ᒫᕒᒃ 12
12
ᐁᑮᐋᐌᒋᑳᑫᒡ ᒋᓴᔅ ᐃᓂᐌ ᑳᑎᐯᑕᒥᓂᒡ ᔔᒥᓂᑭᑎᑫᐎᓐ
(Matthew 21.33-46; Luke 20.9-19)
1 # Isa 5.1-2. ᒦᑕᔥ ᐅᑮᒫᒌᑲᓅᓈᐞ ᒋᓴᔅ ᐁᐋᐌᒋᑫᒡ᙮ ᐅᐅ ᑮᐃᑭᑐ: ᐋᐱᑎᕽ ᐯᔑᒃ ᐃᓂᓂ ᐅᑮ ᑭᑎᑳᓈᐞ ᔔᒥᓈᑎᑰᐞ᙮ ᔑᑾ ᐅᑮᐙᑳᒣᓂᑲᓂᑲᑖᓐ ᐅᑭᑎᑫᐎᓐ᙮ ᔑᑾ ᑕᔥ ᑮᐙᓈᐱᑲᐃᑫ ᑫᔑ ᓰᓂᐲᑭᔥᑲᐎᑣ ᔔᒥᓇᒃ ᐁᒥᓋᑎᓱᐙᒡ᙮ ᔑᑾ ᑕᔥ ᐅᑮᐅᔑᑑᓐ ᐅᑕᔕᐙᐲᐎᑲᒥᒃ᙮ ᒦᑕᔥ ᐅᑮᐋᐎᐋᐞ ᑭᑎᑫᐎᓂᓂᐗᐞ ᐃᐃ ᑭᑎᑫᐎᓐ ᒋᑲᓇᐌᑕᒫᑯᒡ, ᔑᑾ ᐹᓂᒫ ᒋᐸᑴᓇᒫᑯᒡ ᑫᐅᑎᓯᓂᒡ ᑭᑎᑫᐎᓂᕽ᙮ ᒦᑕᔥ ᐸᑳᓐ ᐊᑮᕽ ᐁᐃᔖᒡ ᐙᓴ᙮ 2ᐊᐲ ᑕᔥ ᐌᒋᒋᓭᒃ ᒋᒪᐎᔂᓂᑣ ᔔᒥᓇᒃ ᐁᒣᒀᑎᓱᐙᒡ, ᐅᑮᐃᔑᓂᔕᐙᓐ ᐃᓂ ᐯᔑᒃ ᐅᑕᓄᑮᐋᑲᓇᓐ ᒋᐸᑴᓇᒫᑯᒡ ᑭᑎᑫᐎᓂᓂᐗᐞ ᐅᑑᑎᓯᐎᓂᓂ, ᒥᓂᒃ ᐌᑎᓇᒥᓂᒡ ᐃᐃᒫ ᐁᐊᑖᐙᑫᓂᒡ ᐃᐃ ᔔᒥᓇᐞ᙮ 3ᐃᑭ ᑕᔥ ᑭᑎᑫᐎᓂᓂᐗᒃ ᐅᑮᐅᑎᑎᓈᐙᓐ ᐃᓂ ᐊᓄᑮᐋᑲᓇᓐ ᐁᑮ ᐸᐸᑭᑌᐙᐙᒡ᙮ ᒦᑕᔥ ᐱᔑᔑᑾᔭᐄ ᑳᐃᔑ ᑮᐌᓂᔕᐙᐙᒡ ᐁᑳ ᑫᑰᓐ ᐁᑮᒦᓈᓯᒀ᙮ 4ᒦᑕᔥ ᒦᓇᐙ ᐯᔑᒃ ᐅᑮᐊᓅᓈᓐ ᐊᓄᑮᐋᑲᓇᓐ ᐊᐊ ᐃᓂᓂ ᑳᑎᐯᑕᕽ ᑭᑎᑫᐎᓐ᙮ ᐃᑭ ᑕᔥ ᑭᑎᑫᐎᓂᓂᐗᒃ ᐅᑮ ᑭᒋ ᐸᐸᑭᑌᔮᑯᑎᒀᓀᐙᐙᓐ ᑲᔦ ᐁᑭᒋ ᐊᑲᒋᐎᓈᑾᓂᓂᒃ ᐅᑮ ᑑᑕᐙᐙᓐ ᐃᓂ ᐊᓄᑮᐋᑲᓇᓐ᙮ 5ᔑᑾ ᒦᓇᐙ ᐯᔑᒃ ᐅᑮᐃᔑᓂᔕᐙᓐ ᐊᐊ ᐃᓂᓂ᙮ ᒦᑕᔥ ᑳᐃᔑᓂᓯᑯᓂᒡ ᑭᑎᑫᐎᓂᓂᐗᐞ᙮ ᓃᐱᐗᐞ ᑫᔮᐱ ᐅᑮᐊᓅᓈᐞ ᐊᓄᑮᐋᑲᓇᐞ ᐊᐌ ᑳᑎᐯᑕᕽ᙮ ᐋᓂᓐᑦ ᐃᑕᔥ ᐅᑮ ᐸᐸᑭᑌᐅᑯᓂ, ᐋᓂᓐᑦ ᑲᔦ ᐅᑮᓂᓯᑯᓂ ᐃᐃ ᑭᑎᑫᐎᓂᓂᐗᐞ᙮ 6ᐲᓂᔥ ᐃᑕᔥ ᐯᔑᒃ ᐁᑕ ᐊᐎᔭᓐ ᐅᑮᐊᔮᐙᓐ, ᒦᐗᓂᓂ ᑳᑮ ᓵᑭᐋᒡ ᐅᑯᓯᓴᓐ ᐊᐊ ᐃᓂᓂ᙮ ᒦᐗᓐ ᐃᑕᔥ ᐃᓂ ᑫᑲᐲ ᐅᑮᐃᔑᓂᔕᐙᓐ, ᑫᒋᓈᒡ ᐅᑲ ᑭᒋ ᐃᓀᓂᒫᐙᓐ ᓂᑯᓯᓴᓐ, ᐁᐃᑭᑐᒡ᙮ 7ᒦᑕᔥ ᐋᒋᑯ ᑮᐃᑭᑐᐗᒃ ᑭᑎᑫᐎᓂᓂᐗᒃ: ᒦᐗᓐ ᐅᔕ ᐅᓄ ᐅᑯᓯᓴᓐ ᐊᐊ ᑳᑎᐯᑕᕽ ᐅᐌ ᑭᑎᑫᐎᓐ! ᑕᑲ ᓂᓯᒫᑖᓂᓐ, ᒋᑌᐱᐱᑖᐗᕽ ᑳᐐ ᑎᐱᓇᐌᐎᓯᓂᐸᓐ, ᑮᐃᑭᑐᐗᒃ᙮ 8ᒦᑕᔥ ᑌᐺ ᑳᐃᔑ ᑳᒋᑎᓈᐙᒡ ᐃᓂ ᑳᑎᐯᑕᕽ ᐅᑯᓯᓴᓐ, ᐁᑮᓂᓵᐙᒡ, ᐌᑎ ᐅᐱᒣᑭᑎᑫᐎᓐ ᐁᑮᐊᐸᑭᑑᐙᒡ ᐃᐃ ᒦᔭᐤ᙮
9ᐋᓃᓐ ᐃᑕᔥ ᑮᓇᐙ ᐁᓀᑕᒣᒃ ᑫᐃᔑᒋᑫᐸᓐ ᐊᐊ ᑳᑎᐯᑕᕽ ᑭᑎᑫᐎᓐ? ᑕᐱ ᑕᑶᔑᓐ ᓴ ᒋᐱᓂᓵᒡ ᐃᐃ ᑭᑎᑫᐎᓂᓂᐗᐞ, ᔑᑾ ᐅᑲᔮᐎᐋᐞ ᐸᑳᓐ ᐊᐎᔭᐞ ᐃᐃ ᔔᒥᓂᑭᑎᑫᐎᓐ ᒋᑲᓇᐌᑕᒫᑯᒡ᙮ 10#Psa 118.22-23. ᑫᒋᓈᒡ ᑭᑮᐊᓇᒥᑑᒻ ᐅᐅᐌ ᐁᔑᐲᐃᑳᑌᓂᒃ ᑭᔐᒪᓂᑑ ᐅᑎᑭᑐᐎᓐ:
ᐃᑭ ᑳᐙᑳᐃᑫᐙᒡ ᐊᓂᔖ ᐅᑮᐌᐱᓈᐙᓐ ᐃᓂ ᐯᔑᒃ ᑳᐅᓂᔑᔑᓂᒡ ᐊᓯᓃᓐ,
ᒦᐗᓂᓂ ᒪᔮ ᑳᔮᐸᒋᐋᒡ ᑳᑎᐯᒋᑫᒡ ᒋᑮᔑᒋᑳᑌᒃ ᐃᐃ ᐙᑳᐃᑲᓐ᙮
11ᒦᐅᐌ ᑳᒫᒪᑳᒋ ᐃᔑᒋᑫᒡ ᐊᐊ ᑳᑎᐯᒋᑫᒡ,
ᐃᑭᑑᒪᑲᓐ, ᑮᐃᑭᑐ ᒋᓴᔅ᙮
12ᐃᑭᐌᓂᐗᒃ ᐃᑕᔥ ᑳᓃᑳᓇᑭᓱᐙᒡ ᒎᐗᒃ ᐅᑖᓇᐐ ᑕᑯᓈᐙᐸᓃᓐ ᒋᓴᓲᓐ᙮ ᐅᑮ ᑭᑫᓂᒫᐙᓐ ᐋᓃᔥ ᐁᐋᐌᒋᑫᓂᒡ ᐐᓇᐙ ᐁᑕᔑᒥᑯᐙᒡ᙮ ᐅᓵᒻ ᐃᑕᔥ ᐅᑮ ᑯᓵᐙᐞ ᐃᐃ ᑳᒫᒪᐌᓄᓂᒡ᙮ ᒦᑕᔥ ᑳᓂ ᐃᔑᓇᑲᓈᐙᒡ ᐁᑮᐊᓂ ᒫᒑᐙᒡ᙮
ᐅᑖᓇᑮ ᑲᑴᑲᔥᑭᐋᐙᓐ ᒋᓴᓲᓐ ᒋᐗᓂᑮᔗᓂᒡ ᑎᐸᐃᑫᐎᔔᓂᔮᓐ ᒋᑕᔑᒫᓂᒡ
(Matthew 22.15-22; Luke 20.20-26)
