀ ᐅᑮ ᑲᑲᑲᓅᓈᐞ ᐁᑮ ᑕᔑᑕᕽ ᑭᔐᒪᓂᑑᓐ ᐅᑎᑭᑐᐎᓂᓂ᙮ 3ᑮᐲᔖᐗᒃ ᐃᑕᔥ ᐊᐎᔭᒃ ᐁᐲᓈᐙᒡ ᐯᔑᒃ ᐁᓂᐳᐙᐱᓀᓂᒡ᙮ ᑮᓃᐎᐗᒃ ᐃᑕᔥ ᐃᑭ ᑳᐱᒥᐎᓈᐙᒡ᙮ 4ᑳᐐᓐ ᐃᑕᔥ ᐅᑮ ᑲᔥᑭᑑᓰᓈᐙ ᐯᔔ ᒋᓈᓯᑲᐙᐙᒡ ᒋᓴᓲᓐ, ᑳᐊᐲᒋ ᒨᔥᑭᓀᓂᒃ ᐃᐃ ᐙᑳᐃᑲᓂᓂ᙮ ᒦᑕᔥ ᐃᐃ ᑳᐃᔑ ᐃᒀᑕᐌᐙᒡ ᐁᓇᐸᑳᓂᒃ ᐗᑮᒡ ᐙᑳᐃᑲᓐ ᐁᑮ ᐸᐸᑾᒋᐱᑑᐙᒡ ᐊᐸᒀᓐ ᑎᐱᔥᑰ ᒋᓴᓲᓐ ᑳᐃᔑ ᓃᐸᐎᓂᒡ᙮ ᒦᔥ ᐃᐃᒫ ᑳᐃᔑ ᐸᑯᓀᐱᒋᑫᐙᒡ, ᑳᐃᔑ ᐸᑭᑖᐲᑭᓈᐙᒡ ᐃᓂ ᑳᓂᐳᐙᐱᓀᓂᒡ ᐊᐱᔑᒧᓂᕽ ᑳᐱᒥᔑᓂᓂᒡ᙮ 5ᐊᐲ ᑕᔥ ᒋᓴᔅ ᐁᐙᐸᑕᕽ ᐁᐃᔑᒋᑫᓂᒡ ᐁᑌᐺᔦᓂᒥᑯᒡ ᐃᐃ ᐃᓂᓂᐗᐞ, ᒦᑕᔥ ᑳᐃᔑ ᑲᓅᓈᒡ ᐃᓂ ᑳᓂᐳᐙᐱᓀᓂᒡ: ᓃᒌ! ᐴᓀᒋᑳᑌᐗᓐ ᑭᒪᒋᑑᑕᒧᐎᓇᓐ, ᐅᑮᐃᓈᓐ᙮
6ᐋᓂᑕ ᑕᔥ ᐃᑭ ᑳᑭᑭᓄᐊᒫᑫᐙᒡ ᒎᐗᐞ ᐅᑑᓇᔓᐌᐎᓂᓂ ᐃᐃᒫ ᑮᓇᒪᑕᐱᐗᒃ, ᒦ ᐅᐌ ᐁᑮᐃᔑ ᓈᓈᑲᑕᐌᑕᒧᐙᒡ: 7ᐋᓃᔥ ᐗᐊ ᐌᒋ ᐃᔑᑮᔗᒡ? ᐅᐹᐱᓀᓂᒫᓐ ᐃᓂ ᑭᔐᒪᓂᑑᓐ! ᑮᐄᓀᑕᒨᒃ᙮ ᑳᐐᓐ ᐸᑳᓐ ᐊᐎᔭ ᐅᑖ ᑲᔥᑭᑑᓰᓐ ᒋᐴᓀᑕᒪᐙᒡ ᐊᐎᔭᓐ ᐅᒪᒋᑑᑕᒧᐎᓂᓂ; ᐐᓀᑕ ᑭᔐᒪᓂᑑ ᐅᑲᔥᑭᑑᓐ, ᑮᐃᓀᑕᒨᒃ᙮
