Mavhesi emuBhaibheri Ane Mukurumbira kubva kuna Panua Ato ad 2

Pakurirana nevamwe

Ta Petrus ikeo pagid, “Gimi kelede kelede apul lolomi ga abada paliliunga ngan Iesus Kristus ieda, ta Deo isamum lemi kadonga sasat. Tota gimi ga abada Itautau Tutui mambe tenainga ila pagimi.

Gid panua toa oa timarum tau ngan kadonga ga gid ne: longonga gid panua ato ad led paoatainga, ga kadonga lolo kelede aea, ga matad nanan Iesus imedameda ngan teinga bret, ga led kadonga raring.

Ta gid toa ngada oa, Itautau Tutui iuon lolodeai, ta maed ikakado posanga ngan gid tuanga padengada led posanga mambe Itautau Tutui iparangrang gid ngan.

Mole mao, tilongo danga mambe rai kapei tau iaoa ingongo buburiai ga inam, ta ele tandanga iuon ngan luma toa timamado ngan oa. Be tigera danga mambe dinga imaemae ibilin ga idae ngan gid kelede kelede. Ta gid toa ngada oa, Itautau Tutui iuon lolodeai, ta maed ikakado posanga ngan gid tuanga padengada led posanga mambe Itautau Tutui iparangrang gid ngan.

Ado ga ado, lolod kelede ta tila tiluplup Deo ele lumaeai, ta titei bret ngan luma ga luma ngan matad nanan Iesus imedameda. Be tianean ad annga toman ngan led kadonga mamaron, ga tinid igelgel. Tisoasoa Deo ieda, be panua padengada toa lolod matua ngan Iesus mao, lolod marum ngan gid. Be Maron ibada mulian panua papau, ta igalbatan dabad ga idae ado ga ado.

“‘Deo ikeo ga bedane, “Boloma ngan ado muriai ga muriai tau, gau ga natok Tautaudig Tutui ga idae ngan gid panua toa ngada ne. Ta lemi gergeu arangaranga ga taine ga tibabada aoag, be lemi kakau iririau ga tigera gid danga napasolan pagid, be lemi kapeipei ga anununud.

Be gid panua lolo matua ad toa ngada oa tinam tiluplup somisomi, be gid kelede kelede led danga sisid iman gid toa ngada oa led. Gid tilongean ad tano ga danga sisid ta panua tiuol, ta tipotapota ga ila pagid sapadua tipapauis.

Ta ngan ado toaiua, oangga sai ibaba Maron ieda, eine ga ibada mulian ei.” ’

Be ado ga ipul ei ga iuot dodom, ga taiko ga ila iuot mambe sing. Gid danga toa ne ga iuot ga imuga. Ga kus ta Maron ele ado kapei ga iuot, ta ele taranga ga iuot masaeai.