13ᒦᑕᔥ ᑮᐊᓅᓈᐗᒃ ᐃᑭ ᐋᓂᓐᑦ ᐯᕒᐊᓰᐎᓂᓂᐗᒃ Pharisees, ᐃᐃ ᑲᔦ ᐁᕒᐊᑦ Herod ᐅᐐᒌᐙᑲᓇᐞ#12.13 ᐁᕒᐊᑦ ᐅᐐᒌᐙᑲᓇᐞ: ᐙᐸᑕᓐ 3.6, Matthew 22.16᙮ ᑫᑰᓐ ᒋᑲᑲᑴᒋᒫᐙᒡ ᒋᓴᓲᓐ ᐁᐐᐅᒋ ᑳᒋᑎᓈᐙᒡ᙮ 14ᐊᐲ ᑕᔥ ᐌᑎᓵᐙᒡ ᐅᑮᐃᓈᐙᓐ: ᐅᑭᑭᓄᐊᒫᑫ, ᓂᑭᑫᑖᒥᓐ ᐁᓂᑖᑌᐺᔭᓐ ᑲᔦ ᐁᑳ ᐐᑳ ᐊᐎᔭ ᐁᐸᐹᐱᓯᔅᑫᓂᒫᓯᐗᒡ ᐋᓃᓐ ᑫᐃᓀᓂᒥᒃ᙮ ᑖᐱᔥᑰ ᑲᑭᓇ ᐊᐎᔭ ᑭᑎᔑ ᑲᓅᓈ᙮ ᑳᐐᓐ ᐋᓃᔥ ᑭᐸᐹᐱᓯᔅᑫᑕᒧᐙᓰᓐ ᐊᐎᔭ ᐗᑭᒐᔭᐄ ᐁᔑ ᐊᔮᒡ᙮ ᑾᔭᒃ ᐃᑕᔥ ᑭᑭᑭᓄᐊᒫᑫ ᑭᔐᒪᓂᑑ ᑳᔑ ᐊᑕᐌᓂᒫᒡ ᐊᐎᔭᓐ ᒋᐃᓈᑎᓯᓂᒡ᙮ ᐐᑕᒪᐎᔑᓈᒻ ᐃᑕᔥ: ᐃᓇᑌ ᓇ ᒋᑎᐸᐊᒪᐗᕽ ᑖᑭᔅ ᔔᓂᔮᓐ ᐊᐊᐌ ᒫᐗᒡ ᐃᑯ ᑭᒋᐅᑭᒫ,#12.14 ᒫᐗᒡ ᐃᑯ ᑭᒋᐅᑭᒫ: ᐙᐸᑕᓐ Matthew 22.17᙮ ᑫᒫ ᑳᐐᓐ? 15ᑭᑲ ᑎᐸᐊᒪᐙᓈᓐ ᐃᓇ, ᑫᒫ ᑳᐐᓐ? ᐅᑮᐃᓈᐙᓐ᙮
ᒋᓴᔅ ᐃᑕᔥ ᐁᑭᑫᓂᒫᒡ ᐁᑲᑴᐗᔦᔑᒥᑯᒡ, ᐅᑮᐃᓈᐞ: ᐋᓃᔥ ᐌᒋ ᑯᒋᐃᔦᒃ? ᑕᑲ ᐲᑕᒪᐎᔑᒃ ᐯᔑᒃ ᐙᐹᐱᑯ ᔔᓂᔮᔅ#12.15 ᐗᐊ ᓴ ᐙᐹᐱᑯ ᔔᓂᔮᔅ ᑳᑕᔑᒥᓐᒡ ᑎᓀᕒᐃᔭᔅ denarius ᑮᐃᔑᓂᑳᓱ᙮ ᐅᕒᐆᒥᐎ ᐅᑭᒫᐙᑎᓯᐎᓂᕽ ᑮᐅᒋᐅᔑᒋᑲᓂᐎ ᐊᐊ ᑎᓄ ᔔᓂᔮᔅ᙮ ᒦ ᒫᐐᓐ ᐃᐌ ᒥᓂᒃ ᐊᐎᔭ ᑳᐅᑎᓯᒡ ᐯᔑᑯᑮᔑᒃ ᑮᐊᓄᑮᒡ᙮ ᒋᐙᐸᒪᒃ, ᐅᑮᐃᓈᐞ᙮
16ᐅᑮ ᐲᑕᒫᑰᐞ ᐃᑕᔥ᙮ ᒦᑕᔥ ᑳᐃᓈᒡ: ᐊᐌᓀᔥ ᐗᐊ ᑳᒪᓯᓂᓯᓂᓂᒃ ᐅᑎᒀᓐ, ᐊᐌᓀᔥ ᑲᔦ ᐅᐌ ᐅᐐᓱᐎᓐ? ᐅᑮᐃᓈᐞ᙮
ᒦᑕᔥ ᑳᐃᔑ ᓇᑴᑖᑯᒡ: ᒫᐗᒡ ᐃᑯ ᑭᒋᐅᑭᒫ ᐊᐌ, ᐅᑮᐃᑰᐞ᙮ 17ᒦᑕᔥ ᑳᐃᓈᒡ: ᑭᑖ ᒦᓈᐙ ᐅᔕ ᐊᐊᐌ ᒫᐗᒡ ᐃᑯ ᑭᒋᐅᑭᒫ ᑳᑎᐱᓇᐌᐎᓯᒡ, ᑲᔦ ᐊᐌ ᑭᔐᒪᓂᑑ ᑭᑖ ᒦᓈᐙ ᐃᐃ ᐐᓐ ᑳᑎᐱᓇᐌᐎᓯᒡ, ᐅᑮᐃᓈᐞ᙮
ᐅᑮᒫᒪᑳᓯᑖᑰᐞ ᐃᑕᔥ᙮
ᐁᑮ ᑲᑴᒋᒥᓐᒡ ᐋᓃᓐ ᑫᔑ ᐊᔮᑭᐸᓐ ᑮᑮᐌᐱᒫᑎᓯᕽ
(Matthew 22.23-33; Luke 20.27-40)
18 # Acts 23.8. ᐅᑮᐱ ᐅᑎᓵᐙᓐ ᐃᑕᔥ ᐃᑭ ᓵᒐᓰᐎᓂᓂᐗᒃ Sadducees᙮ ᒦᐗᒃ ᐃᑭᐌᓂᐗᒃ ᑳᐃᑭᑐᐙᒡ ᐁᑳ ᐊᐎᔭ ᒋᑮᐌᐱᒫᑎᓰᐃᓐᒡ ᑮ ᐃᔥᒀᓂᐳᒡ᙮ ᒦᑕᔥ ᐁᑲᑴᒋᒫᐙᒡ ᒋᓴᓲᓐ: 19#Deut 25.5. ᐅᑭᑭᓄᐊᒫᑫ, ᑭᑮᐅᔑᐲᐊᒫᑯᓈᓐ ᐅᐅᐌ ᐅᓇᔓᐌᐎᓐ ᐊᐊ ᒨᓯᔅ Moses: ᐊᐎᔭ ᓂᐳᓂᒡ ᐐᒋᑭᐌᔭᓐ, ᐁᑳ ᑳᐅᓂᒑᓂᓯᓯᓂᒃ, ᒋᐅᑖᐱᓇᒪᐙᒡ ᐃᓂ ᐅᐐᑎᑫᒫᑲᓂᓂ ᑲᔦ ᒋᐅᓃᒑᓂᓯᒡ, ᒋᓂᑖᐎᑭᑕᒪᐙᒡ ᐃᓂ ᐐᒋᑭᐌᔨᐸᓃᓐ᙮ 20ᐋᐱᑎᕽ ᐃᑕᔥ ᑮᓃᔣᒋᐗᒃ 7 ᐁᐅᐐᒋᑭᐌᔨᑎᐙᒡ᙮ ᔑᑾ ᑮᐐᑎᑫ ᐊᐊ ᑳᓴᓰᑭᓯᒡ᙮ ᒦᑕᔥ ᑳᐃᔑ ᓅᑌᓂᐳᒡ ᐁᑮᐅᓃᒑᓂᓯᓯᒃ᙮ 21ᒦᑕᔥ ᒦᓇᐙ ᐊ ᑯᑕᒃ ᐃᐃᒫ ᑳᑮᐊᓂ ᐅᒋ ᐅᔒᒣᔑᒫᐎᒡ ᑳᐃᔑ ᐐᑎᑫᒫᒡ ᐃᓂ ᐃᑴᐗᓐ᙮ ᒦᑕᔥ ᑫᐐᓐ ᐯᔑᑾᓐ ᑳᐃᔑ ᓂᐳᒡ᙮ ᑳᐐᓐ ᑫᐐᓐ ᑮᐅᓃᒑᓂᓯᓰ᙮ ᒦᑕᔥ ᒦᓇᐙ ᐯᔑᑾᓐ ᑳᐃᔑᐌᐱᓯᒡ ᐊᐊ ᐁᑯᓂᓯᐙᒡ᙮ 22ᒦᑕᔥ ᐲᓂᔥ ᐃᑭ ᑳᓃᔣᒋᐙᒡ ᑳᑮᐐᑎᑫᒫᐙᒡ ᑮᒑᑭᓂᐳᐗᒃ, ᑳᐐᓐ ᑮᐅᓃᒑᓂᓯᓰᐗᒃ᙮ ᒦᑕᔥ ᑫᑲᐲ ᑳᐃᔑ ᓂᐳᒡ ᑫᐐᓐ ᐊᐊ ᐃᑴ ᐃᔥᒀᒡ᙮ 23ᐊᐌᓀᓐ ᐃᑕᔥ ᑫᐅᐐᑎᑫᒫᑲᓂᐸᓐ ᐃᓂ ᐃᑴᐗᓐ ᐹᓂᒫ ᐱ ᑮᐌᐱᒫᑎᓰᐎᑮᔑᑲᒃ? ᑮᐃᔑ ᑲᑴᑗᐗᒃ ᐃᑭ ᓵᒐᓰᐎᓂᓂᐗᒃ᙮
