Mavhesi emuBhaibheri Ane Mukurumbira kubva kuna Looma 12

Pakurirana nevamwe

A liduukala bipfu bya baatu ba tsi mo yiniiyi ve. Ka nyahaani Nzambi akitusa benu na uva benu buyedi bu bunyatihi. Na benu sa litsikaha litondo la Nzambi: ma mabwe ma nde hatondo, na ma masupahana.

Baana ba ngu, mu tooni ati, Nzambi amiimweese bubwe bwa nde mu bisu, me ndi mu upondo huli benu, mu uyeholo nde nyutu a benu we bungodu bwa moonyi, bwa ngidi, bu Nzambi husilasa. Buuna, benu sa liyuusa Nzambi we bu hwafwana.

Baani na kinya mu tooni a hiitu hya benu. Baani na mukami mu taangu a pasi, baasambilaani na mukonono.

A nyaha bubi bubiingala we ve, ka nyaha we ba mubiingili a libi mu libwe.

Luulaani mu litondo bana mu bana, we binama bya buli limosi; Baani batsomi mu ukiinza bana.

Nyaha litondo liba bibaayaka laavele na muwala. Belelaani bubi, kangamaani mu ma mabwe.

Tso benu litwali ukuhasa buuna, mu iteesi hi hyahwama na benu, baani mu hyenze na baatu boosi.

Bambaahi ba litondo, a lifutala piinga huli ba bubavangila benu bubi ve, ka nyahaani Nzambi amweese kesi a nde. Mu tooni ati basonehe bunuubu: «Me ni wu ufutala piinga, me ni wu ufutala huli pasi muutu we bu hu bibaayaka mavaanga ma nde», buleeli Pfumu.

Baani na lehemene mu isalu, ka a liba babolo ve. Salilaani Pfumu mu mutima a benu woosi.

Mu tooni bungodu bu Nzambi hava me mu bubwe bwa nde, me ndi mu upondo huli pasi nde mu benu, mu uveletsima ti nde alutaala bana. Ka nyaha pasi muutu mu benu aba we bu huli iteesi hya kabu bibaayaka imiinu hi Nzambi hava nde.

A lifutala ma mabi mu ma mabi ve, ka hwadaani mu ubasa ma mabwe ŋa busu bwa baatu boosi.

Baani mu hyenze ŋa hati la benu. A liba na peyu mu bi byasyenoho ve, ka baasahaani bi byavelemonehele ŋa miisu ma baatu. A limonehele we bangeele benu mwakulu ve.

Na nde abweleele bunuubu: «Tso muboho a we bibaayaka na nzala, va nde byudya. Tso nde bibaayaka na peyu, va nde byunywa. Mu tooni a ŋa we bibaayaka mu usa buuna, we bibaayaka mu ukuukaha nde makala ma mbaahu ŋa yulu mutswe.»

Vondelaani ba bali mu utsuta benu lisyeme la Nzambi. Vondelaani bo lisyeme, ka a livondele bo musingu ve. Baani mu kinya na baatu ba bali mu kinya, na lilaani na ba bali mu ulila.

Baakumbasaani banga imiinu ba bali na nzala likumbasa, na bayakaani bubwe taangu yoosi, ba bali mu uya mu manzo ma benu.

Buuna, mu nyutu ndulu mosi, bisu lili na binama bi bilahi. Ka pasi inama na isalu hya hyo. Bumosi kaka, tso lili ba balahi, bisu a benu lili nyutu ndulu mosi itwadi na Kristo, na lili itwadi bana na bana we binama bya nyutu ndulu mosi.