Mavhesi emuBhaibheri Ane Mukurumbira kubva kuna EFESIOS 3

Pakurirana nevamwe

¡Ko nimanxit tbi Dios! ¡Jawnexsen tipemal Dios! Bix tuya nim tipemalxin nakꞌananxin tuj kanem. Mintiiꞌ jun miꞌnt bint tuꞌnxin. Baꞌn tuꞌn ttzaj tkꞌoꞌnxin mastl twitzj nxiꞌ kkanen, bix mas baꞌn nbint tuꞌnxin twitzj ncub kbisen. ¡Nimjxit Dios te junx maj kuꞌn, ejooꞌ t-xjal Dios at kmojbabl kiib tuya Cristo Jesús!

Bix jawnexsen tbixin. Ojtzen nchin naꞌna Kman cyiꞌja, tzin nkaniya texin tuꞌn ttzaj tkꞌoꞌnxin tipemalxin tuj cyanema tuꞌn Espíritu Santo, tuꞌntzen tcyiwset cyanema. Bix nchin kanena te Dios tuꞌn toc ke cycꞌuꞌja te junx maj tiꞌj Cristo, tuꞌntzen tten Cristo tuj cyanema. Ka wiꞌl cyocslabla tiꞌj Cristo tuj cyanema juꞌwa, cyiwtzen taꞌ tkꞌakꞌbil cycꞌuꞌja, tisen jun tzeeꞌ min yucch ka wiꞌl tlocꞌ junx maj tuj txꞌotxꞌ. Ka nbint cyuꞌna juꞌwa, ejeeꞌy ocslal cyuyax cykil niyꞌtl ocslal qꞌuelel cyniꞌya tiꞌj niyꞌ chꞌin pomnina baj tkꞌakꞌbil tcꞌuꞌj Cristo. Mlay bint tmloj cuma nimxsen. Ojtzen tel cyniꞌya tiꞌj jtkꞌakꞌbil tcꞌuꞌj Cristo, amale mint tzꞌel cyniꞌya tiꞌj entera, jax ctzketel cynaabla tisen taj Dios.

Bix at kmojbabl kiib tuya Cristo tuꞌnj kocslabl tiꞌj. Juꞌ tzunj tuya cykil kcꞌuꞌj bix mintiiꞌ ttz̈i kiꞌj, baꞌn tuꞌn kocx twitz Kman Dios.