Mavhesi emuBhaibheri Ane Mukurumbira kubva kuna Mi Ñama 7

Pakurirana nevamwe

O Diedo den yedi Musa : «Diidi, n baa teni ŋan tua nani U Tienu yene Faraon po. A kpelo Alono , o baa yaa tie a saawalipualo.

Mini, n baa teni Faraon pali n juagi, n baa pugini n sinankeeninba leni mi bancianma Ejipiti diema nni. Faraon kan cengi yi maama. N baa maani n nuu Ejipiti po. N baa teni ke n toagola, ya n tie n niba Isidayeli yaaba yeni n ña Ejipiti diema nni leni u paalu.

Ejipiti yaaba baa bandi ke n tie Li Miali Diedo, min baa waani ba fala yaa yogunu, ki teni Isidayeli yaaba n ña bi siiga.»

Ama Faraon den yini bi yanfuodanba, a lingida leni Ejipiti ñoagidanba, bani moko den tieni laa bancianma leni bi ñoagi. Bikuli den luni bi gbiami ke yi tua we. Ama Alono yaa gbiamu den nali bi yaa gbiami.

Li Miali Diedo maadi a yaa maama n tie ne: Line n baa teni ŋan bandi ke n tie o Diedo. N baa pua u kpenciamu ñima leni yaa gbiamu n ye n nuu nni, mikuli baa kpandi soama.

«Li yaa tie ke Faraon maadi leni yi ki yedi: ‹Tieni n po mi bancianma,› ŋan yedi Alono: ‹Taa a gbiamu ki lu u Faraon nintuali.› U baa tua wa.» Musa leni Alono den gedi Faraon kani, ki tieni nani o Diedo n den yedi ba maama. Alono den luni o gbiamu Faraon leni o naacenba nintuali, ke u tua wa.