Mavhesi emuBhaibheri Ane Mukurumbira kubva kuna लुआह 15

Pakurirana nevamwe

बिधाता बोलअ तिन्‍नां लै इहअ बी, “हुंह आसा थारअ परमेशर बिधाता, हुंह करा तम्हां हारी-बमारी का राम्बल़ै। ज़ै तम्हैं ज़िहअ हुंह बोले तिहअ ई करे अर मेरअ बधान अर हुकम आद डाहे, तै निं हुंह तिन्‍नां बमारी तम्हां सेटा एछणैं दैंदअ ज़ुंण मंऐं मिसर देशे लोगा लै छ़ाडी।”

परमेशर आसा मेरी तागत, मुंह बोल़णीं तेऊ लै गिह, किल्हैकि तेऊ किअ मेरअ उद्धार। मुंह करनअ बिधातो भज़न अर तेऊए ज़ै-ज़ैकार।

हे बिधाता, देअ-देबी मांझ़ै ताह बराबर कुंण आसा? एक बी निं! ताह ज़िहअ माहा प्रतप्पी अर पबित्र कुंण आसा? कोहै बी निं! ताह ज़िहै महान च़मत्कारे काम कुंण सका करी? कोहै बी निं! ताखा लागा सोभी डरनअ अर सोभी लागा तेरी ज़ै-ज़ैकार करनी।

ज़ुंण लोग तंऐं बच़ाऊऐ, तंऐं नढैऊऐ तिंयां झींण अर झ़ूरी करी आप्पै। आपणैं बला करै रहैऊई तंऐं तिन्‍नां का पबित्र ज़ैगे बात।

खिरी पुजै तिंयां मारा नाओंए ज़ैगा, तिधी भेटअ तिन्‍नां पाणीं पर सह थिअ एतरअ कल़ुअ कि तिंयां निं तेता झुटी सकै, तैही आसा तैहा ज़ैगा नाअं मारा पल़अ द। इज़राईली मणछ लागै इहअ बोली मोसा लै बखर्दै, “मोसा, ऐबै खोज़ बै तूह ई, हाम्हां किज़ै झुटणअ?” तेखअ लागअ मोसा बिधाता सेटा मज़ती मांगदअ, बिधाता खोज़ी मोसा का एक बुटी, संघा बोलअ मोसा लै कि ऐहा बुटीए एक काठी चोल़ी पा तूह पाणीं जैंदरी। मोसा किअ तिहअ ई अर पाणीं हुअ झुटणा लै बधिया। इधी परखै बिधाता आपणैं लोग अर ऐहा ई मारा नाओंए ज़ैगा दैनअ बिधाता तिन्‍नां लै ज़िन्दगी ज़िऊंणेंओ बधान बी।