Mavhesi emuBhaibheri Ane Mukurumbira kubva kuna કલોસ્સીઓ પત્રો 3

Pakurirana nevamwe

કાદાચ કેડાલે કેડાપે બી દોષ લાગવા કારણ વેઅ, તા એક-બીજા વેઠીલ્યા આને એકબીજા અપરાધ માફ કેરા: જેહેકી પ્રભુહુ તુમા ગુનાહ હાને માફ કેયા તેહેકીજ તુમુહુ બી કેરા.

તોરતી પેન નાહ પેન હોરગામેને વસ્તુપે ધાય્ન લાગવો.

જો કાય તુમુહુ કેતાહા પુરા મનુકી કેરા, ઇ હોમજીને કા માહા ખાતુરે નાહ પેન પ્રભુ ખાતુરે કેતાહા.

ઈયા ખાતુર જાંહા પરમેહેરુ તુમનેહે પવિત્ર વેરા ખાતુરે પંસદ કેયાહા આને તુમનેહે પ્રેમ કેહે, તાંહા મોડી કરુણા, આને ભલાય, ગરીબાય, નમ્રતા, આને સહનસીલતા ધારણ કેરા.

દરેક સમય ખ્રિસ્તુ સંદેશુ વિશે વિચારતા રેજા, આને પુરા જ્ઞાનુ આરી એકબીજાલે હિક્વા આને ચેતવણી ધ્યા. આને પોત પોતા મનુંમે ધન્યવાદુ આરી પરમેહેરુ આરી પરમેહેરુ ભજન આને સ્તુતિ ગીતે આને આત્મિક ગીતે આખા. જો કાય તુમુહુ આખાહા કા કામ કેતાહા, આખો પ્રભુ ઇસુ ખ્રિસ્તુ નાવુકી કેરા આને તીયા મારફતે પરમેહેર પિતા ધન્યવાદ કેરા.

ઈયા બાદા ઉપે બાદા કેતા જરુરી કામ જો તુમનેહે કેરા જોજે, તોઅ ઇ હાય કા એકબીજાલે પ્રેમ કેરા, એહેકી કીને તુમુહુ પુરી રીતીકી એક મનુ વી જાહા.

જેહેકી પરમેહેરુહુ ખ્રિસ્તુલે મોલામેને ફાચે જીવતો કેયો, તેહેકીજ તુમુહુ બી ખ્રિસ્તુ આરી જીવતા કેરામે આલા, તા તીયા ઈચ્છાલે પુરી કેરા જો પરમેહેરુહુ તુમા ખાતુરે હોરગામે થોવ્યોહો, જીહી ખ્રિસ્ત બોઠલો હાય. આને પરમેહેરુ હુદીવેલ બોઠલો હાય.

તે શાંતિ જે પ્રભુ ખ્રિસ્ત આપેહે તીયુલે તુમા રદયુમે રાજ કેરા ધ્યા, કાહાકા તુમુહુ બાદે એકુજ શરીરુ અંગ હાય આને ઈયા ખાતુરે એકબીજા આરી શાંતિકી રાં ખાતુરે હાદવામે આલાહા આને તુમુહુ ધન્યવાદ આપનારા બોની રેજા.

ઈયા ખાતુરે તીયા ખારાબ કામુહુને કેરા બંદ કી ધ્યા, જે તુમા પાપી સ્વભાવુ આરી જોળાલે હાય, એટલે વ્યેભિચાર, અશુદ્ધતા, ખારાબ વિચાર, ખારાબ લાલચ, આને લાલચી માઅ બોનાહા, ઇ મુર્તિ પુજા બરાબર હાય.

કાહાકા તુમુહુ પોતા પાપી સ્વભાવુ ખાતુરે મોય ગીયાહા આને તુમા જીવન ખ્રિસ્તુ આરી પરમેહેરુ દોબાવી રાખ્યોહો.

પેન આમી તુમુહુ ઇયાહાને, એટલે ક્રોધ, ગુસ્સા, દુશ્મની, નિંદા આને બીજાહાને મુયુંકી ગાય દેવુલો છોડી દાંઅ જો.

એકબીજા આરી ઝુટો માઅ ગોગાહા, કાહાકા તુમુહુ પોતા જુનો પાપી સ્વભાવ આને બાદે ખારાબ કામે છોડી દેદેહે. આને આમી તુમુહુ એક નવે માંહે બની ગીયેહે, ઈયા ખાતુરે ઓ નવો સ્વભાવ આને વાદારે-વાદારે પોતા બોનાવનારા હોચે નવો બનતો જાહે કા તીયાલે હારકી હોમજી સેકે.

ઓ કોઅવાલાહા, પોત-પોતા કોઅવાલા આરી પ્રેમ રાખા આને તીયા આરી નમ્રતાકી રેજા.

ઓ પોયરાંહા, જો કાય બી તુમા યાહકી-બાહકો તુમનેહે કેરા આખે, તીયાલે કેરા કાહાકા પ્રભુ ઇયાકી ખુશ વેહે.

ઓ કોઅવાલીહી, તુમુહુ પોત-પોતા કોઅવાલા આધિનુમે રેજા, કાહાકા પ્રભુ લોકુહુને એહકી કેરુલો હારો હાય.