Mavhesi emuBhaibheri Ane Mukurumbira kubva kuna HEBREOS 13

Pakurirana nevamwe

Miꞌn ko cub ten nuk kkꞌinemal kaj. Miꞌn tziyꞌ tuj kcꞌuꞌj tisenj te kuya at, sino ko temel tuj tumel tuya alcye chꞌin at kuya, nimle, chꞌinle. Miꞌn tzꞌoc ke kcꞌuꞌj tiꞌ pwak, cuma ja Dios cꞌojlal ke. Tz̈i Dios: “Te junx maj mlay chi cyaj nkꞌoꞌna bix mlay chi el wiqꞌuena.”

Bix cwel kbisen tisenj cye. E cykba cyjulu: “Tuj tneel bix jaꞌlewe bix te yaj Jesús jax. Mlay tchꞌixbe tnaabl,” tz̈i ke t-akꞌanal Dios nejl.

Juꞌ tzunj baꞌn t-xiꞌ kkꞌumen tuya cykil kcꞌuꞌj jyol lu tuj tyol Dios: “Ja Kman Kaaw onl te ke. Juꞌ tzunj mintiiꞌ ttz̈i kiꞌj alcye cꞌoquel cybinchaꞌn xjal kiꞌj.”

Bix miꞌn tzꞌel tuj kcꞌuꞌj tuꞌn kbinchante jun baꞌn bix tuꞌn tbaj konen kiib. Juꞌx jlu jun oybil baꞌn t-xiꞌ kkꞌoꞌn te Dios, bix baꞌn tuj twitzxin.

Juꞌ tzunj, cuma tuꞌn Jesús at koclen tuꞌn kpon tuya Dios, cxeꞌl kkꞌoꞌn chjonte te Dios bix cjawel kniman tbi bix ko bitzen te Dios. Oj tbint jlu kuꞌn, jatzen jun oybil nxiꞌ kkꞌoꞌn te Dios.

Cykilca koꞌ cꞌoquel kcꞌuꞌj tiꞌj knajleꞌn. Baꞌn tuj twitz Dios oj najben t-xuꞌl xinak te te twetbil ka ti taj xinak tuya t-xuꞌl, bix juꞌx te xuuj tuya tchmil. Katzen nko jyon juntl pajbaj, ja tzunja yaaꞌn baꞌn tuj twitz Dios. Ckꞌol Dios castiwa ka chꞌimacꞌa xuuj tzyuꞌn tuꞌn jun xjal yaaꞌn najlel, bix juꞌx kej najlel ka nchi jyon juntl cypaj.

Cxeꞌlxix kcꞌuꞌj tiꞌ jun xjal oj tpon kja. Miꞌn tzꞌetz klomoꞌn kja cywitz. Tuꞌn nxiꞌ kkꞌoꞌn posada te juntl, kape jacꞌa kiikꞌ jun nim xtalbil. Juꞌ e baj nejl. At juun xjal e xiꞌ kꞌonte cyposada te cab xjal min cytzkiꞌn xjal cywitz, bix yaj eltl cyniyꞌ tiꞌj ángelke.

Key hermano, Dios o tzꞌoc tuj jun nintzaj bix acꞌaj trat nincꞌuꞌn tuꞌn tcyamecy Jesús, bix o jaw titzꞌjsaꞌnxin Kaaw Jesús tuj cyamecy, bix o tzꞌoc tkꞌoꞌnxin Jesús te nintzaj cylel ke. Ja jun Dios tzin tkꞌoꞌn nim tbanel. Nuket chi cub tena tuj jun baꞌn cynaabla, tuꞌn tbint cykil tajbil Dios cyuꞌna. Bix nuket cyaja tuꞌn takꞌanan Dios tuj cyanema tuꞌn cycyaj tzꞌaklxix cynaabla. Tuꞌn Jesús nakꞌanan Dios tuj cyanema. ¡Nimjxit tbi Jesús te junx maj! Nuket juꞌwa.