1
От Иоанна 14:27
Новый Завет на эскимосском языке
ess2
Унивикамси ныкыхмылъыӷмың. Ныкыхмылъқа тӯнақа лъпысинун. Нунам тӯнылъҳатун тӯныӷитамси. Ынка̄м илюси сыӷлылӣҳтыстыхпынаки талўа алиңыхпынаси.
Yenzanisa
Ongorora {{vhesi}}
2
От Иоанна 14:6
Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.
3
От Иоанна 14:1
Иисус пиля̄тақақ: «Қа̄мнаси сыӷлылӣҳтыстыхпынаки, сиӷимакитыху Кияӷнық, сиӷимакитыңъа хўаңалъю.
4
От Иоанна 14:26
Каютым апыҳтуҳлъықӣси сямың тамаҳа̄ның. Нықаҳтыслъықӣ қамахлъюки тама̄кут а̄пқанка лъпысинун. Та̄кук Каютык Аглыӷналӷӣңӯк Таӷныӷак, Атам каяхсяҳқакык Атымкун.
5
От Иоанна 14:21
Китум тугуклъиқумики қылӷусянка, қа̄ткыхкумикилъю, пиниқистыкақа, Атамалъю пиниқылъықа̄. Хўаңалъю пиниқылъықақа, лӣтыслъықуңалъю лъңанун».
6
От Иоанна 14:16-17
А̄плъықақа Ата тӯнысқылъюси алъяның Каюткаҳқамың, ынка̄м тӯнылъықӣси Каюткаҳқамың лъпысинисяҳқамың қӯнпырухлъяк. Та̄кук Каютык Таӷныӷа̄гук апыҳтуҳлъықӣси Кияӷныӷым ипапилъҳаның. Нунам юган тугуклъиӷна̄нӷита̄ қаюҳлъяк ысҳӣгалъкаңа талўа налъюкыхкаңа. Иўырңа лъпыси лӣсимакаҳси қаюҳлъяк лъпысинитуқ, илюхпысинисяҳқа̄гуқлъю.
7
От Иоанна 14:13-14
А̄птыкуфси сямың алңунак Атымкун лыган пилъықақа, Атам а̄ңылъыҳлъяга кылгутысқылъюку Иӷныӷакун. Сямың алңунак а̄птыкуфсиңа Атымкун пилъықақа».
8
От Иоанна 14:15
«Пиниқыхкуфсиңа қа̄ткылъықаси қылӷусянка.
9
От Иоанна 14:2
Угля̄пихтуқ ныкаҳқақ Атама мыңтыӷа̄ни ынка̄м ята̄ҳқусяҳтуӷнақамси ныкаҳқамың. Таўатынъыӷисяқан уңипа̄нъаянӷитамси.
10
От Иоанна 14:3
Ята̄ҳқунъыӷмың апыӷӣқумси тагинқихлъюңа тугуклъиҳлъықамси, хўаңамнитысқылъюси кияҳфимни.
11
От Иоанна 14:5
Фомам пика̄ Иисус: «Атанық, налъюкаҳпут навык пинақутын ынка̄м натынңам лӣсимакылъықыстыху тума?»