Mavhesi emuBhaibheri Ane Mukurumbira kubva kuna Roma 3

Pakurirana nevamwe

Ado wada moda qnquwan noda ka kana seediq, ini pttuuku knledax Utux Baro. Kiya de saya we wada mangal huwa Utux Baro. Spooda na ckceka pkuudus Kiristo Yesu ma ngalan na uka qnquwan noda.

Ado snhii Yesu Kiristo uka qnquwan Utux Baro we sbege na kana seediq snhii. Nii we ini na psnaki

Utux Baro we pheyu Yesu Kiristo smalu snapuh psruwa qnquwan noda. Nii we mnoda dara Yesu ma snhiyan ptraun na ka uka qnquwan noda Utux Baro. Ado maangal knremun ma knuglahang lhebun na smruwa qnquwan noda daha tgberah. So maha ptuura uka qnquwan na. Kiya we klaun seediq Utux Baro we uka qnquwan na ma wada na kesun uka qnquwan noda ka seediq snhii Yesu uri.

Maanu so kiya de kana muudus niqan heyi ma dara we uka ani 1 ka ga ngalan msderux noda ado noda na gaya meeniq berah Utux Baro. Ado mooda gaya klaun ka qnquwan noda.

Mntena so pnatis Patis kari Utux Baro: “Uka ka seediq uka qnquwan, ani 1 uka. Uka ka mkela na, uka ka migin Utux Baro. Kana seediq wada elu mridil, kana daha we mquri pkuuka. Uka ka qmeepah malu. Ani 1 uka.

Maanu so kiya klaun ta, ado snhiyan wada kesun uka qnquwan noda ka seediq, uxe noda ta gaya.

Ida uxe so kiya! So nii ka kari, bale ba ka Utux Baro ma mberiq ka kana seediq. Mntena pnatis Patis kari Utux Baro: “Mseang su rmengo kari ciida we ptuura su msderux ooda. Psgeegun su daha ciida we maha su mbeyax rmengo.”