Mavhesi emuBhaibheri Ane Mukurumbira kubva kuna Hechos 4

Pet tuk val sete, tan ye'l uma'toj q'alpun qetz ati, tan ye'xheb'il at vatz u tx'ava'e' uva' tuk' vib'iie' la q'alpu ve't o' sta'n,— ti'k u Lu'e'.

As tul ya' ve't unq'a niman tetz u Jesús ti' inachat Tiixh, as tiin ve't u atinb'ale' uva' molikkat tib' unq'a tename'. As taq' ve't u Tiixhla Espíritu itxumb'al. As ye' nikat ixo'v ve't unq'a tename' ti' talat viyol u Tiixhe'.

Esti'e', Kub'aal Tiixh, nu kujaj b'a'nil see uva' la akol o' vatz unq'a k'axk'oe' uve' ni tal unq'a b'aal tename' ib'anat sqi'. As loch o' ti' uva' ye' la xo'v o' ti' qalat vayole'.

As ech kat etulb'e u Jesús eche' ni tulb'el u k'ub'e' uva' nisuti el unq'a lakol kab'ale', tan ti' uva' ye' nitxakon svatz. Tul a'e' xe'ab' tetz u kab'ale'.

As tul til ve't unq'a b'aal tename' uva' tii chit iyolon u Lu'e' tuk' u Xhune', as teq'o ve't taama chajnaj, tan ootzimalik ta'n chajnaj uva' ye'l u Lu'e' tuk' u Xhune' kat ok tu umaj chusb'al ti' ichusat unq'a yole'. As ye'l tijle'm chajnaj atike. As tulsa ve't unq'a b'aal tename' sk'u'l uva' xekelik u Lu'e' tuk' u Xhune' ti' u Jesúse'.

Jank'al unq'a niman tetz u Jesús as unvatzulik chit ve't vitxumb'ale' skajayil. As eela chit nik tal ve't taama skajayil. As ye'xheb'il nik alon uva' tetz kuxh vimeeb'a'le' sijunal, tan vatzulik chit unq'a uxhchile' tuk' unq'a tetze' skajayil.