Mavhesi emuBhaibheri Ane Mukurumbira kubva kuna Romanos 16

As la iloch ex u Tiixhe' uva' ni aq'on sete ti' uva' b'a'n ve't etatin sevatzaj, as Aak la aq'on sete ti' uva' la oleb' ex ti' u Satanás. As a' vib'a'nil u Kub'aal Jesucristo la kaa seti'.

As nunb'eya sete, vitz'in vatzik, ti' uva' la etil unq'a uxhchile' uve' ni oksan ixo'l unq'a qitz'in qatzike', tan niyansa chajnaj itxumb'al. As nijalpu chajnaj isuuchil unq'a chusb'ale' uve' kat echus sb'axa. As ye' la emolo etib' tuk' chajnaj

tan jank'al unq'a uxhchile' uve' ech nib'ane' eche' uve', as jit u Kub'aal Jesucristo ninima. Pet a' ninima chajnaj kam uva' ni tal taama. As acha'v chit iyolon chajnaj ti' imaxtib'el unq'a qitz'in qatzike' uva' ye' yak'inoj itxumb'al ti' viyol u Tiixhe'.

As qoksataj ve't iq'ii u Tiixhe' setuk', tan Aake' ta' ni yak'insan u qaanxelale' eche' ni tal u b'a'nla yole' uva' nunpaxsa, tul ni val isuuchil u yole' ti' u Kub'aal Jesucristo. As a'e' u yole' uva' atik sk'u'l u Tiixhe' xe' q'iisaj. As ye' kat tootzi unq'a tename' isuuchil u yole' ta'n Aak na'ytzan. Pet kat ik'uchlu ve't Aak isuuchil u yole' sqe cheel uva' itz'ib'a kan unq'a q'ajsan tetz viyol Aake' na'ytzan, tan Aake' uva' ye'l iya'teb'al kat alon kan sete. As a' isuuchil u yole' uva' kat ik'uchlu ve't Aak te unq'a tename' skajayil, aq'al uva' la ik'ujb'a' ve't ik'u'l ti' u Kub'aal Jesús. As la inima ve't Aak. As qoksataj iq'ii u Tiixhe' ta'n u Jesucristo ti' chit ib'ene', tan ta'ne' u Tiixhe'. As ta'ne' at pal itxumb'al ti' unq'a vee' skajayil. An chite'.