Mavhesi emuBhaibheri Ane Mukurumbira kubva kuna Wongeela Maatewoosii 27

Pakurirana nevamwe

Gara sa'aatii sagaliititti Yesuus, “Elo'ii, Elo'ii, lamaa sabaktanii?” jedhee qoonqoo guddo'oon iyye; akkas jechuun, “Waaqa kiyya, Waaqa kiyya, maaf ana lakkitte?” jechu'u.

Yennuma san gollaan Galma Waaqaa keessaa gubba'aa haga gadii addee lamatti tarsa'e. Latti tachoote, rassaalle dadayya'e. Irreensotille banamanee, kolbaan Waaqaa ta duute keessaa worri hedduun ka'ane.

Achiin duuba Yesuus ammalle qoonqoo guddo'oon iyyee du'e.

Ajajaan dhibbaatii fi worri isa woliin Yesuus eegaa turane, tacho'a lafaatii fi waan te'e yennaa dhaggane, guddoo sodaatanee, “Dhugumaan nami kun Ilma Waaqaa ti” jedhane.

Orraa sa'aatii jaan jalqabee haga sa'aatii sagalii latti duudiin dukkanootte.

Philaaxoos, “Yesuus ka Masiihii jedhame maan godhu ree?” isaaniin jedhe. Isaan martinuu, “Inni fannifamuu ti!” jedhane. Achiin duuba inni, “Maaf? Inni yakkaa maan hujeera?” jedhee isaan gaafate. Isaan ammoo, “Inni fannifamuu ti!” jedhanee iyyanee hogisane.