24ᒋᓴᔅ ᐃᑕᔥ ᐅᑮᓇᑴᑕᐙᐞ: ᒦ ᐅᔕ ᐃᐌ ᐌᒋ ᐗᓂᑮᔗᔦᒃ, ᐁᑳ ᐁᑭᑫᑕᓯᐌᒃ ᑭᔐᒪᓂᑑ ᐅᑎᑭᑐᐎᓐ, ᑲᔦ ᐁᔑ ᑲᔥᑭᐁᐎᓯᒡ ᑭᔐᒪᓂᑑ᙮ 25ᐊᐲ ᑕᔥ ᑮᐌᐱᒫᑎᓯᕽ, ᑳᐐᓐ ᐊᐎᔭ ᐃᓂᓂ ᑕᐐᑎᑫᓰ, ᑳᐐᓐ ᑲᔦ ᐃᑴ ᑕᐐᑎᑫᒫᓰ᙮ ᑖᐱᔥᑰ ᑕᐃᔑᐱᒫᑎᓯᐗᒃ ᐁᒐᓬᐊᐞ ᑭᒋᑮᔑᑯᕽ ᐁᔮᓂᒡ ᐁᐐᑎᑫᑎᓯᓂᒃ᙮ 26#Ex 3.6. ᔑᑾ ᑕᔥ ᐃᐌ ᑳᓂᐳᐙᒡ ᒋᑮᐌᐱᒫᑎᓯᐃᑣ, ᑫᒋᓈᒡ ᑭᑮᐊᓇᒥᑑᒻ ᐃᐃ ᒪᓯᓇᐃᑲᓐ ᒨᓯᔅ ᑳᑮᐅᔑᐲᐊᕽ, ᐃᐃᒫ ᐁᑕᔑᑌᓂᒃ ᐃᐃ ᐱᑯᑯᐹᔅ ᐁᑮ ᓴᑭᑌᓂᒃ ᐁᑮᐊᒀᑭᑌᓯᓂᓂᒃ, ᑳᑮᐃᔑ ᑳᓅᓂᑯᒡ ᑭᔐᒪᓂᑑᓐ: ᓃᓐ ᐅᒪᓂᑑᒪᓐ ᐁᐸᕒᐊᐋᒻ Abraham, ᔑᑾ ᐅᒪᓂᑑᒪᓐ ᐋᐃᓯᒃ Isaac, ᔑᑾ ᐅᒪᓂᑑᒪᓐ ᒉᑲᑉ Jacob, ᒦᐃ ᑳᐃᑯᑯᐸᓀᓐ ᒨᓯᔅ ᐃᓂ ᑭᔐᒪᓂᑑᓐ᙮ 27ᒦᐅᐌ ᐁᑭᑐᕽ, ᐅᑯ ᑳᐅᑭᔐᒪᓂᑑᒥᐙᒡ, ᒥᓴᐙ ᐋᓇ ᐃᓂᑣ ᐁᓂᐳᐙᒡ, ᑫᔮᐱ ᐅᔕ ᐱᒫᑎᓯᐗᒃ᙮ ᐗᐐᑫ ᑭᐗᓂᑭᑭᓄᐊᒫᑫᒻ ᐁᐃᑭᑐᔦᒃ ᐁᑳ ᑮᐌᐱᒫᑎᓯᐎᓐ ᐁᐊᔮᒪᑲᓯᓄᒃ, ᐅᑮᐃᓈᐞ ᒋᓴᔅ ᐃᐃ ᓵᒐᓰᐎᓂᓂᐗᐞ᙮
ᐁᑮᐐᑕᕽ ᐃᐃᐌ ᑳᓃᑳᓀᑖᑾᓂᓂᒃ ᐅᓇᔓᐌᐎᓐ
(Matthew 22.34-40; Luke 10.25-28)
28 # Luke 10.25-28. ᐯᔑᒃ ᐃᑕᔥ ᐃᓂᓂ ᑳᑭᑭᓄᐊᒫᑫᒡ ᐅᓇᔓᐌᐎᓐ ᐅᑮᓈᓯᑕᐙᐞ ᐁᑲᑲᓅᓂᑎᓂᒡ᙮ ᔑᑾ ᐅᑮᓂᓯᑐᑕᐙᓐ ᐁᐅᓂᔑᔑᓂᓂᒃ ᐁᔑ ᓇᑴᑕᒥᓂᒡ ᐐᓐ ᒋᓴᓲᓐ᙮ ᒦᑕᔥ ᐃᐃ ᐅᐱᑲᑴᒋᒫᓐ: ᐌᑯᓀᓐ ᓈᑳᓀᑖᑾᒃ ᐅᓇᔓᐌᐎᓐ? ᐅᑮᐃᓈᓐ᙮
29 # Deut 6.4-5. ᒦᑕᔥ ᐁᔑ ᓇᑴᑕᕽ ᒋᓴᔅ: ᐅᐅ ᓴ ᓈᑳᓀᑖᑾᒃ ᐅᓇᔓᐌᐎᓐ: ᐱᓯᑕᒧᒃ ᑮᓇᐙ ᐃᔅᕒᐃᔭᓬ Israel ᐃᓂᓂᐗᒃ! ᐯᔑᒃ ᐁᑕ ᐊᔮ ᑳᑎᐯᒋᑫᒡ᙮ ᒦᐊᐌ ᑭᔐᒪᓂᑑ ᑳᑎᐯᓂᒥᓇᕽ᙮ 30ᒥᓯᐌ ᑕᔥ ᑭᑌᐃᐙᕽ ᑭᑲ ᓵᑭᐋᐙ ᐊᐌ ᑳᑎᐯᒋᑫᒡ ᑭᑭᔐᒪᓂᑑᒥᐙ᙮ ᑭᑲ ᓵᑭᐋᐙ ᒥᓂᒃ ᑫᐱᒫᑎᓯᔦᒃ᙮ ᔑᑾ ᑲᑭᓇ ᑫᑰᓐ ᐁᔑ ᓈᑲᑕᐌᑕᒣᒃ, ᑲᔦ ᑲᑭᓇ ᑫᑰᓐ ᐁᔑᒋᑫᔦᒃ ᒥᓂᒃ ᑫᔑ ᑲᔥᑭᑑᔦᒃ, ᑭᑲ ᓵᑭᐋᐙ ᑳᑎᐯᒋᑫᒡ᙮ 31#Lev 19.18. ᐅᐅ ᒦᓇᐙ ᐯᔑᒃ ᑫᒋ ᐃᓀᑖᑾᒃ ᐅᓇᔓᐌᐎᓐ: ᑭᑲ ᓵᑭᐋᐙᒃ ᑮᒋᐱᒫᑎᓰᐙᒃ, ᐋᓃᓐ ᐁᐲᒋ ᓵᑭᐃᑎᓱᔦᒃ, ᒦᐃ ᒋᐊᐲᒋ ᓵᑭᐁᒀ, ᐃᑭᑑᒪᑲᓐ᙮ ᑳᐐᓐ ᐊᐗᔑᒣ ᐊᐲᑌᑖᑾᓯᓅᓐ ᐅᓇᔓᐌᐎᓐ ᐊᐲᒡ ᐐᓐ ᐅᓄ, ᐅᑮᐃᓈᓐ᙮
32 # Deut 4.35. ᒦᑕᔥ ᐁᐃᑯᒡ ᐃᓂ ᐃᓂᓂᐗᓐ ᑳᑭᑭᓄᐊᒫᑫᓂᒡ ᐅᓇᔓᐌᐎᓐ: ᐅᑭᑭᓄᐊᒫᑫ, ᑾᔭᒃ ᑭᑎᑭᑦ᙮ ᑌᐺ ᐯᔑᒃ ᐁᑕ ᐊᔮ ᑭᔐᒪᓂᑑ, ᑳᐐᓐ ᐸᑳᓐ ᐊᐎᔭ ᐊᔮᓰ᙮ 33#Hosea 6.6. ᑲᔦ ᑭᑲ ᓵᑭᐋᓈᓐ ᑭᔐᒪᓂᑑ ᐁᓂ ᑯᑯᑌᐁᔭᕽ ᑲᔦ ᑲᑭᓇ ᑫᑰᓐ ᐁᔑ ᓈᑲᑕᐌᑕᒪᕽ, ᑲᔦ ᒥᓂᒃ ᐁᔑ ᑲᔥᑭᑑᔭᕽ᙮ ᑲᔦ ᑭᑲ ᓵᑭᐋᓈᓐ ᐊᐊ ᑮᒋᐱᒫᑎᓰᓈᓐ ᑖᐱᔥᑰ ᐁᔑ ᓵᑭᐃᑎᓱᔭᕽ᙮ ᐊᐗᔑᒣ ᑭᒋ ᐃᓀᑖᑾᓐ ᐃᔑᒋᑫᔭᕽ ᐅᓄ ᓃᔑᓐ ᐅᓇᔓᐌᐎᓇᓐ, ᐊᐲᒡ ᐐᓐ ᑲᑭᓇ ᐲᓇᑾ ᐊᐗᑳᓇᒃ ᒋᒑᑭᓱᑣ ᐁᐸᑭᑎᓂᑳᑳᓂᐎᐙᒡ, ᑲᔦ ᐊᐲᒡ ᐐᓐ ᐸᑳᓐ ᑫᑰᓇᓐ ᐸᑭᑎᓂᑫᐎᓇᓐ ᐋᓇ ᒦᓇᕽ ᑭᔐᒪᓂᑑ, ᑮᐃᑭᑐ ᐊᐌ ᐃᓂᓂ᙮
34ᒋᓴᔅ ᐃᑕᔥ ᐁᐙᐸᑕᒪᐙᒡ ᐌᐌᓂ ᐁᓇᑴᑕᒥᓂᒡ, ᐅᑎᓈᓐ: ᐋᔕ ᑫᑳ ᒋᐅᑑᑭᒫᒥᔭᓐ ᑭᔐᒪᓂᑑ, ᐅᑮᐃᓈᓐ᙮
ᒦᑕᔥ ᑳᐐᓐ ᐊᐙᒡ ᑮᐃᓇᒪᒋᐅᓰᐗᒃ ᐊᐎᔭᒃ ᑫᔮᐱ ᒋᑲᑴᒋᒫᐙᒡ ᒋᓴᓲᓐ ᑫᑰᓐ᙮
ᐋᑎ ᐌᑕᑳᓀᓯᓂᒡ ᑭᔐᒪᓂᑑ ᑳᐅᓈᐸᒫᒡ ᒋᐱᒫᒋᐃᐌᓂᒡ
