Tzꞌelxix tnikyꞌa tiꞌjjo lo: Aj chꞌixtaq tjapin bꞌaj tqꞌijil twutz txꞌotxꞌ, tzul kanin jun qꞌij te bꞌisbꞌajil. Quꞌn iteꞌ xjal k-okil qe kykꞌuꞌj kyiꞌjx ex tiꞌj pwaq, nimsil kyibꞌqe, ex laꞌjilqe, xoꞌl yolqe tiꞌj Dios, k-elil kyiꞌjlin kytata ex mi txi kyqꞌoꞌn chjonte kye, ex nya wenqe. Mi ntzaj qꞌaqꞌin kykꞌuꞌj kyiꞌj txqantl, aj qꞌojilqe, iqil yolqe, mibꞌin chi tzyuꞌn kyibꞌ, kuj kyanmin, ikyꞌil tiꞌj tkyaqiljo bꞌaꞌn, noq nchi ok bꞌuꞌkꞌj, ex ntiꞌx kyxobꞌil tuꞌn kyok lipin tiꞌj jun tiꞌ, xkabꞌilqe, ex oꞌkx npon kykꞌuꞌj tiꞌj jniꞌ achbꞌil nya bꞌaꞌn, a tzeꞌnku ntqanin kyxmilil; ex ntiꞌx chꞌin nkubꞌ kybꞌisin tiꞌj qMan Dios. Ex k-okil kyqꞌoꞌn kyibꞌ tzeꞌnkuꞌ jun nimil kyxola. Me noq tuꞌn kybꞌinchbꞌin, k-elil kynikyꞌtzajil qa nya nimilqe, ex qa tuꞌn ikyjo, ntiꞌ tipin Dios kyukꞌa. Paꞌmil tibꞌa kyiꞌjjo xjal anetziꞌn.
