ကွဲ့ ဘူင် အာရိုပ် တဝ်း၊ န့ မုး ဇဝ်ဖြာ။ ဘော မုး အာမျုဝ် အီ ကွယ် ခဲင် ဂါင်ဟြာဝ် ဘော အာမျုဝ် အီ ကွယ် ဒဲင် ကာဒါယ် ဘော အာမျုဝ် အီ ကွယ် ခဲင် အိုမ်၊ ဘေ ကွဲ့ ဒိုဝ်း ကြုဝ် ဂေ တီ၊ ကွဲ့ ဘူင် အာရိုပ် မာဆေ၊ တဝ်း ဒီ ကြိုပ်။ ကွဲ့ ကြိုပ် အာရိုပ် မျုဝ် မှဝ်။ ကွဲ့ ဂူမ် ဒီ အာတ့် အာရိုပ်၊ တဝ်း န့ ဘွတ်။ အုဝ် မုး အန် ဇဝ်၊ အုဝ် ဟဲ့ မုး ဇဝ်ဖြာ ပီ ကြိုပ် ဘေ။ အုဝ် ယီ တူ ခမ် ဘေ ကြိုပ် ဘဲန် မျုဝ် ဘဲန် မျုဝ်၊ တဝ်း န့ မုး ဇဝ်ဖြာ။ အာဆေ ယီ တူ ဒူပ် အုဝ်၊ အာဆေ ဇွင့် အုဝ်၊ အုဝ် ဒီ တဲး န့ ဘဲန် မှာပ် ဒီ အန်၊ တဲး ဘော လှုက်လှာန် အန် လုဝ် ခမ် မှာပ် တီ၊ တဲး န့ ကော နုဝ့် အူယ် စုဝ်၊ ဖွုန် စုဝ်။