(Matthew 22.41-46; Luke 20.41-44)
35ᐹᓂᒫ ᑕᔥ ᐁᑭᑭᓄᐊᒫᑫᒡ ᒋᓴᔅ ᐃᐃᒫ ᑭᒋᐊᓇᒥᐁᐎᑲᒥᑯᕽ, ᐅᐅᐌ ᑮᐊᓂ ᐃᑭᑐ: ᐃᑭ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ ᐅᐅᐌ ᐃᑭᑐᐗᒃ: ᐊᐊᐌ ᑭᔐᒪᓂᑑᓐ ᑳᐅᓈᐸᒥᑯᒡ ᒋᐱᒫᒋᐃᐌᒡ, ᐃᐃᒫ ᑌᐱᑎᕽ David ᑕᐅᑕᑳᓀᓯ᙮ ᐋᓃᓐ ᑕᔥ ᐌᒋ ᐃᑭᑐᐙᒡ ᐅᐅ? 36#Psa 110.1. ᐐᓐ ᑌᐱᑦ ᑳᑮ ᑭᒋᐅᑭᒫᐎᑯᐸᓀᓐ, ᐁᑮ ᑲᓅᑕᒪᐙᒡ ᑭᔐᒪᓂᑑᓐ, ᑮᐃᑭᑑᐸᓐ ᐅᐅᐌ:
ᑳᑎᐯᒋᑫᒡ ᐅᑮᐃᓈᓐ ᐃᓂ ᑳᑎᐯᓂᒥᓂᒡ:
ᐃᐃᒫ ᐃᔑ ᓇᒪᑕᐱᓐ ᓂᑭᒋᓂᑭᕽ ᐃᓇᑫ,
ᐱᒌᓇᒃ ᑭᑲ ᐃᔑᐃᓐ ᐐᑫ ᒋᔖᑰᒋᐊᑣ ᒋᑕᑯᑳᓇᑣ ᐃᑭ ᑳᓂᔥᑫᓂᒥᒀ,
ᒦᐃ ᑳᐃᑭᑐᑯᐸᓀᓐ᙮ 37ᐐᓐ ᑌᐱᑦ ᐁᑕᔑᒫᒡ ᐃᓂ ᑭᔐᒪᓂᑑᓐ ᑳᑮᐅᓈᐸᒫᓂᒡ, ᒦᐊᐌ ᑳᑎᐯᓂᒥᒡ, ᐅᑎᓈᓐ᙮ ᑳᐐᓐ ᑕᔥ ᐊᐎᔭ ᐅᐲᐌᓰᒪᓐ ᐁᑕᔑᒫᒡ, ᓂᑎᐯᓂᒥᒃ ᐅᑖ ᐃᓈᓰᓐ, ᑮᐃᑭᑐ ᒋᓴᔅ᙮
ᐁᑮ ᑕᔑᒫᒡ ᒋᓴᔅ ᐁᓈᑎᓯᓂᒡ ᐃᓂᐌᓂᐗᐞ ᑳᑭᑭᓄᐊᒫᑫᓂᒡ ᐅᓇᔓᐌᐎᓐ
(Matthew 23.1-36; Luke 20.45-47)
ᐃᑭ ᑕᔥ ᑳᒫᒪᐌᓄᐙᒡ ᐅᑮᒥᓄᑕᐙᐙᓐ ᐃᓂ ᒋᓴᓲᓐ᙮ 38ᔑᑾ ᑕᔥ ᐁᑮᐊᓂ ᑭᑭᓄᐊᒫᑫᒡ ᐅᐅ ᑮᐃᑭᑐ: ᐊᔓᐎᓂᑰᒃ ᐃᑭ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ, ᐃᑭ ᑳᒥᓉᑕᒧᐙᒡ ᒋᑲᑳᓍᐲᑲᐊᔐᐙᒡ, ᑲᔦ ᐁᑭᒋᐴᔔᐃᑣ ᐁᑕᔑ ᐊᑖᐌᕽ᙮ 39ᐊᐲ ᑕᔥ ᑲᔦ ᐁᔖᐙᒡ ᐃᐃᒫ ᐊᓇᒥᐁᐎᑲᒥᑯᕽ, ᐅᑲᑴ ᐐᑕᐱᒫᐙᐞ ᐃᐃ ᑳᓃᑳᓇᑭᓱᓂᒡ᙮ ᐃᐃᒫᔥ ᑲᔦ ᑳᑕᔑ ᐐᑾᑎᐎᓐᒡ ᒫᐗᒡ ᐐᑲᑴ ᓃᑳᓇᐱᐗᒃ᙮ 40ᔑᑾ ᐅᐗᔦᔑᒫᐞ ᐃᐃ ᑳᑮᐙᑎᓯᓂᒡ ᐃᑴᐗᐞ ᒋᑮᒪᑲᒫᐙᒡ ᑲᑭᓇ ᐊᑖᔭᐄᒥᓂ᙮ ᒦᑕᔥ ᐃᐃ ᑲᑳᓉᔥ ᐁᓂᑯᒃ ᑳᐅᒋ ᐊᓇᒥᐋᐙᒡ ᐅᑯ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ, ᐁᑾᔭᑯᒋᑫᑳᓱᐙᒡ᙮ ᐐᑫ ᑕᔥ ᐊᐗᔑᒣ ᑕᑭᒋ ᑎᐹᑯᓂᑲᓂᐎᐗᒃ, ᑮᐃᑭᑐ ᒋᓴᔅ᙮
ᐯᔑᒃ ᐅᑮᐙᑎᓰᑴ ᐁᑮ ᐸᑭᑎᓂᑫᒡ
(Luke 21.1-4)
41ᒋᓴᔅ ᐃᑕᔥ ᑮᐅᓇᐱ ᐃᐃᒫ ᐃᔑᑎᐱᔥᑰ ᐁᔑ ᐊᑌᓂᒃ ᐃᐃ ᐁᔑ ᐸᑭᑎᓂᑫᕽ ᑭᒋᐊᓇᒥᐁᐎᑲᒥᑯᕽ᙮ ᐅᑮᐙᐸᒫᐞ ᐃᑕᔥ ᐃᐃ ᐯᒫᑎᓯᓂᒡ ᐁᐸᑭᑎᓈᓂᒡ ᔔᓂᔮᓐ᙮ ᐃᑭ ᑕᔥ ᑳᑮᐌᓅᑎᓯᐙᒡ ᓃᐱᐗᐞ ᑮᐸᑭᑎᓂᑫᐗᒃ᙮ 42ᑮᐱᔭᔮ ᑕᔥ ᐯᔑᒃ ᐅᑮᐙᑎᓰᑴ ᐁᑮ ᑭᑎᒫᑭᓯᒡ, ᐁᐱ ᐸᑭᑎᓂᑫᒡ ᓃᔑᓐ ᐅᓵᐙᐱᑰᓴᐞ, ᒫᑭᔖ ᐯᔑᒃ ᐲᐙᐱᑰᔅ ᐁᐃᓇᑭᓱᓂᒡ᙮ 43ᒦᑕᔥ ᑳᐃᔑ ᐊᑐᒫᒡ ᒋᓴᔅ ᐅᑭᑭᓄᐊᒪᐙᑲᓇᐞ ᐁᐃᓈᒡ: ᐃᓇ ᐗᐊᐌᑎ! ᑌᐺ ᑫᑰᓐ ᑭᐐᑕᒪᐎᓂᓂᒻ᙮ ᐗᐊᐌᑎ ᐅᑮᐙᑎᓰᑴ ᐁᑭᑎᒫᑭᓯᒡ, ᓇᐗᒡ ᑭᑕᑭᑌᓂ ᐅᐌ ᐐᓐ ᑳᑮ ᐸᑭᑎᓂᑫᒡ, ᐊᐲᒡ ᐃᑭ ᒥᓂᒃ ᑳᐸᑭᑎᓂᑫᐙᒡ᙮ 44ᐃᑭᔥ ᐐᓐ ᑲᑭᓇ ᑮᐸᑭᑎᓂᑫᐗᒃ ᐁᑭᒋ ᐃᓇᔥᑭᓇᐋᐙᒡ ᐅᔔᓂᔮᒥᐙᓐ᙮ ᐊᐊᔥ ᐐᓐ ᐅᑮᐙᑎᓰᑴ, ᐋᓇ ᑭᑎᒫᑭᓯᒡ ᐅᑮᐃᔑ ᐸᑭᑎᓈᓐ ᑲᑭᓇ, ᐊᐴᔥᑫ ᑯ ᑫᑮᐅᒋ ᐱᒫᑎᓯᐸᓐ, ᑮᐃᑭᑐ᙮
Zvasarudzwa nguva ino
ᒫᕒᒃ 12: OJBS
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ojibwe Shorter Bible (Syllabic Script) © 2008 Canadian Bible Society
