Mavhesi emuBhaibheri Ane Mukurumbira kubva kuna Svun Lucas 7

Pakurirana nevamwe

Yech'o un chacalbe ava'i, ac'u mi ep tajmec smul li antse, lavie ac'bil xa ta pertonal ta xcom, yu'un sc'anojon ta jmec, yan ti much'u jutuc no'ox ac'bil pertonale mu másuc chac' ta ilel ti ch-c'anvane ―x'utat yu'un Jesús ti Simone. Ts'acal to xi iyalbe ti antse: Acbilot xa ta pertonal scotol lamule ―xut.

Ti Jesuse xi to iyalbe noxtoc ti antse: —Ta scuenta ti lec ach'unoje ja' la col o; batan, junuc avo'on ech'el ―x'utat.

Ti antse tey x'oq'uelet c'otel ta yoc ti Jesuse, ispocbe ta ya'lel sat li yoque, ja' o iscusbe ta stsatsal sjol, isbuts'be li yoque, ti c'alal ilaje iscoconbe ta yoc li perfumee.

yech'o ti mu smeloluc ica'i ti chtal jc'oponot jtuque. Ja' no'ox alo ac'op ti ac'u coluc li jmozoe. Yu'un li vo'on uque mantal no'ox ta jch'un yu'unic ti much'utic más tsotsic yabtel cu'un uque, ja' no'ox yech li vo'on uque mantal no'ox chcalbe li cajsoltarotaque. C'alal batan chcut junuque, ta xbat; c'alal la' to, mi xcut li june, chtal; c'alal oy c'usi chcalbe spas li jmozoe, ta spas.» —Xiyutoticotic tal xiic ti much'utic lec sc'opone. Ti c'alal iya'i ti Jesuse, xch'ayet xa yo'on, ijoyij isq'uel li crixchanoetic tey nap'ajtic tale, ja' yech iyalbe chac li'i: ―Chacalbe ava'iic ti muc'bu jtaoj junuc li' ta Israele, ti lec xch'unoj chac c'ucha'al li vinic li'i. —Xi.

Ti Jesuse ja'o xyaquet ta xet'esbe xchamel ep crixchanoetic ja' ti much'utic tsots svocolic tajmeque, ti much'utic ochem pucuj ta yo'onique, xchi'uc ti ma'satetique. Ja' o itac'batic yu'un ti Jesuse: —Batanic ba albeic ya'i li Juane ti c'usi avilique xchi'uc li c'usi ava'iique. Albeic ya'i ti ijam xa sat li ma'satetique, li coxoetique lec xa chanavic, i'ech' xa xchamelic ti much'utic ipic ta leprae, ijam xa xchiquin li pac'chiquinetique, ti much'utic chamemic xa'oxe icha'cuxiic xa, li me'onetique icalbeic xa ya'iic li lequil ach' c'ope.