8ᔐᒫᒃ ᐃᑕᔥ ᒋᓴᔅ ᐅᑮ ᑭᑫᓂᒫᐞ ᐅᐅᐌ ᐁᐃᔑ ᓈᓈᑲᑕᐌᑕᒥᓂᒡ᙮ ᐅᑮ ᑲᓅᓈᐞ: ᐌᑯᓀᔥ ᐌᒋ ᐃᔑᓈᓈᑲᑕᐌᑕᒣᒃ? ᐅᑮᐃᓈᐞ᙮ 9ᐋᓃᓐ ᑕᔥ ᐁᔑ ᐌᑕᑭᐸᓐ? ᒋᑮ ᐃᓇᑭᐸᓐ ᐊᐊ ᑳᓂᐳᐙᐱᓀᒡ: ᑭᐴᓀᑕᒪᐎᓐ ᑭᒪᒋᑑᑕᒧᐎᓇᓐ, ᑫᒫ ᒋᑮ ᐃᓇᑭᐸᓐ: ᐸᓯᑸᓐ, ᐅᑖᐱᓇᓐ ᑭᑕᐱᔑᒧᓐ, ᐱᒧᓭᓐ? 10ᓃᓐ ᐃᓂ ᐃᓂᓂ ᐅᑯᓯᓴᓐ; ᑭᑲ ᑭᑫᓂᒥᒻ ᐁᒦᓂᑰᔮᓐ ᑲᔥᑭᐁᐎᓯᐎᓐ ᐅᐅᒫ ᐊᑮᕽ ᐁᐊᔮᔮᓐ ᒋᐴᓀᑖᐗᒃ ᐊᐎᔭ ᐅᒪᒋᑑᑕᒧᐎᓇᓐ, ᐅᑮᐃᓈᐞ᙮ ᒦᑕᔥ ᐅᑮ ᑲᓅᓈᓐ ᐃᓂ ᑳᓂᐳᐙᐱᓀᓂᒡ: 11ᐊᐤ ᐸᓯᑸᓐ, ᑭᑎᓂᓐ! ᐅᑖᐱᓇᓐ ᐃᐃ ᑭᑕᐱᔑᒧᓐ, ᐊᓂᑮᐌᓐ! ᐅᑮᐃᓈᓐ᙮
12ᒦᑕᔥ ᑳᐃᔑ ᐸᓯᑸᒡ ᐊᐊ ᐃᓂᓂ᙮ ᔐᒫᒃ ᐅᑮᐅᒋ ᐅᑖᐱᓈᓐ ᐅᑕᐱᔑᒧᓐ ᐁᑮᐊᓂ ᓵᑲᐊᕽ, ᑲᑭᓇ ᐊᐎᔭᐞ ᐁᐙᐸᒥᑯᒡ᙮ ᑮᐅᒋ ᒫᒪᑳᑌᑕᒨᒃ ᐃᑕᔥ ᑲᑭᓇ᙮ ᑌᐺ ᒫᒪᑳᓯᓈᑾᓐ ᑭᔐᒪᓂᑑ ᑳᑑᑕᕽ! ᑮᐃᑭᑐᐗᒃ᙮ ᑳᐐᓐ ᐐᑳ ᑭᑎᔑ ᐙᐸᑕᓰᒥᓐ! ᑮᐃᑭᑐᐗᒃ᙮
ᐁᐊᑐᒫᒡ ᒋᓴᔅ ᐃᓂ ᓬᐄᐸᔭᓐ
(Matthew 9.9-13; Luke 5.27-32)
13ᒦᑕᔥ ᐃᐃ ᒦᓇᐙ ᑮᐊᓂ ᓈᓯᐲ ᑳᓬᐊᓬᐄᐎ ᓵᑲᐃᑲᓃᕽ Lake Galilee, ᐁᑮ ᐱᒫᔕᑳᒣᒡ ᐊᐊ ᒋᓴᔅ᙮ ᑮᐱ ᒫᐗᒋ ᐃᔖᐗᐞ ᐃᑕᔥ ᑲᑭᓇ ᐃᓂ ᐯᒫᑎᓯᓂᒡ, ᐁᑮᒫᒌᑭᑭᓄᐊᒪᐙᒡ᙮ 14ᒦᑕᔥ ᐃᐃ ᑳᐊᓂ ᐃᔑ ᒫᒑᒡ, ᐅᑮᐊᓂ ᐙᐸᒫᓐ ᐃᓂᓂᐗᓐ ᑳᐅᑖᐱᓇᒪᐙᓂᒡ ᑖᑭᔅ tax ᔔᓂᔮᓐ ᑭᒋᐅᑭᒫᓐ ᒋᑎᐸᐊᒪᐎᒥᓐᒡ᙮ ᓬᐄᐸᔾ Levi ᑮᐃᔑᓂᑳᓱ ᐊᐊ ᐃᓂᓂ, ᐁᐅᔫᓯᒡ ᐋᓬᐱᔭᓴᓐ Alphaeus᙮ ᒣᒀ ᑮᓇᒪᑕᐱ ᐊᐊ ᓬᐄᐸᔾ ᐃᐃᒫ ᐁᑕᔑ ᑎᐸᐊᒪᐎᓐᒡ᙮ ᐅᑮ ᑲᓅᓂᑰᓐ ᐃᑕᔥ ᐃᓂ ᒋᓴᓲᓐ: ᐱᒥᓂᔕᐅᔑᓐ, ᐅᑮᐃᑰᓐ᙮ ᒦᑕᔥ ᑳᐃᔑ ᐸᓯᑸᒡ ᐊᐊ ᓬᐄᐸᔾ, ᐁᐊᓂ ᐐᒌᐙᒡ᙮
15ᓈᓈᑫ ᑕᔥ ᑮᑕᔑᐐᓯᓂ ᐊᐊ ᒋᓴᔅ ᐃᐃᒫ ᐁᔑᑖᓂᒡ ᐃᓂ ᓬᐄᐸᔭᓐ᙮ ᓃᐱᐗᐞ ᐃᑕᔥ ᐃᐃᒫ ᑮᐊᔮᐗᒃ ᐃᑭ ᑳᒫᐗᑑᓈᐙᒡ ᑖᑭᔅ ᔔᓂᔮᓐ ᑳᑮᐋᓇᐌᑖᑯᓯᐙᒡ, ᐃᑭ ᑲᔦ ᑯᑕᒃ ᐊᐎᔭᒃ ᑳᑮᐋᓇᐌᑖᑯᓯᐙᒡ, ᐃᐃᒫ ᑮᐊᔮᐗᒃ᙮ ᐅᑮᐐᑕᐱᒫᐙᓐ ᐃᓂ ᒋᓴᓲᓐ ᑲᔦ ᐅᑭᑭᓄᐊᒪᐙᑲᓂᓂ᙮ ᐋᓃᔥ ᑮᐹᑏᓄᐗᒃ ᐅᑯ ᑎᓄ ᑳᐱᒥᓂᔕᐙᐙᒡ ᐃᓂ ᒋᓴᓲᓐ᙮ 16ᐃᑭ ᑕᔥ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ, ᒦᐗᑭᑭ ᐃᐃᒫ ᐯᕒᐊᓰᐎᓂᓂᐗ Pharisees ᑳᐅᒋ ᑎᐯᑖᑯᓯᐙᒡ, ᐅᑮᐙᐸᒫᐙᓐ ᐃᓂ ᒋᓴᓲᓐ ᐁᐐᒋᐐᓯᓃᒫᓂᒡ ᐃᐃ ᑎᓄ ᑳᔮᓇᐌᑖᑯᓯᓂᒡ, ᐃᓂ ᑲᔦ ᑳᒫᐗᑑᓈᓂᒡ ᑖᑭᔅ ᔔᓂᔮᓐ᙮ ᒦᑕᔥ ᑳᐃᔑ ᑲᓅᓈᒡ ᐃᓂ ᒋᓴᓲᓐ ᐅᑭᑭᓄᐊᒪᐙᑲᓂᓂ: ᐋᓃᔛᓐ ᐌᒋ ᐐᒋᐐᓯᓃᒫᒡ ᒋᓴᔅ ᐃᓂᐌᓂᐗᐞ ᑳᑎᐸᐃᑫᐃᐌᓂᒡ, ᐃᐃ ᑲᔦ ᑳᔮᓇᐌᑖᑯᓯᓂᒡ? ᐅᑮᐃᓈᐙᐞ᙮
