Mavhesi emuBhaibheri Ane Mukurumbira kubva kuna Apastil Nani Sturka 1

Pakurirana nevamwe

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Bara Jisas pana baha nani ra win: —Man nani ra maikras sa ahkia, apia kaka dîa piua kabia Aisa mita diara nani daukaia luki ba tânka pliki kaikaia, kan witin baman sika baha diara nani daukaia karnika brisa.

Witin kau apastil nani wal aikuki asla iwi kan piua ra, baha nani ra naku win: —Man nani Jerusalem wina taki anira wapara. Aisa mita ai Spiritka yaia pramis aisin dukiara yang mai wisatna ba, bîla kaiki bas. Kasak mai wisni: Jan lika upla ra lî ni baman tahbi dauki kan, ban sakuna, kainamra kau yu kulki man sa, man nani lika Spirit Holikira ni tahbi mai daukan kabia.

Jisas pruan wina buan ningkara, yu 40 witin apastil nani ra ai wîna param taki kan. Sain nani wal mariki kata nahki witin ba raya sa, bara Gâd king aimaki ba lâka dukiara sin aisi kan.

Diara nani aisaia bri kan ba sut aisan ba ra, apastil nani mawan wina Jisas ba mahka kasbrika purara uli wan; kasbrika kum bâk brih dimi tiwan, bara witin nani bui Jisas ba kli sip kaikras kata.

Witin nani kasbrika purara ai nakra buki kaiki kan, Jisas uli auya kan ba ra, baha piua ra waitna wâl kwala pihni dimi witin nani lamara bal takan. Baha nani bila: —Galili waitnika nani, ¿dîa kan man nani kasbrika purara kat ban kaikisma? Baha Jisaska man nani tilam wina kasbrika purara uli wan kaikram ba, baha natka kat witin kli balbia.