1
मर्कूस 9:23
राना थारु नयाँ नियम
THRNT
येशू बोके जबाफ दइ, “‘अगर तुम कुछ करपात हओ कहेसे’ करके तुम काहे कहात हओ? बिश्वास करन बारेनके ताहीं सबए चीज सम्भब हए।”
Yenzanisa
Ongorora {{vhesi}}
2
मर्कूस 9:24
तओ झट्ट लौंणाको दौवा चिल्लाएके कही, “मए बिश्वास करत हओं। कृपया मिर शंखा हटाए देओ।”
3
मर्कूस 9:28-29
जब येशू और बाके चेला घर भितर चलेगए, तओ बाके चेला बासे, इकल्ले भएबेरा पुछीं, “हम भुतके काहेनाए निकारपाए?” फिर येशू जबाफ दइ, “जा मेलको भुत परमेश्वरसे प्राथनाके बिना आदमीनसे बाहिर नाए निकरत हए।”
4
मर्कूस 9:50
नुन अच्छो हए, पर अगर नुनको स्वाद चलो जएहए कहेसे बोको स्वाद फिर कैसे लामङगे? तुममे नुनको गुण होन पणो और एकदुस्रेके सँग शान्तिसे रहान पणो।”
5
मर्कूस 9:37
“जौन छोटो बालका मैसे एक जनैके स्वागत करैगो और मदत करैगो कहेसे बे मोके प्यार करत हएं। जा मिर स्वागत करोजैसो हए। और जौन मोके स्वागत करैगो बो मोए इकल्लो नाए, पर मोके पठान बारेके फिर स्वागत करैगो।”
6
मर्कूस 9:41
नेहात्तओ मए तुमसे कहात हओं, जौन तुमए ख्रीष्टको हए करके मिर नाउँमे एक गिलास पानी देहए कहेसे बोको इनाम बो पाबैगो।”
7
मर्कूस 9:42
“कोइके फिर, घेँटमे चकियाको पट्टा बाँधके बोके समुन्दरमे फेकदेनो बहुत भारी सजाय हए। पर अगर कोइ फिर, जे छोटे मैसे जो मोएमे बिश्वास करत हएं, बिनके पाप करनके लगबैगो तओ बोके, जासे फिर अग्ठो सजाय मिलैगो।
8
मर्कूस 9:47
अइसियए, अगर तुमरी आँखी तुमके पाप करनके लगात हए कहेसे बोके निकारके फेकदेओ। दुई आँखी हुइके नरकमे जानेसे त काना हुइके परमेश्वरको राज्यमे घुसन तुमर ताहीं ठिक हए।