Mavhesi emuBhaibheri Ane Mukurumbira kubva kuna Isai 55

Pakurirana nevamwe

Kayam Ma didina mi dala: Djib’er manda nga ni djib’er magid’a d’i, sun magi d’a led’a nga ni sun man nda led’a d’uo mi.

D’igi akulod’a ti kal akulo yam andagad’a na, hina mi, sun man nda led’a ti kal akulo yam sun magi d’a led’a, djib’er manda ti kal akulo yam djib’er magid’a hina mi.

Agi halagi Ma didina kid’a mi nga tua d’a; agi yum kid’a mi nga go ki sed’egi tua d’a.

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Alo ma sed’a ki nesâ a nga yagï kä, a nga hulong bei rap andagad’a d’i, a nga mbud’ut tub’ad’a, a nga deî ahlena, a nga ba bei handjafâ mi sama zara d’i, a nga ba bei he tena mi sama nga mi tena d’uo mi. Hina mi, zla d’a ndavunanda ti nga d’i hulongî atan bei ti le va d’i, ti nga d’i ba bei ndak vun min manda d’oze ti oî vun vama an sunut kama d’uo mi.

Agi mba buzugugï woi kur Babilon ki furîd’a, agi mba mbagi avo hatagi ki b’leng nga halasa, ahuniyôna ki yima ndingâ a mba er ad’uzi akulo avorogi ki furîd’a, agu ma abageina pet mba mi tum abom ki furîd’a mi.

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.