Mavhesi emuBhaibheri Ane Mukurumbira kubva kuna MAROMU 14

Mana Utawalizi wa Mungu tsi ɗe uɗya na unwa, ɓadi ɗe uhaki, amani, na furaha, ha iRoho Ndzitwaharifu. Uwo amurumishiao Kristi ha inamuna iyo, waye umujiv̄ia Mungu, tsena ukuɓaliwa na uwanadamu.

Mana neka risuẽshi, v̄av̄o risuẽshi ha isifa ya Mola, na neka risufa, risufa ha isifa ya Mola. Ɓasi neka risuẽshi, au risufa, wasi wa Mola.

Ha izo, nariɗunge izo ziv̄ingao amani, tsena zitsorisaidio wasi na wasi rendre mbeli.

Ɓasi rasunamuwane tsena wasi na wasi, ɓadi v̄av̄o namurenge ãzima amba mwasuke siɓaɓu ya ukwalisa munyawe, au ya umutria hari mwa dhambi.

Mana v̄uangihwa moni mwa uMuangishio: «Ha ikweli nilio hayi, arongoa Mola, kula mutru atsovundza malondro mbeli zangu, na kula hanyo itsokuɓali amba wami Mungu.» Ha izo, kula moja hari mwasi atsodzieledza mbeli za Mungu ha iwaye yahe.

Namurenge ha uzuri uwo kasina uaminifu muhodari, wala musushindrane yahusu fikira zahe.

Wawe ɗe mbani ata unamuao murumishi wa mutru wangina? Neka amba ahimi hari mwa urumishi wahe, au awu, yao mashuhuli ya umurumisa wahe. Na waye atsosimamia uhima, mana Mola ana ushindzi wa umusimamisa.