ᒫᕒᒃ 12
12
ᐁᑮᐋᐌᒋᑳᑫᒡ ᒋᓴᔅ ᐃᓂᐌ ᑳᑎᐯᑕᒥᓂᒡ ᔔᒥᓂᑭᑎᑫᐎᓐ
(Matthew 21.33-46; Luke 20.9-19)
1 # Isa 5.1-2. ᒦᑕᔥ ᐅᑮᒫᒌᑲᓅᓈᐞ ᒋᓴᔅ ᐁᐋᐌᒋᑫᒡ᙮ ᐅᐅ ᑮᐃᑭᑐ: ᐋᐱᑎᕽ ᐯᔑᒃ ᐃᓂᓂ ᐅᑮ ᑭᑎᑳᓈᐞ ᔔᒥᓈᑎᑰᐞ᙮ ᔑᑾ ᐅᑮᐙᑳᒣᓂᑲᓂᑲᑖᓐ ᐅᑭᑎᑫᐎᓐ᙮ ᔑᑾ ᑕᔥ ᑮᐙᓈᐱᑲᐃᑫ ᑫᔑ ᓰᓂᐲᑭᔥᑲᐎᑣ ᔔᒥᓇᒃ ᐁᒥᓋᑎᓱᐙᒡ᙮ ᔑᑾ ᑕᔥ ᐅᑮᐅᔑᑑᓐ ᐅᑕᔕᐙᐲᐎᑲᒥᒃ᙮ ᒦᑕᔥ ᐅᑮᐋᐎᐋᐞ ᑭᑎᑫᐎᓂᓂᐗᐞ ᐃᐃ ᑭᑎᑫᐎᓐ ᒋᑲᓇᐌᑕᒫᑯᒡ, ᔑᑾ ᐹᓂᒫ ᒋᐸᑴᓇᒫᑯᒡ ᑫᐅᑎᓯᓂᒡ ᑭᑎᑫᐎᓂᕽ᙮ ᒦᑕᔥ ᐸᑳᓐ ᐊᑮᕽ ᐁᐃᔖᒡ ᐙᓴ᙮ 2ᐊᐲ ᑕᔥ ᐌᒋᒋᓭᒃ ᒋᒪᐎᔂᓂᑣ ᔔᒥᓇᒃ ᐁᒣᒀᑎᓱᐙᒡ, ᐅᑮᐃᔑᓂᔕᐙᓐ ᐃᓂ ᐯᔑᒃ ᐅᑕᓄᑮᐋᑲᓇᓐ ᒋᐸᑴᓇᒫᑯᒡ ᑭᑎᑫᐎᓂᓂᐗᐞ ᐅᑑᑎᓯᐎᓂᓂ, ᒥᓂᒃ ᐌᑎᓇᒥᓂᒡ ᐃᐃᒫ ᐁᐊᑖᐙᑫᓂᒡ ᐃᐃ ᔔᒥᓇᐞ᙮ 3ᐃᑭ ᑕᔥ ᑭᑎᑫᐎᓂᓂᐗᒃ ᐅᑮᐅᑎᑎᓈᐙᓐ ᐃᓂ ᐊᓄᑮᐋᑲᓇᓐ ᐁᑮ ᐸᐸᑭᑌᐙᐙᒡ᙮ ᒦᑕᔥ ᐱᔑᔑᑾᔭᐄ ᑳᐃᔑ ᑮᐌᓂᔕᐙᐙᒡ ᐁᑳ ᑫᑰᓐ ᐁᑮᒦᓈᓯᒀ᙮ 4ᒦᑕᔥ ᒦᓇᐙ ᐯᔑᒃ ᐅᑮᐊᓅᓈᓐ ᐊᓄᑮᐋᑲᓇᓐ ᐊᐊ ᐃᓂᓂ ᑳᑎᐯᑕᕽ ᑭᑎᑫᐎᓐ᙮ ᐃᑭ ᑕᔥ ᑭᑎᑫᐎᓂᓂᐗᒃ ᐅᑮ ᑭᒋ ᐸᐸᑭᑌᔮᑯᑎᒀᓀᐙᐙᓐ ᑲᔦ ᐁᑭᒋ ᐊᑲᒋᐎᓈᑾᓂᓂᒃ ᐅᑮ ᑑᑕᐙᐙᓐ ᐃᓂ ᐊᓄᑮᐋᑲᓇᓐ᙮ 5ᔑᑾ ᒦᓇᐙ ᐯᔑᒃ ᐅᑮᐃᔑᓂᔕᐙᓐ ᐊᐊ ᐃᓂᓂ᙮ ᒦᑕᔥ ᑳᐃᔑᓂᓯᑯᓂᒡ ᑭᑎᑫᐎᓂᓂᐗᐞ᙮ ᓃᐱᐗᐞ ᑫᔮᐱ ᐅᑮᐊᓅᓈᐞ ᐊᓄᑮᐋᑲᓇᐞ ᐊᐌ ᑳᑎᐯᑕᕽ᙮ ᐋᓂᓐᑦ ᐃᑕᔥ ᐅᑮ ᐸᐸᑭᑌᐅᑯᓂ, ᐋᓂᓐᑦ ᑲᔦ ᐅᑮᓂᓯᑯᓂ ᐃᐃ ᑭᑎᑫᐎᓂᓂᐗᐞ᙮ 6ᐲᓂᔥ ᐃᑕᔥ ᐯᔑᒃ ᐁᑕ ᐊᐎᔭᓐ ᐅᑮᐊᔮᐙᓐ, ᒦᐗᓂᓂ ᑳᑮ ᓵᑭᐋᒡ ᐅᑯᓯᓴᓐ ᐊᐊ ᐃᓂᓂ᙮ ᒦᐗᓐ ᐃᑕᔥ ᐃᓂ ᑫᑲᐲ ᐅᑮᐃᔑᓂᔕᐙᓐ, ᑫᒋᓈᒡ ᐅᑲ ᑭᒋ ᐃᓀᓂᒫᐙᓐ ᓂᑯᓯᓴᓐ, ᐁᐃᑭᑐᒡ᙮ 7ᒦᑕᔥ ᐋᒋᑯ ᑮᐃᑭᑐᐗᒃ ᑭᑎᑫᐎᓂᓂᐗᒃ: ᒦᐗᓐ ᐅᔕ ᐅᓄ ᐅᑯᓯᓴᓐ ᐊᐊ ᑳᑎᐯᑕᕽ ᐅᐌ ᑭᑎᑫᐎᓐ! ᑕᑲ ᓂᓯᒫᑖᓂᓐ, ᒋᑌᐱᐱᑖᐗᕽ ᑳᐐ ᑎᐱᓇᐌᐎᓯᓂᐸᓐ, ᑮᐃᑭᑐᐗᒃ᙮ 8ᒦᑕᔥ ᑌᐺ ᑳᐃᔑ ᑳᒋᑎᓈᐙᒡ ᐃᓂ ᑳᑎᐯᑕᕽ ᐅᑯᓯᓴᓐ, ᐁᑮᓂᓵᐙᒡ, ᐌᑎ ᐅᐱᒣᑭᑎᑫᐎᓐ ᐁᑮᐊᐸᑭᑑᐙᒡ ᐃᐃ ᒦᔭᐤ᙮
9ᐋᓃᓐ ᐃᑕᔥ ᑮᓇᐙ ᐁᓀᑕᒣᒃ ᑫᐃᔑᒋᑫᐸᓐ ᐊᐊ ᑳᑎᐯᑕᕽ ᑭᑎᑫᐎᓐ? ᑕᐱ ᑕᑶᔑᓐ ᓴ ᒋᐱᓂᓵᒡ ᐃᐃ ᑭᑎᑫᐎᓂᓂᐗᐞ, ᔑᑾ ᐅᑲᔮᐎᐋᐞ ᐸᑳᓐ ᐊᐎᔭᐞ ᐃᐃ ᔔᒥᓂᑭᑎᑫᐎᓐ ᒋᑲᓇᐌᑕᒫᑯᒡ᙮ 10#Psa 118.22-23. ᑫᒋᓈᒡ ᑭᑮᐊᓇᒥᑑᒻ ᐅᐅᐌ ᐁᔑᐲᐃᑳᑌᓂᒃ ᑭᔐᒪᓂᑑ ᐅᑎᑭᑐᐎᓐ:
ᐃᑭ ᑳᐙᑳᐃᑫᐙᒡ ᐊᓂᔖ ᐅᑮᐌᐱᓈᐙᓐ ᐃᓂ ᐯᔑᒃ ᑳᐅᓂᔑᔑᓂᒡ ᐊᓯᓃᓐ,
ᒦᐗᓂᓂ ᒪᔮ ᑳᔮᐸᒋᐋᒡ ᑳᑎᐯᒋᑫᒡ ᒋᑮᔑᒋᑳᑌᒃ ᐃᐃ ᐙᑳᐃᑲᓐ᙮
11ᒦᐅᐌ ᑳᒫᒪᑳᒋ ᐃᔑᒋᑫᒡ ᐊᐊ ᑳᑎᐯᒋᑫᒡ,
ᐃᑭᑑᒪᑲᓐ, ᑮᐃᑭᑐ ᒋᓴᔅ᙮
12ᐃᑭᐌᓂᐗᒃ ᐃᑕᔥ ᑳᓃᑳᓇᑭᓱᐙᒡ ᒎᐗᒃ ᐅᑖᓇᐐ ᑕᑯᓈᐙᐸᓃᓐ ᒋᓴᓲᓐ᙮ ᐅᑮ ᑭᑫᓂᒫᐙᓐ ᐋᓃᔥ ᐁᐋᐌᒋᑫᓂᒡ ᐐᓇᐙ ᐁᑕᔑᒥᑯᐙᒡ᙮ ᐅᓵᒻ ᐃᑕᔥ ᐅᑮ ᑯᓵᐙᐞ ᐃᐃ ᑳᒫᒪᐌᓄᓂᒡ᙮ ᒦᑕᔥ ᑳᓂ ᐃᔑᓇᑲᓈᐙᒡ ᐁᑮᐊᓂ ᒫᒑᐙᒡ᙮
ᐅᑖᓇᑮ ᑲᑴᑲᔥᑭᐋᐙᓐ ᒋᓴᓲᓐ ᒋᐗᓂᑮᔗᓂᒡ ᑎᐸᐃᑫᐎᔔᓂᔮᓐ ᒋᑕᔑᒫᓂᒡ
(Matthew 22.15-22; Luke 20.20-26)
