Mavhesi emuBhaibheri Ane Mukurumbira kubva kuna Isai 6

Pakurirana nevamwe

An hum del Ma didina mi dala: Ni nge ba, an sunum ge? Ni nge ba, mba mi i ki zla mamid’a woi abu ge? An hulong dum ala: An wana! Ang sununu!

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Kur biza d’a amulâ Oziyas mi mita, an we Ma didina mi nga kaka yam zlamba sä akulo dei. Vun baru mam mba ngola ti oî hur gong nga kud’ora.

Mi dondji avunanu, mi dan ala: Ang gola! An dongzi avunang wana, tchila manga a hlat tei da’, tcho manga a hazat tei da mi!

Serafêna a nga tchola kam akulo. Ma lara pî, mi nga ki gigingâ karagaya karagaya, mbà á zlup iraziya, mbà á zlup aseziya, mbà á pir ki mi.

Ma dingâ tu aduk serafêna mi pirî gevenu. Mi nga ki gordjo ma mi mbogomî yam yima ngal dubang ma his djivid’a ki madeunina nga abomu.

Ata yi máma mi dan ala: Ang i de mi sum ndazina ala: Agi mba humugi djiviya, wani agi mba humut ad’ut ti. Agi mba gologi djiviya, wani agi mba wat ad’ut tuo mi.

Ang b’al sum ndazina huruziya, ang tozozi humazi woyo, ang duguzi irazi woi tala a we ki irazi a hum ki humazi a wat ad’ut a mbut huruzi ba, an sud’uziya d’a d’i.