Mavhesi emuBhaibheri Ane Mukurumbira kubva kuna Петӧм 31

Pakurirana nevamwe

«Тӧд, мый Ме бӧрйи Иуда чужанкотырысь Хур Урилысь Безалел писӧ. Ме тырті Безалелӧс Аслам Лолӧн, сеті сылы мывкыдлун, вежӧр, тӧдӧмлун да кужӧмлун вӧчны быдпӧлӧс уджсӧ. Сійӧ кужӧ вӧчасьны зарниысь, эзысьысь да ыргӧнысь. [Кужӧ кыны кельыдлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь.] Кужӧ вундавны да доргӧгӧравны из, вундасьны пуысь да вӧчны быдсикас кипом уджсӧ.

«Висьтав Израиль пиянлы, мед видзасны Менсьым шойччан лунӧс. Шойччан лун лоӧ пасӧн Ме да тіян костын чужысьяссянь чужысьясӧдз. Та серти ті тӧдмаланныд, мый Ме – Господь, тіянӧс Вежӧдысь.

Шойччан лун лоӧ пасӧн Ме да Израиль костын нэмъяс кежлӧ. Ӧд квайт лун чӧж Господь вӧчис енэжсӧ да мусӧ, а сизимӧд луннас шойччис».