13ᒦᑕᔥ ᑮᐊᓅᓈᐗᒃ ᐃᑭ ᐋᓂᓐᑦ ᐯᕒᐊᓰᐎᓂᓂᐗᒃ Pharisees, ᐃᐃ ᑲᔦ ᐁᕒᐊᑦ Herod ᐅᐐᒌᐙᑲᓇᐞ#12.13 ᐁᕒᐊᑦ ᐅᐐᒌᐙᑲᓇᐞ: ᐙᐸᑕᓐ 3.6, Matthew 22.16᙮ ᑫᑰᓐ ᒋᑲᑲᑴᒋᒫᐙᒡ ᒋᓴᓲᓐ ᐁᐐᐅᒋ ᑳᒋᑎᓈᐙᒡ᙮ 14ᐊᐲ ᑕᔥ ᐌᑎᓵᐙᒡ ᐅᑮᐃᓈᐙᓐ: ᐅᑭᑭᓄᐊᒫᑫ, ᓂᑭᑫᑖᒥᓐ ᐁᓂᑖᑌᐺᔭᓐ ᑲᔦ ᐁᑳ ᐐᑳ ᐊᐎᔭ ᐁᐸᐹᐱᓯᔅᑫᓂᒫᓯᐗᒡ ᐋᓃᓐ ᑫᐃᓀᓂᒥᒃ᙮ ᑖᐱᔥᑰ ᑲᑭᓇ ᐊᐎᔭ ᑭᑎᔑ ᑲᓅᓈ᙮ ᑳᐐᓐ ᐋᓃᔥ ᑭᐸᐹᐱᓯᔅᑫᑕᒧᐙᓰᓐ ᐊᐎᔭ ᐗᑭᒐᔭᐄ ᐁᔑ ᐊᔮᒡ᙮ ᑾᔭᒃ ᐃᑕᔥ ᑭᑭᑭᓄᐊᒫᑫ ᑭᔐᒪᓂᑑ ᑳᔑ ᐊᑕᐌᓂᒫᒡ ᐊᐎᔭᓐ ᒋᐃᓈᑎᓯᓂᒡ᙮ ᐐᑕᒪᐎᔑᓈᒻ ᐃᑕᔥ: ᐃᓇᑌ ᓇ ᒋᑎᐸᐊᒪᐗᕽ ᑖᑭᔅ ᔔᓂᔮᓐ ᐊᐊᐌ ᒫᐗᒡ ᐃᑯ ᑭᒋᐅᑭᒫ,#12.14 ᒫᐗᒡ ᐃᑯ ᑭᒋᐅᑭᒫ: ᐙᐸᑕᓐ Matthew 22.17᙮ ᑫᒫ ᑳᐐᓐ? 15ᑭᑲ ᑎᐸᐊᒪᐙᓈᓐ ᐃᓇ, ᑫᒫ ᑳᐐᓐ? ᐅᑮᐃᓈᐙᓐ᙮
ᒋᓴᔅ ᐃᑕᔥ ᐁᑭᑫᓂᒫᒡ ᐁᑲᑴᐗᔦᔑᒥᑯᒡ, ᐅᑮᐃᓈᐞ: ᐋᓃᔥ ᐌᒋ ᑯᒋᐃᔦᒃ? ᑕᑲ ᐲᑕᒪᐎᔑᒃ ᐯᔑᒃ ᐙᐹᐱᑯ ᔔᓂᔮᔅ#12.15 ᐗᐊ ᓴ ᐙᐹᐱᑯ ᔔᓂᔮᔅ ᑳᑕᔑᒥᓐᒡ ᑎᓀᕒᐃᔭᔅ denarius ᑮᐃᔑᓂᑳᓱ᙮ ᐅᕒᐆᒥᐎ ᐅᑭᒫᐙᑎᓯᐎᓂᕽ ᑮᐅᒋᐅᔑᒋᑲᓂᐎ ᐊᐊ ᑎᓄ ᔔᓂᔮᔅ᙮ ᒦ ᒫᐐᓐ ᐃᐌ ᒥᓂᒃ ᐊᐎᔭ ᑳᐅᑎᓯᒡ ᐯᔑᑯᑮᔑᒃ ᑮᐊᓄᑮᒡ᙮ ᒋᐙᐸᒪᒃ, ᐅᑮᐃᓈᐞ᙮
16ᐅᑮ ᐲᑕᒫᑰᐞ ᐃᑕᔥ᙮ ᒦᑕᔥ ᑳᐃᓈᒡ: ᐊᐌᓀᔥ ᐗᐊ ᑳᒪᓯᓂᓯᓂᓂᒃ ᐅᑎᒀᓐ, ᐊᐌᓀᔥ ᑲᔦ ᐅᐌ ᐅᐐᓱᐎᓐ? ᐅᑮᐃᓈᐞ᙮
ᒦᑕᔥ ᑳᐃᔑ ᓇᑴᑖᑯᒡ: ᒫᐗᒡ ᐃᑯ ᑭᒋᐅᑭᒫ ᐊᐌ, ᐅᑮᐃᑰᐞ᙮ 17ᒦᑕᔥ ᑳᐃᓈᒡ: ᑭᑖ ᒦᓈᐙ ᐅᔕ ᐊᐊᐌ ᒫᐗᒡ ᐃᑯ ᑭᒋᐅᑭᒫ ᑳᑎᐱᓇᐌᐎᓯᒡ, ᑲᔦ ᐊᐌ ᑭᔐᒪᓂᑑ ᑭᑖ ᒦᓈᐙ ᐃᐃ ᐐᓐ ᑳᑎᐱᓇᐌᐎᓯᒡ, ᐅᑮᐃᓈᐞ᙮
ᐅᑮᒫᒪᑳᓯᑖᑰᐞ ᐃᑕᔥ᙮
ᐁᑮ ᑲᑴᒋᒥᓐᒡ ᐋᓃᓐ ᑫᔑ ᐊᔮᑭᐸᓐ ᑮᑮᐌᐱᒫᑎᓯᕽ
(Matthew 22.23-33; Luke 20.27-40)
18 # Acts 23.8. ᐅᑮᐱ ᐅᑎᓵᐙᓐ ᐃᑕᔥ ᐃᑭ ᓵᒐᓰᐎᓂᓂᐗᒃ Sadducees᙮ ᒦᐗᒃ ᐃᑭᐌᓂᐗᒃ ᑳᐃᑭᑐᐙᒡ ᐁᑳ ᐊᐎᔭ ᒋᑮᐌᐱᒫᑎᓰᐃᓐᒡ ᑮ ᐃᔥᒀᓂᐳᒡ᙮ ᒦᑕᔥ ᐁᑲᑴᒋᒫᐙᒡ ᒋᓴᓲᓐ: 19#Deut 25.5. ᐅᑭᑭᓄᐊᒫᑫ, ᑭᑮᐅᔑᐲᐊᒫᑯᓈᓐ ᐅᐅᐌ ᐅᓇᔓᐌᐎᓐ ᐊᐊ ᒨᓯᔅ Moses: ᐊᐎᔭ ᓂᐳᓂᒡ ᐐᒋᑭᐌᔭᓐ, ᐁᑳ ᑳᐅᓂᒑᓂᓯᓯᓂᒃ, ᒋᐅᑖᐱᓇᒪᐙᒡ ᐃᓂ ᐅᐐᑎᑫᒫᑲᓂᓂ ᑲᔦ ᒋᐅᓃᒑᓂᓯᒡ, ᒋᓂᑖᐎᑭᑕᒪᐙᒡ ᐃᓂ ᐐᒋᑭᐌᔨᐸᓃᓐ᙮ 20ᐋᐱᑎᕽ ᐃᑕᔥ ᑮᓃᔣᒋᐗᒃ 7 ᐁᐅᐐᒋᑭᐌᔨᑎᐙᒡ᙮ ᔑᑾ ᑮᐐᑎᑫ ᐊᐊ ᑳᓴᓰᑭᓯᒡ᙮ ᒦᑕᔥ ᑳᐃᔑ ᓅᑌᓂᐳᒡ ᐁᑮᐅᓃᒑᓂᓯᓯᒃ᙮ 21ᒦᑕᔥ ᒦᓇᐙ ᐊ ᑯᑕᒃ ᐃᐃᒫ ᑳᑮᐊᓂ ᐅᒋ ᐅᔒᒣᔑᒫᐎᒡ ᑳᐃᔑ ᐐᑎᑫᒫᒡ ᐃᓂ ᐃᑴᐗᓐ᙮ ᒦᑕᔥ ᑫᐐᓐ ᐯᔑᑾᓐ ᑳᐃᔑ ᓂᐳᒡ᙮ ᑳᐐᓐ ᑫᐐᓐ ᑮᐅᓃᒑᓂᓯᓰ᙮ ᒦᑕᔥ ᒦᓇᐙ ᐯᔑᑾᓐ ᑳᐃᔑᐌᐱᓯᒡ ᐊᐊ ᐁᑯᓂᓯᐙᒡ᙮ 22ᒦᑕᔥ ᐲᓂᔥ ᐃᑭ ᑳᓃᔣᒋᐙᒡ ᑳᑮᐐᑎᑫᒫᐙᒡ ᑮᒑᑭᓂᐳᐗᒃ, ᑳᐐᓐ ᑮᐅᓃᒑᓂᓯᓰᐗᒃ᙮ ᒦᑕᔥ ᑫᑲᐲ ᑳᐃᔑ ᓂᐳᒡ ᑫᐐᓐ ᐊᐊ ᐃᑴ ᐃᔥᒀᒡ᙮ 23ᐊᐌᓀᓐ ᐃᑕᔥ ᑫᐅᐐᑎᑫᒫᑲᓂᐸᓐ ᐃᓂ ᐃᑴᐗᓐ ᐹᓂᒫ ᐱ ᑮᐌᐱᒫᑎᓰᐎᑮᔑᑲᒃ? ᑮᐃᔑ ᑲᑴᑗᐗᒃ ᐃᑭ ᓵᒐᓰᐎᓂᓂᐗᒃ᙮
