Mavhesi emuBhaibheri Ane Mukurumbira kubva kuna Mataji 21

Pakurirana nevamwe

Neke na kye mwińilika, ngana mwińilikila mululapangilo neke muhandze nukufuvwa, apo fyonda, fye muńilike, mulanukila fyonda.

Neke lino baho Jesu apilusage atigilage: ndakyene unene ndikuvavula nditigila: ngana ndakyene muli nalo ulufuvo, ngana musikwiganisa, apo musi-vonesa gu mwitu ugu ugwa mudzombe gwene na juńeńe, hamu, apo na ki kidunda iki mulakilonga mulakitigila: vwikukupule kuno, ukitage muńandza jila, apo mulavona kikwikukupula kikwitaga muńandza.

Neke baho avanu amapuga navalongwe navakumbele neke valumbage vatigilage: hosijana, umuswamuve va Davidi, alumbwage, je ikwadzila mwitavwa lya mutwa, hosijana kukyâńa.

Neke alongage nulwa kuta: lolilwe ulwa kuta: „ińumba jangu jilatambulwa ńumba ja kulapangilila,“ kangi uńeńe mujidzusidze manga ja vagonadâsi.

„Mumulongele use-Sijono mutigilage: lolage umutwa vako ikwadza ukwako, umulele, angalye pambûnda, pandzăna ja mbûnda ińakutegula.“

Neke umwene Jesu atigilage: uńeńe musina muluvona ponu pahâte ulwitigila: „Lye liganga iligunilwe kuvadzenga-ńumba, lye lyene kangi lihambwise ligangalya pakipungu? Aligite evo ju mutwa, atigye livedzage lya kudzuma unefwe, pe tukulilola.“

Kye ndilesile nigilage: uvutwa vwa Nguluvi vulańagwa ukweńu, valadapa avanu avangi hela, aviveleka idza vutwa vwa Nguluvi.