Mavhesi emuBhaibheri Ane Mukurumbira kubva kuna SANTIAGO 2

Pakurirana nevamwe

Juꞌ tzunj, min tzꞌajben kocslabl ka nuk nko yolen at kocslabl pero min ma txiꞌ kyeecꞌan ka at-xix kocslabl tuꞌnj baꞌn tzin kbinchaꞌn.

Cytzkiꞌna cyimne taꞌ jun xjal mintiiꞌtl t-xew. Jaxsen juꞌx cyocslabla, cyimne taꞌ ka mintiiꞌ baꞌn ma bint cyuꞌna.

Key ocslal, cxeꞌl nkanena cyey, ka at jun xjal tzin tkbaꞌn at tocslabl tiꞌ Dios, pero ka mintiiꞌ tonbil nbint tuꞌn tiꞌ juntl, ¿titzen tajbel tocslabl? ¿Jacꞌapa clet ka min tzꞌajben tocslabl?

Nchi ocslana junx Dios at, bix baꞌn ja lu. Pero cꞌoquel cycꞌuꞌja tiꞌj jax juꞌx ke biman ocslaꞌn cyuꞌn junx Dios at. Pero min tzꞌajben cyocslabl, cuma min nchi binchan baꞌn bix juꞌ tzunj nuk nchi luꞌlen tuꞌn ttz̈i cyiꞌj.

Pero kape at jun cyxola nbaj tcꞌuꞌj tiꞌj ja yol luwe, bix nxiꞌ tkbaꞌn cyjulu: “At caꞌba wik ocslal. At juun at nim cyocslabl, bix at juuntl at nim cybinchben baꞌn,” tz̈i tzunj xjal yaaꞌn jax tuꞌn. Pero cxeꞌl nkbaꞌna te, ka mintiiꞌ tbinchben baꞌn jun xjal, mintzentiiꞌ tyecꞌbil ka at tocslabl tiꞌ Dios. Pero ka baꞌn nbint tuꞌn, nyeecꞌantzen at tocslabl tiꞌ Dios.

Ka mintiiꞌ lastim cyuꞌna cye xjal, jax mintiiꞌ lastim tkꞌaꞌ Dios cyey oj cyoca tuj xkel twitzxin. Pero ka ma tzaj kꞌakꞌen cycꞌuꞌja cyiꞌ juntl, tzul kꞌakꞌan tcꞌuꞌj Dios cyiꞌja oj cypona twitzxin.

Juꞌ tzunj, key hermano, il tiꞌj qꞌuelel cyniꞌya tiꞌj ka jiquen eteꞌy twitz Dios ka at yecꞌbil te cyocslabla tuꞌnj cybinchbena, bix yaaꞌn nuk tuꞌnj cyocslabla bix ka mintiiꞌ cyakꞌbila ma bint.

Tzinenxsen taꞌ junx eteꞌ tbinchbenxin tuya tocslablxin, bix tuꞌnj e bint tuꞌnxin, e tyeecꞌaxin tocslablxin tzꞌaklxix.