Mavhesi emuBhaibheri Ane Mukurumbira kubva kuna मुध चेलर 1

Pakurirana nevamwe

लेकिन नेम्‍हा बोलतस निम म'इयाँ बरचका ख़ोख़ा निम सवंग ख़क्‍खोर, अउर निम यरुसलेम नू, गोट्‍टे यहुदिया प्रदेस नू, सामरिया प्रदेस नू अउर ख़ेख़ेल ता फेच्‍चा गुटी एंग्‍हय गोवाह मनोर।”

येसुस आरिन बाचस, “इदिही बेड़ा तो धर्मे बबस तंग्‍हय अधिकार भितरी तोक्‍चका बेड़ा अउर मिती र'ई, अदिन अख़ना निम्‍हय नलख मल्‍ली।

ओन्‍द समे येसुस आर गने मन्‍डी ओनो बिरी आस आरिन पेसस, “निम यरुसलेमन अम्‍बके की एसन हूँ मला कालके, लेकिन बबस नेम्‍हा बोलतसिन चि'ओन बाचका गच्‍छरकन आसे एःरा। एकदा ही पत्‍त नू निम एंग्‍हय ती मेन्‍जका र'अदर। एन्‍देरगेका युहन्‍नस तो अम्‍म ती बप्‍तिस्‍मा चिच्‍चस, लेकिन अक्‍कू ती जोक्‍क उल्‍ला नू नेम्‍हा बोलतस नू निम्‍हय बप्‍तिस्‍मा मनो।”

येसुस दुक्‍खे भोगचका अउर केच्‍चका ख़ोख़ा आस आर गे कोहड़े मानी सबुत ती तान उज्‍जना र'अदन बाचस की एदस। चालिस उल्‍ला गुटी आस आर गुसन घड़ी-घड़ी एथरते रहचस अउर धर्मेस ही राजी ही पत्‍त नू आरिन तिंगियस।

आस ई कत्‍थन बाचका ख़ोख़ा, आर इरनुम-इरनुम आस म'इयाँ होतारस अउर बदाली आसिन आर ही ख़न्‍न ती ओढ़ नन्‍जा चिच्‍चा।

एकाबिरी आर आस ही मेर्ख़ा तरा कानन मेन इरनुम रहचर, आबिरी अनचोख'एम पंडरु झुला अत्‍तका दु'ई गोड़े आलर आर हेद्‍दे इज्‍जर। आर बाचर, “अना गालिल ता आलरो, निम एन्‍दरगे इज्‍जकर की मेर्ख़ा तरा एःरा लगदर? ई येसुस ने निम्‍हय गुस्‍ते ती मेर्ख़ा नू होतारस, अक्‍कुन एकसे निम आसिन मेर्ख़ा नू कानन इरकर, अन्‍नेम आस फेर बर'ओस।”