2 THESSALONIKA 2
2
Dara sbaiyaba
1Daphlungrao, duha jini Gabra Jisu Krista phaiphin mani ode boni ha jing bojom khlaijao hi jing dong mani balam hade, 2Gabra ni basain sophai kha thi dada bese jang sainthiyaba ja thing, grao thiba ja thing, na laijma ni gede thikhabo ja thing, nisi ni khah ha srap maoya mani ode khin dada grao joba lai jaya mani khlai hi jing nisi khe khainsu du. 3Saosi jangbo asaba ni balam habo nisi da thokhi jao thing; bede thikhade galaiyaba sophai da hi, Dara sbaiyaba, Jamyaba ni Basa nujao phaiya side bo basain de sophai nang niya. 4Bode jar khe khrip tha dedaothao thi la ma, odehe Madai ni phrang baigoyaba khrip jinis khebo bo jajaoya ja ma, ode Madai ni bikhoh habo kham hi, jar khe jar Madai thi la ma se.
5Ebo grao khe nisi niha ang dongba ha ang nisi khe thiyaba grao khe nisi blao kha na? 6Bo jar ni bubli ha nujao phaiphu mani khlai hi snadi gibin thi hi duha nisi tharmai kha. 7Dara sbaiyaba grao makhao de duhabo khusi dangsai hi ning dong; thikhabo duha mathaoyaba khe disaiya side bo nujao phai nang niya. 8Bokhe disai kha ning Dara sbaiyaba de nujao phai nang. Ode, Gabra Jisu jar ni hang jang bokhe sthai nang, bo nujao phaiyaba muima khebo sjam ma se. 9Dara sbaiyaba de boha soithan khusi dang ba lai dang hi boni raothai khrip jang baosi bo phai nang, ode sin jang gmang thaosiyaba mosol khusi dangma se. 10Ode, boha jam didih ja hi dongyarao de thokhima hamya jadao thaoyaba jang bonsi thokhi jaoma se, bede thikhade sogo jao hi dongphu mani grao gibi khe bonsi manima nangjaoya. 11Odebani, mosol khe bonsi lonphu mani khlai hi, phap bao gajai ni jathai khe hamsi ning Madai haiha hi, 12gibi grao khe lonya hi gibi niyayaba khe khah jayarao khripbo bonsi gajai ha galai mani khlai hi jajaoya ja ma.
Sogoma mai mane nisi saikho jaoyaba se
13Gabra nangjaoyaba daphlungrao, Bese Gathar khlaiyaba ha ode grao gibi lonma ni khlai hi sogoma mai mane bathai thai dayarao jama ni, Madai jang nisi saikho jao bani, Madai niha nalaibo nisi ne khajama ni grao sainthi ma ning nang du. 14Olei ne khlai hi se, jini Gabra Jisu Krista ni muima mai mane khlai hi, jini hamba graojma thiyaba khe yaowai hi bo nisi khe long ba. 15Odebani, daphlungrao, raothe the song hi dong lah, grao huikhao hi dengyaba khe khuh jang ja thing, laijma jang ja thing, nisi ne jing slingriyaba khe mani lah.
16Odese, jini Gabra Jisu Krista jar ning ode jini bupha Madai, bo jing khe hamjao ma ode khasao mani balam jang thaoglao shanti ni hamba asa riyaba jang, 17nisi ni khah buthu ha shanti ri la hi, nisi khrip jadi hamba khusi dang hi jadi jadi hamba grao thi hi nisi ni khah buthu khe rao ri la thing.
Zvasarudzwa nguva ino
2 THESSALONIKA 2: DIMASBSI
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
2 THESSALONIKA 2
2
Dara sbaiyaba
1Daphlungrao, duha jini Gabra Jisu Krista phaiphin mani ode boni ha jing bojom khlaijao hi jing dong mani balam hade, 2Gabra ni basain sophai kha thi dada bese jang sainthiyaba ja thing, grao thiba ja thing, na laijma ni gede thikhabo ja thing, nisi ni khah ha srap maoya mani ode khin dada grao joba lai jaya mani khlai hi jing nisi khe khainsu du. 3Saosi jangbo asaba ni balam habo nisi da thokhi jao thing; bede thikhade galaiyaba sophai da hi, Dara sbaiyaba, Jamyaba ni Basa nujao phaiya side bo basain de sophai nang niya. 4Bode jar khe khrip tha dedaothao thi la ma, odehe Madai ni phrang baigoyaba khrip jinis khebo bo jajaoya ja ma, ode Madai ni bikhoh habo kham hi, jar khe jar Madai thi la ma se.
5Ebo grao khe nisi niha ang dongba ha ang nisi khe thiyaba grao khe nisi blao kha na? 6Bo jar ni bubli ha nujao phaiphu mani khlai hi snadi gibin thi hi duha nisi tharmai kha. 7Dara sbaiyaba grao makhao de duhabo khusi dangsai hi ning dong; thikhabo duha mathaoyaba khe disaiya side bo nujao phai nang niya. 8Bokhe disai kha ning Dara sbaiyaba de nujao phai nang. Ode, Gabra Jisu jar ni hang jang bokhe sthai nang, bo nujao phaiyaba muima khebo sjam ma se. 9Dara sbaiyaba de boha soithan khusi dang ba lai dang hi boni raothai khrip jang baosi bo phai nang, ode sin jang gmang thaosiyaba mosol khusi dangma se. 10Ode, boha jam didih ja hi dongyarao de thokhima hamya jadao thaoyaba jang bonsi thokhi jaoma se, bede thikhade sogo jao hi dongphu mani grao gibi khe bonsi manima nangjaoya. 11Odebani, mosol khe bonsi lonphu mani khlai hi, phap bao gajai ni jathai khe hamsi ning Madai haiha hi, 12gibi grao khe lonya hi gibi niyayaba khe khah jayarao khripbo bonsi gajai ha galai mani khlai hi jajaoya ja ma.
Sogoma mai mane nisi saikho jaoyaba se
13Gabra nangjaoyaba daphlungrao, Bese Gathar khlaiyaba ha ode grao gibi lonma ni khlai hi sogoma mai mane bathai thai dayarao jama ni, Madai jang nisi saikho jao bani, Madai niha nalaibo nisi ne khajama ni grao sainthi ma ning nang du. 14Olei ne khlai hi se, jini Gabra Jisu Krista ni muima mai mane khlai hi, jini hamba graojma thiyaba khe yaowai hi bo nisi khe long ba. 15Odebani, daphlungrao, raothe the song hi dong lah, grao huikhao hi dengyaba khe khuh jang ja thing, laijma jang ja thing, nisi ne jing slingriyaba khe mani lah.
16Odese, jini Gabra Jisu Krista jar ning ode jini bupha Madai, bo jing khe hamjao ma ode khasao mani balam jang thaoglao shanti ni hamba asa riyaba jang, 17nisi ni khah buthu ha shanti ri la hi, nisi khrip jadi hamba khusi dang hi jadi jadi hamba grao thi hi nisi ni khah buthu khe rao ri la thing.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.