Mavhesi emuBhaibheri Ane Mukurumbira kubva kuna રોમન પત્રો 2

Pakurirana nevamwe

ઓ દોષ લાગવુનારાહા, તુ જો એહેડે-એહેડે કામે કેનારાપે દોષ લાગવોહો, આને પોતે તે કામે કીહો, કાય ઇ હોમજોહો કા તુ પરમેહેરુ દંડુ હુકુમુ વાચાય જાહો? કાય તુ પરમેહેરુ ભલાય આને તીયા સહનસીલતા, આને ધીરજરુપી મિલકતુલે નક્કામો જાંહો? કાય ઇ નાહ હોમજુતો કા પરમેહેરુ ભલાય તુલે પાસ્તાવો કેરા હિક્વેહે?

ઈયા ખાતુરે દોષ લાગવુનારા. તુ જો બીજાપે દોષ લાગવુતોહો તુ કાય બાનો નાહ કાડી સેકતો, કાહાકા તુ જીયુ ગોઠી ખાતુરે બીજાપે દોષ લાગવોહો, તીયુજ ગોઠીમે પોતાલે બી દોષી બોનાવોહો, ઈયા ખાતુરે તુ જો દોષ લાગવોહો, પોતે બી તેંજ કામે કીહો.

કાહાકા પરમેહેર બાદા લોકુ આરી એક સારકો વેહવાર કેહે.

કાહાકા પરમેહેરુ નજરીમે મુસા નિયમ ઉનાનારા ધર્મી નાહ, પેન તીયાપે ચાલનારા ઠેરવામે આવી.

પરમેહેર બાદાહાને તીયાં કામુ અનુસાર ઇનામ આપી.

પેન જે લોક પોતાજ ફાયદા વિશે વિચારતાહા, આને સ્ત્યલે નાહ માનતા, પેન ખોટે કામે કેતાહા, તીયાપે પરમેહેર પોતા ક્રોધ દેખાવી આને તીયાહાને દંડ આપી.

પેન તુ પોતા કઠોરતા આને હઠીલા મનુ લીદે, તીયા દિહુલે જાંહા પરમેહેર પોતા ક્રોધ જાહેર કી, જીયામે તીયા હાચા ન્યાયુ દિહ તોઅ તુમનેહે આજી વાદારે દંડ આપી.