Mavhesi emuBhaibheri Ane Mukurumbira kubva kuna लुकस 3

Pakurirana nevamwe

एकाबिरी होरमा आलर बप्‍तिस्‍मा होआ लगियर, ख़ने येसुस हूँ बप्‍तिस्‍मा होच्‍चस की गोहरारआ लगियस, ख़ने मेर्ख़ा तिसिगरा, अउर नेम्‍हा बोलतस देह ही रुप नू पेरवा लेखा येसुस मइयाँ इत्‍तियस। ख़ने मेर्ख़ा ती एन्‍ने ओन्‍टा अवाज मेन्‍दरा, “निन एंग्‍हय चोन्‍हा ख़द्‍द हिकदय, निंग्‍हय ती एन बग्‍गे रिझिरदन।”

ख़ने युहन्‍नास होरमारिन बाचस, “एन निमरिन अम्‍म लेके बप्‍तिस्‍मा चिअदन। लेकिन ओर्तोस एंग्‍हय ती बग्‍गे सवंगिया बरआ लगदस, एन तो आस ही जुता ता फिता खोल्‍ना जोगे ही हूँ मलकन। आस निमरिन नेम्‍हा बोलतस अउर चिच्‍च तरतू बप्‍तिस्‍मा चिओस।

निम निम्‍हय पापन अम्‍बा की जियन किरतआ अउर बेस्‍स नलख एदआ। ‘निम अबराहामस ही ख़द्‍द हिक्‍दर’ बआ की मला सोचआ हेलरआ। एन निमन बअदन, ई पखना ती हूँ धर्मेस अबराहामस ही ख़द्‍द कमआ ओंगोस।

अक्‍कू धर्मेस ही इन्‍साफ ही टोंगए मन्‍न ही पेन्‍दा नू खन्‍डा गे अड़सिया किर्रकी र' ई, औंगे दव ख़ंजपा मला चिऊ हुरमी मन्‍न खन्‍डरो अउर चिच्‍च नू हेबेड़तारओ।”

एकान्‍ने यसायाहस अगमजानिस ही पुथी नू एन्‍ने लिखिरकी र' ई, “फिटकी अड्‍डा नू ओन्‍द ओर्तोस चिच्‍चियार नुम बअदस, धर्मेउर्बस ही डहरेन सपड़आ आस ही डहरेन सोझ कमआ। हुरमी गड्‍डिन निन्‍दतारओ, अउर हुरमी परता अउर ड़िप्‍पा गुट्‍ठी सइर ननतारओ, अउर टेड़हो डहरेन सोझ ननतारओ, अउर गड्‍डी डिप्‍पा डहरे बेस्‍स ननतारओ। होरमा आलर धर्मेस ही बछरनन एरोर।”