17ᐅᑮᓅᑖᓐ ᐃᑕᔥ ᐊᐊ ᒋᓴᔅ᙮ ᐅᑮ ᑲᓅᓈᐞ ᐃᐃ ᑳᑭᑭᓄᐊᒫᑫᓂᒡ ᐅᓇᔓᐌᐎᓐ: ᐃᑭ ᑳᒥᓄᔭᔮᐙᒡ ᑳᐐᓐ ᐅᓇᑕᐌᓂᒫᓯᐙᐙᓐ ᐃᓂ ᒪᔥᑭᑮᐎᓂᓂᐗᓐ, ᐃᑭᐌᓂᐗᒃ ᐃᓴ ᑳᔮᑯᓯᐙᒡ᙮ ᑳᐐᓐ ᑲᔦ ᓃᓐ ᓂᑮᐅᒋ ᐲᔖᓰ ᒋᐱᐊᑐᒪᒀᐸᓐ ᐃᑭ ᑴᔭᑯᔅᐱᒫᑎᓯᐙᒡ ᑳᐃᓇᑭᒥᑣ ᒋᑴᑳᑎᓯᐙᒡ, ᐃᑭ ᓴ ᐐᓐ ᑳᔮᓇᐌᑖᑯᓯᐙᒡ, ᐅᑮᐃᓈᐞ᙮
ᐁᑲᑴᒋᒥᓐᒡ ᒋᓴᔅ ᐃᐃ ᐊᓇᒥᐁᒪᑕᐐᐃᑎᓱᐎᓐ
(Matthew 9.14-17; Luke 5.33-39)
18ᐃᐃ ᑕᔥ ᐊᐲ ᒞᓐ John ᓰᑲᐊᑖᑫᐎᓂᓂ ᐅᑭᑭᓄᐊᒪᐙᑲᓇᐞ ᑲᔦ ᐃᑭ ᐯᕒᐊᓰᐎᓂᓂᐗᒃ Pharisees ᑳᐐᓐ ᑮᐅᒋ ᐐᓯᓂᓰᐗᒃ ᐁᐃᔑᑣᐙᒡ ᒣᒀ᙮ ᐅᑮᐱ ᑲᑴᒋᒥᑰᐞ ᐃᑕᔥ ᒋᓴᔅ ᐊᐎᔭᐞ: ᐃᓂ ᒞᓐ ᐅᑭᑭᓄᐊᒪᐙᑲᓇᐞ ᑲᔦ ᐃᑭ ᐯᕒᐊᓰᐎᓂᓂᐗᒃ ᑲᑭᓇ ᑳᐐᓐ ᐅᒋ ᐐᓯᓂᓰᐗᒃ ᐁᐃᔑᑣᐙᒡ᙮ ᐋᓃᔛᓐ ᑮᓐ ᐌᒋ ᑑᑕᓯᒀ ᑭᑭᑭᓄᐊᒪᐙᑲᓇᒃ? ᐅᑮᐃᑰᐞ᙮
19ᒋᓴᔅ ᐃᑕᔥ ᐅᑮᐃᔑ ᓇᑴᑕᐙᐞ: ᐃᑭ ᑳᐐᑾᒥᑖ ᐁᑭᒋᐐᑎᑫᑎᕽ, ᑕ ᒪᑕᐐᐃᑎᓱᐗᒃ ᐃᓇ ᒣᒀ ᐁᐐᒌᐎᑯᐙᒡ ᐃᓂ ᑳᐐᑭᑑᓂᒡ ᐃᓂᓂᐗᓐ? ᑳᐐᓐ ᑲᓇᑫ! ᒥᓂᒃ ᓴ ᑯ ᑫᐐᒌᐎᑯᐙᒡ ᑳᐐᓐ ᑫᒋᓈᒡ ᑕᐃᔑᒋᑫᓰᐗᒃ᙮ 20ᐃᑯᑎᕽ ᐃᑕᔥ ᑕᒫᒌᓈ ᐊᐌ ᑳᐐᑭᑑᒡ ᐃᓂᓂ᙮ ᒦᓴ ᐊᐲ ᒋᒪᑕᐐᐃᑎᓱᐙᒡ, ᐅᑮᐃᓈᐞ᙮
21ᒦᓇᐙ ᑮᐊᓂ ᐃᑭᑐ: ᑳᐐᓐ ᐊᐎᔭ ᐅᑕᑯᑕᐊᓰᓐ ᐸᑾᐃᑲᓐ ᐁᐅᔥᑭ ᐃᔒᑭᓄᐗᕽ ᑫᑌᑭᑭᔥᑭᑲᓂᕽ, ᑮᐃᑭᑐ᙮ ᑮᔥᐱᓐ ᐅᐅ ᐃᔑᒋᑫᕽ, ᐃᐃ ᐅᔥᑭᐸᑾᐃᑲᓐ ᑕᓈᓂᑭᔥᑭᑫᒪᑲᓐ ᐃᐃᒫ ᑫᑌᐃᔒᑭᓄᕽ᙮ ᒦᑕᔥ ᐃᐃ ᓇᐗᒡ ᒋᐲᑯᔥᑳᒃ, ᑮᐃᑭᑐ᙮ 22ᑳᐐᓐ ᑲᔦ ᐊᐎᔭ ᐅᐲᓇᐊᓰᓐ ᐅᔥᑭᔔᒥᓈᐳ ᐃᐃᒫ ᑫᑌ ᐸᔥᑴᑭᓄᐊᑑᐹᓂᕽ᙮ ᑮᔥᐱᓐ ᐅᐅ ᐃᔑᒋᑫᑭᐸᓐ, ᐹᓂᒫ ᐊᓂ ᒪᔥᑲᐙᓂᒃ ᐃᐃ ᔔᒥᓈᐳ, ᑕᑖᑐᔥᑭᑫᒪᑲᓐ ᐃᓂ ᐸᔥᑴᑭᓄ ᐊᑑᐹᓇᓐ᙮ ᒦᑕᔥ ᐃᐃ ᒋᓂᔑᐗᓈᑕᑭᓐ ᐃᐃ ᔔᒥᓈᐳ ᑲᔦ ᐃᓂ ᐸᔥᑴᑭᓄᐊᑑᐹᓇᓐ᙮ ᐅᔥᑭᐸᔥᑴᑭᓄᐊᑑᐹᓂᕽ ᐁᑕ ᑕᐃᔑᐲᓇᐃᑳᑌ ᐃᐌ ᐅᔥᑭᔔᒥᓈᐳ, ᑮᐃᑭᑐ᙮
ᐁᑲᑴᒋᒥᓐᒡ ᐊᐊ ᒋᓴᔅ ᐋᓃᓐ ᑫᐃᓈᐸᑕᒃ ᐃᐃ ᐊᓉᐲᐎ ᑮᔑᑲᓐ
(Matthew 12.1-8; Luke 6.1-5)
23 # Deut 23.26. ᐋᐱᑎᕽ ᐃᑕᔥ ᐁᑮᐊᓉᐲᐎ ᑮᔑᑲᓂᓂᒃ, ᑮᐊᓂ ᐃᔖ ᒋᓴᔅ ᐃᐃᒫ ᐸᑴᔑᑲᓂᑭᑎᑫᐎᓂᕽ᙮ ᒦᑕᔥ ᐁᐊᓂ ᐐᒌᐎᑯᒡ ᐅᑭᑭᓄᐊᒪᐙᑲᓇᐞ, ᑳᐃᔑ ᒫᒌᐅᒌᔑᐱᑑᓂᒡ ᐸᑴᔑᑲᓂᒪᔥᑯᓯᐗᓐ ᐁᑮᐅᒋ ᐐᓯᓂᐙᒡ᙮ 24ᐃᐃ ᑕᔥ ᐯᕒᐊᓰᐎᓂᓂᐗᐞ Pharisees ᐅᑮᐃᑰᐞ: ᐃᓇᔥᑫ ᓴ, ᐋᓃᓐ ᐌᒋ ᐃᔑᒋᑫᐙᒡ ᐅᑯ ᑭᑭᑭᓄᐊᒪᐙᑲᓇᒃ ᐁᑳ ᒋᑮ ᐃᔑᒋᑫᓯᒀᐸᓐ ᐁᐃᓇᑌᓂᒃ ᐊᓉᐲᐎ ᑮᔑᑲᓂᓂᒃ? ᐅᑮᐃᑰᐞ᙮
25 # 1 Sam 21.1-6. ᐅᐅ ᑕᔥ ᐅᑮᐃᓈᐞ ᒋᓴᔅ: ᑳᐐᓐ ᐃᓇ ᐐᑳ ᑭᑮᐊᓇᒥᑑᓰᒻ ᐃᐃᐌ ᑳᑮᐃᔑᒋᑫᑯᐸᓀᓐ ᐊᐊᐌ ᑌᐱᑦ David ᐊᐲ ᑮᒪᓀᓯᒡ, ᐁᑮ ᑕᑯᒪᑕᐐᒡ ᑲᔦ ᑕᔥ ᐃᐃᐌᓂᐗᐞ ᑳᑮᐐᒌᐎᑯᒡ? ᑭᑮᐊᓇᒥᑑᒻ ᑫᒋᓈᒡ, 26#Lev 24.9. ᐁᑮ ᐲᑎᑫᒡ ᐃᐃᒫ ᐸᒀᓀᑲᒥᑯᕽ ᑭᔐᒪᓂᑑᓐ ᑳᔑ ᐊᓇᒥᐁᑕᐎᒥᓐᒡ,#2.26 ᐸᒀᓀᑲᒥᑯᕽ ᑭᔐᒪᓂᑑᓐ ᑳᔑ ᐊᓇᒥᐁᑕᐎᒥᓐᒡ: ᐙᐸᑕᓐ Matthew 12.4᙮ ᐃᐃ ᐊᐲ ᐁᔮᓂᑯᐸᓀᓐ ᐃᓂ ᑳᑮᓃᑳᓀᑖᑯᓯᓂᒡ ᑭᒋᐊᓇᒥᐁᐎᑭᒫᓐ ᐊᐹᔭᑕᕒ Abiathar ᐁᑮᐃᔑᓂᑳᓱᓂᒡ᙮ ᐃᐃᒫ ᑕᔥ ᑮᐊᓵᐗᐞ ᐸᑴᔑᑲᓂᑳᓇᐞ ᐁᓈᓴᒦᒡ ᐊᐊ ᑭᔐᒪᓂᑑ᙮ ᑳᐐᓐ ᑮᐃᓀᑖᑯᓯᓰ ᐊᐎᔭ ᒋᐊᒸᐸᓐ ᐅᐅ ᐸᑴᔑᑲᓂᑳᓇᐞ, ᒦ ᐁᑕ ᐊᓇᒥᐁᐎᑭᒫᒃ ᑮᐸᑭᑎᓈᐗᒃ ᒋᐊᒸᐙᒡ᙮ ᑌᐱᑦ ᐃᑕᔥ ᐅᑮᐊᒸᐞ ᐃᓂ ᐸᑴᔑᑲᓂᑳᓇᐞ ᑲᔦ ᐃᐃᐌᓂᐗᐞ ᑳᐐᒌᐙᒡ ᐅᑮ ᑕᑯᒫᑕᐆᓈᐞ ᒋᐊᒸᓂᒡ, ᑮᐃᑭᑐ᙮
27ᒦᑕᔥ ᐅᑮᐃᓈᐞ: ᐃᓇᔥᑫ ᑭᔐᒪᓂᑑ ᐅᑮᐃᓍᑖᓐ ᒋᐊᓉᐲᐎ ᑮᔑᑲᓂᓂᒃ ᒋᐐᒋᐃᑯᐙᒡ ᐃᑭ ᐯᒫᑎᓯᐙᒡ᙮ ᑳᐐᓐ ᐅᔕ ᐐᓐ ᐁᑕ ᑮᐃᓇᓵᓰᐗᒃ ᐃᑭ ᐯᒫᑎᓯᐙᒡ ᒋᒥᒋ ᐊᓉᐲᐎ ᑮᔑᑲᓄᑫᐙᒡ᙮ 28ᓃᓐ ᐃᓂ ᐃᓂᓂ ᐅᑯᓯᓴᓐ᙮ ᓂᑎᔑᐅᑭᒫᑲᑕᐙᒃ ᐃᑭ ᐯᒫᑎᓯᐙᒡ, ᐃᐴᔥᑫ ᐁᓇᒀ ᐁᐊᓉᐲᐎ ᑮᔑᑲᓂᓂᒃ ᑫᐃᔑᒋᑫᐙᒡ, ᑮᐃᑭᑐ ᒋᓴᔅ᙮
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ojibwe Shorter Bible (Syllabic Script) © 2008 Canadian Bible Society