Mavhesi emuBhaibheri Ane Mukurumbira kubva kuna Apokalipsis 7

Pakurirana nevamwe

Dai bhodïrï tïï aanï sïïrhikïdï mui naana maaxi odami bïïxi aipakoga oidigi daamaiñdïrï óídakami. Ami gukatadai ïgai go gïï daikarui buidïrï xako sonoana kïïka go Arhi Kañiru tïgidukïdï. Mai bhaigakatadai tomarhi ïmadutai xi ïkaldagi go odami mos ïï muidukatai ïgai. Gukatadai odami bïïxi gïgïrï kiikiañdïrï óídakami tudu dai bïïxi go naana maaxi ñokadami saagidañdïrï dai gïn aadati ïgai yukuxi totoakami dai dagï guka ïgai soubarhi aagadï.

Dai gïgïrï iñakimi ïgai ami gukakatai daidi ikaitimi, —Aa gia gï agai xi xadutuada aatïmï Diuxi go gïï daikaruana dakïdï dai go Arhi Kañiru agaikïdï ïpï. Ïgai tudu ïgai dai kïïgakïrï gïr bubaitu— ikaitimi.

Go Arhi Kañiru ix makïdï go gïï daikarui sonoana kïïka ïgai dai nukadakamu ïpïan dukai xi ïmo odami nukadai sosoigadï kañiñiru. Bhaitï imimu ïgai dai tïïgidamu xajadïrï busanïi go sudagi ixtukïdï kïïgakïrï óídakana odami bïïxkïrï bïïtarï. Dai Diuxi buañimu suañibharudï xi ka mai soi gïn ïrhiada ïgai tomarhi ïmo imidagai— ikaiti go bhaitï kïakami.

—Kaxkïdï xibi Diuxi daikarudï buidïrï daraka gobai kïïga buaboidaitai. Dai ami Diuxi kiidïrï mai dagitokai xadutudai ïgai Diuxi modukai tasïrï dai tukarï. Dai Diuxi kïïga nukadakamu ïgai. Kaxkïdï xibi ka mai bhiugikoñikamu ïgai tomarhi ïmo imidagai dai mai tonokoñikamu. Dai ka mai soimaaxi taatamu gobai tonorhigaikïdï.

potïtïdai ïgai, —Maiti abïr xia buada oidigi tomarhi go gïï sudagi tomarhi go uxi kia. Gï agai xi kokobadïrï tïpaltuda aatïmï Diuxi pipioñigadï kia— itïtïdai. Dai aidïxi ka naato tïpaltu ïgai Diuxi pipioñigadï kaï aanï ïmo ñoki aagaitai ix xïïkidu ïgai. Ïmo ciento dan gokobhai dan maakoba mirhi pipioñigadï Diuxi tïpaltu ïgai aidï.