Mavhesi emuBhaibheri Ane Mukurumbira kubva kuna Aj Ebrey 5

Pakurirana nevamwe

Quꞌn atzin xnaqꞌtzbꞌil nim t-xilin, ikyjo tzeꞌnku wabꞌj, a n-ajbꞌin kye xjal, a ma chi tijin, ex te kyeꞌ, at tumil toj kywutz, quꞌn n-el kynikyꞌ te alkye wen ex alkye nya wen.

Ayetzinkyetza, ayiꞌy ojtxe nimilqiꞌy, opetla chi ok kyeꞌ te xnaqꞌtzil jaꞌlin; qalaꞌ ayepel kyeꞌ tuꞌn kyxi xnaqꞌtzit juntl maj tiꞌjjo tnejil xnaqꞌtzbꞌil, a kybꞌiꞌy ojtxe. Qalatziꞌn, ma chi oka tzeꞌn jun tal neꞌẍ, a oꞌkx tajjo tuꞌn tmiꞌẍin, ex ntiꞌ tumil toj twutz, tuꞌn tbꞌant twaꞌn. Ex ayetzinjiꞌy tzeꞌnku neꞌẍ, me toj kynimbꞌila, quꞌn mi nbꞌant kyximiꞌn tzeꞌnku jun tij xjal, a n-el tnikyꞌ te alkye wen ex alkye nya wen.

Exsin tuꞌnpaj kꞌwalbꞌaj te Crist te qMan Dios, me iltaq tiꞌj tuꞌn tikyꞌx tuꞌn, tzeꞌnku n-ikyꞌx quꞌn, noq tuꞌn tbꞌant tnimitjo Tyol tMan. Me atzaj tej tjapin bꞌaj tkyaqiljo luꞌn tuꞌn, bꞌeꞌx ok te Kolil te jun majx kyiꞌj kykyaqiljo ayeꞌ kchi kꞌwel niminte.

Tej attaq Crist tzaluꞌn twutz txꞌotxꞌ, jaw tqꞌajqꞌojil twiꞌ toj tnaꞌj Dios, ex atku maj etz taꞌl twutz, tuꞌn tqꞌaqꞌbꞌil tkꞌuꞌj. Kubꞌsin twutz, ex bꞌijte tuꞌn Dios, quꞌn ate Dios at tipin tiꞌj tkyaqilx, expe akutaq klet Jesús tuꞌn toj kyimin.