Mavhesi emuBhaibheri Ane Mukurumbira kubva kuna Hebreos 7

Pakurirana nevamwe

Kaxkïdï bia ïgai gubukarhigai ix kïïgakïrï bubiadagi odami ix makïdï urapïkïdagi Diuxi buaboitudaitai ïgai Suxi Kristo. Bïïxkïrï bïïtarï daja Suxi tudu dai bïïxkïrï bïïtarï apia gadaanturhiada agai ïgai xorai urabagi.

Suxi Kristo tudu ïr go adaama kïïgadukïdï dadaxdadami ix makïdï bamioma kïï bhaiga ix gïr soikïdagi. Kïïga ïko daja ïgai go soimaaxkamiañdïrï tudu mai biakatai ixtukïdï gïpiïrï kaatïkagi. Kïï buañixi ïgai dai ka ïkobai daja ïgai soimaaxi ibuadamiañdïrï amïï tïbagiana dakatai ïgai. Dai bïïxi adaama bia ïgai xadutudaragai amïka tïbagiana dakatai ïpï.

Daiñi, go ïïkidadï bhaitï gukakamigadï go dadaxdadami biakana ix bïïx tasai daxdadagi buxtaki. Po buadana ïgai bhai buada ïrhiditai ïïgi soimaaxkamigadï bïïtarï dai go óídakami soimaaxkamigadï bïïtarï ïpï. Dïï gia Suxi mai bia xi pobuadagi. Ïgai gia mosïkaxi ïmo daxdaragai idui ix makïdï bïïxkïrï bïïtarï namïga. Podukai idui ïgai aidïxi ïïgi gï dáí ïgai ïmo daxdaragai dukai gïr soimaaxkamiga bïïtarï. Ïgai tudu ïr go dadaxdadami bïïxi adaama kïïgadukïdï ix makïdï tïgitokatadai aatïmï.