Mavhesi emuBhaibheri Ane Mukurumbira kubva kuna HEBREOS 5

Pakurirana nevamwe

Te nchaa sá vǎtá cúú‑gǎ caxi cue landú yɨ́quɨ́ⁿ xíǎⁿ cúú‑xí cuèndá cue ñáyiu sacuéhé, te xíǎⁿ cúú‑xí dàtná tnúhu sá dácuàha ñáyiu sa ní níhí ndéé ndècu ichi‑gá, ñáyiu sa ní cutnùní váha iní‑xi nándɨ cùu nchaa sá cuèhé sá dúhá, ndɨhɨ nándɨ cùu nchaa sá vǎha.

Te nchòhó sa ní cuu cuéhé nduu ndècu‑ndo ichi Xítohó Jesucrìstú, te tàú‑ndó dànehé‑ndó cuè ñáyiu ndècu ichi‑gá tnúhu‑gá nǔu dìcó sá cúú, dico xìni ñuhu‑ni‑xi sá cúndècu ñáyiu danèhé ñáhá tnǔhu‑gá xii‑ndo, tnúhu sá nǐ dácuáhá‑ndó nděé díhna sá ñà túú ǔhú tecú tnùní‑ndó. Te sá dúcáⁿ quìde‑ndo núu xíǎⁿ cúú‑ndó dàtná cue landú vitna sàdi camá, landú vátá cúú‑gǎ caxi dítá. Chi nchaa ñáyiu cùu datná landú vitna sàdi, ñáyiu‑áⁿ cúú nèñuú‑yu ñá túú cùtnuní iní‑yu nàcuáa càháⁿ tnúhu sá càháⁿ nàcuáa cada ndáá‑yu cundecú‑yu.

Te sá cuèndá nchaa sá nǐ ndoho Xítohó Jesucrìstú xíǎⁿ ní cutnùní iní‑gá cada‑gá nchaa dava‑gá sá vǎha nàcuáa cuìní méé Yǎ Ndiǒxí cada‑gá. Te ducaⁿ nǐ cuu cuěi cùu‑gá Déhe Yá Ndiǒxí. Te sá dúcáⁿ nǐ quide‑gá nchaa nàcuáa cuìní méé Yǎ Ndiǒxí, xíǎⁿ nǔu vitna cùu‑gá Yaá dácǎcu nihnu nchaa ñáyiu sàndáá iní ñáhá xìi‑gá núú ùhú núú ndàhú.

Te cútnàhá ní xíndecu Xítohó Jesucrìstú ñuyíú‑a te níhi ní xóo cáháⁿ ndɨhɨ‑gá Yǎ Ndiǒxí te ní xóo cáháⁿ ndàhú‑gá núú‑gǎ, te ní xóo ndáhyú‑gá òré ducaⁿ nǐ xóo cáháⁿ ndɨhɨ‑gá Yǎ Ndiǒxí, te ducaⁿ nǐ quide‑gá chi nàha‑gá sá Yǎ Ndiǒxí cúú‑gǎ Yaá ndacu dàcácu nihnu ñaha xìi‑gá cuèndá sá vǎ cùú dúcáⁿ‑gǎ. Te Yá Ndiǒxí ní xíndedóho‑gá nchaa tnúhu ní cáháⁿ Xítohó Jesucrìstú cuèndá sá nǐ quide‑gá nchaa nàcuáa ní xáhaⁿ Yǎ Ndiǒxí cada‑gá.