Mavhesi emuBhaibheri Ane Mukurumbira kubva kuna Kolosi 3

Pakurirana nevamwe

Mu doro vajola pale na sela tana goto tinoni beto mu mekarai vaitaleosae vei bi koleona sa kaki vaipaparanga pa vaikorapaimiu. Na Bangara sa taleosonigou sagou ko agou ba mu taleosonia tugu na goto tinoni.

Mu roqu totoniria sira na sakasava pa nulu, nake sakasava pa peso.

Doru roiti qu roitiniria sa mu roiti vataleniria pana bulo jongana, vei qu korapa roiti vaniria nake tinoni goto na Bangara tu.

Na ona tinoni tavilena na Tamasa, na liosomiu beto sa roroqugou isa sagou. Ko sa vei isa sa mu toania agou sa na toa vairoqu, na vajongana lao tadira na tinoni, na vaiketai mule, nake sasuru gobororia ira na tinoni, beto na vera vamomoso.

Na paranga tana Karisito mi toa masuru vatale tamugou, tonai qu vaivagigalai beto qu paranga vaivabalau pana uana tavagigala, beto tonai qu kera paranga jongana laoniria tana Tamasa pa bulomiu sira na kera vinatarasae, na kera lotu, beto na kera tabunadi. Beto doru roiti muna roitiniria, bi pana paranga babi pana uana, sa mu roitiniria pana isongona na Bangara i Jisu beto mu paranga jongana lao tana Tamasa na Tamada ura na tinoni tana Karisito sa gita.

Tadira doru uana aipira sa mu vaokoto laonia sa na vairoqu, isa sa sa aru vaigosorai vataleniria doru sakasa.

Ko qu tei mekarai turu mule tavitia tu na Karisito sagou, ko sa vei isa sa mu nyaqoria agou sira tu na sakasava pa nulu ketakoi sa tavatoqo na Karisito pa kale matuana na Tamasa.

Na bule tana Karisito sa mi totolinia na bulomiu, na bule isa na ginuana sa kukunigou na Tamasa ko qu mekarai kame tinoni. Ko mu paranga jongana lao tana Tamasa.

Ko sa vei sa mu vamateria sira na nyorogua tana pa peso qai kole pa miu toa, vevei na aru vabosi, na roiti valulasa, na nyonyorogua vavabosi, na nyonyorogua ikeredi, beto na isisongo muino sakasava- ura na muino isiongo sa na vatarasaena na tamasa sesekena.

Ura qu tei mate tu sagou, ko kopira tana Tamasa tu sa kole golomo tavitia na Karisito sa na toa tamugou.

Ba kopira sa mu loa paleria agou sira dorudi na roiti ikikeredi pira: na vavaikuo, na vavaikokora, na vavaiikerai lao lame, na vavaipoja vivikere, beto na vavavukele goboroniria na paranga qaike garo.

Muke vaiseseke lao lame, ura qu tei ulu vagore palenia tu agou sa na toa leluna beto doru ona uana ikikeredi beto ko qu tei vasaea tu agou sa na toa koregana isa sa korapa tabei vakorega ko mu isongia sa na gigila vatalea agou sa na kirena isa sa vapodaka na toa koregana.

Agou na marene iviva, mu roroquria sira na maqotamiu ko muke koti sasasururia.

Agou na koburu, mu vataberia pana doru sakasava sira na tinamiu na tamamiu, ura isa sa na uana sa vaqerai na Bangara.

Agou na rereko iviva, mu tuti viketairia sira na marenemiu ko mu toania sisa vei sa garo pana tutina na Bangara.