Mavhesi emuBhaibheri Ane Mukurumbira kubva kuna Mabikiri 2

Pakurirana nevamwe

Pyɛɛri i ǹʼnupwulu tu : « Á ntɔri bi áwɔ bijɛ kiri ra, á i na Kirinŋ tɛ, á fɔn bataa tenŋ tenŋ i á wu Yesu Kirisa tɔ ra, nwɔma Kirinŋ i áwɔ bijɛ kiri tu á tɛ. A ábɛɛ niŋ ma, Kirinŋ a Ɲiniwɔlinŋ ki wɔri ábɛɛ tɛ.

Kabi niŋ shikaŋ, niŋ koŋ kiri i tu arì rakɔli-la, kí i na-ni cindaŋ kiri wɔ wulu ki rama-ni. Kí i tu kalindaŋ kiri wɔ jɛn ki ru. Kí i bwuru ki rucɛn-ni arìmaŋ tɛ, niŋ fa kí i Kirinŋ nafɛ-ri arìmaŋ fan.

Mìŋ manaanŋ tenŋ ki ru, bilinatɔnŋ kiri bataa i faa Ɲiniwɔlinŋ ki ra, kí i arì bo wulu tɔri ri bi sun ŋì i kɛɲɛ Ɲiniwɔlinŋ ki wɔ bimaan ki wu kí tɛ.

Manaanŋ tenŋ nu shinwulu sinaŋ bɛɛ i po kirinpɔli ki ra. Ǹʼwuru faa sinaŋ shinwulu sali. Bilinatɔnŋ kiri wuru fu wɔ̀ ru, ŋì i na niŋ faa. Kí i finŋ bɛɛ ri ja tuunɛninɛŋ ni sali, yìrì i sɔɔ sɔɔ ta kí bataa ŋununu. Mìŋ manaanŋ tenŋ ki ru, bilinatɔnŋ kiri bataa i faa Ɲiniwɔlinŋ ki ra, kí i arì bo wulu tɔri ri bi sun ŋì i kɛɲɛ Ɲiniwɔlinŋ ki wɔ bimaan ki wu kí tɛ.

Jibi woo jibi, kí wuru ta-a Kirinfusinaŋ ki ra, kí i ta Kirinŋ nafɛ-ri ɲakilila tenŋ wu. Kí cunadi wuru niŋ na kusɛbɛ, niŋ fa, kí wuru arìmaŋ fu-a arɔɔ fu kiri ru, kí i bwuru ki rucɛn lu-li arìmaŋ tɛ, kí i arɔɔ nufinŋ kiri nu-ni arìmaŋ fan, ciirudibi fa sunjɛribi wu. Kí wuru Kirinŋ gbɛ-a, kí i ǹʼco-ri awɔ shɔɔrinŋ ki bira waarinŋ bataa ru. Kí bi i di koŋ bataa tɛ. Ŋuntiŋ ki wuru nwɔ̀ri mwu-a, nini wuru bo-a bilinatɔnŋ kwuru ki sun jibi woo jibi.

‹ Waaci rakɔɔra kiri ra, míŋ a na ńʼƝini ki jɛri konanmini bataa sun. Ábɛɛ danshuru kiri fa á danmari kiri ra na cintɔnbi wulu bi. Kirinŋ a na finŋ bɛɛ ri ji ábɔɔ ɲɔrɔkɔ kiri wu. Áwɔ cɛɛnni kiri i jii ri tan.

Bilinatɔnŋ kiri bataa fu wuru-i. Koŋ tɔri tenŋ wuru awɔ finŋ ji-a a tenŋ wɔ kì. Kí wuru arì gbɛfɛfinŋ kiri bataa lu-a arìmaŋ tɛ. Niŋ ɲaan ki tɛ, kí wuru arì gbɛfɛfinŋ kiri ju-a, kí i ǹʼjalinŋ ki rulu-ri arìmaŋ tɛ ŋì i kɛɲɛ kɔ́ɔ́ ŋununu bi kiri wu.

Niŋ waaci ki ru, koŋ finŋ woo finŋ a na Ŋuntiŋ ki dɔri, ŋì a na nintiŋ mwu. ›

Sunŋ ki ra, mani ki a na ji mancinŋ i. Ɲɛ ki i kilɛn miŋ tu cunŋ. Niŋ bataa kɔɔtɛ, Ŋuntiŋ ki pwulu na jibi ki a na so. Niŋ jibi ki a na ji jibi sinaŋ i, nwɔ̀ nɔɔri gbɛ-i.