24ᒋᓴᔅ ᐃᑕᔥ ᐅᑮᓇᑴᑕᐙᐞ: ᒦ ᐅᔕ ᐃᐌ ᐌᒋ ᐗᓂᑮᔗᔦᒃ, ᐁᑳ ᐁᑭᑫᑕᓯᐌᒃ ᑭᔐᒪᓂᑑ ᐅᑎᑭᑐᐎᓐ, ᑲᔦ ᐁᔑ ᑲᔥᑭᐁᐎᓯᒡ ᑭᔐᒪᓂᑑ᙮ 25ᐊᐲ ᑕᔥ ᑮᐌᐱᒫᑎᓯᕽ, ᑳᐐᓐ ᐊᐎᔭ ᐃᓂᓂ ᑕᐐᑎᑫᓰ, ᑳᐐᓐ ᑲᔦ ᐃᑴ ᑕᐐᑎᑫᒫᓰ᙮ ᑖᐱᔥᑰ ᑕᐃᔑᐱᒫᑎᓯᐗᒃ ᐁᒐᓬᐊᐞ ᑭᒋᑮᔑᑯᕽ ᐁᔮᓂᒡ ᐁᐐᑎᑫᑎᓯᓂᒃ᙮ 26#Ex 3.6. ᔑᑾ ᑕᔥ ᐃᐌ ᑳᓂᐳᐙᒡ ᒋᑮᐌᐱᒫᑎᓯᐃᑣ, ᑫᒋᓈᒡ ᑭᑮᐊᓇᒥᑑᒻ ᐃᐃ ᒪᓯᓇᐃᑲᓐ ᒨᓯᔅ ᑳᑮᐅᔑᐲᐊᕽ, ᐃᐃᒫ ᐁᑕᔑᑌᓂᒃ ᐃᐃ ᐱᑯᑯᐹᔅ ᐁᑮ ᓴᑭᑌᓂᒃ ᐁᑮᐊᒀᑭᑌᓯᓂᓂᒃ, ᑳᑮᐃᔑ ᑳᓅᓂᑯᒡ ᑭᔐᒪᓂᑑᓐ: ᓃᓐ ᐅᒪᓂᑑᒪᓐ ᐁᐸᕒᐊᐋᒻ Abraham, ᔑᑾ ᐅᒪᓂᑑᒪᓐ ᐋᐃᓯᒃ Isaac, ᔑᑾ ᐅᒪᓂᑑᒪᓐ ᒉᑲᑉ Jacob, ᒦᐃ ᑳᐃᑯᑯᐸᓀᓐ ᒨᓯᔅ ᐃᓂ ᑭᔐᒪᓂᑑᓐ᙮ 27ᒦᐅᐌ ᐁᑭᑐᕽ, ᐅᑯ ᑳᐅᑭᔐᒪᓂᑑᒥᐙᒡ, ᒥᓴᐙ ᐋᓇ ᐃᓂᑣ ᐁᓂᐳᐙᒡ, ᑫᔮᐱ ᐅᔕ ᐱᒫᑎᓯᐗᒃ᙮ ᐗᐐᑫ ᑭᐗᓂᑭᑭᓄᐊᒫᑫᒻ ᐁᐃᑭᑐᔦᒃ ᐁᑳ ᑮᐌᐱᒫᑎᓯᐎᓐ ᐁᐊᔮᒪᑲᓯᓄᒃ, ᐅᑮᐃᓈᐞ ᒋᓴᔅ ᐃᐃ ᓵᒐᓰᐎᓂᓂᐗᐞ᙮
ᐁᑮᐐᑕᕽ ᐃᐃᐌ ᑳᓃᑳᓀᑖᑾᓂᓂᒃ ᐅᓇᔓᐌᐎᓐ
(Matthew 22.34-40; Luke 10.25-28)
28 # Luke 10.25-28. ᐯᔑᒃ ᐃᑕᔥ ᐃᓂᓂ ᑳᑭᑭᓄᐊᒫᑫᒡ ᐅᓇᔓᐌᐎᓐ ᐅᑮᓈᓯᑕᐙᐞ ᐁᑲᑲᓅᓂᑎᓂᒡ᙮ ᔑᑾ ᐅᑮᓂᓯᑐᑕᐙᓐ ᐁᐅᓂᔑᔑᓂᓂᒃ ᐁᔑ ᓇᑴᑕᒥᓂᒡ ᐐᓐ ᒋᓴᓲᓐ᙮ ᒦᑕᔥ ᐃᐃ ᐅᐱᑲᑴᒋᒫᓐ: ᐌᑯᓀᓐ ᓈᑳᓀᑖᑾᒃ ᐅᓇᔓᐌᐎᓐ? ᐅᑮᐃᓈᓐ᙮
29 # Deut 6.4-5. ᒦᑕᔥ ᐁᔑ ᓇᑴᑕᕽ ᒋᓴᔅ: ᐅᐅ ᓴ ᓈᑳᓀᑖᑾᒃ ᐅᓇᔓᐌᐎᓐ: ᐱᓯᑕᒧᒃ ᑮᓇᐙ ᐃᔅᕒᐃᔭᓬ Israel ᐃᓂᓂᐗᒃ! ᐯᔑᒃ ᐁᑕ ᐊᔮ ᑳᑎᐯᒋᑫᒡ᙮ ᒦᐊᐌ ᑭᔐᒪᓂᑑ ᑳᑎᐯᓂᒥᓇᕽ᙮ 30ᒥᓯᐌ ᑕᔥ ᑭᑌᐃᐙᕽ ᑭᑲ ᓵᑭᐋᐙ ᐊᐌ ᑳᑎᐯᒋᑫᒡ ᑭᑭᔐᒪᓂᑑᒥᐙ᙮ ᑭᑲ ᓵᑭᐋᐙ ᒥᓂᒃ ᑫᐱᒫᑎᓯᔦᒃ᙮ ᔑᑾ ᑲᑭᓇ ᑫᑰᓐ ᐁᔑ ᓈᑲᑕᐌᑕᒣᒃ, ᑲᔦ ᑲᑭᓇ ᑫᑰᓐ ᐁᔑᒋᑫᔦᒃ ᒥᓂᒃ ᑫᔑ ᑲᔥᑭᑑᔦᒃ, ᑭᑲ ᓵᑭᐋᐙ ᑳᑎᐯᒋᑫᒡ᙮ 31#Lev 19.18. ᐅᐅ ᒦᓇᐙ ᐯᔑᒃ ᑫᒋ ᐃᓀᑖᑾᒃ ᐅᓇᔓᐌᐎᓐ: ᑭᑲ ᓵᑭᐋᐙᒃ ᑮᒋᐱᒫᑎᓰᐙᒃ, ᐋᓃᓐ ᐁᐲᒋ ᓵᑭᐃᑎᓱᔦᒃ, ᒦᐃ ᒋᐊᐲᒋ ᓵᑭᐁᒀ, ᐃᑭᑑᒪᑲᓐ᙮ ᑳᐐᓐ ᐊᐗᔑᒣ ᐊᐲᑌᑖᑾᓯᓅᓐ ᐅᓇᔓᐌᐎᓐ ᐊᐲᒡ ᐐᓐ ᐅᓄ, ᐅᑮᐃᓈᓐ᙮
32 # Deut 4.35. ᒦᑕᔥ ᐁᐃᑯᒡ ᐃᓂ ᐃᓂᓂᐗᓐ ᑳᑭᑭᓄᐊᒫᑫᓂᒡ ᐅᓇᔓᐌᐎᓐ: ᐅᑭᑭᓄᐊᒫᑫ, ᑾᔭᒃ ᑭᑎᑭᑦ᙮ ᑌᐺ ᐯᔑᒃ ᐁᑕ ᐊᔮ ᑭᔐᒪᓂᑑ, ᑳᐐᓐ ᐸᑳᓐ ᐊᐎᔭ ᐊᔮᓰ᙮ 33#Hosea 6.6. ᑲᔦ ᑭᑲ ᓵᑭᐋᓈᓐ ᑭᔐᒪᓂᑑ ᐁᓂ ᑯᑯᑌᐁᔭᕽ ᑲᔦ ᑲᑭᓇ ᑫᑰᓐ ᐁᔑ ᓈᑲᑕᐌᑕᒪᕽ, ᑲᔦ ᒥᓂᒃ ᐁᔑ ᑲᔥᑭᑑᔭᕽ᙮ ᑲᔦ ᑭᑲ ᓵᑭᐋᓈᓐ ᐊᐊ ᑮᒋᐱᒫᑎᓰᓈᓐ ᑖᐱᔥᑰ ᐁᔑ ᓵᑭᐃᑎᓱᔭᕽ᙮ ᐊᐗᔑᒣ ᑭᒋ ᐃᓀᑖᑾᓐ ᐃᔑᒋᑫᔭᕽ ᐅᓄ ᓃᔑᓐ ᐅᓇᔓᐌᐎᓇᓐ, ᐊᐲᒡ ᐐᓐ ᑲᑭᓇ ᐲᓇᑾ ᐊᐗᑳᓇᒃ ᒋᒑᑭᓱᑣ ᐁᐸᑭᑎᓂᑳᑳᓂᐎᐙᒡ, ᑲᔦ ᐊᐲᒡ ᐐᓐ ᐸᑳᓐ ᑫᑰᓇᓐ ᐸᑭᑎᓂᑫᐎᓇᓐ ᐋᓇ ᒦᓇᕽ ᑭᔐᒪᓂᑑ, ᑮᐃᑭᑐ ᐊᐌ ᐃᓂᓂ᙮
34ᒋᓴᔅ ᐃᑕᔥ ᐁᐙᐸᑕᒪᐙᒡ ᐌᐌᓂ ᐁᓇᑴᑕᒥᓂᒡ, ᐅᑎᓈᓐ: ᐋᔕ ᑫᑳ ᒋᐅᑑᑭᒫᒥᔭᓐ ᑭᔐᒪᓂᑑ, ᐅᑮᐃᓈᓐ᙮
ᒦᑕᔥ ᑳᐐᓐ ᐊᐙᒡ ᑮᐃᓇᒪᒋᐅᓰᐗᒃ ᐊᐎᔭᒃ ᑫᔮᐱ ᒋᑲᑴᒋᒫᐙᒡ ᒋᓴᓲᓐ ᑫᑰᓐ᙮
ᐋᑎ ᐌᑕᑳᓀᓯᓂᒡ ᑭᔐᒪᓂᑑ ᑳᐅᓈᐸᒫᒡ ᒋᐱᒫᒋᐃᐌᓂᒡ
