Mavhesi emuBhaibheri Ane Mukurumbira kubva kuna ኀበ ሰብአ ሮሜ 6

Pakurirana nevamwe

እስመ ተግባራሰ ለኀጢአት ወረባሐ ዚኣሃ ሞት ወለጸጋ እግዚአብሔርሰ ሕይወት ዘለዓለም በእግዚእነ ኢየሱስ ክርስቶስ።

ወኀጢአትሰ ኢትኴንነክሙ እንከ እስመ ወፃእክሙ እምገቢረ ሕገገ ኦሪት ወገባእክሙ ውስተ ጸጋ እግዚአብሔር።

ወተቀበርነ ምስሌሁ ውስተ ጥምቀት በሞቱ ከመ በከመ ውእቱ ክርስቶስ ተንሥአ እምዉታን በስብሐተ አቡሁ ከማሁ ንሕነኒ ናንሶሱ ውስተ ሐዳስ ሕይወት።

ወኢትረስይዎ ለነፍስትክሙ ንዋየ ሐቅል ለዐመፃ ወለኀጢአት አላ ረስዩ ርእሰክሙ ለእግዚአብሔር ከመ ዘተንሥአ እምዉታን ወለነፍስትክሙ ለእግዚአብሔር ንዋየ ሐቅል ለጽድቅ።

ወዘንተ ባሕቱ አእምሩ ከመ ብሉይ ብእሲነ ውእቱ ዘተሰቅለ ምስሌሁ ከመ ይስዐሮ ለነፍስተ ኀጢአት ወኢይገብእ ዳግመ ይትቀነይ ለኀጢአት።

ወከማሁ አንትሙኒ ረስዩ ርእሰክሙ ምዉታነ ለኀጢአት ወሕያዋነ ኩኑ ለፈቃደ እግዚአብሔር በእንተ እግዚእነ ኢየሱስ ክርስቶስ።

ምንተ እንከ ንብል ንግበርኑ ኀጢአተ ከመ ይፈድፍድ ጸጋሁ ለእግዚአብሔር ሐሰ። አኮኑ ወዳእነ ሞትነ እምኀጢአትነ እፎ እንከ ንክል ሐዪወ ባቲ።

ወኢተአምሩኑ ከመ ለዘተአዘዝክሙ ወለዘሂ ኦሆ ትቤሉ አግብርቲሁ አንትሙ ወውስተ ዘኀበርክሙ ሎቱ አቅነይክሙ ርእሰክሙ እመሂ ለኀጢአት ኦሆ ትብልዋ ወኀበርክሙ ተአብሱ አግብርቲሁ አንትሙ ትከውኑ ለሞት ወእመሂ ለጽድቅ ኦሆ ትብልዋ ወኀበርክሙ ውስተ ሠናይ አግብርተ እግዚአብሔር አንትሙ።

እኩት እግዚአብሔር እንዘ አግብርተ ኀጢአት አንትሙ ተአዘዝክሙ በኵሉ ልብክሙ ለዘተውህበ ለክሙ አርኣያሁ ለዘትትሜሀሩ። ወይእዜሰ ተግዕዝክሙ እምኀጢአት ወተቀነይክሙ ለጽድቅ።