Mavhesi emuBhaibheri Ane Mukurumbira kubva kuna Roma 6

Pakurirana nevamwe

Ado snadu qnquwan noda we hhuqil. Wano bnege huwe Utux Baro, meniq ta Kiristo Yesu Bukung we kiya ka niqan uka psteqan knuudus.

Uxe mpbukung yamu ka qnquwan noda, ado uxe namu ga truma gaya ka yamu, ga namu meniq truma huwe Utux Baro da.

Maanu so kiya de mnoda ta ptgaya psino mremux ta hnqilan na ma, theyaq ta heya reesan. So noda ta we maha psbgurah muudus ka ita uri. Mntena Kiristo mnoda knledax Tama muudus peeyah hnqilan.

Iya bqani qnquwan noda meepah naqah noda ka heyi namu uri. Pntena so seediq mnuudus peeyah hnqilan ma wada na sbege Utux Baro ka heya na. Sbege Utux Baro meepah uka qnquwan noda ka heyi namu.

Klaun ta, wada msuupu heya spteetu jyujika ka seediq ta cmucac. Kkuuka beyax heyi qnquwan noda ma uxe ta pptqliyan qnquwan noda dungal.

Maanu so kiya, yamu uri mphuqil namu meniq ta ckceka qnquwan noda uri ma, pkdusun ta Utux Baro meniq ta ckceka Kiristo Yesu.

So kiya de maanu ka rrengo ta ho? Tduwa ta meeniq ckceka qnquwan noda prana ta huwe ho? Uxe ba puso kiya! Wada ta mhuqil quri qnquwan noda we huwa ta kesun muudus ckceka qnquwan noda nana ho?

Ini namu klai peni? Nasi namu sbege mptnqliyan ka yamu nanak we, ima ka thiun namu de mptnqliyan namu heya. Uxe uri we, mptnqliyan qnquwan noda betaq wada mhuqil. Uxe uri we muyu mptnqliyan na mthei betaq wada dehuk mpknsderux noda.

Qrasun bale ka Utux Baro! Ado ani namu nak pntqliyan qnquwan cuuxal we, saya de, peeyah lhebun namu muyu bale ba kari wada sgarang yamu. Kiya uri ma, wada namu na lhlahun peeyah qnquwan noda mtnqliyan namu knsdrexan noda di.