(Matthew 22.41-46; Luke 20.41-44)
35ᐹᓂᒫ ᑕᔥ ᐁᑭᑭᓄᐊᒫᑫᒡ ᒋᓴᔅ ᐃᐃᒫ ᑭᒋᐊᓇᒥᐁᐎᑲᒥᑯᕽ, ᐅᐅᐌ ᑮᐊᓂ ᐃᑭᑐ: ᐃᑭ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ ᐅᐅᐌ ᐃᑭᑐᐗᒃ: ᐊᐊᐌ ᑭᔐᒪᓂᑑᓐ ᑳᐅᓈᐸᒥᑯᒡ ᒋᐱᒫᒋᐃᐌᒡ, ᐃᐃᒫ ᑌᐱᑎᕽ David ᑕᐅᑕᑳᓀᓯ᙮ ᐋᓃᓐ ᑕᔥ ᐌᒋ ᐃᑭᑐᐙᒡ ᐅᐅ? 36#Psa 110.1. ᐐᓐ ᑌᐱᑦ ᑳᑮ ᑭᒋᐅᑭᒫᐎᑯᐸᓀᓐ, ᐁᑮ ᑲᓅᑕᒪᐙᒡ ᑭᔐᒪᓂᑑᓐ, ᑮᐃᑭᑑᐸᓐ ᐅᐅᐌ:
ᑳᑎᐯᒋᑫᒡ ᐅᑮᐃᓈᓐ ᐃᓂ ᑳᑎᐯᓂᒥᓂᒡ:
ᐃᐃᒫ ᐃᔑ ᓇᒪᑕᐱᓐ ᓂᑭᒋᓂᑭᕽ ᐃᓇᑫ,
ᐱᒌᓇᒃ ᑭᑲ ᐃᔑᐃᓐ ᐐᑫ ᒋᔖᑰᒋᐊᑣ ᒋᑕᑯᑳᓇᑣ ᐃᑭ ᑳᓂᔥᑫᓂᒥᒀ,
ᒦᐃ ᑳᐃᑭᑐᑯᐸᓀᓐ᙮ 37ᐐᓐ ᑌᐱᑦ ᐁᑕᔑᒫᒡ ᐃᓂ ᑭᔐᒪᓂᑑᓐ ᑳᑮᐅᓈᐸᒫᓂᒡ, ᒦᐊᐌ ᑳᑎᐯᓂᒥᒡ, ᐅᑎᓈᓐ᙮ ᑳᐐᓐ ᑕᔥ ᐊᐎᔭ ᐅᐲᐌᓰᒪᓐ ᐁᑕᔑᒫᒡ, ᓂᑎᐯᓂᒥᒃ ᐅᑖ ᐃᓈᓰᓐ, ᑮᐃᑭᑐ ᒋᓴᔅ᙮
ᐁᑮ ᑕᔑᒫᒡ ᒋᓴᔅ ᐁᓈᑎᓯᓂᒡ ᐃᓂᐌᓂᐗᐞ ᑳᑭᑭᓄᐊᒫᑫᓂᒡ ᐅᓇᔓᐌᐎᓐ
(Matthew 23.1-36; Luke 20.45-47)
ᐃᑭ ᑕᔥ ᑳᒫᒪᐌᓄᐙᒡ ᐅᑮᒥᓄᑕᐙᐙᓐ ᐃᓂ ᒋᓴᓲᓐ᙮ 38ᔑᑾ ᑕᔥ ᐁᑮᐊᓂ ᑭᑭᓄᐊᒫᑫᒡ ᐅᐅ ᑮᐃᑭᑐ: ᐊᔓᐎᓂᑰᒃ ᐃᑭ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ, ᐃᑭ ᑳᒥᓉᑕᒧᐙᒡ ᒋᑲᑳᓍᐲᑲᐊᔐᐙᒡ, ᑲᔦ ᐁᑭᒋᐴᔔᐃᑣ ᐁᑕᔑ ᐊᑖᐌᕽ᙮ 39ᐊᐲ ᑕᔥ ᑲᔦ ᐁᔖᐙᒡ ᐃᐃᒫ ᐊᓇᒥᐁᐎᑲᒥᑯᕽ, ᐅᑲᑴ ᐐᑕᐱᒫᐙᐞ ᐃᐃ ᑳᓃᑳᓇᑭᓱᓂᒡ᙮ ᐃᐃᒫᔥ ᑲᔦ ᑳᑕᔑ ᐐᑾᑎᐎᓐᒡ ᒫᐗᒡ ᐐᑲᑴ ᓃᑳᓇᐱᐗᒃ᙮ 40ᔑᑾ ᐅᐗᔦᔑᒫᐞ ᐃᐃ ᑳᑮᐙᑎᓯᓂᒡ ᐃᑴᐗᐞ ᒋᑮᒪᑲᒫᐙᒡ ᑲᑭᓇ ᐊᑖᔭᐄᒥᓂ᙮ ᒦᑕᔥ ᐃᐃ ᑲᑳᓉᔥ ᐁᓂᑯᒃ ᑳᐅᒋ ᐊᓇᒥᐋᐙᒡ ᐅᑯ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ, ᐁᑾᔭᑯᒋᑫᑳᓱᐙᒡ᙮ ᐐᑫ ᑕᔥ ᐊᐗᔑᒣ ᑕᑭᒋ ᑎᐹᑯᓂᑲᓂᐎᐗᒃ, ᑮᐃᑭᑐ ᒋᓴᔅ᙮
ᐯᔑᒃ ᐅᑮᐙᑎᓰᑴ ᐁᑮ ᐸᑭᑎᓂᑫᒡ
(Luke 21.1-4)
41ᒋᓴᔅ ᐃᑕᔥ ᑮᐅᓇᐱ ᐃᐃᒫ ᐃᔑᑎᐱᔥᑰ ᐁᔑ ᐊᑌᓂᒃ ᐃᐃ ᐁᔑ ᐸᑭᑎᓂᑫᕽ ᑭᒋᐊᓇᒥᐁᐎᑲᒥᑯᕽ᙮ ᐅᑮᐙᐸᒫᐞ ᐃᑕᔥ ᐃᐃ ᐯᒫᑎᓯᓂᒡ ᐁᐸᑭᑎᓈᓂᒡ ᔔᓂᔮᓐ᙮ ᐃᑭ ᑕᔥ ᑳᑮᐌᓅᑎᓯᐙᒡ ᓃᐱᐗᐞ ᑮᐸᑭᑎᓂᑫᐗᒃ᙮ 42ᑮᐱᔭᔮ ᑕᔥ ᐯᔑᒃ ᐅᑮᐙᑎᓰᑴ ᐁᑮ ᑭᑎᒫᑭᓯᒡ, ᐁᐱ ᐸᑭᑎᓂᑫᒡ ᓃᔑᓐ ᐅᓵᐙᐱᑰᓴᐞ, ᒫᑭᔖ ᐯᔑᒃ ᐲᐙᐱᑰᔅ ᐁᐃᓇᑭᓱᓂᒡ᙮ 43ᒦᑕᔥ ᑳᐃᔑ ᐊᑐᒫᒡ ᒋᓴᔅ ᐅᑭᑭᓄᐊᒪᐙᑲᓇᐞ ᐁᐃᓈᒡ: ᐃᓇ ᐗᐊᐌᑎ! ᑌᐺ ᑫᑰᓐ ᑭᐐᑕᒪᐎᓂᓂᒻ᙮ ᐗᐊᐌᑎ ᐅᑮᐙᑎᓰᑴ ᐁᑭᑎᒫᑭᓯᒡ, ᓇᐗᒡ ᑭᑕᑭᑌᓂ ᐅᐌ ᐐᓐ ᑳᑮ ᐸᑭᑎᓂᑫᒡ, ᐊᐲᒡ ᐃᑭ ᒥᓂᒃ ᑳᐸᑭᑎᓂᑫᐙᒡ᙮ 44ᐃᑭᔥ ᐐᓐ ᑲᑭᓇ ᑮᐸᑭᑎᓂᑫᐗᒃ ᐁᑭᒋ ᐃᓇᔥᑭᓇᐋᐙᒡ ᐅᔔᓂᔮᒥᐙᓐ᙮ ᐊᐊᔥ ᐐᓐ ᐅᑮᐙᑎᓰᑴ, ᐋᓇ ᑭᑎᒫᑭᓯᒡ ᐅᑮᐃᔑ ᐸᑭᑎᓈᓐ ᑲᑭᓇ, ᐊᐴᔥᑫ ᑯ ᑫᑮᐅᒋ ᐱᒫᑎᓯᐸᓐ, ᑮᐃᑭᑐ᙮
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ojibwe Shorter Bible (Syllabic Script) © 2008 Canadian Bible Society