Mavhesi emuBhaibheri Ane Mukurumbira kubva kuna Marcos 11

Pakurirana nevamwe

Kanya' nin ibarita' ko komoyo, animan a dawaten moyo konan Dios, matkap a magmatalek kamo nin marisibi moyo ket talagan marisibi moyo.

Ibarita' koyti komoyo: No tepren moyo nin kai kamo nin magdwadwa a say ibarita' moyo ket mangyadi', magwa' moyon ibarita' konan sitin talugtog, ‘Gumlat kadsen tan mako ka sa taaw,’ ket mangyadi' a wamoyo.

No dumasal kamo ket main wadi' nin sakit nin nakem moyo sa si'numan, pirdunawen moya yapo' ta pigaw nin pirdunawen nakamo anamaet nin Ama tamo sa langit sa kasalanan moyo.”

Ket wana ni Jesus konra, “Matkap a magmatalek kamo konan Dios.

Mi'sa niyakay nasaray tutawo nin itaw. Wana, “Kai para naisurat a wanan Dios, ‘Si Bali ko ket pangaranan raya nin lugar nin dadasalan ran sarban tutawo kongko’? Bale' si'kamo, ginwa' moyan pididinepan ran mannakaw!”

Saray tutawo ket iti sara sa u'na tan sa suyot na ni Jesus. Mantuma'wa-ta'way sara nga'min a wanra, “Marayo ya! Nabindisyunan nayan Dios a nibaki' na nin manrumate' anadti sawanin kontamo!”

“Binindisyunan naynan Dios a pag'aadi' na nin bilang sa nipag'adi' na ni puon tamon si David sin saytaw!” “Marayo yay Dios itaw sa langit!”